龍點心 (Eastcore)

营业中

休息中

聽朋友講話呢間啲點心幾好食幾有水準所以慕名而來，一去到店舖外在裝修真係有舊香港茶樓feel感覺幾良好，但一入到去只見全間舖頭員工只專心做外賣到會單，完全忽視堂食顧客。所有堂食顧客等咗超過20分鐘都完全一個點心都冇得食，只係睇住一盤盤新鮮點心出爐被用來包裝到會訂單，我無可奈何只好問店員幾時有得食，但佢只係話就嚟又就嚟有有啲顧客連茶都無得飲！尤其店舖經理陳先生態度異常惡劣！竟然可以同出面等為顧客講30分鐘後返嚟而家唔做你生意。雖然點心真係幾好食，但係咁嘅服務態度真係好難有第二次！

特登今日去試呢間點心，亦係我最後一次去。我俩公婆由1:58去坐低，店員陳生就話2:00後有8折優惠，好的，我覺得ok嘅，我話唔該！店入面當時有5至6枱客，之後2:00我哋就叫點心，就見到佢哋有6至7個店員搞緊到會嘅單，不久就聽到後面有位阿叔鬧：搞錯呀，坐咗十幾分鐘，叫咗多次茶都無，後來阿陳生行過去問：你想飲咩茶呀(好串嘅語氣)？到咗2:40分鐘，我發覺唔對路，因為一個點心都未到，唔明白點解只見到廚房每次出點心，都唔係比我哋呢？原來佢哋成班員工，只係掛住做到會張單，ok我知係張大單，但係咪唔使理我哋堂食嘅客先？我哋都係要比錢你的。後來睇到有另一枱客都等到唔耐煩，呢個moment 我哋真係火都嚟埋，我老公叫一位阿姐埋嚟，問佢係咪唔做我哋生意？係咪要等你哋搞完到會張單，我哋先有得食？係咪要全部人一齊無嘢食？好過份囉！最後3:00才有點心上枱，激到我哋都無晒胃口，拿拿淋食完就走，就算你哋d點心有幾好味都無用，因為你哋服務態度極之差，店員陳生，好心你檢討吓啦！

脆脆富貴紅米腸粉(炸兩)夠脆口一口鹹水角雪梨南北杏湯，唔係味精湯花旗參石斛雞湯，飲完冇頸喝鳳尾蝦多士，多士唔厚，咬落蝦都好香，炸得好好👍櫻花果凍天鵝酥，外皮係蘿蔔絲酥，入面係紅豆蓉(靚紅豆)整出嚟嘅甜點係好好食。(中間透明係👉大菜糕(櫻花果凍)底部係焦糖醬)龍餃子蟹粉菠菜香蝦餃 酸菜魚鳳眼餃 松露野茵晶瑩餃 筍尖蝦餃 各1隻）致敏原信息：堅果類：白芝麻龍燒賣懷舊燒賣 麻辣牛肉燒賣 番茄海鮮燒賣 龍蝦汁墨魚燒賣 各1隻）致敏原信息：堅果類：白芝麻

返工前和媽媽去食點心，試下依間。店內環境懷舊得來又色彩繽紛，非一般茶居相比。點菜以 QRcode下單與時並進方便快捷。美食選擇多款式，而且有別於傳統味道，試下新鮮野又無訪的。茶位 $8/位龍燒賣 $38一籠有四款燒賣。鹵水鵪鶉蛋燒賣：原粒鵪鶉蛋無咩特別，但令人懷緬昔日的點心。麻辣牛肉燒賣：牛肉餡料帶點微辣麻香味，惹味開胃，龍蝦汁墨魚燒賣：口感似食墨魚丸，彈牙爽口鮮甜。懷舊燒賣：蝦肉豬肉餡料十足，味道鮮美。龍餃子 $42一籠有四款餃子。皮薄煙韌，餡料十足。蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，多種配搭花了心思。松露野菌晶瑩餃：松露味香濃，配以野菌餡料，粒粒口感菌味十足。酸菜魚鳳眼餃：面層一片魚塊，餡料蝦肉酸菜，餡汁充滿微辣花椒味，味道刺激又開胃。筍尖蝦餃皇：餃身飽滿，大蝦餡料，鮮甜彈牙。馬拉小籠包 $42小籠包皮薄內餡多汁肉質扎實，肉骨茶味偏咸相當濃味。黑金流沙包 $32賣相討好貴氣十足，一咬奶黃瀉出流沙到爆。脆脆富貴紅米腸粉 $42以油炸鬼釀入蝦肉，再以紅米腸粉包住姐，又唔錯喎。賣相幾好，軟滑的外皮，脆脆的內層，爽彈的腸芯，層次分明口感豐富，沾上醬汁

