龍華酒店 (下禾輋)

营业中

休息中

假日約左屋企去沙田行街睇戲，屋企人話好想食乳鴿，所以就去咗歷史悠久嘅龍華酒店食乳鴿，我哋都想早啲食，所以大約六點就到啦👍🏻環境依舊不變，保留傳統特色。紅燒乳鴿呢度菜必點之選，燒我好大隻又肥美，相當juicy，水準依然不變酥炸廣島蠔炸好鬆脆，又唔會炸得好厚身，份量好夠，隻隻都算好大隻，味道都很新鮮美味蒜蓉粉絲蒸元貝整得很好味，鮮味十足，份量夠山水豆腐花最後點少得食甜品山水豆腐花，好細滑，入口浴化😋😋😋忌廉好耐冇飲過支裝忌廉，送美食一流

記得上一次去沙田龍華食乳鴿已經係幾年前，最近心思思又想去食返餐，準時收工過到去都係七點左右，時間夠晒鬆動。入到去見到裝修好有懷舊格調，去到已經坐滿咗八成，有室內亦有戶外，我地怕熱都係坐返室內，牆壁貼滿多張懷舊電影相片，對於上年紀的人一定充滿回憶！去得龍華必點馳名燒乳鴿，見到有套餐相對散叫較為抵食，二話不說就要套餐！二位套餐有紅燒乳鴿、沙田滑雞粥、蒜茸粉絲蒸扇貝、欖菜肉碎四季豆及金湯海皇魚肚羹睇到餐牌有豉油皇乳鴿，改咗兩款乳鴿各一，都係紅燒乳鴿比較好味，燒得香脆又入味，啤酒送燒乳鴿一流。夜晚仲有樂手彈琴，聽住音樂食飯一樂也。

星期六專程與家人到沙田龍華酒店食馳名的燒乳鴿，本來抱著興奮的心情去光顧，最後竟然失望而回。首先是服務質素差，侍應無暇招呼我們，所以要自己到櫃檯落單。在等候食物的過程中，我們看到有很多落錯單或出錯餸的情況，非常混亂。我們叫的食物中，最先出菜的是雞粥，雖然份量多，但食物的温度不夠熱。然後送來的炸大腸，竟然是凍的!而最後出場的$98脆皮頂鴿，味道是不錯的，但又細隻又無肉，認真吾抵食。我們決定以後不會再光顧這間食店。

可能晚市放寬咗，所以好多人外出食飯。星期六去到餐廳非常熱鬧，餐廳室內、室外座位連同房間完全部爆滿！非常多人。訂咗位都要等位，非常好生意，一片繁華景象！我哋坐喺室外位置，嚟到呢度當然一定要叫傳統乳鴿及雞粥。我哋再叫咗啲小菜一齊食。▶️乳鴿當日餐牌只有中鴿，所以比平時食嘅乳鴿相對地大隻多肉，乳鴿新鮮炸起夠熱外皮脆脆地，唔駛點鹽已經好夠味。▶️雞粥大碗雞粥叫咗大碗好似一鍋咁多，我哋三個人食每人都食到兩碗。粥夠綿滑，雞夠多。▶️乾炒牛河呢度嘅乾炒牛河夠穫氣，而且夠味！牛肉夠多夠腍身。炒河炒得乾身唔會油膩又香口！▶️菠蘿咕嚕肉真係有一排菠蘿切好酸酸甜甜。咕嚕肉整到細細粒，少少脆啖啖肉。嚟呢度真係食個懷舊風味，感受下舊式中菜廳嘅氛圍。

第一次來試下懷舊酒樓<<龍華酒店>>一場來到~當然就係要試下招牌的<<紅燒乳鴿>>🤩燒到d皮重卜卜~~重點係蝦片🤣好耐冇試過乳鴿會跟蝦片上菜了~細個時候去酒樓先會有，但近年好像已經愈來愈少了。。。。。。仲有沙田最遠近馳名的雞粥😁雖然細個住沙田區，但今次竟然係第一次食沙田雞粥😝選左個2人餐，<<金湯海皇魚肚羹>>😉比起平時的較有特色。。。。。。仲有蒜蓉粉絲蒸扇貝同欖菜肉碎四季豆。。。。。。

