齊柏林熱狗店 (龍門居)

营业中

休息中

之前幫襯過另一間分店外賣自取，已經有唔係咁好嘅經歷，但朋友話俾多次機會佢，咁好啦，今次去另一間分店，我都係叫外賣。今次就無俾錯野我，但係食物質素就真係唔知可以點形容。個賣相的確係唔錯，就咁睇係係無得輸，但係一食，除左個包係暖嘅，條腸係凍嘅，啲醬又唔係好夠，成個感覺好差。希望整體可以改善，否則我真係唔會再考慮再次光顧其他分店。😕之前有期待，但而家有啲失望，唔好再出現呢啲問題。🤷‍♂️

最近去咗另一間分店食佢地啲熱狗，對佢哋嘅熱狗一向充滿期待，因為趕住，叫左外賣，但結果令我好失望。😔我叫咗個棉被芝士熱狗，味道平平無奇，完全冇特別之處，淨係一大pat 芝士，但條熱狗腸係凍嘅，冇咩味道可言。🍞跟住薯條又俾漏左啲醬，搞咩呀!!!叫佢個薯條就係為左啲醬囉~如果唔係我趕時間，真係會返去問佢攞返! 都唔明叫咁少野都可以出錯!!!希望呢間分店可以提升熱狗同店員嘅質素，真係有啲失望，未來可能唔會再幫襯。😟

一個雞堡一個蝦堡，兩個肉都燶晒同埋啲肉眼到石頭咁！個雞肉仲可以個蝦直程係黑曬，唔係好明白點解咁樣都可以出餐！個雞堡又少咗塊波羅，其他薯條雞扒都冇嘢！出餐求其，見到咁就唔好出啦！叫人點樣食？

見到呢間熱狗舖頭好多分店，所以今日特登嚟試下買外賣，餐牌好吸引最後點將二人套餐，有兩個熱狗🌭🌭、兩杯汽水🥤🥤、一個細薯條🍟及一杯牛油粟米🌽$104，價錢幾抵食嘅，不過就等咗好耐。🌭芝味熱狗（三重熱溶芝士、粟米、蛋黃醬、法蘭克福腸）原本以為呢個係超多芝士，好juicy，點知原來係冇醬汁個包好硬，啲芝士又已經乾咗，絕對唔推介食呢個。🌭澳式風情熱狗（芝士、煙肉、菠蘿、千島醬、紐綸堡腸）呢個超多醬汁比較好食，不過入面有腸又有煙肉再加好多醬汁就有啲鹹，不過最好食嘅芝士嗰個好多。粟米粒同薯條都ok，個薯條仲係脆嘅。總括嚟講，唔會再食第二次

(PandaPro價 🐼)4人套餐 $222(熱狗 + 小食 + 飲品) x4熱狗：-美國洋蔥圈熱狗 炸洋蔥圈好香脆好甜仲有個BBQ sauce 幾樣嘢放埋一齊幾夾幾好食-火炙芝士辣肉醬熱狗 -紐約辣味熱狗 -墨西哥勁辣雞堡 小食：-辣雞塊 齊柏林嘅辣雞塊真係好好食外賣都仍然香脆味道辣得過癮 肉質又嫩又juicy-雞塊 aka麥樂雞但無甜酸醬 就差咁啲🤫-魚手指 正正常常啦~~-芝士辣肉醬薯條 🍟外賣送到嚟 芝士已經痴埋咗一pat薯條又淋咗味道就都還好啦

作為BEST SELLER之一的「火炙芝士辣肉醬熱狗」$42 🌭係當中價錢最貴的一個，當然無中伏啦👧🏻🌭熱狗包每個都會放上爐煎烤，內裏鬆軟，外表香脆！完美💕👧🏻🧀芝士融化亦帶點焦香，本身已相當吸引，再用火鎗炙溶🔥加上卜卜脆的熱狗包，以及微辣的肉醬🍝，配上彈牙的荷蘭腸和黃芥末，簡單是個完美的配搭喔！👧🏻🔥大量肉醬+秘製辣汁，層次感十足！口感一流！一個就已經好飽肚🌭醒合埋其他炸物👧🏻為肥妹仔成長日記寫下一頁🐽