觀塘開咗好多新商場，一想去門口竟然咁啱打卡，一隻大公仔仲配上特別顏色，唔係唔打卡呀嘛手機落單竟然有一頁必叫，然後快快脆脆成頁俾我落晒😂一籠大滿足 $46.4一雞幾味，一籠六隻，好似唐宮咁樣，有賣相有特色，打埋卡滿分💯脆脆富貴紅米腸 $33.6最鍾意食脆嘅腸粉，用咗紅米腸，更適合打卡香脆唔會過油，過口引一流，腸粉必食一口鹹水角$25.6的的骰骰既小可愛，一啖一粒，唔驚食到油淋淋，啱晒我打卡，份量啱啱好拉絲菠蘿包 $28.8你以為佢係平平無奇嘅迷你菠蘿包，其實佢係嚇你一驚拉絲芝士菠蘿包，芝士唔會令到個包好膩，而且影完相再搣都拉到絲，加分鰻魚荷葉飯 $62.4中西合璧嘅飯，鰻魚飯夾荷葉，鰻魚好滑，而且唔會蓋過飯味，入面仲超足料，最緊要勁多金箔，雞肉蝦米蝦仁唔會好乾身，好味😋豆腐布丁 $17.6好香豆腐味，而且幾滑上面仲有啲士多啤梨脆脆既碎，酸酸甜甜嘅感覺都算夾留意番係有$8一位茶位同加一架，但係食物特別之餘又好食，最緊要其實佢真係唔貴，所以值呀，大家去幫手踩場，等我大佬冇得唞😏😏

常言道，獨食難肥，今日我就黎實踐一下這句話😂😂係觀塘發掘到一間CP值極高既點心店，想每款點心都試下，仲可以叫d點心盤，每款各1粒，就唔怕1個人試唔到太多款😎爽🦑1. 大澳蝦醬鮮魷卷。HK$38.4份量多，外表金黃，入口鬆脆，內軟，內餡有魷魚、芫荽和鮮蝦混為一體，調味適中，蝦醬更帶出了魷魚既鮮味。🥟2. 龍餃子. HK$33.6🦀蟹粉菠菜香蝦餃x1綠色既外皮，內餡有蟹粉、菠菜和蝦仁，口感豐富🍄松露野菌晶瑩餃x1紫藍色既外皮，一口咬落，濃郁的松露和野菌味扑鼻而來，松露和野菌平分秋色，味道不會互搶🎋筍尖蝦餃皇x1餃皮唔錯，唔會被蒸到溶溶爛爛，新鮮彈牙，食到有麻油既香味👁酸菜魚鳳眼餃x1橙色既外皮，外型整到似一隻眼晴，魚肉當作眼珠，內餡有蝦肉和酸菜，味道香辣🍢3. 龍燒賣 HK$30.4🐷懷舊燒賣x1魚子係咀里狂爆，勁彈，過癮🐂麻辣牛肉燒賣x1辣到我.....🥵🥚滷水鵪鶉蛋燒賣x1辣......辣.......即刻食番粒鵪鶉蛋解辣😜🐙龍蝦汁墨魚燒賣x1有驚喜，會流心，彈牙爽口🥣4. 羊肚菌瑤柱雞湯 HK$41.6有豬，豬骨和雞腳，足料，湯底清甜。🍲5. 馬拉小籠包 HK$28.8豬肉餡配肉骨

