龍城酒家 (已結業)

此酒樓是九龍城區內平靚正的飲茶食晏地點，有$16.8一碗咸蛋叉飯$28.8一碗切雞飯送例湯，再包一個中點$40一大碟楊州炒飯，送例湯，計埋茶芥加一全包咁既價錢邊度搵呢。1/f大堂搭檯茶錢$52/f、3/f大堂不搭檯茶錢$6酒樓是普通裝修，服務一般，不過起貨要等耐少少。但係茶還是可以入口，而且有幾部plasma電視，不停播新聞台。近來一星期都要光顧一、兩次，奈何今日想去食平靚正午飯，結果門口關上，招牌被帆布遮了，貼了這一張大紙。…查看更多

這世界很微妙，冥冥中有著種種安排，與某人，有時很久都不會見面，但有時則連續幾次碰到，人與地亦一樣，好日不會去某地方，但有時會連續去幾趟，可說是「緣」，「人緣」和「地緣」。早陣子才去過九龍城探新搬去的親戚，不足一星期，今晚因事又要去九龍城，索性約家人在那裏吃晚飯，我最有興趣的是這間有多年歷史的酒樓，想必是古趣盎然。然而，幻想與事實不盡相同，「龍城」的裝修美侖美奐，與港島的「龍門」不一樣，少了那份蒼桑和陳舊感，可能是年紀比「龍門」輕的關係，是晚捧場客甚多，一樓火鍋專區更是爆滿。二樓是小菜區，人客亦不少，晚市如其他酒樓一樣有晚飯孖寶，孖寶者，特價菜是也，共有三個選擇：乳豬件加灼蝦，燒雞半隻加鮑魚仔六隻和皮片鴨半隻一食加紅魚一條約一斤。我們選了燒雞半隻加鮑魚仔六隻，燒腩仔，海蜇汾蹄和香芹花菇炒藕片。海蜇汾蹄是最先送來的，雪得夠凍，入口有汾酒的酒香，份外怡神，海蜇與汾蹄同樣爽脆，半隻燒雞是有三塊七彩蝦片伴碟，有懷舊感覺，跟來的蒜蓉甜豉油與燒雞的味道配合得天衣無縫，香芹花菇炒藕片是素菜，唐芹的清香與洋芹、藕片的清爽減低肉食的肥膩，但看這碟的刀章真不敢恭維，切得七橫八豎，少了份工整美，然而，味道是可以的。吃了十多分鐘，部長前來告訴燒腩仔沽清，我們也不打算點其他，再等十多分鐘，鮑魚仔才送來，一份有六隻，殼有九孔，是如假包換的九孔鮑魚，用薑蔥蒸，約五元硬幣般大小，味道普通，沒有鮮味，更遑論鮑魚味，但口感是有彈性的，又不會太韌，再者，$68有兩味菜式，祈求甚麼？送的糖水是綠豆沙，甚有水準，用足材料，陳皮，臭草，昆布，又不太甜，真想添食。下星期我還會再來這區嗎？天曉得！…查看更多

同父母去飲茶, 因為去完法國醫院, 所以想在九龍城落腳, 查過資料, 這間龍城酒家有不錯的評價呢我地都叫左唔少點心, 包括蝦餃, 奶皇包, 珍珠雞仲有一碟雪菜肉絲炆烏冬! 味道就只係麻麻地, 平我就同意, 好似蝦餃都有五粒, 哈, 幾抵食 但係蝦餃味道一般, 蝦有些雪味, 皮又唔係薄, 只可以話係可以接受而已!奶皇包包皮比較鞋, 奶皇都唔係好香, 反而炆烏冬幾好食, 我覺得佢係一間好街坊平民化的酒樓, 沒有很特別的地方!…查看更多

