齊柏林熱狗店 (宏暉大廈) (已結業)

Intro: 齊柏林真係差唔多港九十八區都有分店，但可能太多分店，整體質素可能下降，但外賣成個套餐都大約60蚊左右，有時番工想食個lunch都會幫襯齊柏林，而呢到嘅澳式風情熱狗都幾出名～___________________🍽 澳式風情熱狗💰 38 ⭐️ 7.5/10✍🏻 呢款熱狗嘅性價比最高，配料都好足，芝士同千島醬真係好夾；✍🏻 但今次嘅芝士燒得普通，鹹香味唔夠，如果燒嘅時間更耐就最好；✍🏻 熱狗皮好鬆軟，係一如而往靚嘅麵包；✍🏻 千島汁落得唔夠平均，但食到有醬嘅時候，發覺味道真係好夾紐綸堡腸。🍽 套餐（小薯條+一款飲品）💰 15 ⭐️ 8/10✍🏻 就算只係小薯條，份量都多過麥當勞；✍🏻 外賣最緊要趁熱食，呢到嘅薯條偏厚肉，好少只食到一條純炸嘅感覺；✍🏻 有有氣嘅檸檬茶做選擇，但糖份都幾高，仲有無糖可樂作選擇。___________________🏠 齊柏林熱狗店📍 各大齊柏林熱狗分店⭐️ 8/10___________________

聽到齊柏林第一下就會諗到熱狗，冇諗過佢嘅炸雞條同埋nugget都好好味😍呢間齊柏林好近炮台山地鐵站，行幾分鐘就到好方便👍🏻全條街上邊都有好多其他食肆，可以每間都買少少外賣，跟住拎去東岸公園食，一大享受。😆

應該唔係我要求太高，但係真係一般。叫咗一個套餐，澳式風情熱狗（菠蘿、煙肉、千島醬、紐綸腸）+薯餅+可樂薯餅無得頂，絕對好食過牡丹樓。係個熱狗：包烘得唔夠熱，點熱狗法🥲成個包係正餐，但唔熱，正如你食湯麵擺凍咗先上枱咁。（真係好怕嘢食係暖嘅唔係熱辣辣）腸比想像中細，不過都ok嘅，唔會話同包嘅比例好唔夾。面頭芝士有炙燒過，但燒唔溶嘅，芝士味唔出，唔香濃。煙肉：無味，好似烚熟咁😂份量少，食到中段先出現菠蘿：罐頭菠蘿唔係問題，但係好濕。又係淡矛矛，整個個包索哂又濕又淋。千島醬：其實個味同配料好夾嘅，可惜加埋啱啱上面所講嘅所有因素，成個包都變得唔係好可取😮‍💨其實之前都係食佢哋炸嘅小食居多，熱狗係第一次試，估唔到都幾失望。因為我食過另一間連鎖，真係好好食，我本身唔鍾意食包都俾佢驚艷到。希望今次只係失手一次。因為我覺得齊柏林其實好有心嘅一間食店，有好多定期Promotion、新產品，同聯乘合作，好滿足到市場需要。或者有機會我會試吓其他分店其他款式，希望可以滿足到我嘅味蕾。

路經北角附近食完個唔太滿足既afternoon tea想再搵野zip 下牙la於是經過齊柏林就食個開心熱狗喇.嗌左個辣肉醬熱狗整緊時係出面等亦有三兩位外賣人等緊.一拎到即刻去隔離食下一打開個芝士真係好吸引一大pat 係度 絕不手軟加上一咬開啖啖肉醬麵包鬆軟熱狗腸又夠cover 成條包唔會食到一半係左d餡perfect.眼見佢一路都開唔同分店真係心感安慰即係有大眾認可佢既味道同模式.對於平曷鐘意食熱狗腸既我又多一個地方買喇

冇諗到一間熱狗鋪賣薯條咁好味喎我鍾意佢冇出面街咁係咁落鹽但炸皮又夠薄脆薯條又夠粗 食到裡面薯仔嘅軟軟糯糯香同啲醬好鬼死夾而且好大份一個細薯裝滿M記板燒雞包size嘅盒係咩料🤤😂😂最後食到勁飽 12蚊加配小食認真抵跟住隻狗不功不過有芝士有煙肉份量合理條腸jucy💦不過係即製嘅保證新鮮，都唔錯粟米就正正常常咁咪一個外賣紙杯，裝滿粟米，跟住有少少湯係底浸住有啲牛油香咁同埋佢間鋪播嘅歌幾啱聽等整嘅時候唔會悶❤️❤️

