齊柏林熱狗店 (好順意大廈)

营业中

休息中

我係叫外送既關係 店舖距離屋企有d遠 所以少少 少少 唔夠熱…..熱狗 🌭 之前有食過好幾次 一直覺得都唔錯 芝士超多……今次就試下未食過既漢堡啦🍔🤤🌸經典和牛漢堡 我只係叫左最basic果款 如果叫double 其他小食應該都唔洗食嚕😆漢堡好足料 醬汁好多 蕃茄 生菜 芝士配埋牛肉 酸酸味味幾好食🤤🌸炸雞扒 & 炸雞球相比之下 下次再叫 我應該淨係會叫炸雞球雞扒有啲辣 辣到淨係食到辣味就沒了 …🌸炸薯餅好普通 再加上我係叫外送 送到黎有啲出水🌸薯條都係正正常常 但係配搭芥末蛋黃醬後 我喜歡食💕

呢排係咁落雨，冇乜胃口唔知食乜好，行過見到Zeppelin就決定係佢啦😋今次係第一次食Zeppelin，望個餐牌都有好幾款熱狗俾你揀，望落款款都好似好好食，令人花多眼亂😂之後揀咗芝味熱狗加個薯條，諗諗下決定肥啲🤣最終又忍唔住加埋個洋蔥圈🤣🤣🤣等嘅時間唔算快，可接受範圍。熱狗外賣拎到返屋企啲芝士有小小凍咗，不過都正常嘅，薯條個混醬好正！係蕃茄醬加芥末醬😍😍最後個洋蔥圈都冇失望真係幾好食🤤🤤正嘅！

熱辣辣芝士🧀 當中夾住香草🌿辣醬香噴噴辣肉大大條腸有咬口 包係用牛油煎過少少lone邊 強烈建議外賣🥡要焗一焗流心芝士最正配冰凍飲🥤品同牛油粟米🌽 perfect 💯 holiday

今日第一次去食齊柏林，得出結論有二：1. $38食一個充滿燶味既熱狗係令人沮喪唔好同我講係乜嘢美國焦香風味呢啲廢話，個熱狗邊黑到好似炭咁我真係第一次見，食完口腔殘留既唔係香腸味、唔係芝士味，而係鑊燶既餘藴2. 員工工作效率真係要改善去到齊柏林有四位年輕員工，佢地既動作係我近期見過最慢既速食店員，現場只有另一個人等，而我見住佢地攝起爐頭既單只有兩張，但一個熱狗等足我15分鐘🌝話說食完之後去左yoho comebuy tea到買杯茶沖淡下陣燶味。個陣排隊等既至少20個人，但我見到四個男仔以勁有條理同埋1分鐘5杯既速度，應付無限既收銀、沖茶、包裝、補課既工作，真心佩服，呢15分鐘係等得順氣🌝無比較無傷害啊….真心，分黃藍選擇係個人喜好，但食物同服務水準可唔可以對得住自己set既價錢？良心既野係雙向既….

一直都想試下齊柏林的熱狗，今日見到外賣平台有優惠，同家人決定試下。叫咗3款熱狗，芝士薯條，牛油粟米杯，9件雞塊，及2件辣雞扒。熱狗：1) 芝味熱狗 - 芝士味夠香濃，味道OK。2) 德國酸菜熱狗 - 唔敢講自己對德國菜有幾掌握，不過我對呢款熱狗有驚喜。3) 澳式風情熱狗 - 雖然材料較多，不過整體無以上2款咁吸引。配菜方面：1) 牛油粟米杯 - 夠牛油味，鐘意食粟米的，一定要試下！2) 芝士薯條 - 口感OK, 份量夠多3) 辣雞扒 - 肉質夠嫩，不過都幾辣，推薦試下4) 雞塊 - 味道OK整體熱狗出色，配菜亦都惹味。不過提提大家，因為有好多芝士材料，大家要盡快食，以達致最佳的食物體驗。

