影片
以上资料只供参考，请与餐厅确认详情
食记 (44)
🔍 龙腾海鲜酒楼📍 鲤鱼门海傍道中1-2号地舖📝 ★★★☆☆ 👍有人请食饭，去左鲤鱼门食痛风餐。价钱偏贵，不过唔洗我比钱。【 象拔蚌刺身 】刺身唔够冻，应该系一早片好哂摆系度。【 原只烧鹅皇 】 几肥美，好Juicy【 蒜茸粉丝蒸扇贝 】有啲唔熟，应该系因为叠住黎蒸出事。【 上汤焗龙虾伊面 】正，其实龙虾定伊面先系主角？【 豉椒炒蛏子皇 】虽然炒到甩哂壳，但炒得几惹味，好食！【 油焗奄仔蟹 】 入面全是蟹膏，如果有人帮我剥壳就好【 蒜茸粉丝蒸贵妃蚌 】 贵妃蚌有沙，都系扇贝好食啲。【 扬州炒饭 】 最惊喜🍳炒饭比海鲜出色金黄炒饭🤩粒粒分明完！
继续阅读
呢间餐厅通常每逢大时大节，都会同亲戚过嚟食饭。水准次次都保持得非常好，海鲜非常之新鲜生猛，海鲜调味全部都非常满意。今次母亲节大餐一行4人叫咗上汤龙虾伊面，酥炸生蚝，椒盐濑尿虾，白灼虾，蒜蓉粉丝蒸扇贝，豉椒炒蛏子。最钟意系佢嘅上汤龙虾伊面，龙虾非常新鲜弹牙，大大嚿啖啖肉！酥炸生蚝炸到热辣辣，好juicy！点埋个箧汁真系一流！豉椒炒蛏子真系好正！好有火候，胀卜卜圣子啖啖肉好新鲜。呢间酒家要行得入啲先至会到，我谂喺入边食嘅通常都系熟客，总之真系大推！！啲人成日话鲤鱼门啲酒家呃游客，但呢间真系老实唔会呃秤或者换货俾你！
继续阅读
三年冇得出去食饭，终于今年公司团年饭可以拉大队去鲤鱼门食海鲜🦞老细book咗龙腾，系一间比较旧式嘅海鲜酒家，室内环境扑实不华，第一印象已经觉得老实唔㓥客。墨鱼刺身，生鲜爽口，墨鱼须比较硬所以再加工椒盐炒，炒过即刻变得爽口（唔记得映相）。牛油蒜蓉焗虾，极度香口但又唔觉热气，连虾壳虾头都食埋。上汤焗龙虾煎米粉底，每人半只龙虾用刀叉食好爽，但估唔到主角系煎米粉，大家争住encore。一鱼两味：炒球和炆头腩，炒球食到块鱼皮啖啖骨胶原，个炆头腩同平时出边酒楼唔同，炸过再炆，所以有外脆内软嘅效果，赞👍酥炸生蚝，同事点名要食，炸浆薄身，蚝有蚝味，可以连食3只都唔觉漏。姜葱鲍鱼煲，一开盖香喷喷，不过食落味道冇想像中入味，又或者已经食到好饱食欲开始下降。另外叫咗上汤浸菜心和招牌生炒骨，唔记得映相。甜品有脆麻花同木瓜，人均大约$600连海鲜，大满足🥰
继续阅读
今年生日朋友同我去鲤鱼门食海鲜 其他人介绍龙腾海鲜酒家 我哋去试吓食 服务态度超好啲海鲜超新鲜 好好食 豉椒蛏子有蛏子本身汁味 无俾豉椒抢走鲜味 蟹里面好多膏 蒸鲍鱼好弹牙好好食😋
继续阅读
朋友从英国回港探亲，特意来鲤鱼门食久违了的海鲜餐。英国没有新鲜的中式海鲜，这餐令大家非常满意！厨师的功架在水准之上，味道有惊喜，必定令你回味！一定会再来帮衬😋曾经到过流浮山、屯门青山湾食海鲜，但这里的性价比较高。这价钱在流浮山，不能食到这么多款海鲜，一定不会失望，值得一试推介：象拔蚌刺身、酥炸生蚝其他美食：龙虾刺身、椒盐濑尿虾、豉椒炒圣子、清蒸鲍鱼、辣酒花螺、上汤龙虾头伊面底、海鲜汤、南瓜糖水、芒果、白酒
继续阅读