點紫冰冰 (已結業)

同同事黎到依度，好多星座裝飾，枱、牆都佈滿12星座，但佢個餐廳名，和食物都同星座無關😂經常都有選擇困難症既我都唔知食咩，但一見到芝士烏冬，即刻有答案。我點左個海鮮芝士烏冬，睇張相都知佢勁多芝士，我鐘意呀！佢既做法比較港式，有綠椒、黃椒，菇菇、蜆仔，仲要有粒日式八爪魚。蜆都幾多，重點我想講佢粒八爪魚仲甜甜地，感覺好funny。再送個甜品，我估係自家製，上面既cheese cake,有點jelly 感，下面既海棉蛋糕有點乾，但最驚喜係有提子粒係cheese 個部分，都好富新鮮感😁餐飲叫左熱檸水，以四十幾蚊有主餐、有甜品、有野飲黎講，算唔差😄

今日放假，想施施然食個早餐出發大澳行下，經過呢間餐廳見有位，就入去坐低了。餐廳好細，坐位迫，得一個樓面，忙住落單收錢和送餐。落單係自己劃紙嘅，我點左司華力腸炒蛋米粉番茄湯底，熱奶茶，每個餐都會跟一小塊牛油厚多士。碗米粉正常嘢，吾係好杰身嗰種羅宋湯，腸仔切左三小塊同炒蛋一齊放落碗米粉度，份量ok啦，出事嘅竟然係杯奶茶，茶味欠奉又吾香，得個熱字，似奶水多過奶茶。不過塊厚多士好好食，新鮮面包軟腍腍，又吾會烘得過火，少少脆，牛油份量剛好，有想再食多塊嘅衝動。

約左朋友係附近傾啲野，見無乜人說入去食啲野未食飯又見佢有set lunch 保守啲叫返個吉烈豬扒意粉黎到個樣好靚仔喎仲熱辣辣啲豬扒好juicy 呀味道比較清淡好岩女仔食得出無味精，因為好有屋企既感覺得係飯轉意粉，唔洗加錢但誠意十足，意粉有草菇同洋蔥，勁正呀！份量好足，無食早餐先食得晒⋯⋯但都只係42蚊，去邊度搵呀....下次再約傾野一定黎呢度見啲甜品都勁正咁呢度仲無乜人，應該係佢門面唔吸引啦哈，隱世餐廳，必選

因為好想食甜野，所以就行左黎宜安街呢邊其實甜品店都有幾間，見到都有d人所以就簡左呢間其實佢呢度d招牌甜品好似都幾吸引，不過因為我想揀啲比較解渴嘅甜品，所以就叫左呢一款曲奇喜瑪拉雅山配雲尼拿雪糕 $40放上枱好似完全中伏乜嘢黎嫁？賣相真係超核突，完全唔似喜馬拉雅山，我覺得似火山爆發多啲食落真係超奇怪，入邊好似有啲提子味，又配上朱古力碎，仲有曲奇餅，成個感覺好唔夾個沙冰有啲似益力多味，不過佢唔係完全係沙冰，下面係好似成舊冰塊咁。。。半溶咗嘅沙冰水同其他嘢配合埋一齊真係甜到嘔仲有個雪糕係啲平價貨，雲呢拿完全冇雲呢拿味完全唔知自己食緊乜超級唔開心

夏日炎炎 熾烈的陽光彷彿熔爐般把人溶解友人喚我出走 不如吃個透心涼的消暑甜品吧甫一進店 設備雖簡但尚算整潔 感覺像家庭式的小本經營餐廳主打窩夫類的甜點 但我們還是直奔向刨冰類的左挑右選點餐方式是自己用筆在紙上勾選後 再遞給店員我們點了一客曲奇喜馬拉雅山配芒果雪糕餐點上任何一款有包含雪糕的甜點都可以換成其他口味像這個刨冰我們就把雲呢拿換成了芒果大家看照片應該已經嚇到了 那叫一個不討好!簡直是一堆冰塊 而且是沒有任何調味的冰塊曲奇也很隨意的撒在表面 吃到好多口都是還沒弄碎的餅乾雪糕感覺就是雀X那類出品 不過不失 但它仍然救不了這驚世駭俗的產物不死心的我們又點了一碗楊枝甘露實在與圖片上的大相徑庭 感覺像1:99稀釋過後的甜水這次選了哈密瓜雪糕 只能吃它當漱漱口了以上。

