點小館 (御匯)

营业中

休息中

午市飲茶 用點心紙叫咗5個點心 轉頭見到枱面有另一張午茶優惠點心紙 發現有兩款點心同我叫嘅一樣 點心未到就同經理講轉返做呢個優惠 佢話入咗電腦冇得改 我就話除消呢兩樣 再入返 佢又話唔得 價錢相差$8 可以頂到個茶錢 有啲唔開心.

餐廳環境都OK可以，又近地鐵站，有卡位，其實唔算迫。點心種類都好多，又有蒸飯，特別點咗陳村粉，係好食嘅！其他例如蘿蔔糕，叉燒包，蝦餃，都正常口味！落單都好快到， 5分鐘內基本上都開始送到黎。不過餐廳員工都幾有「態度」。問佢有冇甜醬，佢話「蘿蔔糕係點辣椒油，要甜醬咪出聲囉！」 唔係好明，點解而家啲侍應對答咁奇怪，好似責怪咗你先。 其實佢都唔係好full，咁我哋確實係坐咗兩個鐘，跟住佢走埋嚟直接一句「夠鐘！」。我終於明白點解咁多人北上消費。

曾經誤打誤撞幫襯過呢間深水埗點心小店已經兩三次了 有時候小店比環境裝修靚嘅高級地方還要好食呢間點小館可以話蝦餃靚燒賣正點心熱辣辣水滾茶靚 🫖👍🏻今日主要係蒸點冇煎炸嘢~▪️蟹籽燒賣皇大大粒，充滿蝦同冬菇豬肉，點埋辣椒醬正~▪️金箔筍尖蝦餃皇蝦餃皮未算好薄，但蝦肉新鮮爽口▪️極品魚翅灌湯餃呢款係湯浸餃🤣 不過啖湯都鮮味。▪️醬皇蒸鳳爪滿滿醬汁嘅鳳爪有五隻，係鹹左少少姐~▪️乾炒肉片河粉油份剛好啱我地，至少河粉冇炒碎哂。▪️香茜牛肉腸腸粉皮厚左少少，餡料足嘅，滑嘅。📍點小館深水埗長沙灣道近西九龍中心

今天同老婆約埋老爸一齊出到深水埗這一家點心、火鍋專門店去嘆下午茶.約2:00下午茶市開始我們先拎飛等安排進店.今天不算多茶客等候！差不多一拎飛一到時間就可以入內！進店職員即安排到一張近窗邊卡座給我們.隨即叫了一壺淡普洱.屬於水滾茶靚.之後就開始瘋狂剔點心紙.點了10款後遞給服務員,過5分鐘內很快就來了幾款點心,之後陸逐都到齊了！滿枱都是精美的點心！超滿足,加上全部即叫即蒸很難得.👍👍👍💯💯💯下次必會再來嚐一下佢地既椰子雞鍋.

今次嚟到點小館試咗店內嘅超值食雞優惠套餐，以及單叫嘅手打新鮮墨魚丸。海南椰子雞鍋（半隻）呢道海南椰子雞鍋係套餐嘅亮點之一。湯底用咗海南椰子水煮成，有天然嘅清甜味，湯底飲落清爽。半隻雞肉質鮮嫩，吸收咗椰子水嘅香甜味道，食落去非常滿足。另外，湯底仲可以飲，當作暖身湯品，湯味清甜，飲完之後令人感覺非常舒適。🍲🐔🥥美國肥牛肉肥牛片切得非常薄，脂肪分佈均勻，肉質鮮嫩。當肥牛片喺椰子雞湯底裡輕輕涮一涮，吸收咗湯底嘅清甜味道。呢個肥牛片真係既好食又唔會太油膩，係火鍋中不可或缺嘅主角。🥩🔥手打新鮮墨魚丸（單叫）墨魚丸口感彈牙，咬落去有墨魚嘅鮮味。🐟🍥點小館嘅火鍋套餐真係非常值得一試，特別係海南椰子雞鍋，湯底清甜鮮美，搭配美國肥牛同田園鮮蔬都係絕配。而單叫嘅手打新鮮墨魚丸更加係一個亮點，彈牙而鮮美，令人難忘。如果你係火鍋愛好者，呢度絕對係一個好選擇，無論係食材質素定係湯底風味都能夠令人滿足！