龍順軒海鮮酒家

老豆屋企樓下嘅酒樓，街坊生意，啲哥哥姐姐（服務員）態度幾好，好親切，係啲坐位有啲逼，間酒樓應該有一定歷史😅 因為所有野都好舊，但菜色都ok, 啱老人家口味嘅中菜，個冬瓜宗幾出色，係只切雞麻麻地⋯⋯整體來講抵食，唔好期望太高就可以啦…查看更多

耀東邨商場的餐廳只有一間快餐店、一間茶餐廳、一間酒樓。附近有兩間護老院，所以對有長者或有坐輪椅的家人，龍順軒便是最方便的選擇。..其實他們價錢合理，味道也不算差，以種種條件一齊考慮，算是一個值得支持的選擇，尤其對長者和照顧者來說，是幫了不少忙。正所謂一分錢一分貨，都真係算係咁。去過很多次，早午晚餐都試過，現在才發覺一直無寫過食評，決定寫下。今次是食晚飯，因是週末，部分菜式比平日加少少錢，還是合理價。食物評分 (5⭐️最高):清蒸海斑仔$68 ⭐️⭐️⭐️⭐️🥈紅燒乳鴿 $38一隻 ⭐️⭐️⭐️⭐️⭐️🏆🥇蜜汁叉燒例牌 $68 ⭐️⭐️⭐️⭐️⭐️金銀蛋浸莧菜 $72 (假期+$10) ⭐️⭐️⭐️.茶價每位 $11白飯每碗 $11..🏆🥇蜜汁叉燒例牌 $68 ⭐️⭐️⭐️⭐️⭐️全餐冠軍是叉燒，有時六點幾想叫都賣晒😅😅 這碟叉燒好味到食完都忘了影相，大家都可猜想真係幾好味，手快有手慢無，所以抱歉無相😅😅..叉燒好味在味道好，肉質不會太硬或太”梅”，叉燒汁亦好好味。..🥈紅燒乳鴿 $38一隻 ⭐️⭐️⭐️⭐️⭐️第二名是燒乳鴿，味道的確不錯，價錢又好抵食。長者小朋友都話好味👍👍😋😋..清蒸海斑仔$68 ⭐️⭐️⭐️⭐️條魚蒸得不錯，挺滑。金銀蛋浸莧菜 $72 (假期+$10) ⭐️⭐️⭐️碟菜份量多，3⭐️是因為稍為鹹了一點。..另送糖水或中式糕點。..總體而言我覺得龍順軒是不錯，始終方便，味道價錢合理😊😊…查看更多

先唔講其他，今日叫左大陸鄉音嘅女侍應加水，叫咗三次佢都唔應，然後同我講：「你不如走啦，唔好飲茶啦」。然後個女侍應仲好大聲咁度表示不滿。首先我唔係歧視新移民，但好明顯佢係新移民，而且係一個質素超低級嘅新移民。我未見過服務性行業竟然有咁差嘅服務水平，仲要企喺度同茶客嗌交。同個經理投訴，個經理扮撞聾聽唔到。我差唔多叫左五六次，個經理話終於嚟到我面前，但只係表示宜啲情況好平常，叫我地接受。可以見到成間茶樓管理水平極低。叫咗一個燒味例牌，燒味將入邊有隻蚊郁下郁下，我叫個經理換過碟，佢就若無其事。真係好後悔冇影到相。雖然係屋村茶樓，但都未至於要俾錢買難受。…查看更多

尋晚係屋企食飯，但係呢發現冇餸，落咗樓下龍順軒買咗半斤叉燒大家可能覺得好奇怪，點解斬料都要寫？因為我覺得龍順軒嘅叉燒真係好好食，唔會太瘦，有少少脂肪，燒出來的感覺非常好味。…查看更多

