龍廷粵菜廳

本身一路都在附近食其他小菜餐厅，见到呢间酒楼打算试一试，见佢星期五晚市都无咩人，得两三枱，不过价钱相宜都知可能伏，点知一路食一路有蚊螆飞黎飞去，小菜味道都一般，无咩味道。最离谱系结帐时，明明我地三个人落单$198龙虾伊面，佢结帐话我地系叫左$398果款，死都话我地三个讲错，唔肯负责任，明知你地有机会伏野仲会叫贵果款咩，仲话我地无理由食左都唔知边款龙虾，赖番我地转头，真系甘都得，嬲到呕。最后唔想嘈落去，真系无下次…查看更多

放假同屋企人出去荃湾饮下午茶，之前去过同一栋嘅大厦另一间，今次就试吓呢间。估佢唔到竟然系个福建炒饭嚟先，份量正常唔算太大份味道都几好，蟹肉都几爽啲料都几足。试埋佢个烧肉濑粉，烧肉出奇地脆卜卜呢度系有惊喜嘅。鸭脚仔同埋菜苗饺都正常表现。反而有少少失望系个肠粉同埋小笼包，个肠粉煎完出嚟太烂。小笼包个皮做得几薄，就系薄佢下面唔垫底，四个穿左三个，漏晒啲汁嘥晒。个桂花红豆椰汁糕个味教得几好，唔会太甜，亦都有桂花嘅清香，最唔好就系个椰汁糕仔太松散唔够实净完全夹唔起。个紫米露虽然卖相唔系好得，但系个芋头煲到好腍好好食。成餐下午茶都系三百几蚊又食得过。…查看更多

荃湾杨屋道街市既海鲜种类多、价钱平而出名，好多人都会跨区喺度买海鲜，隔离条街有商铺提供加工服务，保证仲好新鲜，更加方便左唔识得处理海鲜既人士。今次就去到龙廷，佢嘅加工费系按重量收费，每一袋海鲜都会称左先，同埋会写低想要既烹饪嘅方法，如果谂嚟谂去，楼面仲会建议适合嘅烹煮方法。佢哋大概半个钟就上菜，上菜速度都好快。我觉得每一样嘅加工菜都好入味，仲食到海鲜既鲜味，但系西兰花炒鱼肉，我就觉得有啲咸同埋落重左蚝油，抢咗本身嘅鲜味之余，仲会因为太咸而唔想食蔬菜。佢地好似加工菜处理较佳，反而单点既菜品有啲欠水准，有待加强！…查看更多

酒楼位于杨屋道街市对面最啱买完新鲜海鲜拎上来加工唔洗自己煮同洗🤞🏻芝士🧀️龙虾🦞伊面（自购海鲜）芝士味香浓汁既份量啱啱好包住龙虾同伊面豉椒蛏子（自购海鲜）豉椒汁味道适中又系做到啱啱好挂系蛏子上蛏子熟度唔会过生或过熟👍🏻可以加煎米底但今日人少无加紫米露食完饭送既糖水家人话甜左少少🤏但对于钟意食甜既我来讲觉得啱啱好🙆🏼‍♀️埋单$458/4人（唔计海鲜买料）加工费$96/斤伊面底$68茶芥$15/位…查看更多

朋友生日一行 3人到杨屋道街市选购海鲜，再转战到街市对面的龙廷酒家加工海鲜。今晚海鲜宴首先出场有上汤龙虾伊面，澳洲龙虾肉质弹牙鲜甜，啖啖龙虾肉配上清甜上汤、烟韧伊面，令人大快朵颐避风塘炒蟹～肉蟹糕多肉多，加上避风塘炒出惹味香辣，伴碟葱蒜刺激口感，百味交杂，滋味无穷烧鹅（例牌）烧鹅味道唔错，但可惜鹅肉有点柴皮亦唔够脆，有点失色黑椒牛柳炒西芹～牛柳粒鲜嫩肉爽配上黑椒微辣，西芹香甜脆金银蛋浸苋菜～味道咸香有蛋味，但可惜首苋菜太老有渣，有代改善姜葱蚝煲～今次无买美国桶蚝改选中山蚝，朋友想试吓中山蚝口感，但可惜中山蚝不及美国桶蚝有蚝味不够鲜味，加上煮得芡汁太多又淡，感觉带不出蚝鲜味真麻麻～有点失望饭后付送红豆沙甜品，甜道适中，不错甜品侍应招待有貌，食海鲜多壳换碟亦殷勤，上菜亦快…查看更多