29
5
4
港铁中环站 F 出口, 步行约1分钟 继续阅读
所有分店 (16)
电话号码
25309557
开饭介绍
优雅高贵的英式甜品店,位於人流旺的地铁站内,地点便利 继续阅读
营业时间
今日营业
10:00 - 19:00
星期一至五
09:00 - 21:00
星期六至日
10:00 - 19:00
付款方式
Visa Master 现金 美国运通 银联 JCB
其他资料
电话订座
招牌菜
芒果拿破伦 软心朱古力 意大利芝士蛋糕
食记 (41)
等级4 2019-09-21
41 浏览
无论系散水饼定叫tea食 龙岛都可以系个good option 好多款选择 而且包装得好靓 颜色又鲜艳想食朱古力味 朋友想食木糠布甸又有 想食浓啲嘅朱古力 又或者甜啲嘅朱古力都有啲饼就$20-$50 不等 佢有啲款仲可以买第一件之後第二件半价咁都平左啲㗎 我最锺意就系佢有一啲甜品系用杯装嗰杯啦仲可以之後recycle用喺屋企装下甜品啦装下首饰啊都可以都几得意可爱㗎就好似呢一款朱古力我本身仲以为佢成件都系朱古力点知外边嗰层我食极都食唔到先知道原来佢系硬嘅可以recycle装下其他嘢 继续阅读
(以上食记乃用户个人意见 , 并不代表OpenRice之观点。)
等级8 2019-04-01
1901 浏览
唔少朋友都知小弟一向喜欢食曲奇,亦有写开曲奇系列嘅食评,最近就收到一份「鬼马」嘅「港式茶餐厅风味曲奇礼盒」,将茶记特色融入啲曲奇当中,出品喺嚟自本地品牌「龙岛」,搞到我都专登落番去佢哋嘅铺头了解多啲。「龙岛」依家嘅产品越出越多元化,但今次主要去睇吓佢啲特色曲奇,原来共有两个系列,最正斗喺两款嘅包装一红一绿,均用上怀旧冰室嘅格仔砖图案,极有心思。红色嘅称为「红宝石」,口味包括:香甜杏霜、奶酱多、浓滑鸳鸯、避风塘炒蟹、沙嗲牛肉及杨洲炒饭,够晒搞鬼,份量分16片($108)及30片($188),依家仲有买2送1添。另一款绿色嘅名为「绿宝石」,口味包括:菠萝油、红豆冰、冻柠茶、姜柠乐、鲜虾云吞及豉椒,同样够卓头,,有亮点,份量都喺分16片($108)及30片($188),一样有买2送1添。而我收到嘅喺「红宝石」30片装曲奇礼盒,打开内盒,再附有单张介绍6款「港式茶餐厅风味」曲奇,全部都独立包装袋好,最欣赏喺内盒设计,可以将每一片曲奇卡住,唔会晌拎嚟拎去时撞散啲曲奇,但相对就无咁环保啫。浓滑鸳鸯曲奇咁多款式,最易估到喺佢,因为喺鸳鸯色吖嘛!浅色嗰边喺奶茶,深色嗰边喺咖啡,入口几松脆,但味道以奶茶嗰边出啲,不过,话时话,个茶味就似伯爵茶多过奶茶喎。避风塘炒蟹曲奇咩叫「避风塘」呢?相信好多人都知,简单嚟讲就喺主要以大量炸蒜所做嘅菜式,所以,睇到啲曲奇表面都黐上唔少炸蒜,食落仲有少少辣味,当然,蟹肉欠奉啦,但咸香惹味,感觉几过瘾。沙嗲牛肉曲奇比起块避风塘炒蟹,呢块沙嗲牛肉就坚啲喇,因为真喺有牛肉粒架。曲奇明显混有牛肉乾粒粒,啲牛肉粒咬落口感烟烟韧韧咁,以及沙嗲味都颇突出,果然好搞嘢。杨洲炒饭曲奇但喺,如果讲到搞嘢,小弟就投杨洲炒饭曲奇一票,因为细心啲睇,曲奇面真喺铺咗啲脆米、虾米(应该喺啲虾壳碎而已)、「叉烧」粒,最抵死喺有埋青豆嘛,入口就当然无杨洲炒饭嘅味道啦,只喺口感丰富咗。香甜杏霜曲奇最正路,亦最平实嘅一款口味,香脆嘅曲奇带有浓郁嘅杏仁香味,虽然味道唔错,但始终相比起其他,就显得无乜个性。奶酱多曲奇与其叫「奶酱多」,简单叫「花生曲奇」贴切少少,因为奶嘅味道就唔太明显,倒喺花生味较突出,而且,添咗花生碎,食落更有口感。老实讲,虽然啲口味会有种「骑骑呢呢」嘅感觉,但食落又唔错喎,唔会太古灵精怪咁,真喺有啲茶记风味,咁富本土特色,送俾朋友确喺几过瘾啫。 继续阅读
(以上食记乃用户个人意见 , 并不代表OpenRice之观点。)
等级4 2018-02-20
982 浏览
It is hard to find a decent birthday cake. Fortunately bought one there with discount The brithday chocolate plate is free , so great that no need to add extra money to buy itThis is Oreo favourite, the sponge cake layer is chocolate . Decorated with cute bear and bunny chocolate. In general the decoration chocolate never taste good. Out of my expectation, the chocolate added chunky crispy rice grained. Despite the chocolate is too sweet for me, it is much better than many cake shop 继续阅读
(以上食记乃用户个人意见 , 并不代表OpenRice之观点。)
等级4 2016-05-03
2688 浏览
今日收到朋友送黎既龙岛曲奇一盒, 入面有成10款cookie, 味道有d都几特别,例如芝士朱古力, 亚麻籽曲奇, 小红莓曲奇咁, 曲奇饼食落好香脆, 好香牛油味, 只系个饼底已经做得唔错, 而各款味道都几好食, 特别系士多啤梨味, 酸酸地味道几natural, 好夹个饼, 同埋其他莓类既曲奇都好味道, 感觉健康d, 其余朱古力果d就不过不失, 最特别系芝士朱古力曲奇, 朱古力曲奇上面铺满左芝士粉, 食落咸咸地又有朱古力味, 都系唔错既~ 同埋亚麻籽曲奇食落好香口, 好似芝麻味咁, 几欣赏呢度既曲奇口味创新~~ 继续阅读
(以上食记乃用户个人意见 , 并不代表OpenRice之观点。)
等级3 2016-04-24
1540 浏览
今日有同事派散水饼,我拣左呢件拿破仑榛子蛋糕,贪佢细细件够精美。旦糕上层有好多榛子粒粒,非常香脆,但下层既拿破仑蛋糕口感麻麻,饼层唔够层同有啲林林地,旦糕亦唔够香同比较蓬松,好似食紧空气咁,呢件旦糕要成三十几蚊,好唔抵食! 继续阅读
(以上食记乃用户个人意见 , 并不代表OpenRice之观点。)