灣仔分店在幾個月前結業了，之前灣仔工作時，午餐都以用openrice訂餐，不過都要等30-45分鐘，所以吃這間必需要學懂計好時間。由於太多人幫襯，所以真的要自己管理好時間。炮台山店正好在AIA後面，而只有外賣，這家店目前沒有openrice預訂，但有whatsapp提供落單服務。所以當日選擇了晚餐試試炮台山新店的水準。味道仍然是十分有水準，而份量也是很足夠。其中一直令我愛上這家的熱狗一定是他們的薯條！！！價錢上比起附近的熱狗（Bxxxdog）、漢堡（☺☺☺☺☺）性價比都高很多很多！這次我叫的是士林原味熱狗，而之前在灣仔店食過的芝士熱狗都十分值得一試。

琴日放lunch見到有人拎住齊柏林既外賣袋😨😱😱😱😱😱😱😱😱😱即刻上openrice睇下原來炮台山開咗啊🎊🎊真係超級超級超級超級超級超級開心呀😍今日即刻去買🤤🤤🤤🤤🤤🤤🤤🤤🤤🌭️🌭️🌭️🌭️🌭️🇺🇸紐約辣味熱狗🌭️🌭️🌭️🌭️🌭️熱狗腸配炒過嘅洋蔥真係好match佢個秘製芥辣真係世界級咬完一啖會繼續想食第二啖食得辣嘅一定要試!!!!!!!!!!!!!!!!!!所有食物都係即叫即整拎到返Office都好夠熱所有店員都好Nice店員仲提醒我下次可以WhatsApp落單 lunchtime唔使等咁耐一定會再幫襯😍

炮台山終於開左齊栢林啦🎉🎉 係附近返工 可以WhatsApp 落order之後拎返office食 佢舖頭細細 但都有好多款熱狗揀唔同熱狗配唔同腸仔今次食左辣肉醬熱狗 好好食呀😋😋😋個熱狗係用左荷蘭腸 啖啖肉同勁多肉醬同芝士 口感好豐富我仲加左12蚊 有1個小食同野飲 揀左薯條🍟同我好鍾意飲既c+薯條🍟仲有佢地d自家製既醬 唔會好漏 即叫即整 到手個時熱辣辣職員好nice 有禮貌下次一定會再幫襯👏🏼再試其他款既熱狗

今日行過見到呢間新開熱嘅熱狗店. 所以試吓. 性價比都好高 ☺️$50包埋熱狗汽水同薯條。今次叫咗New York spicy style. 個腸仔好juicy! 包又唔乾。都幾辣下。份量啱啱好。薯條我加咗有椒鹽味既shakeshake 粉😍😍McDonald都無。啱啱炸。仲好熱。見佢有幾款口味都好似好好食. 下次會再返嚟試吓☺️☺️☺️☺️Max 5⭐️性價比⭐️⭐️⭐️⭐️⭐️好味度⭐️⭐️⭐️⭐️⭐️服務⭐️⭐️⭐️⭐️⭐️環境:N/A Btw 收錢嗰個哥哥幾靚仔，服務態度又好🙈。

一路都有食開齊柏林💛💛💛經過見到開左😍😍😍即刻幫襯試試佢而家佢地薯條d汁會分開上但我鐘意食索晒d醬既薯條所以request左淋醬上去😇😇😇林林地既薯條先好食🤤🤤🤤🤤🤤嗌左士林原味熱狗同C+ 1個set番到屋企都成半個鐘後 雖然d野食凍左少少但仲係好好味🤤🤤🤤 包都係脆既 烘到有少少燶邊 色澤一流👍🏻👍🏻👍🏻👍🏻員工都十分有禮貌 外賣店尼講又有招呼又有笑容👍🏻買得心情愉快😚

間中都會來天后呢邊食野，今日見有少少時間正當諗緊食咩嘅時候突然見到齊柏林竟然開左炮台山分店，平時都係要叫外賣先食到，好少即買即食，外賣送到黎個包又林d芝士又梗好似差少少咁，見有個位今次買完坐低食今次都係叫個最愛嘅芝士辣肉醬熱狗黎EE肚，Order時老闆娘仲推介新野辣味炸雞叫我試下，佢話好正好好食喎點知食落原來又真係好好食喎，雞肉好嫩滑而且唔係一味得個辣食落又有雞味，好食過大公司果d多多聲，下次經過一定要再encore

送完貨之後好肚餓，見到間齊栢林即刻衝入去食個下午茶餐，如果再唔食嘢我就會手軟腳軟，到時就揸唔到車好大件事。肚餓得滯，冇影到究竟係乜嘢熱狗，總之就係一塊包夾住條腸，再加啲蕃茄青瓜咁，總知就係食落口好新鮮，加埋啲醬料超超超超超超超超超超超超超超超超超超超超超超超超超超超超超超夾