宵夜時段，一班酒肉朋友突然叫我出去食糖水，咁好提議當然即刻換衫起行啦！今次去咗一間新開嘅甜品舖，最出名係《蜜瓜沙冰》入到去見到選擇好多，有唔同品種嘅甜品，價錢都係接近一啲大型出名嘅甜品店，唔平架！我地總共叫咗三款甜品：《棉花糖窩夫》、《士多啤梨拿破崙》同埋《蜜瓜沙冰》落完單之後等左接近半個鐘都冇嘢食，一催再催終於有得食啦！先試咗個《棉花糖窩夫》，窩夫非常硬又無味，棉花糖都幾好食嘅，但同窩夫一啲都唔相配，簡單來講係好奇怪 再嚟《士多啤梨拿破崙》，先食士多啤梨同上面個cream，心諗都唔錯啵。一食落塊餅底度就出事喇！仲硬過Pizza，成塊太平梳打餅咁。我哋幾個人都完成唔到呢一項挑戰 最後先到萬眾期待嘅《蜜瓜沙冰》，蜜瓜好清甜，份量好足，沙冰都磨得好好，冰粒好細。大家都冇啖好嘢食落肚，圍住個蜜瓜沙冰，好快就俾我哋K.O.左啦！總括而言，呢間甜品舖只有蜜瓜沙冰高水準，其他甜品並非平平無奇，簡直係騎呢！

黑過墨汁朱古力窩夫🍫($40)一坐底就發現個menu所有吸引既甜品都冇曬，侍應話暫時都冇貨。唯有普普通通叫返個朱古力窩夫啦，一上枱，喂咁黑色既？竹炭咁款喎😂。窩夫用竹籤串住，質感好奇怪，雖然外面都脆脆地，但拮入去入面好濕，好似食緊梳乎厘咁，感覺好奇怪，而且冇乜朱古力味。上面淋既朱古力醬味道亦都好假😥。最差係雪糕，有好大陣榴槤味，對於唔食榴槤既朋友真係零個尊重！

第一次打食評，食完晚餐見就腳就入左去食個甜品。餐牌睇落樣樣都好正常，好想食。最後點左兩個甜品，分別係：“宇治金時$46（雪糕球轉左雲尼拿味）“同埋“桂花海底椰小丸子$22”。野食一到，首先係宇治金時，賣相不是太好，除左雪糕係正常味，其他材料都，雪米糍好明顯係冰格岩岩拎出黎，哈蜜瓜味好吾夾。雪糕正常，旁邊有紅豆，綠色一條條好似泰國珍多冰既野，好嘔心，冇咩味。綠茶在那裡？全杯野既精華就係底部既冰，驚訝地係用左乳酸味棉花冰😱😱😱乳酸味再加紅豆，再加綠色一條條，哈蜜瓜，百感交集，十分難忘。乳酸整到紅豆變酸。可能因為用棉花冰關係，食吾到三分一已經成杯野溶左，賣相好似海嘯咁，，“桂花海底椰小丸子”：小丸子同海底椰好似放左係糖水到好耐咁，未咬已經林左，糖水有糖味（ps.宇治金時點餐時同我講個底係冰，點解吾講聲係乳酸冰。走個時嗅到隔離張枱（不相識的）都伏味濃，最後仲比啖豆腐花我地試。睇落好水，食落有練奶味）

作為甜品控,一得閒就同朋友周圍食甜品!今次就朋友就揀左間佢食開又近既~都有唔少選擇,同朋友lunch冇點食野,就點多左甜品啦~首先係鮮果雪糕多士盒$48姐係近期大熱既方磚!雪糕配鮮果既配搭唔錯,有好多士多啤梨醬,沾埋多士食一流。綠茶心太軟配雪糕 $36朋友話心太軟比較林同唔夠挺,味道一般,的確心太軟最考師傅手工呢!朱古力窩夫配雪糕$34普通窩夫食得多,朱古力味既好少食,但呢個甜品幾出色。食到好重既比利時朱古力味,即叫即整,好脆同口感十足。賣相幾靚,有埋棉花糖點綴。鮮果耶汁紫米露$32每次食甜品都必點紫米,但呢個比較稀,紫米唔夠煙un同有d硬。楊枝金露$28朋友話呢杯野都幾好飲,酸酸地但食到水果配料。雪糕紅豆冰$28綠茶雪糕幾好食,配紅豆冰味道唔錯。近期實在太hit 抹茶雪糕了!