經新聞得知，馳名中港的龍華酒店面臨結業危機，家中兩老立即發聲，要去緬懷一下兒時的回憶。酒家坐落於村屋群，要經一條斜道登頂，斜道兩旁佈滿紅燈籠，而到達主殿途中，還有小水池畔、小動物園等，甚具特色。主殿中有分設半開放及室內餐室，中國古風特色甚濃。龍華脆皮燒乳鴿：乳鴿皮脆香口，肉嫰味香，不愧為傳統乳鴿酒家，相當不俗。香蒜安格斯一口牛：肉粒煎得很香透，肉汁豐富，齒䶝留香。鄉村風味炸大腸：大腸炸得薄脆，每口都十分脆口，唯稍嫌醃得徧鹹，可能偶有失手。瑤柱蛋白蝦仁炒飯：炒飯夠鑊氣又不過油，飯粒剔透乾身，瑤柱加蛋白令整道菜清新之餘也顯矜貴。

辛勞了一整天終於等到下班的時間男友將我帶上來吃飯都市情況普遍習慣西餐/日本菜今天最後我們選擇了傳統酒家「龍華」沿着斜路步行而上左右兩旁有很多紅色燈籠🏮別具特色座位寬鬆，枱與枱之間有適當的空間紅燒乳鴿表明金黃脆亮，鴿皮吸滿醃汁，肉質鮮美，乳鴿太肉厚肥美。鄉村風味炸大腸炸大腸炸得外脆內軟，咬下去都可以聽到那種喀啦喀啦的脆聲，香酥可口有邪惡配埋糖醋醬食落可減少炸物的油膩感帶子大良炒鮮奶外貌以假亂真，蛋白炒得鮮甜及口感嫩滑。瑤柱蛋白蝦仁炒飯炒飯粒粒分明，鑊氣足夠惹味，瑤柱香氣四溢，讓每粒米飯都散發瑤柱香氣。

📺粵語片時代，係睇「粵語長片」唔係「殘片」呢！今次就去吓名場面 #龍華酒店 啦！開幕於1938年，位於沙田禾輋村，曾經著名嘅園林酒店，𝗕𝗿𝘂𝗰𝗲 𝗟𝗲𝗲李小龍都黎拍戲架！🏮從沙田警署旁嘅轉用天橋，再穿過傳統色彩嘅紅燈籠小徑就到達喇！沿途記得打吓卡呢～👧🏻Caca今次食乜野？🦆 #脆炸頂鴿 $98- 鴿皮塗上麥芽糖炸過，鴿皮色鮮香脆，咬落皮脆肉厚，帶有少許油脂好Juicy嘅鴿肉特別香！🦆 #鼓油皇頂鴿 $98- 鼓油皇製作就食到鴿肉嫩滑，非常入味！#干炒牛河 $118 -李小龍最愛，就試試啦，幾有鑊氣，份糧十足！#懷舊黃金琵琶豆腐 $128- 釀魚肉配炸滑豆腐，大大件，飽足感💯。據講 #龍華乳鴿 自設農場飼養「皇鴿」同埋有8至10兩重嘅「頂鴿」，最高記錄可以每日賣六千隻，所以來到龍華就必食乳鴿🦆做法有滷水、油炸、鼓油皇、紹酒、薑蔥、麻辣多款。

中秋佳節想去啲特別啲嘅地方食嘢，我就諗起不如去龍華食乳鴿，嚟呢度一定會經過呢條長長嘅紅燈籠🏮隧道，增添唔少氣氛❤️絕對係打卡位！餐廳有室內、室外，仲有包廂廳，地方都幾大！室內有鋼琴，當日有客人彈緊🎹牆身亦都掛滿好多香港經典著作照片。龍華脆皮乳鴿皇牌菜乳鴿依然保持高水準，皮脆肉嫰，鴿肉非常之入味，啖啖肉好香口，有讚無彈，真係好好食，正👍🏻👍🏻傳統懷舊黃金香脆蝦球外皮炸到金黃色口感酥脆 ，毫無油膩感，內裡大蝦球新鮮彈牙！！小炒王 韭菜花食起上嚟口感特別清脆，唔會有渣，加埋大量蝦乾、蜆肉等配料，味道帶辣好惹味，鑊氣十足！！食完可以出去戶外空間影下相📸️好鍾意呢度啲環境佈置，整個裝潢設計充滿中國風，古色古香，仲有鸚鵡🦜香港地好難得有一間咁有懷舊特色嘅餐廳，值得一來！疫情下人流相對以前咁多人咁熱鬧，真心唔希望一間又一間充滿歷史價值嘅餐廳再消失！

