龍糖坊 (好利時大廈)

营业中

休息中

平時食開銅鑼灣個間龍糖坊，位於尖沙咀新開咗間分店，7月4日正式開張同銅鑼灣嗰間嘅甜品有好大分別，多咗好多款唔同特色嘅甜品，無論係味道、口感都令人驚喜，值得一試。而且平日下午仲有能量午餐系列，抵食又健康手工雙皮奶就叫咗2款，一款係 [ (凍)牛油果甘露雙皮奶 $52 ]牛油果漿同雙皮奶好夾，牛油果果肉粒放係中間，牛油果味道濃郁，味道又唔甜，配搭營養豐富嘅奇亞籽，但又唔會掩蓋雙皮奶嘅細膩，食完唔會覺得膩另一款係 [ 焦糖娟姍雙皮奶 (凍) $40 ] 順滑雙皮奶係下層，面層加上脆口焦糖，焦糖雙皮奶味道好夾。焦糖唔會過甜，反而添咗層次感，奶味濃，又香又滑手工芋圖系列有呢款 [ (凍)雪燕蓮桃芋圓奶凍 $40 ] 夏日消暑嘅好選擇，每件奶凍都彈牙滑溜、雪燕晶瑩剔透，口感順滑、蓮子口感爽脆、滿滿桃膠煙韌爽滑，令人好有食慾、芋圓口感煙韌，當然要落埋揶奶，就更加滿足，口感豐富雪花冰系列嘅 [ 陽光青提雪花冰 (單人版) $68] 有分享版及單人版，朋友就叫咗個單人版，外層有青提子包圍住，青提口味嘅雪花冰清新又消暑，口感細膩，青提甜味剛好，係夏天必食甜品，冰涼透心，單人版夠哂一個人食，食完心情更加好

龍糖坊 @ 尖沙咀原來甜品咁有益…係尖沙咀食完點心…朋友話想食個甜品。 咁啱見到對面有間新開既甜品舖…見生意都唔錯就過黎試下呢度以港式甜品為主…不過都有少少台式野…選擇都幾多元化我地點左紫米蓮子芋圓西米露 紫米煮得有嚼頭 芋圓勁煙韌 蓮子 椰汁底西米露唔錯。今日MVP既芒果河粉 河粉都曾幾何時係香港都威過一排。 間間甜品舖必有item。 好耐無見當然點黎食下。 椰汁底好香好濃👍🏻 河粉滑酹酹 絕對滑過真河粉 芒果好清甜 撈勻埋d芒果汁一齊食好味除左甜品…一見到有台式鹹食忍唔住點左香腸同炸雞大師三角雞軟骨 見到「炸雞大師」唔係唔叫呀。 新鮮即叫即炸 外脆內都脆…呢個惹味 。 香腸就正常野啦…呢度最貼心係上甜品時都會奉上一張甜品說明書有寫低甜品功能/效用…呀！去洗手間時見到呢道有個basement…店員話係做event用…另一重點！就係要讚下呢度個洗手間…雖然係位於後欄…但好有心思裝修過…加多10分。 最驚好d後欄洗手間濕蓆蓆😨😨😨

楊枝甘露雪花冰同宇治抹茶雪花冰，仲叫咗個芋圓香芋紅豆奶凍。首先講吓楊枝甘露雪花冰，真是一個芒果控嘅福音！啲雪花冰真係好棉好細滑，入口即化，芒果粒好多好新鮮，甜度啱啱好，食落好清新，完全唔會膩。份量都唔少，我哋兩個人share一碗都覺得好滿足！宇治抹茶雪花冰就係抹茶控嘅心頭好，抹茶味濃但唔會太苦，配上啲雪花冰，食落好creamy，仲有啲紅豆同小圓子，增加咗啲口感。不過如果抹茶味可以再濃啲會更加正！整體嚟講都係中上水平，唔會失望。芋圓香芋紅豆奶凍就略為普通咗啲，芋圓煙韌有嚼頭，香芋味都幾濃，紅豆同奶凍搭得幾好，但奶凍本身略為偏甜，食多咗有啲膩，可能係個人喜好問題，覺得如果可以再輕盈啲會更好。環境方面，糖龍坊喺尖沙咀算係幾方便，店舖唔算好大，但坐得幾舒服，裝修走簡約風，乾乾淨淨，啱晒同朋友嚟食個飯後甜品，chill一chill。

