龍記甜品

营业中

休息中

行過見到呢間龍記甜品裝修得幾靚，幾有傳統味道諗住試吓，入到去見款式唔太多選擇，就叫咗碗凍椰汁紫米露、凍楊枝甘露同埋雷沙湯丸。唔知點解朋友碗紫米露杰撻撻，你可以話真材實料，但材料當中竟然有粟米😅碗嘢味道正常。楊枝甘露就好稀，味道一般。雷沙湯丸雖然都幾平$20有6粒，但粒粒都係迷你size😂size細都唔緊要，味道係一d都唔好食⋯冇乜甜味，仲只係得d花生碎😵‍💫今時今日真係有傳統味道嘅糖水舖少之又少🙈

喺明星效應和網民嘅加持下，跨區嚟到觀塘幫襯龍記甜品。當日9:30pm到達，排咗五張枱，等咗大約15分鐘。如果打算食住糖水吹水嘅話，呢個未必係好選擇，事關店舖位置較細，有啲逼夾，食完就要走人嚕。本身想嗌合桃糊，但已售罄，所以選擇杏仁露溝芝麻糊 + 木瓜燉雪耳（加芋圓)。芝麻糊尚算可以，有少少苦澀味，唔排除炒燶咗🫢杏仁露比較出色，杏仁味很濃郁。如果喺兩者之中選擇，我會推薦杏仁茶。至於木瓜燉雪耳，芋圓份量多，唔算特別出色，表現平穩。總結來說，鍾意食中式糖水嘅朋友可以一試，支持吓傳統中式糖水店舖。個人建議食返招牌石磨三寶比較穩陣👌🏻

見網上有網路紅人介紹，咁啱係觀塘食完晚飯順路，所以過嚟食傳統甜品，結果大失所望嗌咗一碗熱芝麻糊拼合桃露加湯圓，正常雙拼糖水應該做到二隻味一半半，但係佢已經幫我攪勻咗 變相淨係食到撈埋一齊嘅味道…加錢嗰三粒湯圓好細粒…但個芝麻餡係幾香嘅。椰汁鮮奶燉桃膠加芋圓都好麻麻，冇椰汁味、奶香亦欠奉芋圓冇用糖水煮過，亦食唔出有原材料嘅味道，淨係食到雪味最過分係女店員嘅衛生問題… 上菜嘅時候見到佢隻手指插咗入碗糖水到，仲不時見佢捽鼻…捽完直接入廚房處理食材…好噁心…

因為見到廣告，所以專登由將軍澳搭車過去觀塘自己本身好鍾意食芝麻糊呢間龍記甜品嘅芝麻糊真係驚為天人首先，價錢相當經濟$25 喺出邊確確實實都食到，但食到咁有質素嘅石磨芝麻糊真係好開心芝麻糊足料，結身，幼滑，而且低糖即場就買多幾碗外賣返去俾屋企人食不過堂食應該會抵啲，因為真係裝到滿一滿反而外賣嘅話，就唔係裝滿個外賣碗既舖頭裝修都好精緻位置我覺得都OK啦，出咗地鐵站唔算行得好遠

一間傳統中式糖水鋪，價錢經濟實惠。個價錢可能重平過一d專做外賣既鋪頭。以中式為主，冇冰，冇雪糕果d。叫左2個野，甘筍桂圓燉雪梨(HK$ 28) ，好家常既糖水，清甜潤一潤。止咳一流。薑汁湯丸(HK$ 25) ，有6,7粒，好重薑味，天氣凍果時食一流，驅寒暖胃。但得一種口味既湯丸。地點就唔係好近地鐵或巴士，要行一陣，不過唔係好遠。鋪頭唔係好大，座位有限，但都有室外位，岩食煙既人。裝修有一種懷舊既感覺。係附近食開飯既值得一去食下。

唔攪花臣不造作，精制傳統糖水，食出滿滿情懷我叫左椰汁鮮奶燉桃膠，椰味奶味平衡而各自突出，真係好好食，好食到飲到一滴不剩，Lam埋個碗甜品夠熱，煮得唔馬虎，唔係依家是但煮煮就開到鋪既甜品鋪咁，求其熱住比你食傳統甜品要好食反而更要技巧食得我好滿足官塘基本好多食店都消失左，依家難得出現一間咁出色既甜品鋪，大家快d黎支持捧場，試諗下傳純甜品鋪已經買少見少，仲要係好好食既，仲要係係重建到不倫不類冇哂食店既官塘，大家仲唔珍惜

