龍島 (朗豪坊)

营业中

休息中

皇者盛世高級比利時朱古力蛋糕既朱古力味濃，海錦蛋糕軟軟的，忌廉也是朱古力打成的。整體來講蛋糕味道非常之唔錯😌，而且賣相都好Grand。如果想食朱古力蛋糕，一定要揀龍島。另外佢個生日牌都好皇朱古力味。#龍島

今年生日，沒買大的生日蛋糕，而是兩件小的件裝蛋糕作為慶祝。買來的是兩款原價每件$50，現正做特價的件裝蛋糕，買兩件只需$78，平均每件只是$39。兩件小蛋糕味道都很好，以這價錢，我覺得都相當合理和抵食。這兩件蛋糕是歷史悠久的老牌名店「龍島」LUCULLUS的出品，分別是「柚子軟芝士蛋糕」和「60%黑朱古力軟心蛋糕」。柚子一向是我與太太兩個都很喜歡的水果，喜歡它味道清新開胃，以柚子做成雪芭或是以柚子作為材料製成蛋糕，都是我倆首選的甜品選擇之一。這「柚子軟芝士蛋糕」味道及格，蛋糕軟滑不膩，蛋糕上的柚子果占為戍下的軟身芝士蛋糕加添多點酸甜的味道，就讓這蛋糕更顯得清新味美。不過相比起「柚子軟芝士蛋糕」，「60%黑朱古力軟心蛋糕」我就更喜歡，更得我歡心了。一來朱古力是我最喜歡的甜食，二來這蛋糕從頂到底雖然都以不同的朱古力元素組成，只加入少許碎粒果仁作為陪襯，但每樣都有不同的口感軟硬層次變化，味道亦有些較濃，有些較淡，總的而言，對我來說，這蛋糕實在沒有甚麼要挑剔的地方，我非常滿意呢！

🌟72% 黑朱古力蛋糕｜$52今日咁岩經過想食甜野所以買左件食下，蛋糕細細個岩岩好，唔會太罪惡又滿足到依甜品既慾！。蛋糕🍰入面係濃郁幼滑既黑朱古力慕絲，配搭朱古力海綿，而且佢個底係榛子朱古力脆脆，個蛋糕整體有好濃既朱古力味咬落又好似金莎咁脆脆地，食落有多重口感，非常好味，😋。

買蛋糕俾朋友慶祝生日，首選係龍島，因為cau返工地方，拎完個朋友屋企都好方便。價錢唔算話係好貴，但呢個價錢買到呢個質素我覺得值。呢個味道係黑朱古力味，唔會太甜，而且賣相都好精緻，朋友都覺得好好食。份量可以幾個人share都好夠食。

👑⚜️【 LUCULLUS 龍島 】⚜️👑⋄ —————⧫♟⧫————— ⋄超rich的朱古力蛋糕😳❤️💓香濃細滑😋採用高級比利時60%純黑朱古力，中間夾著朱古力海綿蛋糕，唔會太滯。⋄ ┄ ┄ ┄ ┄ ❖ ┄ ┄ ┄ ┄ ⋄🍫「皇者盛世」60％ 朱古力軟心蛋糕（$318）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：LUCULLUS各分店⋄

路過見到朱古力蛋糕嘅賣相非常精緻，總共試咗4款，其中小蛋糕係買3送1(平均$150就買到4件)，另外亦試咗一個4寸黑森林。總括講全部都有好濃郁同軟滑嘅朱古力，同埋畢竟係中高檔定位，每款都有相當足料嘅蛋糕海綿體，而唔係用大量Cream去撐大同撐厚件嘢。伯爵茶係60%朱古力，食落真係有少少茶香。另外果件72%朱古力香濃軟滑之餘，底部有一層脆脆哋嘅薄層。另外果件好多朱古力碎塊同最後件4寸黑森林上面幾粒車厘子有酒味，蛋糕部分朱古力嘅香濃同上述都係差唔多。以呢個價錢同品質再加源於半島酒店嘅大名，無論係送禮定自用都好體面。

今日幫朋友慶祝生日，喺旺角朗豪坊行完街就去咗龍島買蛋糕，再出發去朋友屋企。龍島一直都係我幾鍾意嘅蛋糕店，蛋糕賣相吸引之外，感覺亦好真材實料，貨真價實。因為朋友好girly，所以今次揀咗賣相高貴夢幻嘅法式焦糖紅茶蘋果慕絲蛋糕$410俾佢。外型真係好靚好吸睛，打卡一流，粉紅色雲石鏡面再加上幾塊金博，真係令人難以抗拒。除咗外表吸引外，味道都好好，紅茶味好清香濃郁，口感creamy順滑，蘋果蓉酸酸甜甜令味道更清新，蛋糕底係焦糖朱古力脆脆，香甜脆口，令蛋糕口感更有層次，甜度適中。好味😋！