食物尚可，服務態度極差。十個嬲！星期日與家人在此晚飯，已於中午訂位，按時到達後告訴我們沒訂位紀錄，煩了一會終可入座。訂位安排差先不說，晚飯期間侍應收拾鄰桌時誤將食物汁液倒在家人外衣上，侍應只不作聲用面紙刷掉汁液，疑似希望我們不發現，家人看到後要求拿濕布清潔，一連兩個侍應也拒絕，最後亦只提供濕紙巾。該兩侍應不但沒道歉，期間一直默不作聲，連不好意思也沒說一句。連最基本的禮貌也沒有，在客人面前裝也懶得裝，這麼差得服服態度，一定不會再去這間餐廳！。 …查看更多

好耐無見叔叔嬸嬸兩個 所以近近地揀左筲箕灣耀東商場嘅酒家 媽媽姑姐一行5人 去到媽媽已揾定位 人不多方便大家傾下計 兼且呢間酒樓多數做街方生意好有親切感 經濟實惠蒸左要海班 特價優惠 只需$48咋 每枱一款架咋 抵~~燒味雙拼 一般啦 不過燒腩仔d皮還是脆仆仆 燒鴨都好入味 大大隻脾添 最欣賞係鹹魚煎肉餅 鹹香送飯一留 京都豬扒 洋蔥同個汁都好夾 加埋豬扒甜甜開胃 小炒皇 有西芹 花姿片 蝦乾 腰果 甜菜脯 有幾香口 每種食材各有唔同口感 送啤酒啱晒叔叔 最後要多碟乾燒伊麵 每人一碗滿滿的 份量夠唔油膩 但夠鑊氣喎 …查看更多

街坊酒樓，應該住係呢條村既街坊先會黎，所以生意好似麻麻，平日晚飯時間得十枱客到。乳鴿，$32一只熱辣辣，皮脆脆，肉質嫩，燒味舖都賣三十幾一只，呢度算平！清蒸龍躉仔特價菜，四人只可選一款，只需$48唔算細條，四人食剛好。蒸得好嫩滑，好味！椒鹽蝦炸得好脆，微辣，椒鹽好多，惹味，蝦幾大只。栗子好林，但排骨肉太瘦有啲鞋。有唔少塊鮑貝片，整齊幾好味。送糖水，綠豆沙幾鐘意呢個，夠沙，唔似得有啲酒樓水溝豆甘。做得幾好！整體上唔錯，職員好快手同友善。價錢大眾化，四個人先三百左右，抵食，但感覺枱布有啲污糟。…查看更多

人唔多，多數唔洗等位一行四人食晚飯小菜，樓面啲人會推介送菜最後叫左個$198餐，有一碟燒味，斑球兩食，小炒，椒鹽蝦同兩只乳鴿乳鴿仲熱，夠脆斑球蒸同炒都好鮮嫩，不過配菜多，斑球少小炒唔係好夠獲氣，太濕椒鹽蝦夠獲氣啲，少少辣，多炸葱蓉差不多每碟有有朵花伴碟，賣相幾好侍應服務幾好，送糖水，但仲有花生費呢樣服務，爭啲！…查看更多

今日唔想去太遠食飯，諗住近近地，就簡左呢間食晚飯啦！點知就出事了！阿媽鍾意食乳鴿，所以叫左一隻，味道一般水準啦！不過不失。芝士味好淡，太少汁，攪到伊麵醮唔到芝士汁，太乾身，好難食，帶子細粒到不存在也不覺得可惜，蝦球比想像之中大粒，彈牙，就係芝士汁太杰身，呢方面差了少少。有帶子$68，冇帶子$48，如果我一早知道帶子係細粒又薄痴痴既話，我就叫冇帶子，慳返$20啦！我不嬲都好鍾意食呢道菜式，貪佢夠鬆化，佢整得唔錯，假如$48就可以食到，係值得食既，大家可以試試。呢碟小菜最失敗，魚肚鬆泡泡，好似食緊發漲既豬皮，冇味道，鵝掌爛晒，4隻冇一隻係完整，而且質感難食，冬菇厚身可取，底下有些蔬菜，但淡而無味，同樣一味餸，譽宴好食到暈底，呢間就覺得好後悔叫左呢個餸。…查看更多