同事話觀塘Eastcore有間新式的點心，適合2人飲吓茶，嘆下點心，見今日有時間就去試吓！「龍點心」裝修好colourful 好動畫式😜地方座位寛闊，坐得好舒服🥰一龍大滿足，真係好滿足而且幾抵，一共有六款點心，蟹粉菠菜香蝦餃，味道很香；酸菜魚鳳眼餃，少少辣，好惹味，真係似食緊酸菜魚🤭其他如松露野菌晶瑩餃，荀尖蝦餃皇，碗豆桃子，蠟味糯米燒賣…也很巧巧味🤭芝士鮮蝦腐皮卷，芝士味香濃，外皮香脆👍🏻厚切叉燒腸粉，叉燒真係好厚切👍🏻腸粉軟滑！最特別的是馬拉小籠包，肉骨茶汁夠香濃！

係網上見到呢間茶樓裝修懷舊，四邊都有燈牌，見D點心又整得幾特別，好奇想黎試一試😝咁岩下午茶時間黎，全單有八折😍一籠大滿足: 都幾開心，一籠入面可以一次過試曬6款唔同既野食，入面有酸菜魚鳳眼餃，食落少少辣，筍尖蝦餃皇食落好爽彈，松露野菌晶瑩餃既紫藍色皮好吸晴(松露味好香)、蟹粉菠菜香蝦餃、糯米燒賣就煙煙韌韌、豌豆桃子。可以每樣試少少，同埋每款都唔錯!脆脆富貴紅米腸粉:用左紅米既腸粉做外皮，蒸完但入面都仲KEEP到好脆身，連埋爽彈的蝦肉，點埋沙律醬就夠曬惹味!龍燒賣:入面有齊4款燒賣，普通燒賣、麻辣牛肉燒賣(麻香味都幾重)、番茄海鮮燒賣(幾鮮)、龍蝦汁墨魚燒賣(有少少似食緊墨魚滑咁)，粒粒都爽口彈牙😍大澳蝦醬鮮魷卷: 卷物炸到金黃，幾鬆脆香口，入面有蝦同埋芫茜幾惹味，再配搭蝦醬魷魚簡直係邪惡😍呢道點心好有特色!黑椒汁金錢肚蒸腸粉: 好入味既金錢肚，連埋個黑椒汁辣辣地幾好食，汁醬夠多! 如果下面既腸粉轉埋做陳村粉就更加正!!花旗蔘石斛雞湯:飲落幾重花旗蔘味，入面亦有數2大件雞肉，幾滋潤

🏮仿懷舊嘅新派裝修, 燈光色彩繽紛, 感覺有喜感🥰水滾茶靚 $8/位✨創意精緻點心, 即叫即蒸素描 QR code 點餐, 既方便又環保一龍大滿足 （6件）$58 1️⃣酸菜魚鳳眼餃（微辣）：辣辣地嘅魚肉餃子, 味道特別好開胃2️⃣蟹粉菠菜香蝦餃：面上鋪滿咗多粒大蟹子, 大大粒蝦肉嘅餡料, 好有咬口感3️⃣筍尖蝦餃皇：足料大蝦餡料, 肉質彈牙4️⃣松露野菌晶瑩餃：全野菌餡料, 口感豐富5️⃣豌豆桃子：豌豆蓉做餡,唔會太甜6️⃣糯米燒賣：糯米混和少少肉粒嘅燒賣👍一次過可以試晒多款口味每款各有特色味道又足料好睇又好食😋🌶️口水汁龍利魚腸粉 $42龍脷魚做腸粉餡料好特別輕微麻辣嘅味道,配合青瓜絲墊底,好醒胃😋🥟松露野菌晶瑩餃（4隻）$36紫色賣相超靚😍松露味香濃, 野菌嘅餡料咬落有彈牙口感馬拉小籠包（4隻）$42皮薄, 餡料肉軟, 肉汁香濃鹹蛋黃墨魚燒賣（3隻）$42外面包著香濃嘅鹹蛋黃蓉,燒賣係墨魚滑,爽口彈牙咬落口, 中間會爆鹹蛋黃汁好有嚼口感🤩不單只是特色點心店（即叫即蒸）餐單內,還有飽肚主食 （飯及粥）,滋潤燉湯.....等等未埋單離開, 已經諗定下次再回頭想食啲乜了.....必定要試埋🍔炸饅頭豬柳漢堡😍

