影片
从来冇写过食评，但今次食完龙拉面之后，实在唔写个负皮唔得碗拉面啲云耳完全冇味拉面嘅份量又细拉面嘅质素好似喺阿信屋买一包面煮嚟食咁只溏心蛋又好咸块叉烧好似稍为好少少，但食落去都好唔新鲜最重要系个汤底完全冇质素可言，好似开粉嘅汤如果40至$50嘅价钱我觉得可以接受呢个质素但系佢至少$78一碗，真系完全唔值连笋都冇食完真系觉得好唔愤气饮品选择有汽水和波子水总共有三款拉面可以拣俾佢好似好劲嘅装修呃左我一定唔会再去食第二次
继续阅读
(跪求看晒此文先好去考虑去不去食,因我后悔没看openrice去食咗间垃圾！)十月七日晚，我一人拖著疲倦…而且肚饿到核爆嘅身躯，行过呢间所谓嘅拉面店，首先我选好面之后付款，就到隔离店面入座…………等…………等………等………其间隔离煮面位就喝采声………同大声讲大声笑，我都不以为然………之后见到男侍应好抱歉地对先过我嚟嘅某客人致歉，原来某客人已经等咗好耐………再经我细心观察发现，原来煮面男挂住一路饮酒，一路招呼佢自己嘅朋友……好啦～～～煮面男班朋友走，先至见到一班拉面岀嚟………一岀岀六七碗………见到我都无言………咁钱到比咗，又肚饿………一嚟就紧系食～点知嚟错面………系辣嘅………真系食唔到………咁个男侍应见到即时同我换………其实边碗面去边到………系煮面男先知………系佢自己搞错………其实碗面真系唔好食，因为都无心煮个面比你………而且只系扮日式拉面………得个样比你，就收你日式拉面嘅价…………(即系明明买咗飞睇林峰演唱会点知演唱会一开系胡枫，摆明揾笨实)食食下………其间个没酒量又要饮嘅煮面男就不停系到揾咩原因点解会比错面………就大爆一句“小小辣都唔食得”咁我一听到呢一句即系话“作为人客嘅我就算你煮乜嚟乜…食唔到都要食咗佢？？？？？？？”呢一下～男侍应一听到咁就安慰我………尝试平息我嘅怒火………但之后个煮面男就叫咗男侍应去面位到照肺…………其实个男侍应好惨………佢无做错过事………佢克尽己任………反观系个煮面男嘅问题…………四个大字讲晒……****品行极差****你重想食呢间……………走过去隔离食碗粥………食碟肠粉算吧啦………
继续阅读
几年前新开张食过一次，当时只系得一个铺位，六个位食拉面。今日已经变成两个铺位，客人坐嘅位置自然都阔落左，食都食得无咁拘谨。第一次食个阵对厚切日式叉烧印象深刻，事隔咁耐，依然保持到水准，用料非常充足。上次食「白龙」，今次试下「黑龙」，叉烧固然又厚又好味，而樱花虾同黑松露都好足料！汤底浓得黎感觉唔会太腻，配合幼面个口感好好味，仲有全只溏心蛋都非常出色，如果有埋竹笋就完美啦！支持小店💛尤其好欣赏店主唔贪心，只卖三种拉面，白、黑、赤三款都各有特色，追求素质而唔追求数量👍🏻
继续阅读
今次都系讲拉面。 屯门区别一间我同朋友都好喜欢。 比较近市中心， 由坐得8个客架小店变成两间店架铺头。 老板有心机做面， 同声同气香港人， 汤底有白， 红， 黑龙。 分别是猪骨汤， 担担面辣辣地， 黑松露。 各有特色， 清清地食白， 辣辣地食红， 重口味啲食黑。 叉烧够厚， 每旧上枱前老板都会烧香， 糖心蛋都好入味。 面底， 叉烧， 蛋都可以加。 不过大家叫果时量力而为， 叫多左， 食唔晒老板会唔开人架。 要饮两柸架朋友可以叫酒嘅， 但因不是居酒屋， 所以有人排队就饮完就可能要去其他地方先慢慢饮啦。 😁好食嘅拉面， 一般都汤底比较浓同高卡。 怕肥架朋友， 都是食点菜和生果先去食就会健康一啲啦。 😋
继续阅读
好耐之前去食过，个时剩系得吧枱位，系舖头出面排队，排到咁上下就会有人叫你落左单先，选择唔多，得几款俾你拣。舖头细细，个厨房已经霸占左一大半既空间，两个厨师系入面整野食，再一个L型既食客位，个个围住个厨师食面，坐得未算最舒适，但都可以接受既，底底有个篮俾你放杂物，仲有成个水煲俾你自己斟水，设计都几贴心。钟意食辣既我就叫左个赤龙，佢系中式担担面汤底黎，而我本身就麻麻担担面既，因为觉得佢要辣不辣咁，唔知想点，但依个担担汤系辣既，所以尚可接受，而其他野，例如粟米、木耳、紫菜同蛋个啲就基本野啦，冇咩好讲。但个叉烧就真系要赞下，厨师切开叉烧后，应该系再用火枪烧一烧（唔知佢用咩烧啦，应该系火枪），食落好香口，平时我食拉面会觉得啲面同个汤系主角，今次依碗，个叉烧真系抢晒foc。好！好！食！但佢扩充左之后，好似多左好多负评，好似冇左之前既水准，要考虑下先会再去食
继续阅读