齊柏林熱狗有幾大隻，食開嘅都知啦，個包又大，條腸又大，仲超多醬唔好講笑。是日黎買左個火灸芝士辣肉醬熱狗，再加錢要埋小食同飲品，午餐就食呢樣啦。即叫即做都要等幾耐，天氣咁熱曬住等真係有啲辛苦，大概十五分鐘到有得拎了。攞到手即刻衝返去食啦，好彩罐汽水仲凍。打開佢散下啲倒汗水先，熱狗同薯條都好香呀。薯條轉左做幼條，之前食係曲曲薯條黎喎，無乜所謂啦，兩種都好食，大量茄汁同千島醬混合勁正。熱狗包個包包轉左做自家品牌，都仲係咁大隻同鬆軟，芝士同肉醬都下得很多，加埋條熱狗腸真係大滿足，好好食。

又嚟到幫襯黃點系列啦 呢間齊柏林熱狗主要做熱狗外賣 開到成行成市今次幫襯元朗店 入面有靚靚嘅霓虹燈打卡位叫咗個熱溶芝士熱狗芝士非常澎湃 熱狗包好鬆化加錢仲有小息牛油粟米非常香甜可口

今晚食咗好滿足嘅一餐！雖然次次買都要等15-20分鐘，同埋佢哋只收現金，但係真係好好味！返到屋企已經凍，但係我哋用焗爐heat返佢，絕對有返剛剛整好嘅新鮮香味！好足料！超正！火炙芝士辣肉醬熱狗 $42（芝士、辣肉腸、生洋蔥、黃芥末、荷蘭腸）芝味熱狗 $38（三重熱熔芝士、粟米、蛋黃醬、法蘭克福腸）澳式風情熱狗 $38（芝士、煙肉、菠蘿、千島醬、紐綸堡腸）墨西哥勁辣雞堡 $40（香辣炸雞、烤菠蘿、茄汁、墨西哥辣椒、墨西哥辣汁）芝士辣肉醬薯條 $28

我老公早排提過呢間熱狗店佢話食過兩次好好味覺得我一定鍾意食。佢話元朗有分店我喺open rice 一睇，原來開咗咁多分店，真係冇食過。完全唔知有呢間熱狗店。上星期叫咗apps外賣試咗，真係好好食叫咗火炙芝士辣肉醬熱狗同埋滋味熱狗。另外嗌左兩盒細薯條, 佢會跟埋兩盒茄汁醬，果醬面仲有啲好似係芝士定係唔知乜嘢？總之將啲薯條點落去勁夾。外賣送到屋企。因為佢個盒有梳氣，佢啲薯條嚟到仲係熱辣辣咬落去係脆，估佢唔到甘好食今次我老公買外賣返嚟，我照樣叫咗火炙芝士辣肉醬熱狗同埋芝味熱狗。因為上次食咗覺得好食。芝味熱狗係叫俾我女。因為佢唔辣同埋淡淡芝士佢都好鍾意食。我老公叫咗紐約辣味熱狗，我試咗一啖好正覺得佢有洋蔥同佢個辣醬加埋個熱狗非常之夾。火炙芝士辣肉醬熱狗食落去口感係好食，但因為我鍾意食辣，所以下次要變心叫紐約辣味熱狗。因為食落去好惹味另外叫咗芝士煙肉薯條，我覺得叫普通薯條已經好ok。可能食個熱狗已經好飽再食芝士煙肉薯條就好似滯左少少，但整體都唔錯。係個熱狗望落去好似唔係好大但係食落去真係好夠飽。食咗呢間之後。暫時都唔想叫嗰間連鎖快餐店嘅薯條同漢堡包。呢間係暫時想食快餐嘅首選

【即叫即炸🍟爆炸芝士拉絲薯條】晚上路過，小店門外有幾個人等緊野食，that caught my eye😎🔆🔆，心諗，咁夜，又不起眼既小店，竟然有人排隊？呢間 @zeppelinhotdog 專賣熱狗同薯條，試左best seller味：芝士辣肉醬嘩，正正子小店有芝士辣肉醬味熱狗同芝士辣肉醬薯條，我揀在薯條。第一啖食左，不得了！不得了！！______________________________【環境篇👇👇👇】- 小店setting，只做外賣- 有個霓虹燈比你打卡______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作芝士辣肉醬薯條 (💝9.5/10)- 落完order，後面既廚房店員就立即炸- 好想強調佢既薯條真係脆卜卜，唔係其他薯條店果d少少少少脆既外皮- 特別係食細細條薯條果d真心feel到脆過18歲- 所以中意極脆薯條既人要試！佢即炸！- 芝士辣肉醬