老媽子生日，但因為同母親節好近，佢又吾中意去太遠同試新野，所以去左附近飲茶。依間龍順軒茶樓，貌似頂過幾手，不過就支持住街坊既日常生活，所以今日都坐到成半人。叫左雞扎，蔥花油條腸粉，煎三色糕, 咸水角同皮蛋瘦肉粥，總括味道正常，過得去既一餐。油條好硬不過，食石頭咁，想叫佢整過但覺得應該都係咁上下。三色糕中最好食係馬蹄糕。甜甜地又有細碎馬蹄粒，其餘兩款老媽子嫌煎太火農。咸水角好味，肉餡美味，個心仲暖的，我食左兩隻。雞扎同粥就正路味道，過得去咁拉。…查看更多

雖然，每一個地方也有乾炒牛河 。但是，這裏的服務周到。而且食物也十分好吃。這裏金碧輝煌，令我們覺得環境很好。不過等待時間比較長。亁炒牛河的香味十分濃郁。味道很好，十全十美!…查看更多

耀東邨酒樓真是很少，只得一間，無很選擇。因為趕時間關係，隨便選擇幾個小菜，食飽飽就算吧。黑松露帶子炒芥蘭價錢與份量不相稱，一個小菜賣百幾蚊，但份量何其少。菜不算難食的，但與我們想像有出入吧！黑松露的獨有味道，在這碟菜上是找不到的，帶子得幾粒，又不爽口，整碟菜都是咸咸的。金銀蛋豆苗豆苗是溫室豆苗的，不可以說是不好食，只是我不太喜歡溫室豆苗的味道吧！蔥爆雞球這碟算是三個小菜最好的一個了。雞球爆得很香，雞肉算是嫩滑，除了雞肉，廚師也很’大方’ 加入大量蔥’伴碟’，這個小菜是優惠價的關係，只是三十八蚊，幾低食呢。…查看更多

是日，一切都來得有點兒突然。一個聚會臨時取消了；另一個則改了下午，並送上李玟趙增熹慈善演唱會門票；細佬又morning call 飲茶。龍順軒開業後，成為了母親大人和小澄B的飯堂，小妹則甚少光顧。然而，與上一次比較，食物明顯有進步喎﹗母親大人推介的蒸飯，好像十多元一盅，我們要了排骨鳳爪蒸飯和鹹魚肉餅蒸飯。蒸飯和配餸的份量不少，足夠小妹一個人吃飽有餘。一蒸飯兩點心，連茶錢，不過四十大元，確是可以讓母親大人和小澄B飽滿而歸了。蒸飯粒粒分明，軟硬度剛好，且有少許的米香，淋上豉油同吃，煞是滋味﹗排骨和鳳爪也夠味且蒸得軟腍，帶才許豆豉香味；肉餅混入蝦肉同蒸，夠爽彈多汁且鮮味十足，再滲入鹹魚的鹹香和薑絲的香辣味，味道絕佳。蟹籽燒賣、咖哩魷魚和炸鹹水角雖稱不上是極品，但賣相和味道均不錯，滿意也。蟹籽燒賣夠鮮爽，咬口甚佳；咖哩魷魚咬下爽彈非常，咖哩味又香濃惹味。膽固醇雖高，也無阻我們品嚐美食的決心；炸鹹水角外脆內香，且不太油膩。懷舊馬拉糕明顯比上一次進步，色澤均勻亮麗，咬下鬆軟萬分且具彈性，齒頰間滲出紅糖的幽幽芳香，水準之作。潮州蒸粉果乃家人大愛，小妹素來不吃，據聞不錯也，皮薄餡靚；叉燒腸粉皮薄料足，惜粉皮咬下粘粘糊糊的，筫感較差；醬汁蒸鳳爪稍嫌醬汁太濃稠，予人糊糊之感，調味也欠佳，未夠惹味；香芋鴨腳扎的芋頭來貨差，仍然是一大敗筆，質感極硬且毫無芋頭味道；一客三條的炸春卷即叫即炸，惜未算十分鬆脆香口。最開心的，莫過於小公主小澄B了。眼仔碌碌，手舞足動，四圍望，密密食，遲早變肥妹仔了﹗…查看更多

