黑麥 (已結業)

聖誕節因為晚上會食自助餐，下午不想吃太多，便來了這兒吃三文治。叫了一份巴馬火腿水牛芝士三文治，要檸檬皮杏仁包。麵包非常軟熟，有些杏仁夾雜着很有咬囗。三文治餡料亦非常新鮮。再叫了一杯哥倫比亞特色咖啡，很香濃。今個聖誕午餐很快樂呢！

聖誕假期boxing day,黎黑麥食個lunch,$76既紅菜頭野菌雞肉意大利飯,比我想像中好味好多好多!我只係本住試一試既心態,但係食左一啖就覺得真係好味!飯係紅紅地色,混埋白色雞肉,賣相已好吸引,飯creamy 得黎好香好入味,而且好滑口!唔太乾唔太濕,正是岩岩好!不過如果多d野菌就仲好,因為野菌切得好細粒,唔係好感覺到呀!份量唔多,但足夠,因為意大利飯始終有少少膩。加左$5要既mushroom soup,賣相雖不佳(因為係灰色),但原來係好好味架!好有菇味呀!

其實都知呢度既pasta唔係特別好食,係又諗唔到食,是但要個set,揀左煙三文魚忌廉汁,ok既,幾好味,但係我覺得太多汁,有少少「漏」,因為加左$25,有湯,包,飲品,湯仍然係杯裝既青豆湯(上次都係呢隻,其實係咪只有一款湯?),ok,包係檸檬杏仁包,我幾鍾意,檸檬就唔覺,但係杏仁味就有,而且仲有一粒粒既杏仁添!包心軟,個皮脆,唔查牛油都好好味!飲品方面,因為早知佢既咖啡唔掂,所以求其要杯檸算數,無乜好評!哈哈!不過我食食下野,見到徐濠瑩係度經過呀!佢大住個肚,同兩個朋友一齊,但係見唔到陳奕迅喎!聽講徐濠瑩都幾常黎黑麥架!

就算佢嘅熱Cappuccino 都唔係好掂。最穩陣係叫普通嘅熱咖啡。如果唔叫咖啡，可試試佢嘅 Yoghurt Drink，都幾好味。意粉就麻麻地，冇乜味，而且都幾貴。所以我每次都係黠佢嘅三文治，又可以任揀麵包。佢Ｄ包真係好好味，推介檸檬皮杏仁包，好正！

黎過兩次,第一次飲iced latte,第二次飲iced cappaccinno,竟然兩次一樣味!都幾驚!唉!咁就證明左佢地d咖啡唔得!pasta都只係一般,而且貴!下次黎,都係淨係食佢地出名既麪包好喇!

有次朋友去呢間餐廳買麵包, 我跟住入去, 感覺幾舒服, 所以今日晚餐想去試下. 睇左一輪餐牌都係已麵包小食為主, 好在最後發覺佢地黑板上寫有意粉類既晚餐, 叫左一個海鮮菠菜意大利飯. 個套餐先黍一個西蘭花忌廉湯, 個湯底幾特別有d口感, 幾討好, 另跟三片路絲瑪莉薯仔偏包, 麵包香料味好重.唔多欣賞. 海鮮菠菜意大利飯海鮮剛剛過熟左, 帶子變得鞋口左小小, 意大利飯亦係全熟好淋o個種. 個人比較鐘意食硬身小小o個d.飲品似乎比食品好好多, 同伴喉嚨唔舒服, 所以提議佢叫一杯熱彊蜜, 彊味幾適中, 佢飲完之後無耐就無咩事, 我只左一杯熱咖啡, 待應話熱咖啡有分濃味同淡味, 感覺上十分細心同有誠意, 因為似乎好關心客人既個別要求, 最後杯咖啡亦無失望~服務十分有禮, 埋單$140幾合理, 不過食品方面要努力一d.

I always buy their bread for lunch,very good!(they serve with olive oil & vinegar)but...their coffee not good enough(compare with beanstalk,first cup coffee,illy,my coffee & termini cafe...)and their spagetti is always over cooked. (u know, I mean al dente?)

金鐘個間就食得多，不過多數係外買，今次第一次o黎堂食，地方當然比金鐘大好多，亦都舒服好多。而且麵包及蛋樣款式亦都多d。同朋友兩個人叫了一個set lunch雞扒燈籠椒沙律加5蚊有杯咖啡，同一份白汁蛋磨菇合挑包share食。雞扒應該係用雪藏，不過肉質好嫩，加了橄欖油同黑醋汁好味，杯咖啡亦好香濃好飲。個三文治亦一樣好，白汁好香又唔膩，合挑包好鬆軟。

Pumpernickel在天后的總店知道了超過4年, 不曾有一次有緣幫襯幸好她在銅鑼灣加寧街開了分店有日下午得閒, 胃漲漲不想吃飯入去吃一個麵包加杯茶當lunch讚:1. 熱飲種類極多, 更有我當前急需的"薑茶"喝下後馬上消除胃漲感覺2. 選了一個$9的藍芝士乳酪法包烘熱後口感鬆脆, 芝士味剛好, 不過分彈:1. 貴, 麵包+茶共$40多埋單下次食得落時試pasta set抵d2. Service差, 又不是忙, waiter行行企企寧願圈埋傾計都唔serve客, 要"催"先至答"整緊喇~"3. 店內的Studio Voice是1999年版本,咁寒酸唔好擺出來啦.總括, 即使店主Joan的麵包recipe成功她的店距離完美還有很遠, 很遠.

今晚同朋友一齊去食晚餐，6時半到達，因為尚早，所以沒有訂位都不用等。後來見人越來越多，而且坐得幾密，走時差不多8點已見外面好多人等位。因為朋友們都好細食，所以三個人叫左燒雞牛油果沙律、豬柳辣肉腸闊麵、麵包醬同朱古力布甸。沙律的Dressing是標榜自家製的，味道不太酸剛好，份量有一個湯麵碗咁多；Pasta又是自家製的，落order時要說明，因為貴$10，上菜時發現portion幾細，兩個人分得一人一「篤」；反而麵包醬不錯，6片烘過的麵包加6款醬。dippings6款無得揀，但好精彩，個人覺得好食程度依次序如下：雞心豆醬、酒浸提子合桃cream cheese、水瓜柳cream cheese、藍芝士、士多啤梨藍莓果醬、香草番茄粒。最後我個人獨食了朱古力軟心布甸，布甸用souffle dish載著，不是像一般的用pudding bowl焗完turn出來，心感不妙，果然不單止「軟心」，直頭係太「稀」，除了面頭一層薄薄的「固體」外，內裡削到無可能turn出來「獨立」；比較起Amante的簡直太欠水準。埋單$285，以份量來說，好貴！但以質素來說，OK。和朋友們意見一致：會再幫襯的，但只會來tea

今日係我首次食佢既bakery個個睇落都唔多吸引，淨係叫strawberry & cheese muffin，$11個muffin又爛又散，士多啤梨paste又無味無質感，成個冇乜味，質感又差係好"homemade"，但確係不濟環境個人覺得麻麻地啦

今日經過加寧街, 見到呢間"黑麥"感覺上d 麵包好似好好食結果, 我買左:1)芝士粒麵包2)檸檬皮..麵包(唔係好記得個名)試下麻麻地, 不是太好食(sogo d 麵包好食好多!!!)但, 個waitress 小姐好有禮貌& 環境, 氣氛不錯!