成班dancer 跳完舞之後, 去左龍城酒樓醫肚兩點幾鐘, 午飯時間已過, 踏入下午茶時段, 一樣好多街坊幫襯, 最主要原因係價錢大眾化, 點心七個幾一碟, 仲有多款套餐又點心又炒粉麵又燒味都唔使一百蚊, 三至四個人食都ok架!味道就不可以要求太高了, 但係都唔係好差呢, 我地四個人叫左鴨腿湯飯, 翠瓜浸魚鬆, 火鴨絲炆米, 蝦餃, 义燒包同芋角, 味道就一般, 不過都有好食的東西, 好似個翠瓜魚鬆我就好鍾意食, 清清地又唔肥膩, 食左都唔怕身型走樣啦!鴨腿湯飯就麻麻地, 反而火鴨絲炆米都幾好味, 有些少榨菜絲一齊炆, 幾香口 點心都ok, 好似蝦餃居然有五粒, 搞到我地要猜包泵先有得食多左個粒埋單百三蚊, 四個人食到攬住個肚走, 下次再食!…查看更多

身住九龍區的我,平時出外食飯,大多數都是旺角及尖沙咀區. 今次,例外衝進九龍城區.還記得上一次到九龍城區食飯是05年尾.相隔現在09年,差不多已有3年半沒有來九龍城區了.今次,我和屋企人來了九龍城龍城酒家飲茶食點心及炒粉麵. 不過,我們一入到這酒樓,便聞到一大陣油益味,可能不久之前裝修過啦!好. 現在便講講食物吧!首先簡單地說說點心,也是不過不失吧. 不過,有兩件事令我很意外-1) 蝦餃不是四粒,是五粒的. 很開心,馬上影相拍低.2)腸粉有一個很得意的名稱,叫布拉腸粉. 今天我們選擇了牛肉布拉腸粉,詁不到,腸粉入面有一塊生菜,很特別呀!令外,很想讚讚這一碟"花菇棉花雞". 本人很介意酒樓的棉花雞不是魚肚,是用豬皮來代替,幸好這酒樓也沒有令我失望.繼續讚讚這間小酒樓的食物.我們一家人也很喜歡吃芝士. 今天,我們order了一碟"迷你芝士蝦球伊麵". 超好味,勁濃芝士,整碟都充滿了芝士的口感,而且蝦球是炸過來的,很像食芝士海鮮pizza,十分開心,十分滿足.說了這麼多讚美說話.係時候要講講這酒樓唯一食物的缺點-今天,我們order了-"雄圖窩麵" . 我的爸媽也說,雄圖窩麵只是用蛋白,蟹肉來做材資,但是這一碟還加上蛋黃,而且味道很淡,真的無味道,只是有外表沒有內涵,有點兒失望.不過,小酒樓有這麼出人意表的好食物,也是值得一讚來和大家分享.…查看更多

陪阿媽落獅子石道, 買完東西後走到附近的龍城酒家飲茶午茶一樓坐滿人, 要答枱, 兩仔乸同個阿嬸一人坐一邊, 我地食一碟火鴨絲炆烏冬, 馬拉糕, 同一碟灼娃娃菜, 七十幾蚊賣單, 價錢係幾平, 味道可以接受啦, 話好好食又唔講得上!好似個火鴨絲烏冬都大碟, 我認為味道清淡左, 色水都唔夠, 四十八蚊一碟, 馬拉糕就唔夠滑!填飽個肚的話, 呢度可以做到, 滿足條脷, 就差少少…查看更多

午餐都唔行太遠, 喺龍城解決, 價錢又平, 食物都唔錯!記得上二樓, 唔好去一樓, 一樓要同人搭枱, 二樓自己坐哂, 價錢貴小小, 但係其實唔係貴好多! 龍城d义燒好鬼好味, 肥瘦適中, 又夠甜, 好似今日咁叫碟义燒咸蛋飯食, 滋味鯪魚餅都要試, 煎得幾香又好味, 點心可以叫個雙拚燒買同三色包, 雙拚燒買有魚容同牛肉燒買各兩粒, 三色包就一之食哂义燒包, 奶王包同雞包仔!兩個人埋單都係六兜幾野, 平得嚟食到飽!…查看更多