一打開就懷疑眼睛，呢個係澳式風情？心諗係咪比錯左？睇返張單又岩架喎，當時又得我一個客。咁啲煙肉，醬同菠蘿呢？個樣同我係第二間分店買既爭咁遠嘅？兩個店員都勁冇heart，問佢野答都唔想答你。估唔到整野食都咁冇heart…. 食落去成口淨係得好漏既芝士，條腸縮哂水…菠蘿得一粒…食唔到煙肉…….完全唔係果個味…………..估唔到啲質素會咁參差……….奉勸想試既人唔好去呢間分店……………………………………..

🤰🏻今晚想食啲唔健康嘅食物，唔健康嘅食物永遠係最好食嘅，於是揀咗附近嘅Zeppelin，食熱狗🌭️薯條🍟汽水🥤為自己聽日考試順利打打氣。一直都好鍾意食佢哋嘅熱狗，食熱狗最重要係條腸仔夠大條夠長夠粗，Zeppelin嘅腸仔size真係完美！今日叫咗佢哋嘅人氣之選，熱狗腸加上辣肉醬同芝士真係100分嘅配搭，惹味可口，從來無令人失望，一大啖咬落去真係大滿足！不過略嫌芝士味較淡，純粹食質感。薯條不過不失，無乜薯仔味🥔，好在醬汁搭夠。

Zeppelin Hot Dog全部即叫即制，所以返到屋企都仲熱辣辣1人套餐$50左右，包熱狗，薯條，罐裝飲品！田園風味熱狗，有番茄，洋蔥，青瓜及維也納腸仔，舖滿大量千島醬及蛋黃醬，由於餡料真係好多，所以食到成手都係薯條熱辣辣，用咗粗薯條，所以好有薯仔味，點埋醬汁食味道即時升級紐約辣味熱狗，有大量洋蔥而且辣汁非常辣，唔食得辣既千其唔好試，叫其他味道會好d,朋友食唔到辣，所以成個包放棄咗材料新鮮，價格便宜，可以回頭再幫襯

自己好鐘意食麥樂雞嘅……所以試左佢嘅炸雞塊，嗯…炸雞塊口感都脆嘅，雞塊好薄身，但係炸粉比雞肉多，感覺似食炸粉多啲，個人認為麥樂雞好味啲🤗🤗熱狗比較出色，麵包好軟身，餡料亦豐富，算足料😋😋淨係食左個熱狗經已飽了，要休息一下先可再食小食…（可能因為起身胃口會細少少嘅關係啦！！😅😅)而薯條就普普通通，係淋身加醬料芝士嘅薯條，個人鐘意食脆卜卜嘅薯條，如果有堂食或者外賣就即食，相信會比較好食啲☺️☺️

今日來到屯門嘅齊柏林熱狗店，係好多人疫情下的選擇首先講吓服務態度先 雖然細細間，但係態度都唔錯，明白佢哋做到好攰所以都唔會太多笑容，整體都幾好！食物方面今次要比大大like澳式風情熱狗🌭️！我係平時只食辣之人，但係太多人話呢個包好食啦，所以忍唔住今次叫埋試下，呢個包甜甜地真係好好味😋腸仔同個菠蘿真係好match!加埋佢係用千島醬做調味，完美。如果下次再食一定會叫多次（原諒我食得太快唔記得咗影）之後佢個辣雞包，我覺得就爭少少！因為唔夠辣！其實已經要來咗多辣，代表我哋呢啲食得辣之人本身個包已經係唔夠辣。但係都好食嘅！只不過下次直接叫辣雞塊就算🤣之後有懷舊菠蘿冰！正常程度好食！👌🏼 仲有個牛油粟米我就冇食了，本身唔係好鍾意食，加上已經食咗兩個包，飽囉🌭️推介指數：4粒星🌟

