龍寶酒家

营业中

休息中

今日食完我頂住帽子嘅【椒鹽豆腐】，真係鬼食得噏！外皮金黃色兼爽脆，入口即溶👅，熱辣辣一啖咬落去，簡直美味爆燈💡！同埋，【炸大腸】都正到不得了，外面那層脆皮完美包裹住香滑嘅大腸，啖啖肉真係過癮到不行。再講吓呢個【醃辣青瓜】，酸酸辣辣，開胃得嚟又解膩，完美拍檔無類！話說返，今晚最大嘅驚喜，當然係主角【乳鴿】啦，啖啖肉感，皮脆肉香，飛到雲霄！話明咗，呢啲嘢絕對係港味十足，同屋企人一齊食，真係滿滿嘅幸福感。飽嗝一聲，飽腹之餘都抵得佢幾個讚👍！唔可以唔提拉【拉斯維加斯蟹】，肥美嘅肉質，烹煮得啱啱好，有種隆重嘅享受感，夠晒霸氣！架～😌總之，第一次嚟到呢度食，感覺真係好正，幾“掂”嘅感受，食物夠晒正宗香港口味，真係要俾個like！食客朋友，唔洗諗咁多，照食無錯！🍽

朋友話呢間酒樓唔錯就試下先，又可以坐得耐乳鴿做緊特價，每隻20蚊左右原隻上，冇幫我哋斬件，原汁原味，乳鴿皮脆多汁幾好味！椒鹽豆腐普通，唔算好香脆，但豆腐幾滑炒通菜，正正常常

下午茶4個人叫左6樣點心時菜蒸鯪魚球一般鯪魚味吾夠黃金什果沙律卷沙律醬太甜翡翠大中蝦腸粉內裡有大量的生菜潮州蒸粉果粉皮太厚啦家鄉煎鹹薄餅呢好做得好好食😆香煎蓮藕餅本人都係喜歡蓮藕係爽脆的口感

小菜酒家👨🏻‍🍳蒸魚的主要特點之一是保持了魚肉的嫩滑口感。蒸的過程使魚肉受熱均勻，保留了其天然的鮮美口感，同時不會過度煮熟，讓魚肉保持了嫩滑和濕潤。蒸魚通常以簡單的調味料和清淡的湯汁進行調理，突出魚肉本身的鮮味。這使得蒸魚成為一道健康的選擇，尤其受到追求清淡飲食和健康生活方式的人們的喜愛。蒸肉餅的特點之一是肉餅質地柔軟嫩滑且多汁。通過蒸煮的過程，肉餅保持了充足的水分，使得口感更加細膩，並且肉質更加嫩滑。蒸肉餅的調味通常比較清淡，以突出肉類的鮮味。一般會添加一些蔬菜、香草和調味料，如蔥、薑、蒜等，增添風味，但不會掩蓋肉本身的原味。

吃過節飯為遷就長老就幫襯了住所附近的酒樓，猜不到竟遇到從未試過的體會，真嘆為觀。我訂了一圍4千多元的圍菜，因改用蟹鉗，又加多二百多元。他們給了一張不太大的枱給我們12人坐，叫上菜，先上一個熱薰，不夠五分鐘再來一個熱薰，上埋一隻乳豬後，立刻又上翅，無地方放，前面的食物都沒時間吃，就要我們自己安排怎樣放那些菜，每人一碗翅後，又上魚，不只是魚，燒鵝，炒飯，麵，糖水，壽飽都一齊出，食物都不知放什麼地方，服務員態度很差，還說若要放在你後面的枱，不見了我們不負責，我都噢嘴😯這是誰叫他們把所有餸一齊出啦！食物質素又強差人意，翅是暖的，鵝掌是不熟，糖水是涼的，蟹鉗如蝦棗細，說過不要杏片，就偏偏有杏片。這樣的一餐過節飯，只此一次，永不回頭，失望

行過葵芳間間都要排隊唯獨龍寶可以即刻入座屋企人想即刻坐唔想等唯有焗住試下無人食原來真係唔會無原因等左勁耐，幾個人一齊揮手個個樓面都扮睇唔到隔離幾台都爭部長夾硬截住一個侍應但服務超級差後尾野食仲落錯埋叫蟶子就黎扇貝叫白飯 數量又錯全晚得個啤酒promoter 女仔殷勤少少（識做 即刻幫佢買枝酒）雖然已經係不抱期望入去純粹想陪屋企人食飯但野食全部都可以令你更加失望低處永遠未算低啲服務差到我一張相都唔想影大家諗清楚先去

已經食過無數咁多次龍寶嘅乳鴿 真係每次食完都會令人掛住嘅味道👅原隻上的乳鴿真的不是每間酒樓也可以吃到而且每隻都幾大隻 又多汁🤤都係$48/隻真係好抵食👍🏻還有一次性手套提供·🦐蝦米粉絲雜菜煲 $88好大一煲 個湯幾好味😋🤤·🧆豉椒炒涼瓜片獲氣小炒 果然酒家的小炒真的特別好吃😋而且 份量也是很多 餸飯食一流👍🏻·🥬蠔皇北菰扒鮑螺片超大隻冬菇🥹超有足感🥹·最後還會有個甜品送 係橙🍊😂要自己切啊🤭