尖沙咀新糖水店😍非常推介✅甜品款式超級多，每一樣嘢都好想食，入到嚟有選擇困難症😂真係無論平日晏晝夜晚都一樣咁多人🙈超級特別‼️仲有一款盲盒甜品😂三色水果湯河 $68加$10芋圓，好煙靭🙈有驚喜，湯河有兩隻顏色💕芒果同斑斕味💛💚 有新鮮水果西瓜、芒果和藍莓🫐椰汁湯底清甜而不膩，超級清爽🍉湯河口感滑順，夏日必試選擇👍🏻宇治抹茶雪花冰 $78精緻甜品😍雪花冰抹茶味道可以更加濃郁😚口感細腻，感覺到冰雪融化🥰份量唔少，上面仲有紅豆和奶油做點綴，啱晒抹茶愛好人士💚📍龍糖坊(尖沙咀)尖沙咀亞士厘道22號好利時大廈地下

最近發現係尖沙咀開左一間食傳統糖水mix新式甜品嘅糖水舖。裝潢偏向木系風，明亮嘅燈光 令人一眼就見佢。❤️‍🔥楊枝甘露雙皮奶❤️‍🔥綿滑的雙皮奶搭配清新的芒果和葡萄柚，口感層次分明。每一啖都帶來濃郁的奶香與芒果嘅清甜，估唔到兩款糖水 crossover 係可以咁夾。最令我surprise係 完全唔係死甜！🍧宇治抹茶雪花冰🍧抹茶色澤誘人，細膩的雪花冰融入口中，瞬間釋放抹茶的香氣。再配上紅豆和奶油，甜而不膩，清爽可口，讓人感受到抹茶的醇厚與清新，絕對是夏日必嘗之選！

尖沙咀新開甜品店～環境好舒服 menu有好多甜品嘅插畫 感覺好摩登而且款式超級多 港式、台式都有之外 連雪花冰都有得食添嚟樣樣都想食 兩個人share三個甜唔都唔過份～❣️白玉娟姍雙皮奶雙皮奶非常細緻 吃下奶香四溢 口感滑溜香醇濃郁的滋味在口中久久未有退去很適合喜歡奶製品的人來品嚐❣️芋圓香芋紅豆奶凍一碗裡面有多種配料 真係大滿足芋圓同紫薯圓好Q彈 香芋好棉密 紅豆煮到好腍 仲有好滑嘅奶凍個base仲係椰汁西米露～❣️楊枝甘露雪花冰有奇異果、芒果、藍莓 芒果大大粒好香甜再配埋啲芒果忌廉 底下就係芒果味嘅雪花冰雪花冰做到好綿密 食落有啲似雪糕嘅口感 清香唔會膩夏天熱辣辣食真係一流

係尖沙咀食完晚餐，見到亞士厘道開左一間新糖水鋪係傳統港式糖水同現代養生概念完美mix，滿足我呢種想食甜品但又怕罪惡感既人！😍🥭 芒果河粉新鮮芒果嘅清甜果香，大大粒果肉椰奶製成嘅河粉軟滑Q彈，糖水底用芒果汁同椰漿調配，層次豐富，清爽解膩！💚 馥綠開心果露開心果控集合！濃郁堅果香同絲滑口感，甜度啱啱好，唔會膩！保留天然開心果風味，健康又滿足，食完仲有種高級感，絕對係養生甜品嘅天花板！🍊 紅柚鐵觀音紅柚嘅清新果香撞上鐵觀音嘅蘭花茶韻，每啖都飲到紅柚果肉，微酸微甜超清爽！🍵不論飯前定飯後，都推介你帶埋屋企人、朋友或另一半嚟龍糖坊！鐘意創意新派甜品定養生糖水，總有一款啱你心水！😋