所有甜品都係好熱辣辣的🔥同埋用傳統嘅碗盛起🥣店舖裝修都好特別 滿滿氣派同懷舊感😍-🤍椰汁紫米露 $28紫米露椰香夠重🥥配埋粟米同木薯粒幾特別🌽-🤍勁辣薑汁湯丸 $25薑汁薑味極重🫚芝麻湯丸都夠煙韌🍡-🤍石磨芝麻糊 $25芝麻糊夠杰身 芝麻味都夠重同埋甜度適中😋-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌗🌑-

係宜安街搵地方食晚飯，好多間小炒飯店，打冷，泰國餐廳，都算有d選擇不過時間尚早，見到有間糖水舖，入嚟試一試先！凍核桃糊入口核桃味濃，又夠滑，甜度適中，可能真係太多年冇食，覺得味道唔錯，仲賣緊$27，係略嚴個碗細隻少少，我覺得有d似大良八記d味道手功磨出嚟果個幼滑程度係好食好多！凍燉蛋朋友話好食，唔太甜，即係穩陣啦好少去食中式糖水，有時試小店，好多都一般或者差；呢間入到去見到阿姐係度剝白果，挑個芯出嚟即刻嘩左聲，手功野喎（可能我大驚小怪）掂啦！總結，未好食到專登要去試咁誇，但想食傳統中式糖水，又經開食番碗過吓口癮都唔錯😁小店地方有限，目測2X個坐位左右。

龍記甜品已經第二次去食正宗懷舊糖水，好好食，好足料，抵食重點係佢嘅裝修風格好懷舊好正同老板傾計啲糖水原來係佢每日自己煲架芝麻糊好滑，綠豆沙味道岩岩好又唔會太甜下次嚟要試埋其他自己忍唔住口食左三碗！紅豆沙，綠豆沙，芝麻糊紅豆沙同綠豆沙真係起晒沙架👍🏻一睇就知好足料落足心機仲記得上次嚟食嘅白果薏米腐竹都好好食，食到最後先發現原來佢啲糖水仲可以雙拼，咁下次嚟就可以多啲選擇食多幾樣😂😂可以帶埋啲朋友嚟一齊打吓卡環境幾唔錯

呢間係觀塘新開張嘅甜品店，一睇餐牌，大部份都係中式傳統糖水，價錢超抵，一碗都係$26/$27蚊，唯獨係楊枝金露$38.今晚試左楊枝金露，唔太甜，份量超大碗，芒果肉仲要大大粒。。。值得一試。另外，朋友叫左碗凍紅豆沙，好香陳皮味，紅豆起沙，但仲有好多原粒嘅紅豆，好有口感。仲有好多嘅蓮子。非常足料，呢一碗紅豆沙都只係$25,抵到爆。自己煲都未必得。以今時今日，去邊到搵到一碗$20幾蚊嘅中式糖水，物超所值！聽到隔離枱講啲芝麻糊好香，話炒得爭夠火喉，唔太甜我仲見到佢地加左湯丸，下次真係要試下呢個芝麻糊😁

同朋友睇完戲想搵間糖水舖，行左半個觀塘發現好多餐廳都早早收鋪，一間糖水舖都無，一度想放棄返屋企時，眼前就出現了龍記甜品，新開業第三晚我哋就誤打誤撞來到龍記甜品，朋友揀左一碗紅豆沙，我就揀左一碗白果意米腐竹糖水，非常足料又唔會太甜，老闆仲好熱情請我哋試食楊枝甘露，都好好味！！餐廳環境裝修好明顯落重本，充滿了古色古香，用餐環境不會太擠逼。觀塘區朋友如果深夜想食甜品可以試吓呢間，在宜安街街市旁邊。食完都唔記得影相，哈哈😆

食飽飯都忍唔住落去食！！位置極方便裝修既有特色，香港好耐冇咁有特色既糖水店店主有多年糖水經驗承傳優良傳統的獨門秘方，令我勾起很多回憶，多謝店主的心意仲三粒湯圓比我食