龍苑中菜廳

营业中

休息中

前菜金黃魷魚鬚及鴨舌每款$168主菜是炆龍躉翅$498。魷魚鬚太濕，鴨舌是不完整而且是微波爐翻熱比絕味鴨舌49元12件完整鴨舌差天同地；龍躉翅水淋淋，肉質本身是不錯可是煮法比茶餐廳還差沒有鑊氣腩仔是濕，難以嚥下向服務員反映她說你下次叫廚房整乾啲，結果要加一個粉絲龍蝦煲，粉絲喊得太厲害，服務員說送甜品補數，那麼我說合桃糊吧她說不可以，只可送棗泥糕！我一直都是龍苑會員之前去不是這樣的，現在實在是太差勁，兩個人吃晚飯，如果龍躉翅好食就不用再加點粉絲龍蝦煲，四個菜都唔掂，反映了給廚房沒有歉意，食得好谷氣，甜品好似施捨咁　，以後不會再去！

話說去Staycation, dining credit 仲有三百幾蚊。4點先Check out,食完早餐又唔係好餓，咁就去龍苑食個簡單Lunch. 果日朝早先訂位，都仲有位。2個食點左3款野食1. 蝦餃，皮薄餡靚，有大粒蝦。唔又蒸到軟淋淋，有水準的。2. 春風得意腸粉食過其他酒店或者酒樓都覺得好好食，咁就試下係度叫啦。入口，第一感覺好食，入面係好似炸羅漢齋咁。d油味重，個腸粉皮又唔好食，好厚又唔滑，感覺好粗糙。這個有點失望。3. 蒜香帶子蒸飯細細籠，2至3人食岩岩好。面頭有炸蒜有走過油既乾瑤柱，令成個飯清淡得來好香。飯底又唔會蒸到好濕，乾乾地，粒粒分明。帶子切細粒，唔會蒸過火，都好鮮甜。

有睇過下staycation package，首先一定要選擇零房價加lounge優惠。 holiday Inn永遠係首選，價錢勁超值，地點又方便，以酒店餐廳來說，質素不差，價錢又唔貴。前排幫家人訂左個staycation package ，順便我join佢地食左個飯，稍後可以寫多篇再分享個Offer係大家。 當晚有人帶咗紅酒，話要blind tasting ，佢話夾北京片皮鴨最好。 以一個不錯的價錢，吃到皮脆肉嫩的片皮鴨，不用兩吃已經覺得滿足。 最重要係喺呢個咁舒服嘅環境，同呢度附近另外一間好出名片皮鴨嘅店舖，價錢其實都唔係差好遠，咁喺呢度食就覺得物超所值。 紅燒花菇花膠鵝掌真係好得，似化骨綿掌一咬即溶，花膠大大塊，毫不留情，毫不手軟，大大力打落塊面度應該都會痛。 基本上係龍苑王牌產品，枝竹火腩紅炆龍躉翅煲，估唔到同紅酒都可以好夾，記得平時喺佐敦金山食龍躉翅，價錢都唔平，但呢到又係保持價廉物美，最正係嗰啲枝竹同火腩，入晒味，嗰晚出去講個電話，枝竹已經售罄。 辣子蝦球係我覺得最出色同有驚喜，愛辣嘅人一定會鍾意，你以為辣度係普通貨色，個辣味卻做得非常精準，

 自從限聚令下，已經有一段日子沒來龍苑了，雖然只可以4位相聚，但勉強將就將就。畢竟飯總要食，飯餐時段都有七八成客，場面都算可以。逆市中點都要花心思去推廣，近日就有一個好抵食套餐，有片皮鴨、點心拼盤、海皇豆腐羹、鴨崧炒飯、菜同甜品，折實不過$250/位（另加10%服務費及茶芥）今次就選了片皮鴨及幾款菜色試試。北京片皮鴨（兩至三位半隻/四至七位一隻）畢竟有限聚令，四個人只得半隻，要全隻上，恐怕又要過多一段日子。鴨子是即烤即片，侍應會在片鴨之前，詢問客人只要鴨皮抑或帶多少肉，非常窩心。餅皮當然是熱辣辣，而且層層間另有透氣紙相隔，絕不會黏在一起。用餅皮包起再加點京蔥及青瓜絲一齊食，滿有鴨香和嚼口，好味，只可惜兩食無得轉湯。辣子蝦球（$328）辣度比預期勁，蝦球好爽彈，不帶絲毫化學成份，辣辣地真係好惹味。紅燒花菇花膠鵝掌煲（$438）其實是一道老媽仍在生時最喜歡的一道菜，因為老人家愛濃味，而且鵝掌炆得夠稔，花膠筒滋補養顏，龍苑在傳統菜色上處理得有一手。支竹火腩紅炆龍躉翅煲（$498）仍然記得上次係龍苑攪生日飯，其中一味就係炆班翅。須知道，用得炆班翅，點都要有咁上下體型，至少都大條過「條頭班」，龍