十分清新嘅芝士蛋糕食蛋糕一般就最怕漏同太甜，而今次買嘅兩件蛋糕都冇呢個問題，特別係柚子軟芝士蛋糕，食落去好清新，煥然一新嘅感覺，柚子嘅酸味加上芝士甜味，兩者夾得十分之好！

Too sweet!!賣相好精緻，望落去好靚，但食落去實在係太甜啦！買返屋企慶祝生日，諗住朱古力實冇死，點知個個都嫌太甜，好漏呀，人人口味唔同，適合鍾意甜嘅朋友食。

朋友生日，但又唔想買好大個蛋糕，呢個真係必選。口感豐富，好濃郁的朱古力味，賣相也很吸引，價格也很划算。72%的黑朱古力蛋糕，鍾意食朱古力的朋友一定唔好錯過，買黎做下午茶都抵

無諗過要用「餿」來形容蛋糕。因為想評到分（滿200字），噏一輪先。今次係第二轉買呢間店嘅cake。第一次係被個樣吸引，又略有耳聞（以為好似lady m咁），覺得可以一試。買咗陶瓷杯蛋糕、朱古力同柚子，總共三件。味道、口感一般，有d乾硬，東海堂可能仲好d，性價比一般。但鑑於阿媽好為食，佢今日經過又買咗三件：朱古力、芒果栗子及芝士白桃。而我知道佢又買嘅時候，反應係：食完飯開晒出來，準備食之前聞到d怪味，我以為係芝士嘅發酵味，件粉紅色嘅芝士蛋糕又確實有d芝士臭味，塊外皮超奇怪，好似泥膠咁。跟住個芒果栗子就來料啦，一叉過來，又聞到酸臭味，好肯定唔係隔離個芝士，係芒果。估計係蛋糕夾層嘅芒果唔新鮮（已經熟到變色），個栗子都有d問題，食咗一啖已經放棄。我媽唔識死，食咗大半舊，剩翻嘅真係唔敢搏。已經唔係好食與否，係衛生問題。蛋糕無可能完全新鮮，但呢件芒果栗子好明顯喺製作過程已經不妥當，先會一層拖一層，到最後成為一個餿嘅蛋糕。朱古力係正常的。（係咪我太腌尖，就來變負皮聖手）

一直都覺得龍島朱古力🍫同蛋糕好食，屋企人生日都會買下佢啲蛋糕但就無乜試過佢既曲奇🍪，上星期放工有啲餓又未食得飯住，就去龍島買左件特濃朱古力蛋糕醫下肚好快就中秋節🥮見佢有中秋系列曲奇就望左一陣，個sales教我download APP做會員有迎新優惠，買$250以上既曲奇有得減$50於是即場做左會員，買左盒🐰月兔鐵盒曲奇～～裡面有超過80塊，十六種口味既曲奇🍪，每次開盒都聞到好香，中意佢細細塊，口味多，每次開盒都忍唔住食左好多塊佢啲曲奇唔會好甜同好漏，而家諗住叫老公做埋會員，買多盒比媽媽

龍島蛋糕同甜品就食得多今次唔係因為朋友送俾我，我都唔知原來佢哋有出曲奇餅🍪第一次試佢哋嘅曲奇，估唔到都好有驚喜。少少甜，唔會太難入口，口感都好鬆化一盒味道都好多元化。

行街經過龍島Lucullus, 被好多靚靚蛋糕吸引，最後買左柚子軟芝士蛋糕返屋企，慢慢食😋鮮黃色柚子忌廉點綴，賣相簡約精美🥰一入口芝士蛋糕香甜，口感輕盈；柚子酸甜，減輕芝士膩感；芝士味同柚子味很平衡，酸甜混合，好清新。蛋糕入面仲有一塊塊柚子肉，口感豐富😍食完都唔覺膩👍🏻

今次我去咗龍島買生日蛋糕因為呢度好多款式而且我朋友比較鍾意卡通公仔所以我就揀咗呢款小熊木糠蛋糕龍島嘅蛋糕價錢都合理如果大家下次經過都不妨可以試吓味道都唔錯評分：4/5（5分滿分）