前幾天聽到沙田龍華酒店相關的新聞，有點掛念他們的乳鴿，於是便約了友人在週末一同前往🙈週末中午的人流頗多，最後職員開了包廂給我們入座，比外面靜得多 🥢 龍華脆皮燒乳鴿（$98）新鮮熱辣，皮脆肉嫩😍肉汁豐富，味道剛好 🥢 新鮮菠蘿咕嚕肉（$168）見到餐牌上標明是招牌菜，便點了一份😆果然是新鮮菠蘿，但個人覺得不夠甜🤭咕嚕肉味道可以，雖然用汁炒過，但還帶點微脆 🥢 椒鹽山水豆腐片（$98）豆腐外脆，中間還帶有汁，個人覺得如果切成方粒會好點，另外椒鹽不咸😆我們還沾了乳鴿的鹽來吃 🥢 如意竹笙上素（$148）吃過炸物，來吃點清淡的平衡一下，大量的菇菌跟竹笙炒在一起，再用清爽的芽菜墊底

搭火車經常見到，但就未試過，一家人去試下地點都算偏，要經過啲村小徑，但就唔會好難搵好大陸feel的餐廳第一次黎唔知要帶位定自己入去，而個職員只掛住同食客吹水，企左一陣先有另一個人黎招呼Order佢聲稱最出名既乳鴨＋雞粥＋伊面＋炸大腸好快上菜，乳鴨完全食唔出同出面普通酒樓有咩分別，價錢就差一截$98雞粥唔係燙口果隻熱，雞仲有少少血咁款，而個粥啖到好似食白粥，仲好意思話馳名炸大腸咸到丫，驚個腎有事所以無食了而個伊面，真係咩質素黎，食完一碗已經無興趣再夾，又話金菇忟伊面，一條金菇都無4個人5百幾蚊，食左啲垃圾睇得出在場都係熟客仔，所以maybe佢地係食緊回憶個人黎講，不論服務、食物質素、環境、價錢，都係唔合格，一個字差我黎食野唔係食回憶呀，比啲咁既野人食，離晒譜

————————————————————————龍華酒店 （下禾輋村） Lung Wah Hotel （Ha Wo Che Chuen）地址：沙田下禾輋村22號22 Ha Wo Che Chuen， Sha Tin（另外銅鑼灣也有分店~）香港僅有的園林酒店之一，以前很多電影🎬🎥🎞️都會前來取景，中式庭院風格別具一格，每一道中菜更是非常驚喜👍🏻🟠 推薦食物🔹 乳鴿🐦（$98）：油香味十足，上菜時就已經聞到香味👃🏻，令人食指大動，皮脆肉嫩，吃完更是唇齒留香，另外多叫了一支期間限定的玫瑰乳鴿，比普通版多增了一絲玫瑰花香味🌹🔸 鳳梨咕嚕肉🍍（$148）：鳳梨非常新鮮，鮮甜清香加上熱辣辣剛炸好的咕嚕肉，其他的咕嚕肉瞬間被比下去！ 難怪李小龍太太也喜歡😻🔹️沙田風味豉椒炒蜆（$128）：十分新鮮，每顆蜆也十分飽滿，豉椒味十足， 十分滿足😋🎞️茶芥🍵每位$10~🟡 不推薦食物🔹 無🟠 員工姐姐非常nice🟡 環境位於沙田下禾輋村的館舍，為香港僅有的園林酒店之一，中式庭院風格，進店前一排紅色燈籠🏮非常喜慶，適合打卡，店內牆壁上貼滿充滿年代感的照片，徒增不少風味🟠 總評分（9.5/10）💰 $250/人#

