影片
星期六踩单车经过大美督，谂住揾间小食食下坐下，因为太阳伯伯实在太犀利🌞见到一间食burger几正咁，啲嘢份量啱啱好，因为咁热都食唔落太多同太湿嘅嘢🫠咁我哋就叫咗一份burger，一份热狗再加一个薯角😎当然唔少得两杯冻饮🥤个热狗🌭好正，source 够晒，个包唔会干，而且佢系用有质素嘅肠仔！跟住叫咗个单层Burger , 佢块牛肉真系要赞！唔会劲咸劲肥！落去唔会散晒，但系又唔会好实，真系做到手打肉嘅口感！同埋咁热，佢拣咗会好多蔬菜，令到个包劲fresh又juicy ! 薯角就正常🍟至于饮品拣咗一杯 lemon soda 同芒果沙冰 够晒冻同解渴！
继续阅读
星期日去左大埔踩单车, 踩完系大美督还车后, 揾下野食, 上次系个条街就试左间Cafe, 今次经过呢间餐厅门口, 初时以系食中菜, 名字都好像系, 哈哈, 不过系门口睇完餐牌见到有burger和热狗食, 就入去试下~入到去感觉好似去左布吉渡假既餐厅, 布置和环境都好chill, 坐底休息下, 好relax~点餐要入内自行到柜位点餐的, 餐牌有四个combo set，有burger、薯条、all day breakfast跟饮品, 我地叫左A餐和C餐:*热狗包, 上面舖左满满的芥末酱和茄汁, 食落条肠脆口, 面包软熟, 好食! 跟餐有炸洋葱圈, 好香口, 饮品系汽水我转左士多啤利沙冰, 饮落小小酸酸地又唔会过甜, 夏天饮, 好解渴~*双层牛肉汉堡, 牛肉汉堡望落去都几厚, 味道香浓, 加埋蕃茄同生菜, 一啖过放入口食好有满足感, 呢个餐就要薯条, 薯条炸到脆身同埋加左七味粉, 好惹味, 出面小啲咁整~芒果冰沙唔会太甜, 好refesh~充电完就可以搭番小巴或巴士出番去大埔火车站啦, 开心的一天!
继续阅读
周末趁好天🌞,去咗大尾笃行下~以前喺呢头返工,所以都几熟,知道有唔少泰国嘢同西餐都几好食😋~今日太热,简单啲想食啲汉堡包同埋饮冻嘢🧊~佢嘅热狗份量唔算大🌭~上面有满满嘅茄汁同芥末酱,仲有啲烤洋葱🧅,味道好好~跟餐有薯条,炸炸地,加埋味粉好惹味~佢嘅双层牛肉汉堡质素几好🍔~牛肉味道香浓🐮,不过连埋芝士偏咸咗一啲🧀~里面仲有蕃茄同生菜,亦都有烤洋葱~然后配咗洋葱圈,非常脆口~跟餐本来有包汽水🥤,但天气太热,所以俾冰沙吸引咗~佢嘅菠萝木瓜杂果冰沙唔会太甜,有菠萝香味🍍~而呢款椰汁紫米冰沙味道真系好似食紧糖水~但系系饮得嘅糖水,几特别🤩~店里面仲有两位猫店长🐈~其中玳瑁猫最好客,每台都会过去巡下😸,而且任摸唔嬲~佢一路跑过嚟揾你一路喵喵叫真系超得意😻~下次嚟大尾笃玩,又多一间轻食可以选择👍~
继续阅读
今日同朋友去大埔踩单车，终点站系大美督，还车之后就去揾嘢食。见到有间「龙门客栈」，以为系食中菜，行过去睇到原来有汉堡食，所以入咗去试吓。入面装修风格系休闲风，有sofa，有普通餐枱，仲有木枱高凳，我哋拣咗木枱高凳，餐厅虽然无冷气，但系有微微嘅凉风，都几舒服。我哋叫咗一个热狗、一个双层芝士汉堡、一碟薯条、一碟洋葱圈、一杯lemonade 、一杯Mango Smoothie。热狗 $32佢个热狗包有烘过所以外面少少脆、入面软绵绵，夹住一条好Juicy嘅大香肠，加咗芝士同埋煮过嘅洋葱，上面唧左茄汁同芥辣双层芝士汉堡 $53汉堡包旧牛肉唔算好厚，但系咬落去每一啖都有肉汁，睇返Menu先发觉原来系自家制牛肉汉堡扒，唔怪得知同出边嘅汉堡扒唔同，夹埋蕃茄同生菜，都几fresh。薯条 + 洋葱圈薯条同洋葱圈炸得啱啱好，薯条加咗调味粉特别好食，洋葱圈外脆内软。lemonade $18酸酸甜甜，好开胃，系食汉堡包嘅好伴侣。Mango Smoothie $38淡淡嘅芒果味，唔会甜到入唔到口，冰冰冻冻，好适合夏天踩完单车之后饮。同朋友一路食一路倾偈，超级休闲舒适，叉足电之后再出发，行去龙尾滩散步。
继续阅读
今日约左朋友入大尾笃踩单车，响单车舖对面既龙门客栈食返个靓早餐。全日早餐套餐：- 谷饲牛肉肉质鲜嫩多汁，烹调火喉刚好，带有一股淡淡的香气。- 西班牙黑毛猪肉：肉质扎实富有弹性，肥瘦适中，十分入味。- 自家腌制鸡排：酱汁的调配恰到好处，整体口感不错。- 新鲜沙律：蔬菜新鲜，爽脆可口。- 香草碎蛋：蛋的质地滑嫩，香草碎的加入，注入了微妙的香气。- 法式丹麦酥：酥脆的外皮下包裹著绵密的内馅，香甜可口。双层牛肉汉堡：除了全日早餐外，这个汉堡也十分出色。厚实的牛肉饼注入OMEGA3，让整个汉堡既有丰厚的口感，又能给人以健康的感觉。值得一提的是，老板娘十分亲切，她告诉我们食材均为外国进口，介绍食材的来源和特点，让人感受到她对食品质量的坚持，及显示出她对健康饮食的重视。
继续阅读