耀東商場的酒樓好像受了咀咒似的，每一位經營者都只是曇花一現，最終均以結業收場。早幾年酒樓結業後，舖位一直交吉，無人問津。前些日子，母親大人興高采烈地表示酒樓正進行裝修，不日開業，打算屆時一家老幼上酒樓呷杯茶食個包，共享天倫樂。上星期五，酒樓開張。次日，我們一家人就奉母親大人之命去嚐味。接手的經營者是龍順軒海鮮酒家，據Openrice資料所得，該集團尚有二間位於葵涌和大圍屋邨的分店。酒樓除了提供種類繁多的點心外、還有燒味、粉麵粥、小菜、火鍋及圍餐等，選擇多元化，價錢有平有貴﹗想平，要識揀。香煎芋頭糕 $9.8三個字形容 - 粉、乾、硬，糕點又大小不一，超失準之作﹗所謂的芋頭糕，僅是在粉團中混入芋頭切片，糕本身根本嚐不出丁點兒芋頭味。香煎蝦米腸 $12.8唉，又是煎到極乾，硬到無朋友，毫無米香或味道可言，要淋上豉油才可勉強入口。蝦米、蔥粒徒見其形，不覺其味。:(芋絲炸春卷 $12.8皮炸得夠香脆而不油膩，芋絲口感較結實及偏乾，味道正常。懷舊馬拉糕 $12.8僅有一塊，糕的氣孔大，鬆軟度一般，味淡，普通之作。蜜汁叉燒包 $9.8手工差劣之作﹗包皮摺痕呈不規則模樣，左上角的叉燒包甫上枱已衣衫不整，露出內藏的餡料。叉燒餡料夠味，惜包皮未夠鬆軟。三元三角的一個包，或許，不能要求太多吧﹗家鄉煎薄餅 $12.8即叫即煎，夠熱辣香口，只是除了蔥粒，別無配料，味道略為單薄了少許﹗醬汁蒸鳳爪 $12.8醬汁夠惹味，正常之作。香芋鴨腳扎 $15.8鴨扎較雞扎為罕見，酒樓的香芋鴨腳扎味道ok，腐皮夠鮮，沒有油膱味。鴨腳入味、芋頭略嫌未夠香和粉，較為特別是混入鮮爽彈牙蝦膠作餡料。潮州蒸粉果 $9.8潮州蒸粉果，母親最愛，夠清淡，抵食飽肚之選。小妹沒吃，不予置評。小結：酒樓剛開業兩天，運作仍未順暢，不時出現錯單、漏單的情形。原本我們點了生炒糯米飯( $12.8)，廚房竟給了其他點心，部長退回跟進，但遲遲仍未見糯米飯，決定取消賣單走人。誰知，當小妹寫此篇食評時，方發現酒樓收取了生炒糯米飯的錢﹗只怪當時我們趕時間，沒有小心核對銀碼。酒樓點心價錢大眾化，以迎合屋邨居民的經能力。然而，出外用餐豈會在乎那一元幾角？食物的味道和質素是長久留住食客的重要因素，「平」絕不足以讓食客再次光臨 。此外，酒樓的環境擠迫，樓面或點心阿姐大都上了年紀，服務也頗為不周到及不專業。:(小妹一家已有共識 – 要上酒樓，出太古或北角好了﹗…查看更多