用平, 靚, 正三個字去形容一間食店, 唔係咁易, 因為要好就要成本, 邊可以樣樣都得, 即係唔可能又要馬兒好, 又要馬兒不吃草的!這間龍城酒家大至上都可以講係平得嚟食物都唔差, 例如可以叫一籠三色包, 一次過食哂义燒包, 雞包仔同奶皇包, $7.8一籠, 味道仲唔錯, 正式係又平又正了如果真係決定要去食, 不妨叫碟黑椒三絲炒烏冬, 用兩個字形容, "好食"!! 仲有一d套餐, 有兩個餸, 兩個點心加埋燒味一碟, 又例湯, 見答枱既人食得好過癮, 望番餐牌, 一百蚊唔使…查看更多

九龍城食店既物價指數十分之低, 又有一間平價食肆了 龍城酒家是也中午飲茶, 叫左好多點心, 有蝦餃, 黑椒豬爽肚, 义燒包, 芋絲春卷, 鴨腳扎, 珍珠雞, 同埋仲叫左碟义雞飯添.. 不過最震撼都算係一蚊一個大包!蝦餃一籠有五粒, 雖然唔算大粒, 不過啱啱五個人一人一粒, 幾樣點心都好食, 最好係碟义雞飯, 好大碟, 雞肉又多又有雞味, 义燒係半肥瘦, 價錢仲只係廿零蚊就有一碟, 真係抵到爛五個人食, 百三蚊賣單, 一人都唔使三十蚊, 使唔使咁平呀…查看更多

自去年去左友人屋企吃左一次大閘蟹之後，念念不忘，不過總是苦無機會再食過﹗又到食蟹季節，打開雜誌版版都係大閘蟹，睇見都流口水﹗難得今日老友邀約飯局，於是決定今日出動，搵蟹食﹗兩條麻甩佬九唔搭八去鴻星食又嫌貴，於走去九龍城碰下運氣，最後是鬼旦見有間打過邊爐既酒樓有做$68隻，於是就走盲中中走左上去﹗間野叫做龍城酒家，0係街市對面的﹗即叫兩隻，每隻五兩左右重﹗爆膏爆到上頭﹗正呀﹗一打開，0的膏多到呢﹗ (白色0個0的係咪叫蟹精呀？)蟹膏入口真係超級甘香，將成個口既味蕾mon住哂，creamy得不得了，味覺的一級享受﹗嘩﹗呢舊蟹膏放落口，真係回味再回味再回味呢﹗仲有最緊要係蟹肉亦十分鮮甜，食完蟹膏再食蟹肉，左拆右拆肢解一隻要成半個鐘﹗食完喇﹗好滿意﹗當然唔會只係走上去食大閘蟹啦，仲有..............籠仔蒸蝦，$38一斤大特價，肉身彈牙爽口，很鮮甜呢﹗豉汁蒜帶子，呢個真係油麻地，粒帶子食落好似食擦紙膠，彈性強烈，似優之良品0個0的元貝多一點，一0的鮮味都無﹗零分﹗燒腩仔，皮薄而不脆，肥膏佔左八成，入口係香不過罪惡感相當重﹗好似同自己身體健康過不去似的﹗埋單連埋酒水加一一人$170，講真隻大閘蟹真係滿意，不過其他餸就只能說是麻麻。更多相:http://hk.myblog.yahoo.com/smallsmalllin/article?mid=10339…查看更多

四個人食一餐晏...$98這個世界,食物好像越來越平呢...四個人食一個餐,有一碟菜遠班腩河,一碟海哲分蹄,三個點心,但係全部都大大碟,好抵食味道方面,炒河都唔錯,不過斑腩比較多骨,食既時候要小心,海哲分蹄甜左少少,點心鳳爪好夠味,牛肉一般,因為好似落左比較多鬆肉粉,蝦餃就一般...另外值得一提係佢地既點心可以一籠入面有一隻义燒包,一隻雞包仔一隻奶皇包,又有一種係蝦餃拼潮州粉果..淡市出奇招 都食得過架,咁平!…查看更多

