影片
今日去开葵芳见客....每次来我都会去葵涌广场呢间寿司店度食嘢....次次都食三个手卷.....点知今次比我发现咗佢哋推出左一个劲抵劲好食嘅海鲜丼饭真系抵到吓死你只需要＄68.....已经可以食到一个分量十足嘅海鲜刺身丼饭重要𠮶旧海胆出边食都要成＄30.....又有甜虾又有带子又有希凌与又有三文鱼....又有北寄贝又有泰式生虾.....呢间寿司店位于葵涌广场一楼大家乐对面平时食佢嘅寿司都觉得佢好抵食跟住见佢今次有个新餐牌....话＄68有成碗刺身食我心谂都唔方多得去边不过＄68是但试吓啦点知当老板娘比我嘅时候.....我当堂吓咗一跳分量超级多....而且好新鲜呢个餐加多＄4仲可以有汽水饮净系呢旧咁大旧嘅海胆都够照啦而且鱼生好新鲜带子都好大粒同肥美最后我加多＄48食咗一碟三文鱼腩刺身好冰冻好好食好老实讲....我谂呢间寿司店嘅海鲜丼....都应该平通全港九
继续阅读
葵芳有唔少写字楼, 间中都会去葵涌广场揾下平野食, 但一到lunch, 周围都要等位, 一个钟既lunch time时限, 其实唔系好多选择~ 工作量多时, 唔好话lunch等位食饭, 真系连坐低食餐晏都冇时间~今日见得闲少少, 经过葵涌广场近大家乐既位, 有间食刺身便当、寿司、手卷同日式小食…张贴左好多优惠价钱, 所以就吸引左我地去一试! 呢度既寿司饭都系加左醋既珍珠米做饭, 饭质比较黏, 同一般日式餐厅既差不多, 而手卷其中一个与众不同既地方就系手卷size比一般既为大, 单单系手卷, 食完都有些少饱肚感觉【海胆手卷】HK$38呢度既海胆有分唔同国家入口, 当然价钱亦都唔同, 今次我就order左呢个由韩国入口既海胆, 海胆份量都有成半板, 色泽金黄, 味道新鲜甘甜, 呢个价钱食到呢个质素, 真系抵啊!【卷之恋便当】HK$62便当可以转外带拎返公司食, 饭量非常多, 入面有三文鱼、海胆、帆立贝刺身, 一个价钱, 三种享受, 虽然三文鱼比较薄, 但肥美既帆立贝刺身同埋鲜甜既海胆都抢左唔少分数~ 食完成个饭, 很饱肚, 很满足! 制作时间算几快, 岩哂返工返学而又唔够时间lunch等位既朋友, 呢个一定系速买而又饱肚既其中一个好选择! 【炸软壳蟹手卷】HK$24足足有半只软壳蟹, 份量十足, 即叫即炸, 炸到脆卜卜, 炸浆唔太厚, 而醋饭份量都好足~ 【三文鱼饭卷】HK$18饭卷有六件, 每件既size比$5硬币更为大, 三文鱼粒粒都好厚身, 够肥美够新鲜, 都系抵食之选!
继续阅读
男朋友见到呢间手卷店有泰国版玉泉青柠梳打（$12）双眼发光，所以我顺便叫个手卷食。软壳蟹手卷即场制作，睇起上黎真系几大只。因为即场炸，所以都一定脆口。不过由于真系几大只下，所以食得有些少狼狈。饭嘅份量一如其他葵广嘅手卷，都系比较多，但就冇特别觉得酸。因为软壳蟹有一半突左出黎，所以食到后期会系白饭手卷，但情况都唔算严重。建议再外加沙律酱，可以减低油腻感。至于青柠梳打（罐装），男朋友话居然呢度有得买，有加分。
继续阅读