2月25日2021年晚上吃鲍魚套餐，滿有希望，因平時亦去過飲茶及吃自助餐但今次太失望，全個餐只有龍蝦及义燒稱得上滿意。其他……炸物油太多，鲍魚太硬，芝士焗飯更差，飯面上的不像芝士，疑是加了麵粉的糊物，似茶餐廳的芝士焗飯。最后合桃露更甚，似不夠要加水煲熱，水汪汪，去甜品店2O多元買一個比它還好。真真極度失望。連影相都不願。以一間洒店水準來說，我真的沒有下一次故吃了回來立刻寫食評。

喺尖沙咀繁華嘅地方，好少可以搵到一間比較寧靜，坐得舒服， 又係媽媽喜歡食嘅中菜係食評都好多人覺得這間中菜不錯，我哋一於都嚟試吓！我哋早到咗，咁啱未有位， 佢哋門口見有一啲位置可以坐低等一陣，非常窩心服務員也非常細心有禮😊等你可以放鬆心情，之後就開始開懷大食！我哋原本諗住食點心，結果忍唔住叫咗好多小菜及小吃，果然有驚喜我哋叫咗以下食物：滷水豬仔腳丶龍苑一品點心拼盤、豉油銀牙炒腸、蘆筍帶子腸粉丶燒味拼盤丶辣炒波士頓龍蝦其中，龍苑一品點心拼盤，佢有一隻好大嘅鮑魚、蝦餃上有金箔好睇又好食！好有海鮮味！至於辣炒波士頓龍蝦🦞辣味啱啱好，肉質新鮮！整體所有食物質素都非常高！而且食得安心又放心

今次嘅酒店staycation一間房$1250 另加一服日，中午12點可以玩到第二日下晝六點，而且已經包左$1250嘅酒店餐飲消費額，再加早餐及行政酒廊使用。Check完in咁就去飲個茶先啦。佢哋嘅蝦餃王好似好出名，皮唔算好薄但係好煙人咬口好好，好大粒，而入邊嘅蝦同蝦膠都好爽脆土呢個小籠包就強差人意，皮唔算厚，但一想到枱已經縮晒水，入邊得返少少肉汁蘿蔔糕都炒得幾香，但碟頭有啲細而且XO醬唔算好多黃金魷魚鬚選用嘅魷魚比較細，但鹹蛋黃夠多炒得好香係呢餐入邊最好食嘅嘢蟹粉海皇煎米粉都唔錯，煎米粉做得好好，蟹粉海皇汁都好足料合桃雞粒酥盞都唔錯，個皮甜甜地入邊雞肉同埋醬汁配搭都唔錯，但整體上呢度嘅擺盤好差，總係覺得啲嘢好似求其擺落一隻碟咁拎出嚟，啱唔啱都放落同一款碟上面。響酒店中餐廳來講，我會定義為唔合格。芝麻球幾好食，但係佢叫做流心芝麻球，個心又唔係好流喎整體來講，作為一間酒店中菜我係覺得有啲失望，不過又唔算太差嘅，但菜式嘅擺盤就應該要多花心思了。

頭盤叫咗一個麻醬茄子，唔記得影相，茄子係冇臭青味，去咗皮，味道OK。蔥油雞就真係一般，啲蔥切到好大粒，同平時食開嘅唔同，淋啲豉油上面好似蒸魚嗰啲咁樣，好彩隻雞係滑嘅，但係調味真係好差。帶子鮑魚煲，都幾多鮑魚，有四隻鮑魚，帶子都幾大粒，仲有四棵小棠菜，好味嘅呢個係。當日星期三去到食晚市都幾full，建議可以book枱先去。

