影片
港铁尖沙咀/尖东站 B2 出口, 步行约4分钟
继续阅读
开饭介绍
位于尖沙咀的任食火锅放题，墙身有香港地标绘画。价钱相宜，你可以尽情享用美国特级牛肉、黑毛猪、羊肉、手工丸类等火锅款式。
继续阅读
营业时间
星期一至日
18:00 - 00:00
以上资料只供参考，请与餐厅确认详情
呢间餐厅系啱啱好新开张，我想睇嘅就系佢哋嘅任食火锅都真系几抵同埋啲肉嘅质素都真系唔错，你可以睇呢几张相你就会觉得其实都真系有雪花嘅，不过入去商场果下要行去2楼！
继续阅读
今次嚟到尖沙咀呢间嘅火锅放题，自助火锅配料吧，肉类无限量供应，多达70款食物22款饮品可以选择，120分钟晚市火锅自助游，晚上六时到12时供应，长者同小朋友会减收$30。分咗三款唔同嘅放题套餐可以选择，第一走有精选牛肩胛+黑豚火锅放题，可以食到美国严选牛肩胛、黑毛猪、猪梅肉片、羊肉卷、鸡柳，而第二款牛魔王火锅放题就会多埋美国严选极上牛小排、美国严选封门柳，第三款特选和牛盛火锅放题，会有埋美国和牛肉眼同送蚝皇鲍鱼或脆炸蟹钳！喺另外自选脆肉鲩、炸鱼皮、云吞、水饺、鱼皮饺、韭菜饺、猪肚、猪肠、泡芙，自助餐点柜仲有埋各类丸类、蔬菜、小食、甜品同饮品。汤底选择一人一锅，有八款唔同嘅汤底可以选择，有秘制重庆麻辣汤，齐齐寿喜烧汤、香草樱花龙虾汤、萝卜牛肉汤、日式鲣鱼昆布汤、胡椒猪肚汤、药膳养生鸡汤同皮蛋芫荽汤可以选择。今次我就同朋友就拣咗寿喜烧汤同埋日式鲣鱼昆布汤，食完都抱住个肚离开，真系非常抵食好味！
继续阅读
呢间火锅放题一共有三个套餐，最平$238就已裂有，我地直接试咗个最贵嘅$348，牛肉嘅质素真心系非常高。———————————————🌟汤底汤底方面我地分别选择咗重庆麻辣汤同药膳养生鸡汤，麻辣汤都几惹味亦都够辣，养生汤方面药膳会比较重，个底有加酒一开始有少少苦味，但煲煲下都几唔错，而且入面仲有滑鸡味道非常唔错。.🌟牛肉推荐和牛肉眼非常推荐，佢会用金色碟装好好分辨，油花分布好均匀，牛味非常浓郁。另外有个手切和牛薄片，超薄身，基本上快碌一碌就可以食，而且味道都好正。另外有只油花重啲嘅，放入口系充满油香仲入口即溶。其他其实仲有啲封门柳、牛肩胛等，全部味道都好正，非常推荐。.🌟羊肉片羊膻味好重，而且唔会话好肥，脂肪同肉分布都平匀，钟意食羊肉一定要叫。.🌟脆肉鲩平时去街市买其实都唔平，呢度可以任食之余仲要好高质，脆肉鲩非常新鲜，啲肉系好爽脆之余仲要咬落系好实净。.🌟糖醋鸡翼呢个其实好有趣，佢系突然拎出黎比我地话平时都会送下鸡翼🤣但咩味道视乎佢地果日想整咩，不过真系要赞呢个糖醋鸡翼味道真系冇得顶，调味系类似镇江骨果种酸酸甜甜味，但就真系可遇不可求。.🌟甜品有好多款韩国雪条供应，不过可能因为我食午市佢未开齐工具，我见旁边应该系仲有爆谷机同埋可以自己整鸡蛋仔，有机会都好想试试。.🌟配菜其他配菜基本上你谂到佢都有齐，各款丸、牛栢叶、鱿鱼、菇同菜等，而且全部选材都高质，睇落都新鲜干净。.🔸整体评价🔸呢间火锅其实位置唔算多，但胜在装修都唔错坐得又舒服，好似仲有个户外位置夜晚仲有灯饰可以饮住酒Chill。而且小店都充满人情味，入面啲职员都好热情，好似私房菜咁有隐藏菜式突然就可以拎出嚟食。火锅营业时间仲到凌晨12点，大家如果夜晚想食火锅又未谂到去边可以考虑呢间！
继续阅读
齐齐滚🥘又到秋冬天，又系打边炉嘅好季节，今日我哋就拣咗位于尖沙咀金马伦道，地理位置超方便嘅火锅放题，今次我哋就拣咗$348一位嘅特选和牛盛火锅放题，多达70款食物，同埋22款饮品选择！呢度系一人一锅，每人都可以拣一个汤底，够晒卫生！肉类方面，选择有美国和牛肉眼、美国和牛肩胛、美国严选极上牛小排、美国严选封门柳、美国严选牛肩胛、猪梅肉片、羊肉卷、黑毛猪、鸡柳～蔬菜类全部都几新鲜，款式就算系正正常常，一般火锅放题有嘅嘢佢都有齐～丸类款式都算齐全，另外亦都有几款唔同嘅粉面类选择，绝对唔使惊唔够饱！另外仲有提供水鱿、牛柏叶等等另外我哋当日仲有食到私房菜Hidden menu，糖醋鸡翼两只，酸酸甜甜咁都几开胃！临尾就当然唔少得整返个甜品，今日就有五款唔同口味嘅雪条！顺带一提，餐厅由1800开到2400，系尖沙咀黎讲都算系开到比较夜嘅火锅放题店～另外舖头仲有outdoor位，夜晚会有灯饰，饮住酒，打住边炉，都几啱成班friend黎玩！
继续阅读
近排开OT，见到尖沙咀有间打边炉放题，时间由6：00开到12：00，以家已经好少见到开到咁夜既火锅店，岩哂钟意食宵夜同开OT嘅朋友仔，而且仲有outdoor位，有酒饮，又有好野食， 加上灯饰令到气氛更加好，岩哂成班friend一齐玩特选和牛盛火锅放题$348汤底8选1，每人一锅，拣咗寿喜烧同重庆麻辣汤底，寿喜烧味道浓郁香甜，重庆麻辣味道又麻又辣，十分过瘾肉类有美国和牛肉眼、美国和牛肩胛、美国严选极上牛小排、美国严选封门柳、美国严选牛肩胛等，选择丰富，和牛肉眼油花满布，入口软滑，封门柳食落有牛肉味，肉质结实，好有咬口自助区有丸类、蔬菜类、菇类、公仔面等，另外仲有雪条、饮品任饮任食下次同朋友过黎可以食私房菜Hidden menu，有五椒蟹、特色鸡翼等，都好吸引
继续阅读