龍莊川粵小廚 (已結業)

佐敦近廟街個頭確實係好多食肆，不過再行遠少少就有間幾出色嘅川菜食。呢間舖外表比較舊式，但好適合一大班人或者一家大細去食。今次叫咗個水煮魚、麻辣青瓜、椒鹽鮮魷、欖肉碎炒四季豆同埋口水雞。個水煮魚真心正，大大碗個面鋪滿辣椒，入面仲有好多料， 好似有豬紅、芽菜、紅薯粉。 當然有最緊要嘅魚肉啦， 個魚肉有得揀生魚或者桂花魚。我哋今次揀咗桂花魚，個魚肉好嫩口之餘最重要係冇魚骨，食辣嘢咁樣食先係最爽嘅！ 而且個辣度適中唔會太辣。麻辣青瓜好醒胃，青瓜清爽。椒鹽鮮魷外層脆脆哋食落好滋味。欖肉碎炒四季豆，用嚟送飯最一流。不過唔知係唔係食咗水煮魚個辣度，反而個口水雞有少少遜色。整體嚟講都算高質。水煮魚（桂花魚）叫幾款餸適合一家大細嚟食。

好有鑊氣的川菜粵菜小店😍 聽見朋友推介， 自己同朋友又特別好川菜， 所以專誠搭車入嚟，果然冇令我失望👍爽口彈牙的酸菜桂花魚, 最怕食到成囗骨，呢個當然冇啦👍， 水煮牛肉大塊無筋，紅油湯底仲有唔少薯粉同豬紅🤩好多，好多款川菜都照顧本地口味 如有食得辣的朋友更可以加辣加加辣😂就算唔食得辣都仲有很多選擇，小炒皇 欖鼓蜜汁骨 話梅豬手 鼓汁蒸倉魚都好惹味🤗老闆好好人有什麼意見都好樂意接受而且全晚幾位姐姐都招呼好好，仲好講得笑😂

喺佐敦行行吓見到有間鋪頭專做川菜同粵菜，同埋鋪頭都好新淨，所以就入咗去試吓。酸菜魚的魚肉大大塊，魚肉非常滑話梅豬手炆得好琳、好入味，食落仲有淡淡話梅香。而欖豉蜜汁骨，平時出街好少有得食，所以就叫黎嚟試吓，外皮炸得非常香脆，而排骨生熟程度處理得啱啱好，而且食落保持到排骨嘅肉汁，外皮再配上少量蜜糖，又幾好食喎！估唔到呢間餐廳價錢大眾化，嘢食有幾高質喎👍🏻

最近發現佐敦炮台街39號a有間新開的川菜館🌶️最愛食辣嘢噶我🌶️邊度有新店開我從來都唔放過(翻工收工經過都會望一望)今日收工見時間早就call左朋友👬心急如焚想去快啲食到等左好耐，終於等到行緊去其實我仲要啦啦聲食完飯翻屋企湊仔一日冇見，我就好掛住我屋企啲化骨龍不遠處就已經聽到企係門口的樓面係度叫新開張新開張快啲黎試下如我所願，超出我的預想之外入邊啲川菜真的超級正嘴巴饞😋饞又抵又好食想分享卑其他的朋友仔喜歡食辣嘢的朋友快啲黎試下啦！