🦀大閘蟹季節又來臨，不少嗜蟹一族已到處搜羅肥美靚蟹，享受啖啖蟹膏滋味。龍苑中菜廳今年被各雜誌採訪，皆因今年推出了一個✴️四折優惠✴️的大閘蟹蟹宴，只需要$498港元就可享受7個菜式‼️.頭盤有蟹粉蟹肉高湯燴燕窩，非常足料，淡淡蟹肉！蟹粉小籠包也不錯，鮮味濃郁，保留多汁。.重點來了是日本大閘蟹，比我國的大閘蟹型態不同，體積略小，蟹肉和蟹黃較少，但更鮮味。😋.再來的有吉列蝦球配蟹皇醬，餘韻鮮甜， 酥軟彈牙，蟹黃醬也充滿蟹黃與蟹肉，絕不欺場🦐.其他菜式水準也在一般中菜廳之上，最後一碗薑汁芝麻湯圓去寒（完整菜單在圖9），捧著肥寶寶的肚腩滿足離去☺️，性價比超高🤑.⭐️性價比：5/5星💰人均：$500港元💕關注【香港美食餐廳攻略】，尋寶美食優惠一起吃吃吃！喜歡的請給贊和收藏❤️...🌻🌻🌻🌻🌻🌻🌻🌻🌻🌻🌻🌻🌻🌻🌻🌻#香港餐廳 #香港探店 #香港旅遊 #網紅美食 #香港咖啡 #美食

終於同🤴🏻一齊連放兩日，依家冇得去旅行🧳，只好係香港訂間酒店兩日一夜過下渡假feel😍😍 今次個package就係兩位，1晚酒店連早餐點心放題8:00-11:00！$713 我地book左9:00入坐，先叫左一壺水仙再睇下有咩好食先😄😄菜單有共18款（點心+小菜）再每人送一盅中式老火抗疫湯！😃😃我地就每款都有叫，食齊佢所有😚😚點心可以逐粒逐粒叫或者細細份咁🤗🤗燒賣幾大粒豬🐷肉同蝦🦐肉比例適中雞🐔腳、排骨夠入味XO醬炒蘿蔔糕、腸粉亦有鑊氣炒麵炒得好平均，叉燒包甜甜地讚👍🏻完就要講有咩改下先😃😃米粉、雲吞、老火湯、皮蛋瘦肉粥、油菜、花卷呢幾類都口啖啖，冇咩味😅😅蔥花滑蛋就太鹹！😐😐服務方面好好，上菜速度快，會主動添茶收走碗碟！有個小插曲係牛展片以為佢係一片一片咁所以叫左4份，點知上枱時係16片，好彩都辣辣地幾開胃，全部都食曬😝😝

燕窩蟹粉小龍包大閘蟹我第一次食感覺上冇咩特別lol呢個蟹膏用黎點班塊好好味!!!!!蛋白花凋蝦球呢個飯, 主要令你飽, 冇咩其他意義食蟹寒涼, 最後飲番個薑茶先得呢個糖水超級爆好味, 因為我好中意飲薑水糖水

今個weekend喺金域假日酒店staycation，check out嗰日嘅lunch就同阿爸阿媽三個落咗佢間中菜館飲茶。因為疫情關係，喺酒店飲茶食飯安全啲。開咗一壺鐵觀音，茶葉乾淨，小茶粉。環境中規中矩，星期一嘅午茶比我預期中多人。點心試咗晶瑩蝦餃皇，北菇鮮蝦燒賣，xo醬鳳爪，上湯芫茜牛肉球，蘿蔔千絲酥，流心黑芝麻圓，酥炸鹹水角同叉燒包。點心水準大致中尚，味道新鮮。我哋比較鍾意佢個燒賣佢真係皮薄餡靚，個芝麻丸真係做到有留心嘅效果，蘿蔔絲夠鬆脆多餡皮薄。其他嗰啲係傳統香港點心嘅味道冇乜特別，同平時同區飲茶嗰啲差唔多。如果你係假日酒店嘅會員飲茶仲會有折添，咁就就真係好過去茶樓飲啦。