-由細到大搭火車經過沙田 都會見到呢個龍華酒店細個就覺得佢真係一間酒店？😆大個咗先知道原來佢係一間札根香港80年以上歷史餐廳⋯而且好出名食乳鴿添😋😱難得平日放假 就同屋企人去潮聖一下🛤️首先沿住一條長長既紅燈籠走廊向上行 呢度打卡📸已經用5分鐘上到去比佢古色古香既環境吸引住係嗰種六七十年代懷舊酒家感覺😍.🔹紅燒頂鴿 同店員點呢個乳鴿嘅時候 店員問我哋原隻上定係切件上從來都未試過原隻上 既然咁特別 一定要試吓啦乳鴿size感覺上好大😍即叫即燒🔥 熱辣辣又Juicy超好味脆皮嫩肉 好似真系人生中第一次食到咁好食嘅乳鴿♥️🔹鮑粒海鮮福建炒飯估唔到超級無敵大碟 夠足料🍤除咗鮑魚粒 蝦肉帶子新鮮 呢個份量四個人都夠食 完全食唔晒要打包🤣🔹菠蘿咕嚕肉見到係必點推介 但味道上個人就覺得普普通通反而伴碟嘅菠蘿🍍好甜😋完全冇菠蘿嗰種澀味 加分加分🤪🔹鄉村風味炸大腸應該系店家將大腸入邊多餘嘅肥膏攞走？食落去唔覺得有任何太多嘅油益味👍🏻外皮炸到酥脆 再加上旁邊菠蘿一齊食 可以一解油膩感🤓

入沙田緊係去食乳鴿啦🥳老字號「龍華酒店」嘅乳鴿真係正！細細個嗰時屋企人成日帶我去食～依日我就帶返屋企人去嘆吓先💗依家龍華酒店裝修都唔錯，行上嚟條樓梯兩排紅燈籠🏮好古色古香，除咗有坐得好舒服嘅大廳，仲有樹影下嘅半露天雅座都幾有feel～🔶脆皮燒乳鴿 $98原隻上就食得特別滋味啦！燒乳鴿好大一隻，上枱熱辣辣，皮脆肉嫩又juicy 🥳都幾好肉添。奉上即棄手套～方便又衛生。🔶古法紹酒醉乳鴿 $98醉乳鴿就要開邊上～古法炮製，保留了濃郁原味鴨香，仲好有紹酒香，好入味！肉質特別細嫩～味道具層次。兩款乳鴿都各有特色。🔶姜蔥焗廣島蠔 $188點咗個夠晒鑊氣嘅傳統煲仔菜～廣島蠔大隻香口又惹味～分量多多，食極都仲有😝薑蔥都係精粹所在～又辣又香，佐飯一流。🔶紅燒山水豆腐 $138都係店家嘅王牌小菜～山水豆腐鮮香嫩滑，係傳統菜嘅風味。

🔍 環境龍華位於香港新界沙田下禾輋村 位置偏遠 不過環境幽靜宜人✨ 充滿古代風~ 古典優雅🤍 仲可以睇動物!!! 孔雀同鸚鵡都幾得意!!! 🔍 服務服務員態度幾好👍🏻 不過人多就未必可以兼顧到 最好開多幾壺茶 可以自己斟🍵 -❥ ❥ 黃金花膠海皇魚肚羮 $168呢個真係真係真係一流🤩入面嘅花膠魚肚味道鮮甜可口!!飲完一碗令到我特別開胃🥢❥ ❥ 欖菜肉碎四季豆四季豆用欖菜同肉碎炒完之後味道非常香口😍令人回味無窮🤩 ❥ ❥ 翠金銀蒜蒸扇貝 $168扇貝入口彈牙爽口🤓連埋蒜蓉粉絲一齊食好夾👍🏻食完仍在齒頰留香✨❥ ❥ 馳名沙田滑雞粥 $98雞粥嘅粥底綿厚鹹雞嘅味道好突出非常出色!!✨❥ ❥ 雪碧支裝汽水 $18❥ ❥ 可樂支裝汽水 $18玻璃樽嘅雪碧市面上好少有得賣所以貪得意試下 嗌嚟打卡~食完鹹鹹嘅燒乳鴿飲一啖可樂非常refreshing!!!!好可惜今次過黎撞正無招牌人手磨嘅豆腐花供應😢-▫️味道：9.5/10▪️賣相：9.5/10▫️環境：8.5/10▪️價錢：8.5/10▫️服務：10/10▪️Overall: 9.2/10