媽媽愛吃中式點心。但因天雨路滑她不宜出行，我今早便去朋友推介，位於觀塘道的Eastcore一樓的龍點心外賣點心回家吃。手工點心即叫即蒸，新鮮好食。龍點心的Fusion點心在社交平台及Openrice等平台都有好多人推介，試過果然值得支持。必食推介中，我們喜歡一龍大滿足，脆脆富貴紅米腸粉和拉絲菠蘿包。一龍大滿足可一次過試齊6款特色點心，酸菜魚鳳眼餃有特色，如食得辣必食。蟹粉菠菜香蝦餃和松露野菌晶瑩餃精緻有創意，好食。筍尖蝦餃皇和糯米燒賣也不錯。豌豆桃子外形靚，包好食豌豆蓉香。脆脆富貴紅米腸粉超正。粉皮香滑餡足料，蝦肉甜，食落內脆外滑有口感。如堂食會更美味。拉絲菠蘿包一份三個，包內的芝士令菠蘿包食落更有層次風味，好食。龍燒賣抵食好食，一籠4件。麻辣牛肉燒賣令人開胃想食多粒，龍蝦汁墨魚燒賣彈牙鮮甜，鹵水鵪鶉蛋燒賣和懷舊燒賣真材實料。厚切叉燒腸粉真係有好多叉燒，好食抵食，推介。店最新推出8款環遊世界點心系列，以8個不同國家作構想。我揀了代表意大利的芝士鮮蝦腐皮卷，加了芝士效果不錯。媽媽吃得很滿意。下次天氣好，帶她去堂食，飲杯茶，試多幾款點心，包括只供堂食的馬拉小籠包。

其實真係好普通，我唔明點解咁多好食評，仲形容到咁好食！從今日開始我唔會再信啲foodie!連啲茶都無味，鐵觀音可以勁啖，淺色到好似白開水咁。我初初以為比左壺水我地而唔係茶！叫左8樣野得一樣比較好食。雲耳蒸雞飯啲飯粒好硬，雲耳勁干無味。金針有啲苦。鹹蛋黃燒賣一啲鹹蛋香味都冇，燒賣又冇味。鳳爪好硬又唔入味。其他食落口都無任何驚喜。唯一好食嘅就係一口炸豆腐整體就係食完都唔知自己食左乜既感覺。寫食評既人可以多點真心嗎？

放假起身做咩好呢？梗係去食嘢啦，瞓到自然醒點幾呢啲時間最啱就係去飲茶啦😏😏😏.咁岩朋友有間點心鋪想去試，好！一於就GOGOGO啦！.餐廳裝修懷舊又有特色，座位寬躺而且服務唔錯。餐牌上有好多點心都好有特色而且又有拼盤選擇，真係啱晒樣樣都想食嘅我。.一龍大滿足 $58一籠有六隻，分別有筍尖蝦餃皇，酸菜魚鳳眼餃，松露野菌晶瑩餃，蟹粉菠菜香蝦餃，糯米燒賣，豌豆桃子。.筍尖蝦餃皇同平時係酒樓食既蝦餃一樣.酸菜魚鳳眼餃入面餡係豬肉，上面有一塊酸菜魚，食落有少少花椒味.松露野菌晶瑩餃紫色既外皮包住野菌碎，好香好重松露味.蟹粉菠菜香蝦餃綠色嘅餃子皮包住豬肉同菠菜，上面擺上三文魚子做點綴，食落都幾match.糯米燒賣糯米飯做成燒賣既造型，變左一口糯米飯.豌豆桃子似係迷你版既壽桃包，中間有綠豆蓉，唔會太甜.松露野菌晶瑩餃 $36叫左先發現原來一龍大滿足都有呢個不過好食既野唔怕重覆叫紫色既外皮包住野菌碎，好香好重松露味.黑椒汁金錢肚蒸腸粉 $36金錢肚有咬口唔會韌，不過黑椒多左少少腸粉吸唒啲汁，好食.鹹蛋黃墨魚燒賣 $42燒賣中間有咸蛋碎，都幾好食.肉鬆馬拉糕 $32呢款幾創新，馬拉糕配上肉鬆，甜甜地又咸咸