還記得愛上越南嘅大頭蝦，應該係喺胡志明市，幾年前，當時吃一隻大頭蝦，大概港幣$80，嗰啲膏多到可以飲，好似手掌咁大嘅大頭蝦同食龍蝦肉冇異，就在那個時候就愛上了越南大頭蝦。喺香港有時食自助餐，都會遇上呢類大頭蝦，不過始終味道都冇咁好食，莫非真係要到越南先至可以食返嗰種應有嘅鮮味？龍苑中菜廳有個大頭蝦嘅Menu，有多款大頭蝦嘅菜式可以選擇，吃完後我們一班朋友還相約一定要喺越南再聚，同樣試多次大頭蝦嘅鮮味。當晚做緊唔同嘅優惠，又酒店七折coupon 又有醫護人員優惠，龍苑基本上滿座。幸好我哋都留咗枱，不過好熱鬧，感覺同社會以前歌舞升平嘅時候一樣咁正，唔通個個都為大頭蝦以來？避風塘大虎蝦，呢個先拔頭籌，用上港式風味調教來自越南嘅大虎蝦，到底會係咩樣？避風塘炒過之後感受完全唔同，熱辣辣嘅鑊氣加上蒜茸、蔥，辣椒嘅香氣，絕對係港仔最愛。蒜蓉牛油焗大蝦，其實手法度度差唔多，只不過用上勁蒜蓉同牛油來焗，相對越南餐廳好多地方都會有呢個方法來造，但牛油香，絕對叫你迷倒。愛咖哩人必選咖喱大虎蝦粉絲煲，如果你熱愛咖喱，然後又愛粉絲煲，就更加之鍾意，因為條條粉絲都吸收晒咖喱嘅精華，而咖喱汁又可以送飯，嗰隻大頭蝦就

金域假日酒店嘅龍苑中菜廳經常會有新菜單，今次加埋有醫護人員嘅優惠所以同朋友嚟試吓呢個越南大虎蝦菜單。如果你以為個個唔出街食飯，咁你就錯啦，基本上高朋滿座非常多人，成晚都full到不得了。可能係呢個新餐廳吸引，講真越南虎蝦，又有多種不同優惠，好難唔去食。之前喺其中一間金鐘嘅自助餐，試過越南虎蝦一試難忘。上次係食刺身版本，估不到咁好食。當晚試咗幾隻唔同嘅虎蝦菜式，當中最愛蒜蓉牛油焗大蝦，個蒜蓉牛油味同越南餐廳味道好似好相近，整隻大蝦都滿佈牛油嘅香味。喜歡香脆嘅味道，就會叫避風塘大虎蝦，呢一個絕對係港式風味，同之前食過好多種避風塘炒菜式都一樣正，惹火冇無限 ，不過相對蝦肉就冇咁爽。咖喱大虎蝦粉絲煲係愛飯人士嘅最愛，咖哩濃到一個點，又不會遮蓋蝦肉的爽甜彈牙。茄汁煎蝦碌同屋企媽媽煮嘅野一樣，又係好適合送飯，家常小菜，令你非常有親切感。一晚可以使到咁多款唔同嘅蝦，新鮮同滿足感好高。當晚仲食咗呢個另一個首本名作招牌紅酒燴牛尾煲，估唔到同個蝦一樣咁吸引，同親戚朋友講開，才知道原來喺呢度嘅好出名嘅菜式，個牛做得好好，又腍又入味。估唔到原來食蝦都可以食到咁飽，加埋個牛肉就已經非常滿足。連甜品也吃不到了。

食飯最緊要有知音者，同聲同氣至食得開心，今日又同班鐵腳食大蝦，最正是飯腳買左金域假日酒店6折現金券，當然即刻用。今次好似同大蝦有仇咁，在龍苑新推出的4款大蝦中，就點了3款大蝦，不過食得滋味最緊要。 「茄汁煎蝦碌」微酸帶甜好醒胃，仲誘發出大蝦鮮甜味。「蒜蓉牛油焗大蝦」蒜香樸鼻一樣咁吸引。 不過個人就最欣賞「咖喱大虎蝦粉絲煲」一開個煲蓋，咖哩香傳到幾丈遠都聞到，最精彩除了大蝦外，粉絲吸收晒大蝦的鮮甜及咖哩香，好味到令大家欲罷不能。 我地仲點了金絲鵝肝百花炸釀北海道帶子，外表脆卜卜，入面是好軟滑鮮甜的帶子及蝦膠，同樣鮮味十足，口感好豐富。 招牌紅酒燴牛尾，好味到無得彈，肉質又腍又夠味，連汁我地都唔放過，點埋花卷同吃，好鬼好味。 不過講到至出位必屬枝竹火腩紅炆龍躉翅煲，熱辣辣咁原煲上，啖啖龍躉肉，唔多講都知幾得，仲有男人至愛的火腩，加埋索晒汁既枝竹，簡直滿足晒味蕾。 最後食埋啫啫西生菜煲，好滿足？當然未喇！仲有我最愛蛋散及滑溜溜豆腐花，呢兩道甜品都好正呀！由於我地有6折現金券，即刻用抵上加抵，如果未買就要快手。不過依家凡惠顧龍苑中菜廳午膳及晚膳，憑匯豐信用卡星期一至日七折優惠，AE及恆生星期