📍 齊柏林熱狗店 (龍門居)今日屋企冇煮飯，所以喺屋企樓下買咗齊柏林🙌🏻齊柏林雖然好好食但係長期食係會厭倦🤣為咗保持我對呢間舖頭嘅熱愛所以我真係幾個月先會去食一次😂唔知點解因為我覺得每一次食完之後都好飽好飽😋熱狗又超級大條，每一次食完之後都會話飽到唔想再食🤣🔸火炙芝士辣肉醬熱狗 $40呢個我稱呼佢為齊柏林人氣熱狗🌭️，我見身邊嘅朋友第一次去食齊柏林都會揀呢一款‼️ $40有勁多配料，塞到脹卜卜🤭🔸芝味熱狗 $36我有一個friend佢同我講話佢食巨量芝士，佢話好鍾意拉絲嘅感覺，但係我屋企同齊柏林舖頭只有1分鐘嘅路程😭返到屋企佢已經拉唔到絲，已經凝固晒，有啲失望🥲入邊冇太多嘅醬料所以食落好dry。朋友話下次唔會再叫🤨🔸澳式風情熱狗 $36最鍾意佢有芝士、煙肉、千島醬同埋菠蘿🍍😍感覺好似食緊夏威夷pizza咁😍感覺上佢嘅賣相最吸引，一樣都係塞到爆曬😂唔知有冇人係可以一啖塞晒落個口度呢😎🔸辣雞塊 2件 $24我覺得呢個辣雞塊真係超好味，朋友未食過所以我都嗌左幾份🥳佢哋個個試完都話好好食🤪經過高溫嘅油炸之後，雞塊外脆內軟，仲保留嫩滑口感👍🏻有微微辣味🌶未試過嘅建議大家去試吓🔸薯條係我哋叫套餐跟埋，

黃昏時分，有啲肚餓，不如提早吃飯，突然想起，樓下 ZEPPELIN 🌭 hot dog, 反正未試過，馬上行動熱狗款式多可供選擇可以單點或另加$12 套餐可選兩款小食或飲品Best seller * LZ129 澳式風情熱狗 $38滋味醬汁，長長包夾住大條紐綸堡腸，菠蘿🍍，煙肉、芝士，材料豐富，口感不錯😋小食😊蓍條，金黃色、炸得香脆，點上茄汁同千島醬，正呀😋粟米粒，有大半杯，份量多，粒粒甜，如果有牛油，就更加好味啦即叫即做，熱辣辣食得好飽，哈哈😄剩餘少量薯條啊

食過好多次齊柏林，每次返屋企經過龍門居都會忍唔住去睇野食，經常比齊柏林熱狗吸引咗。鋪面細而且喺街尾，以前都唔知佢原來開咗喺哩度。試過全部野都好食，即整又夠熱不過係冇堂食一定要外賣，有時都好想即刻打開外賣盒咬返啖隻熱狗。熱狗多款式選擇，加十幾蚊跟餐 可以揀兩款小食。我揀咗粟米同薯條。因為啲野食即整好夠熱，有時返到去啲倒汗水加埋醬會整到淋哂，不過最近嗰次買啲醬分開上，正！唔中意多醬嘅朋友又可以按自己喜好落。唔洗擔心熱狗做晚餐會唔飽，薯條都大份，自覺食量正常，每次食完都好飽

🌭澳式風情熱狗💰$38 +$12跟餐2種小食 + $5加大薯條🍟😈呢個Aussie HotDog🌭真心世界級😭食極都唔厭佢個熱狗個醬係勁開胃😉腸仔又大條同上面有啲煙肉菠蘿😎食落口感好豐富😝而跟餐我就揀左加大薯條同粟米😬薯條都係無得輸份量好夠😍上面個茄汁同千島醬都係缺一不可✋🏻不過個粟米如果可以加返啲牛油會好食啲😢因為無咩味而另外新岀個個薯餅我都試左😎都真係好好味😬