觀塘近期新開了一間新派點心專門店，除左有傳統點心外，還有多款特色點心，如炸饅頭豬柳漢堡，鹹蛋黃墨魚燒賣，馬拉小籠包等...座位尚算闊落，掃描QR code就落單十分方面，點心即叫即蒸熱辣辣脆脆富貴紅米腸粉腸粉皮好滑，腸粉裏面既春卷香脆，蝦肉又爽口，仲配埋3款醬汁，不同味道，口感非常豐富拉絲菠蘿包菠蘿包外層鬆脆，內裏包含鹹鹹的拉絲芝士，唔會太漏龍燒賣拼盤裏面有4款唔同味道燒賣，包括麻辣牛肉燒賣、傳統燒賣、龍蝦汁墨魚燒賣及鵪鶉蛋燒賣，全部燒賣都新鮮彈牙，龍蝦汁墨魚燒賣較為出色，感覺好似食緊墨魚丸大澳蝦醬鮮魷卷餡料豐富有好多鮮魷，還用了大澳蝦醬，味道超香濃，相當有創意松露野菌晶瑩餃薄薄紫藍色外皮非常吸引，餡料全部都係新鮮野菌及黑松露，好勁黑松露味道*味道不錯，有創意，但相對傳統點心就會較細

龍點心(觀塘Eastcore）# 點心類別多元化，非常有創意，環境幽靜，有別於一般酒樓，裝修色彩繽紛，具懷舊特色，令人有一種舒服的感覺。而且用手機自助下單，非常方便。1.大澳蝦醬鮮魷卷： 外層香脆可口,而且炸得金黃色, 蝦醬與鮮魷的味道非常合拍 ,蝦醬味道不會過鹹 ,餡料除彈牙的鮮蝦外,再加上芫茜，味道非常合拍， 吃起來鮮味十足。2.鳳尾蝦多士:多士炸得非常香脆，散發出濃濃的酥香味，配上彈牙爽口的鮮虾，集酥脆與鮮味於一身，令人回味無窮。3.脆脆富貴紅米腸粉：份量十足，共有六件，紅米腸粉非常滑溜，而且薄薄的紅米皮表層， 包著香脆的炸蝦，吃起來卜卜脆，非常香口，蝦肉夠彈牙， 另外附上甜酸醬、蛋黃沙律醬 和 醬油供客人自行調味 。4.鹹蛋黃燒賣: 外表圓形的 ， 像墨魚丸 一樣。彈牙爽口。 放進口裏一咬，蛋黃醬立即破口而出, 蛋黃味非常突出， 令人有驚喜的感覺。5.蟹粉菠菜香蝦： 造型非常特別， 大大隻吃起來有很濃郁的蟹粉味，透明的皮 ，厚薄適中，有一種煙韌的感覺 ，內裏有菠菜和彈牙的蝦肉，面層放上三文魚籽作裝飾 ，三文魚籽多到滿瀉， 而且鮮味十足，口感豐富。6.擔擔麵：大大碗，份量十足，

11:20到達，一開始就講只得一小時用餐時間，時間有點趕，想食多兩籠飲多兩杯茶傾多一陣都唔得😒用QR code 落單環保方便一心諗住食拼盤可以樣樣都試到，點知個日所有拼盤都暫停，勁失望😮‍💨總共叫咗四款食物為咗打卡靚d，所以叫咗紫色嘅松露野菌餃，味道普通，松露味唔夠，個皮太軟無咬口第二款係鹹蛋黄燒賣，42蚊得三粒，街邊的燒賣仲太粒過佢，見到個賣相係即刻O嘴，食落仲大件事，賣相同味道跟本就同街邊燒賣差不多😠餡唔係豬肉，類似墨魚但又唔彈牙，鹹蛋黃個味完全食唔出，只係有少少黄色嘅流心响中間流出來，絕對係伏🤢第三樣係一口鹹水角，顏色打卡係勁靚，但個皮太腍唔夠脆口，個餡普普通通無特別最後係鳳爪排骨飯，係四樣之中最好嘅，56蚊唔算太大碗，但排骨份量都算多，夠入味飯粒粒分明唔會太腍點心太精緻的的骰骰，兩個女仔都覺得唔夠飽，想再叫又唔夠時間食店舖裝修很特別，不過二人枱有點迫，多幾籠點心都難放下冷氣唔夠，坐了15分鐘已經流汗🥵整體食物一般般，價錢偏貴，唔會特別想再幫襯