影片
酒楼地方挤迫，坐在近走廊，人来人往，感觉不舒适，一行四人，叫了个198元套餐，有3个点心，1个小食，1碟炒饭，先来小食咕噜肉，份量少得可怜，有4-6粒菠萝，5粒咕噜肉，但另一碟咕噜肉份量比较正常，我们要求换碟正常咕噜肉，但个部长黑口黑面声称这碟是怜桌的，但我们坚持要换回正常份量个碟，最终喃喃自语才换回给我们，之后来了2笼烧卖，我们话只叫了1笼，头先个黑面部长急急脚走来，话这笼烧卖不是我们，我们点的套餐，每笼只得2粒烧卖，我话餐纸无写明得2粒，佢话系无写明就走开了，我们o晒嘴，深感无奈😮💨，过了一阵，黑面部长又走回来，拿回原先有4粒烧卖给我们，被佢吹胀，身为部长连这些搅错，这间酒楼已给我们列入黑名单，永不光顾😭😭
继续阅读
这里的团年饭不用分上下围，所以早一个月前订了七点钟围茶。七点左右一家到齐，便通知酒楼员工起菜，系再次查询下第一道菜乳猪全体终于上枱，乳猪皮都几香脆，不过好肥冇乜肉。吃完乳猪等了半个小时，第二道菜仍然未上，向员工多次查询下，她们说己为我们反映，只能为我们茶壶加水，最有趣的是连经理都话啲厨师唔听佢讲，最后过了八点半，足等了个半小时才上第二道菜，彷佛全酒楼上完所有围菜才开始为我们做菜。年尾过节即使忙，酒楼总要有应对方案，不是要客人呆等，连要等几耐也未能交代，只是叫我们再等一等，难怪港人不想留港消费。最后这晚的菜色不如理想，鸡太咸，龙虾和鱼唔新鲜，冇乜味，翅只吃到胡椒粉味，笑口枣外脆内淋，唯一正常是糯米饭。呢间酒楼同其他同系酒楼以后都唔会再光顾啦。
继续阅读
见屋企人喺呢度饮茶都OK，而且你新开酒楼，仲可以加大坐16人都好舒服，所以提前同家人喺呢度食冬至饭，谂住会食得舒服开心啲，我哋order欢聚宴，可能呢间酒楼系新开，点知啲上菜阿姐连枱号位置唔清楚比较混乱，曾晚D𩠌好耐先一碟一碟上枱，食呢一餐饭三个钟头，有啲冇瘾。再讲原本菜单一只鸡就嚟错咗半只，好彩发现得早未食，另外一碟带子只得六粒，成晚最好味系碟烧鸡够味够热，其它菜味道就一般般啦又不够热，总之有待改善！
继续阅读
早前老豆朋友喺呢到摆咗几围, 食完返嚟劲赞.咁我地就揾个星期六去饮个早茶睇下系咪咁好啦. 先上嚟OPENRICE睇食评, 点心唔够热? 但我地今次样样都够晒温度. 应该系运作顺咗吧. 除咗个粥淡味啲, 个潮洲粉果皮厚咗啲啲之外, 其他点心都好正常吖. 早茶又有孖宝优惠. 算几抵喇. 坐得都唔算太逼, 唔使排队, 暂时都系一个唔错嘅选择.
继续阅读
朋友生日，一班人出嚟又想玩、又食饭，咁啱见新开酒楼，就试一试，果然唔错，冇选择错。星期六14人book咗间房，有两枱麻雀，又有得唱K，唱K音响唔错👍🏻，我哋14人食咗套餐，全包宴，我哋要求做个生日大寿桃包，酒楼好好，真系应我哋要求叫厨房整咗，整得仲好靓添。食物味道好，员工服务态度唔错，环境新开，干净卫生，我哋间房张枱劲大，可以坐到18人，仲有转盘系自动嘅。每人都系几百蚊就可以玩成日，唔错嘅选择😆
继续阅读