龍華餐廳 (已結業)

午餐想食d中式野，当然梗系拣茶餐厅啦。入到去，见到呢间餐厅午餐嘅时候都几多人，就决定坐低啦。午餐嘅餐牌选择好多，叫咗一个豆豉蒸仓鱼饭。冇谂过系成条鱼咁上，鱼好大条，味道好入味。食咗半条鱼已经好饱啦，饭都只系食咗几啖。呢一个午餐够我食两餐。50蚊左右，都有咁既质素及份量，好抵佢仲有好多选择，有炒粉面。另外仲会有其他𩠌拣，例如梅子蒸排骨。。。我觉得一个星期去食，午餐都应该可以唔会重复。对于喜欢食中菜嘅我就啱晒啦…查看更多

与男友出发到深圳湾前先吃个茶记早餐！openrice了新中北江好几间有早餐供应的餐厅，然后男友选了这间～分别点了轻怡早餐：炸菜肉丝米粉，配煎蛋火腿方包，热柠水；奄列早餐：火腿奄列，配方包，$5加配雪菜肉丝米粉，热奶茶；米粉先上，轻怡的一点也不轻怡，是超大碗的外貌！$5加配的也比一般连锁快餐店的份量多1.3-1.5倍吧...我的有煎蛋X1和火腿x2；男友的奄列到来时，我都哗了一声，实在大份！基本上是两层，大概是用4只蛋才能煮出吧...所有食物的味道称不上惊人，但份量却十分充足！是抵食之选！…查看更多

有时天水围其实真系好多餐厅都有正嘢食，而龙华系其中一间，佢位于嘉湖新北江商场经过花园后百佳附近出口右侧，隔离仲有一间专系做外卖嘅龙华美食，一脉相承。呢间餐厅俾我第一印象其实唔多好，呢个一阵会讲。去到餐厅会见到4~5枱凳，餐单写哂系柜枱附近，餐枱上都有菜单，我去到果阵系下午茶时段，餐厅都有下午茶餐：价格都还可以，外卖会加1蚊。我落单叫左个芝士鲜茄焗猪扒饭加热柠茶，冇几耐柠茶到左，呢度系我第一印象唔好嘅地方，杯柠茶我其实未开始笃过，但系浮系面啲嘢真系好明显，再睇返杯身，卫生情况堪虞。其实出面餐厅卫生大家都只眼开只眼闭，不过见唔到系一回事，见唔到又另一回事。冇几耐焗猪嚟到，卫生呢样嘢系好重要，但两三点嚟食饭真系好肚饿，大菌食细菌，细菌当补品，本人其实一向对自己健康相当自信...都系肚饿，食左先讲。份量其实真系一碟仔，冇堆到一座山，所以系好少，对年青力壮男士嚟讲是不够的，块扒都冇一哥咁厚咁大，食左饭先，食落突然间觉得对眼晓发光，个芝士焗猪相当芝士，芝士味浓郁，同时竟然食到清甜味，配上芝士味，系一种相当夹嘅配搭，饭中有蛋，焗猪standard，然后最特别系，块焗猪食落去，系会食到KFC炸鸡啲㶶香味，冇错，㶶得嚟又好受嘅味道，而且块扒相当juicy ，就系份量问题...呢个我纠结左好耐...鲜茄焗猪的确系鲜茄，所以焗猪唔系酸嘅，蕃茄系食到鲜甜味，唔系一堆茄汁茄膏嘅酸味，整体上味道相当唔错，就系卫生上面扣好多分，杯嘢真系唔多想饮。…查看更多

之前系新北江地下食过一次下午茶 觉得ok就去翻焯😋点知第二次买庆过火屎😡😡😡😡！！！话说佢个下午茶餐牌有西多拼炸脾 咁咪跟住嗌啰🧐点知返到屋企一打开唔系西多嚟嘅😱😱打去同佢讲 第一次本来肯退 点知第二次就嚟料🤬🤬🤬老板娘话返客人转头 点解唔覆单 外卖点解唔睇清楚 我话未食过 全份退 佢仲话点知我地有无食过🙃🙃哇 真系大开眼界 要引用刘华句：今时今日咁嘅服务态度点得㗎🤨🤨成份退 就算点你都拎去掉啦 无食过唔通你拎去循环再用咩😕😕😕⭐️虽然我系同一间真系见过😒🌟所以话 唔系唔支持小店 但咁做生意嘅「小」店 仲可以点帮衬呀🤐🤐…查看更多

良心小店，又有人情味！价钱平民，味道几好，有家嘅感觉！经常黎食晚餐，今晚四个人黎食。分别叫左豉汁蒸苍鱼、虾仁炒蛋、鱼香茄子煲、咸蛋肉饼。热柠水加冻柠茶，正常餐厅咁。白饭虾仁炒蛋，份量都大。蛋炒得刚刚好，唔会炒到老晒。仲有好多葱同韭菜，炒得好香！虾仁份量都好多，好食鱼香茄子，个汁好香！拎黎送饭食真系一流！茄子煮得岩岩好，唔会硬，但又唔会夹上手就散开晒。咸蛋蒸肉饼，配合豉油，好香。肉饼蒸到熟但又少少淋淋地，好好。唔会干同硬晒。豉汁蒸苍鱼，即叫即蒸。热辣辣食，好正！充满豆豉香味。肉嫩新鲜，完全唔会好似食香口胶咁。用料丰富，煮得入味。全部都热辣辣，够大碟。几个人，可以每人叫一个黎share食！推介大家黎食，老板娘同员工都好有礼貌。有时仲会送汤饮架。…查看更多