18/8(一) 7:30pm兄長成功征服了那非同小可的工程試,主動獻身請客飯局.家母敲定了九龍城的"龍城酒家".七時許入店,店內冷清清的,侍應清閒地觀看奧運健兒的獻技,互相交流!家母發辦點菜,起首點的菜式有一半已售罄;已可推斷此店生命週期準不會太長!五人點了節瓜豬骨煲章魚$68,南非鮑魚扣鵝掌$50隻,炸子雞$48半隻,清蒸大石斑$78,瑤柱蛋白扒芥蘭苗$68,翡翠帶子炒蝦仁$88及炸蟹鉗$25隻.節瓜豬骨煲章魚--味道確然濃,無奈是不尋常的出味...南非鮑魚扣鵝掌--本欲每人一客;但侍應告知只剩2隻,唯有從命.鮑魚體積尚且飽滿,質地微軟,味道還不錯!鵝掌水準亦不失禮.炸子雞--肥膏略厚的炸子雞入口肉地彈嫩,彌補了膩滯雞皮及雞味稍遜之短處.清蒸大石斑--石斑蒸至過時,魚肉有點不對頭.瑤柱蛋白扒芥蘭苗及翡翠帶子炒蝦仁--這2味食味倒不賴!半液態而香滑的瑤柱蛋白伏於嫩口的芥蘭苗,伴飯之選!後者的帶子蝦仁鮮味甚高,配角西蘭花份量也有所交代.炸蟹鉗--飽脹的蟹鉗入口沒膩感,內裏蟹肉蝦膠味道踏實,僅此而已!服務還不俗,得到2名侍應的貴賓式服待;花費七百多元的飯局;比上不足,比下有餘!…查看更多

唔通一間酒樓做特價茶市的話, 晚市就要斬返d客貴既價錢平衡下?此店晚市無論是食物質素, 服務同價錢都談不上水準食物份量很小, 前菜的酸瓜蘿蔔等都未入味服務方面待侍應懶散, 自顧自閒聊, 廚房上菜的速度亦太慢(全層都唔知有無十枱客)吃得不滿意, 埋單一碟炒蜆一碟鎮江骨一個齋煲一碗飯竟索價二百二十大元...唉…查看更多

三個人嚟食下午茶,埋單百一蚊食左咩?其實都叫幾多野,有一碟燒鴨燒肉飯,奶皇包,潮洲粉果,炒米粉,菜心一碟,牛肉,鳳爪...不過味道只係一般,價錢就ok,因為一人唔使四十蚊,食到食唔哂,但係味道唔夠好就差一d!服務ok,起碼叫伙記都會第一時間應你!總括嚟講就只係一間一般既酒樓了!…查看更多

係舊區飲茶,環境預左唔多好,約同事吹水收風,地點佢話事,竟然選呢度,我都打個突.近年來,大多數酒家都不會用心製作點心,求其出d大路野就算,以往的舊式灌湯餃,豬潤燒賣,准山雞扎,春蛋燒賣,麻蓉包.....如非以點心作主打既酒家,都好難食到.同事order左7,8樣飽肚點心,真係睇得起小弟.珍珠雞,不知所謂的點心,既要做到細細件,但又無料到,既無臘腸,又無鶉春蛋,加兩塊雞片就當係,唉!千層榚,奶黃唔香,榚底死實實,毫不鬆化彈牙,攪乜野呀?山竹牛肉雖然彈牙,但醃到無味,唔通用黎打乒乓波咩!腸粉算係最正常一樣,雖然粉皮唔夠滑,但鼓油調教得宜,最快食晒係意料中事.蝦醬鮮魷,醬汁杰撻撻就預左,不過好少何失手既一味點心.好彩唔係成日去呢d酒樓,同事請點都要講句多謝!…查看更多