龍寶餐廳嘅$3988全包餐🍽️😄首先，我要講下呢個全包餐嘅菜式。十個菜式嘅選擇同一般茶樓差唔多，唔算特別出眾。不過，佢嘅優勢係菜式上嚟嘅時候都好熱辣辣！特別係佢嘅炸品，炸得鬆脆可口！每一口都帶出嚟熱騰騰嘅口感，加分！🍗🔥😋另外，龍寶餐廳嘅地點都好方便！就喺地鐵站出嚟，真係好容易揾到！唔使行好遠，方便嘅地理位置絕對係個加分嘅因素！🚇🗺️🎉總括而言，龍寶餐廳嘅$3988全包餐係一個平實嘅選擇！菜式同一般茶樓相似，但炸品嘅口感真係出色！🌟🍽️🎉

同屋企人去食飯，見到花膠雞煲$168，諗住試下啦，點知食到一半見到有蟲，即刻無晒胃口，就搵職員講聲啦，點知個紅色外套冬菇頭女侍應當睇你唔到 。咁嘅服務態度，點會再幫襯啊。

太耐冇返香港，陪老人家飲茶知客叫我哋入去搵位， 唔俾飛，但都無吉枱，企人哋張枱隔離等，好耐冇試過😂好似返咗20年前嘅香港。由於冇人落單，自己行出去俾單 紅色外套長髮女侍應，佢好惡，叫我行去cashier 落單 , 明白而家好難請人，但對人基本嘅禮貌 可唔可以有？ 雖然少少唔開心， 但唔會將人地錯誤懲罰自己☺️ 食物質素 唔錯，好有20/30年前香港舊式酒樓味道，有少少偏鹹，好似Chinatown舊香港酒樓燒賣 蝦餃 蝦春卷 腐皮卷 腸粉 都好味😋 如果有選擇 我唔會推薦 老人家小朋友都唔適合更加唔會帶外國朋友黎， 擔心影響香港形象

成大班朋友咁耐冇見就約去酒樓食飯，一圍圓枱傾下計開心下環境一般又傳統既格局，諗起細細個去既酒樓通常都係咁，夠哂親切😂叫左個大約$2688 既全包宴大大舊，肉質好滑，唔會太鹹紅燒BB乳豬全體全隻上，要自己切，staff 唔會切個皮燒到卜卜脆，豬肉都熱辣辣，bb 豬肉都唔會諧口，好好食西蘭花肉片炒帶子正常發揮，帶子都幾大粒，肉片都幾滑紅燒雞件正常，都唔會話好諧，但略嫌鹹左d之後有幾樣餸唔記得影，因只顧住食仲有個翅，魚，炸蟹鉗，鮑魚生菜，炒飯，壽包，橙特別要讚條魚蒸得好好食，好滑，個豉油汁汁又甜

食到一肚氣著西裝疑似經理人士態度惡劣，叫一隻乳豬$328，埋單時發現收6百幾叫西裝人士嚟問下，話要9人先有全隻優惠$328，但現時疫情只可8人一枱點可以坐9人呢，仲要話唔會枱枱講清楚，只可以講所謂優惠要自己睇清條款

因為openrice無恒景店資料就係呢度寫啦。貪個新店開張優惠就去試一下，坐下去的時侯，見到張檯唔係好乾淨，不過都不是主要問題。我同家人點了燒鵝、花膠雞煲、櫻花蝦蟹肉粉絲煲同椒鹽炸鮮魷。燒鵝質素都ok，不過個花膠雞煲，湯好鹹，有少部份菜有酸味，而且好多係豬皮並唔係花膠，加上個服務員上個煲又無俾個爐就好奇怪，要搵人先要。另外就個粉絲煲，半煲椰菜，粉絲好少又勁少蟹肉，不過味道都講得過。最後個鮮魷都一般般，茶餐廳水平。食左六百幾，13％服務費＋茶位都接近100。唔抵，服務態度都一般，唔知有咩自信收13％。個人主觀感覺，希望對大家有幫助

相約親友們聚一聚舊，一行18人，分了3枱。酒樓空間十分寬大廣闊，枱與枱有足夠距離整體味道都可以鹽焗雞$10晚市優惠6選1 （龍蝦、燒鵝、乳鴿……）真心超值，雞滑，唔算好肥，有驚喜星洲胡椒花膠雞煲$198味道都濃，夠滋補，是好飲的蝦碌上湯伊麵份量還可以，味道可以燒味拼盤櫻花蝦蛋白大蠔餅$148蠔仔唔算太小，但好有蠔味櫻花蝦較細，唔係好睇到，炸的好香脆鬆化，呢個值得一讚大石斑兩味$268呢個set都好超值，仲有兩個椰青送味道都唔錯，份量都還可以，魚新鮮唔腥

認真抵食甲大件半隻乳豬$168自己切要幾大幾細都得…爭d想自己一個食晒🤣😂花膠雞..大大塊花膠.份量足6大塊.半隻雞.湯有成10碗其他小菜都係合格之選圖中餸菜加4支大啤幾個飯$1168/5人落樓爆肚仔🤪係環境舊d…旦舊酒樓就係咁🤣😂🥰😍