　　觀塘還有什麼好吃的？記得以往中一二的時候明明是墟冚得很。但其後多年來的重建計劃，將觀塘其中一部分改頭換面。過程之中，一家又一家的店子結業，就算不在重建區中的舖頭也有影響。影響人流了嗎？那是有一定的程度，因為根本不同了吧，由裏到外。　　聯安街，其實是昔日放學時會經過的小街，晚上算是人多點。因為那邊有酒吧，又有一些小炒什麼的可以吃，算是可去的一帶。別了舊時的小店，實情是三年間我也忘了那是什麼店子了。換來的是一家甜品小店，以名字中的「紫」作店面裝潢的色調。　　朱古力魔球　$48是店內最人氣的一款甜品，再次地貼合近年的熱溶熱潮。小小的朱古力圓球置中，旁邊圍起果乾穀物片，還有一點水果。趁濃稠的朱古力漿還是熱熱的，馬上淋之於上，單是看的就知道朱古力漿有多杰身。看著薄薄的外殼漸漸溶化，探出頭來的，是淡黃奶白的小球。原來裏頭是一整球雪糕，不過不怕單調，只要伴著朱古力及雜錦穀物同食，簡單的甜美。幸好那朱古力的甜度不高，甚至可可濃度至有微苦的程度，吃著也未覺太甜膩。

跟朋友在附近晚飯，飯後閒逛下來到這間甜品店，見價錢頗為划算，就決定入內一試。甜品店雖然位於入夜後人煙稀少的聯安街，但其實距離牛頭角港鐵站也只不過五分鐘路程。食店跟一般甜品店差不多，店面呈長方形，約可容納30位食客，是夜可能因為是平日關係，店內食客不多。甜品以西式和港式甜品為主，價位比大多甜品店便宜。朱古力魔球($48)甜品中間有一圓形朱古力球，旁邊有切粒芒果、士多啤梨、布朗尼和曲奇餅。跟甜品一同奉上的，還有一大碗朱古力漿，回來寫這食評時，才知道朱古力漿是用來淋在朱古力魔球上，好讓魔球溶化，露出入面的雪糕球。但我們當時都不知道呢！XDDD我們把魔球打開，就見到入面的雲呢拿雪糕。雪糕溶化速度不算快，即使我拍了幾張照片，雪糕表面只稍微溶化。雪糕奶味和雲呢拿味都不算重，不過以這個價格，味道絕對合格。而盛載雪糕的魔球則很薄很脆。布朗尼朱古力味頗濃郁，美中不足的是質地略為乾身。心太軟配芒果雪糕($36)心太軟這個價錢真是非常划算，除了心太軟和雪糕球，碟上還用朱古力漿劃上花紋和灑上糖霜作點綴，單看賣相絕不失禮。一切開心太軟，朱古力漿就泉湧出來，流心效果算是做得不錯。朱古力漿味道香濃，蛋糕質地表面有點

今日係觀塘飲夜茶, 飲完見時間仲好早就諗住去食甜品~經過點紫冰冰諗起都好耐冇黎所以就入去啦~叫左心太軟豆腐花~其實所謂的心太軟豆腐花只係熱豆腐花藏左粒朱古力係入面~除著朱古力因豆腐花的溫度溶化, 就變成朱古力豆腐花啦~朱古力的甜味配上淡味的豆腐花, 食落口唔會好甜~下次再過黎試其他甜品~

大女開始學駕車, 不久便會考得車牌 .... 我先駕車去到相熟的車行, 驗一驗執一執, 等待女兒用 ~恰巧又路經一間甜品店, 就入去吃過甜品 ~內裏環境光猛齊潔 ~Menu ~店方寫到明, 製作需時 ....  我們當然要耐心等候 ~韓式蜜瓜刨冰冰 配柚子雪芭 (2人用) $98賣相吸引, 蜜瓜味的刨冰, 清新天然又幼細, 蜜瓜肉十分清甜蜜味, 就是感覺很健康, 美味 ~今天比較特別, 不喝凍齋啡, 改喝凍檸茶 ~茶味香濃, 略嫌檸檬有點澀味, 但仍可接受的 ~本篇完 ~

早已聽聞這裡的下午茶很便宜，叫了一個最平ge餐，窩夫配草莓雪糕，雪糕是另外加錢的。竟然有兩件窩夫，脆身，感覺麪粉較少，多點朱古力醬會更好。雪糕就是15蚊的價錢，但不難吃la。

前幾天跟朋友在牛頭角經過點紫冰冰，忽然想起朋友之前在面書上POST的韓式蜜瓜冰 照片。當然相請不如偶遇，拉了好友去試試!韓式蜜瓜冰蜜瓜冰很壯觀，最上面是雲呢拿雪糕, 然後是大大的蜜瓜砌成圓形狀，再鋪上沙冰，十分壯觀。蜜瓜鮮甜多汁，很能消暑，份量足夠2人吃。因為冰底加上煉奶，吃到最後，底部的冰底不會太淡。另外，我們還叫了個魔幻水晶球。它色彩非常豐富，伴碟的芒果汁,上面放滿了各式的鮮果,有龍眼肉，士多啤利等及麻糬。 而甜品的靈魂就是中間的水晶球。水晶球的口感很有彈性，啫喱裡面是新鮮水果，賣相很吸引。吃入口彈牙，水果又清新，不錯。