影片
预早三天通知老细，食好D，由老板亲自向鱼档订海鲜，结果有海西星班(清蒸)，大只濑尿虾(椒盐)，红花蟹(姜葱炒)还有头盘三文鱼刺身加椒盐头腩，仲有蛇羹，鹿尾巴汤，加双菇蚊鹿筋(今次蚊得唔够身)，招牌炸子鸡，鱼汤杂菜，干烧伊面二十二人用餐饱
继续阅读
新鲜羊肉羊腩煲，店主每几日就原只黑草羊入货，调味清新突显羊肉鲜味，味道一食就明白其他冰鲜羊肉无得比，大煲足够四个大男人食都只系$488，对比九龙区其他食店三百几蚊得十旧八旧肉绝对超值。秋冬时节三五知己围埋吹水啤酒羊腩煲，又系男人另一浪漫不过由于每次入货量不多，所以有心食羊腩煲就要电话预订以免白行。
继续阅读
这间龙园小厨位于佐敦上海街，晚上八时多，条街没有太多行人，见到这间吃中式小炒的餐厅，便去试试。我们二人叫了两个小菜及一个汤，份量很足，吃得饱饱。招牌奇味鸡煲（$138/半只）有上大量配料，如干葱、蒜头、莞茜、葱加上秘制酱汁爆炒鸡至八成熟，再放在客人枱煑至全熟，店员打开煲盖，己闻到浓浓的香气，如果想吃火锅，更可另点配料。蜜汁蟮球（$98）蟮球外脆内软，蜜汁令蟮球带出焦糖味，就连洋葱丝也很爽脆鲜甜。豆腐鱼头汤（$68/半个）鱼云汤很足料又新鲜，奶白的鱼汤底配合豆腐和小白菜，清淡一点但又不失鲜味。
继续阅读
今年和老表一家一起搅团年饭，最头痛就系㨂地方，我大佬话这间小厨有阁楼，可以开两台，自成一阁，当然是最好。我们点了：虫草花螺头汤－其实用了鸡＋虫草花＋螺头，所以汤好甜，可以饮得出系炖出来的，我连汤渣都吃埋😋苏炸蚧柑－虾胶不算弹牙，而蟹肉算多，最好味系酸甜汁，如果将蟹蚶放落酸甜汁，大大提升了味道。西兰花炒花枝贵花蚌－花枝是鱿鱼片，味道都算新鲜，贵花蚌好脆同爽口。上汤大虾伊面－虾好爽口，伊面吸收了虾和上汤味是最好味的。👍清正海班－蒸得啱啱好，冇黐骨，有浓浓的鱼味。当红炸子鸡－皮炸得好脆，鸡唔系新鲜的，所以鸡味一般。羌冲炒肉蚧－味道炒得好香，可惜肉蟹太瘦同唔够大，唉！有点失望😅油盐水大花甲－油盐水味道0k，又系可惜花甲太细，冇乜肉食😱鱼汤支竹什菜－鱼汤好好味👍支竹＋什菜都系新鲜。海鲜炒饭－饭炒得干身，虾＋鱿鱼都好新鲜。估唔到它的辣椒油都好辣同好香。唯一缺点，上菜次序离晒，上完虾伊面就上汤，第三道菜系鱼😅整体味道都算满意，只是花甲、蟹比较细，每人消费$300。
继续阅读
公司长辈退休，只订一围菜死党几晒出来，地点几隔涉，去到系小厨一间，店家一楼仲有个厅房，可以放两围，上到厅几骨子，一面墙放晒酒瓶，好靓仔，厅尾仲有小厨房，厕所一格好干净！好方便！而今晚只有我哋一枱，可以独霸间房，正！人齐就上菜！龙园菜单：蒜蓉粉丝蒸元贝王：带子肉鲜厚肉，好多粉丝蒜茸！简单好味！豉椒炒蛏子（一人一只）酱汁好杰，蛏子爽口弹牙，豉椒味浓！好香口！芝士龙虾伊面：芝士酱好杰，虽然滑芝士味唔浓！伊面比较淋，易断！龙虾唔算肥美，肉唔算多！清蒸海鱼：鱼大条，我食背，味鲜嫩滑！好味足料炖汤：原只鸡炖汤，足料清澈好味！当红炸子鸡：炸得靓，外脆肉嫩，我食胸都嫩！蜜汁薯角牛柳粒：蜜汁好杰身，包裹晒啲肉粒同薯仔粒，薯仔淋身，外面炸过脆口，肉粒就食唔到肉味，因为已比蜜汁盖住！整体好味清炒菜心苗西兰花：热辣辣，菜心同西兰花爽口鲜嫩！清爽好味！椒盐鲍鱼仔：卖相好靓，炸浆薄脆，鲍鱼切件，肉质弹牙，避风塘式蒜香好味！比清蒸更合我口味辣酒煮花螺：好大一窝，比埋竹签挑出来，其实只有微辣，螺肉弹牙！炆得入味！潮州蚝仔粥：因为其他𩠌仲食紧，个粥变了汤饭，味道唔会味精，汤底清甜，好足料，蚝仔唔大只，不过有啲仲有蚝壳，饭粒开花！香口好味！食物好味，地方又舒服，不过店员间沟通比较混乱，同事订时有清炒菜心，但迟迟未见，问店员回应话查过无，最后老板睇返whatapps话照炒比我哋，仲加啲西兰花，除呢样外，服务几好！我哋自携嘅酒水都比冰块冰桶！好适合大伙人聚餐
继续阅读