自從上次同老best 去尖沙咀新開嘅龍塘坊朝聖，佢已經愛上咗呢間嘅糖水舖 ，次次經開尖沙咀佢都話要食😂已經變成佢嘅甜品飯堂🤣 就算平時食完飯，都要去買碗糖水返屋企🤣一碗大滿足 $58 (必食)一碗已經包含椰奶、芋園、桃膠、蓮子、仙草、西米、香芋、紅豆🫘 一碗椰香撲鼻、煙韌彈牙、滋潤養顏、層次豐富嘅甜品盛宴，食一啖就知乜叫真正嘅「大滿足」😋紫米蓮子芋圓西米露 (熱)$40唔想食凍嘢，都可以選擇食吓熱嘅糖水上枱溫暖，唔會太熱，溫度啱啱好👍🏻紫米香濃、蓮子綿滑、芋圓煙韌、西米爽口，每啖都好滋味😋🥭芒果河粉 $58河粉滑溜，新鮮芒果香甜，微微椰奶香😋成件事夏日感十足，清新又開胃👍🏻下次再食過🤭

小妹今晚同豬去咗位於尖沙咀新品牌「龍糖坊」甜品店～呢間甜品店融合不同文藝設計既氣色。將中式糖水及西式甜品，打造成文青復古新潮既感覺🥰當中最欣賞係牆上面既插畫，以及打氣小卡仔😍精緻吸睛💚馥綠開心果露🍵 💚身為開心果之粉，當然要試食吓～食落口已經有非常濃郁既開心果香味，質地濃稠，每啖都食到滑口感覺😙面頭舖滿開心果碎，足料製作，口感層次更分明🤘🏻宇治抹茶雪花冰🍵 🍧呢度雪花冰可分單人版或雙人版，小妹就擇咗單人版，份量相當不少，幾大碗👌🏻宇治抹茶冰口感綿密，入口即溶，且抹茶味🍵幾香濃～面頭舖咗忌廉及紅豆🫘加強雪花冰的味道👅整體有質素，份量剛好，環境舒適且價錢合理🤭 岩哂飯後想食甜品🍧既朋友仔😝

好開心呢晚收工同事仔陪我一齊食糖水，勞碌了一整天係要好好慰勞自己😌地點非常便利近isquare，夜晚好多食客都黎食飯後甜品，好熱鬧😚部分甜品可選大小份，岩哂唔同胃口的客人😙我地揀左凍紫米蓮子芋圓西米露、宇治抹茶雪花冰（單人版）、黃金地瓜薯條，share黎食😋😋我地都特別喜歡宇治抹茶雪花冰，因為佢超濃郁奶味同抹茶味，好似食緊抹茶牛奶咁，好creamy🤤出面好少甜品店可以食到呢個質感🩷凍紫米蓮子芋圓西米露，非常足料，紫米同芋圓都好有咬口，好豐富🤤🤤黃金地瓜薯條，原汁原味無添加任何調味，完全平衡返其他甜品的甜，呢個組合真係唔錯😎💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡凍紫米蓮子芋圓西米露宇治抹茶雪花冰（單人版）黃金地瓜薯條💛💛💛💛💛💛💛💛

喺尖沙咀行完街，想搵個地方食個甜品坐吓，就揀中咗近期好有人氣嘅「龍糖坊」。糖水舖環境簡約中式風，木系傢俬，坐落去好舒服，有慢活嘅感覺。叫咗三樣嘢：馥綠開心果露、羽衣甘藍芒果混果汁、榴槤河粉。榴槤河粉好特別，用河粉配榴槤真係冇諗過會咁啱。河粉本身滑滑地，好Q好煙韌。榴槤果肉豐富，榴蓮非常香，甜度啱啱好。開心果露賣相好靚，非常幼滑，磨得好幼細同好香，加上開心果碎，堅果味突出，令到整碗嘅開心果味都好濃，口感層次好豐富，好好味。羽衣甘藍芒果混果汁好清新解渴。飲落清爽充滿芒果香氣，感覺養生但唔失風味，好岩夏天飲用。