Zeppelin 熱狗之前未試過呢間熱狗，成日都覺得熱狗好乾，通常都係得茄汁同芥辣醬，但呢間熱狗飽烘到岩岩好，配千島醬同煙肉熱熔芝士成個一齊食完全唔乾，好味🧀個熱熔芝士煙肉薯條都好好味

齊柏林越開越多，間中都會食下佢嘅熱狗，前排見佢出左個麥x雞餐，九件雞加薯條同汽水都係三十幾蚊，抵到喊出黎。個晚叫左三份餐，落定order去自取，可以快啲有得拎，拎到返去都仲熱同脆口㗎。個點雞醬要左BBQ，蛋黃醬同千島醬×茄汁，好似仲有蜜糖芥末，普通茄汁同其他野揀，咁多款醬都唔算係咩特別口味，但係食炸野又點可以無醬，我就覺得個千島茄汁最正啦。薯條成兜滿晒，份量肯定多過麥x勞，最要係曲曲薯條，呢隻真係好味過幼條好多。汽水都係可樂，忌廉，雪碧個啲啦。

元朗本區有各式各樣的美食，以熱狗為主題的較少，聽說最近有家不錯便去試試。店舖只做外賣不設堂食，餐牌的選擇富有多國風情，配料一目了然。打開外賣盒熱狗的賣相很美，有芝士及薯條的香味。田園風味熱狗 $30醬汁均勻且足，見到蔬菜呈長條狀，感覺很滿足又新鮮。澳式風情熱狗 $38芝士賣相不錯，芝味淡淡不太濃。德國酸菜熱狗 $38酸菜是特意調味，易入口，酸度不似德國傳統的酸菜，另有一原整酸瓜，真是貼心。芝味熱狗 $38全是芝士覆蓋，金黃色一片，芝士不太厚重，內有粟米添加濕度及甜度，一口咬下味道清淡中帶點甜。    士林風味熱狗 $32雖是了解實際食品會與餐牌中的相片有出入，但醬汁和配料有點不夠，令味道不夠突岀。幾款熱狗的麵包都有烘過，只是外賣的包裝讓濕度改變。每款熱狗配不同腸仔，腸仔味度較淡，整體感覺是清新氣色，想重口味的可能要自行加入調味讓味蕾更暢快! 熱狗份量適中，加點小食才滿足!洋蔥圈  $15 六件 味道適中，是厚圈的洋蔥圈。芝士大薯條 $22一大幅芝士在薯條上，但因冷卻了便失去拉絲的效果。芝士味道適中，薯條有軟軟的口感。多款芝士的配搭，芝士迷不要錯過!

🚩 澳式風情熱狗 $38有 芝士 煙肉 菠蘿 千島醬 紐綸堡腸超級豐富勁多勁多芝士🤩而且我返到屋企之後仲有叮一叮佢先食啲芝士有燶燶哋嘅感覺超級香😊加咗菠蘿之後成件事變得好Fresh😊必定再encore🥰🥰🥰🙏🏻🙏🏻總結時間🥰仲諗緊下次食火炙芝士辣肉醬熱狗定係芝味熱狗 下次會好快再encore😍😍😍支持黃店💛💛💛 評分時間👅（5️⃣個👸為滿分）食物👸👸👸👸👸抵食👸👸👸👸回頭率👸👸👸👸服務 👸👸👸👸環境 👸👸👸👸

依間野成日都大排長龍我見d中學生係到買完熱狗就會轉角去茶星人買埋杯飲品menu有好幾款熱狗試過熱賣既肉醬自己覺得麻麻其他又好似唔太岩我所以搞到我獨沽一味次次都係叫澳式風情熱狗醬汁係千島醬整體味道似夏威夷pizza有菠蘿同煙肉 食落去甜甜地本身腸仔係白色個款紐倫堡腸自己唔鍾意個款腸所以就換左肉醬熱狗個款腸正好多好多👍🏻👍🏻👍🏻換腸唔洗加錢架記得同店員講就得之前食過薯條好大份真係好大份醬汁係千島醬mix茄汁👍🏻不過今次自己食就無叫到因為一定食唔哂🙈🙈