♥ 濃郁開心果露！💚尖沙咀新開養生手工糖水♥✎ (❁ᴗ͈ˬᴗ͈) ༉‧ ♡*.✧ 喜歡的話記得like & follow我喔♥位於尖沙咀的「龍糖坊」，強調養生，提供真材實料的手工甜品。餐廳的牆身上有字句強調應時而食，環境舒適～菜單上有多款傳統糖水、新派中式甜品、雪花冰、特色小食、手工芋圓及中式涼茶，選擇非常多元化。推薦「馥綠開心果露」 $68 💚👍🏻第一次試開心果露，味道濃郁，開心果的香氣天然，質地濃稠滑順，口感像芝麻糊，甜度適中，好味！另外，我們叫了「陽光青提雪花冰」（單人版）$78雪花冰上鋪了飽滿的青提和藍莓點綴，加上奶油，灑上烤香杏仁片，青提雪花冰的味道像某品牌的蘆薈粒青提子汁，好有趣🤣📍 龍糖坊 (尖沙咀)尖沙咀亞士厘道22號好利時大廈地舖.・。.・゜✭・♥・✫・゜・。.#龍糖坊 #尖沙咀 #手工甜品 #養生糖水 #甜點 #尖沙咀美食

尖沙咀開咗一間糖水店，唔只有傳統糖水，仲有綿綿冰糖 小食 啱晒唔同人嘅口味啦🥰🥹=================Food list📌🍒白玉荔枝雪花冰白玉荔枝雪花冰嘅賣相夢幻，雪花冰入口即化又綿密，白玉軟糯又唔會過甜，配上清甜多汁嘅荔枝，好有夏日清新感～一啖落口即刻消暑😋❄️！加埋白玉增加咬感，滿足晒啲鍾意嚼嚼口感嘅朋友～唯一係，如果唔太鍾意果香嘅甜品，可能會覺得荔枝味比較搶鏡，但整體配搭好平衡👍🐣炸雞大師三角雞軟骨炸雞大師三角雞軟骨真係炸得好香脆，配方有濃郁蒜香同辣味，一食即上癮🤤🔥。軟骨脆中帶點彈牙，唔會硬到咬唔落，連牙口一般嘅朋友都啱食～最大賣點係調味出眾，特別突出👍🏻🦐府城蝦卷府城蝦卷係經典台灣小食，外皮炸得金黃香脆，內餡仲咬到粒粒紮實蝦肉🦐✨，每一啖都食得出真材實料！外脆內嫩又唔油膩，仲有傳統配醃蘿蔔更添清新。點埋黃芥末醬油膏一齊食層次更豐富～絕對滿足！

同朋友喺尖沙咀食完晚飯當然要食埋個糖水先覺得圓滿啦，估唔到出名手工糖水嘅龍糖坊繼銅鑼灣之後喺尖沙咀開咗分店，咁九龍嘅朋友可以多個選擇👍🏻不過今次嚟到，雪花冰同雙皮奶都賣晒啦，食好嘢下次要早啲去到🤪榴槤河粉 $68榴槤果肉好香好甜，加上特製椰汁🥥鮮滑河粉，真係令人流連忘返😋雪燕蓮桃芋圓奶凍 $40呢個甜品好足料，有雪燕、蓮子、桃膠、手工芋圓、椰汁西米露、奶凍🍼，又可養顏又可消暑😍腐竹薏米蓮子蛋 $38呢個中式糖水亦一樣出色，唔會太甜，薏米同蓮子都煲到好腍，配上原隻雞蛋🥚，腐竹糖水食落好綿滑

天氣熱，決定去糖水舖食碗甜品兼涼下冷氣，到左新開嘅龍糖坊。下午來到幾乎全店滿坐，好好彩啱啱有張四人枱走唔使等位。餐牌都幾多野揀，見近乎枱枱都叫雪花冰我地又叫先，下午茶時段仲有優惠添，可以甜品+飲品或甜品+小食😋⭐雪燕蓮桃芋圓奶凍個名有點復雜的糖水😆冰冰涼涼入口好舒服，好香椰奶味，微甜啱口味，足料有口感，正喎。⭐楊枝甘露雪花冰雪花冰有四款口味，揀左芒果款的楊枝甘露，勁多芒果肉，再加芒果醬、忌廉同奶凍，味道豐富有層次，連啲冰都係芒果味㗎，唔會食完面頭個層就無味，真心好睇又好食😍⭐羽衣甘藍菠蘿混果汁下午茶餐揀左跟果汁，入口意外地重菠蘿味，無草青味，甜甜地入面仲有爆爆珠，幾好飲吖。無加一，食完涼浸浸，夏天食雪花冰真系爽😆