黑門水產すいさん (Fashion Walk)

星期五晚約朋友去銅鑼灣諗住食好啲嘅日本嘢點知嚟到中伏兩個人埋單$1200完全係食緊垃圾個壽司set四百幾蚊，啲壽司魚生唔新鮮，冇光澤，暗嘅，完全冇味道個炒飯三百幾蚊有海膽蟹籽諗住都鮮甜，點知食落完全冇味飯嘅質感好差，口感好差完全係食唔落，本來都諗住揀食晒佢，但係真係頂唔順食咗兩啖都放棄個飯已經唔想影其他都有影咗，然後員工嘅服務質素又好差又唔夠人，坐低個杯係吉嘅無茶，嗌佢去斟三個字都斟唔到俾你，每樣嘢要等起碼半個鐘先到到嗌咗四五樣嘢，要成兩個鐘先到齊又唔係真係咁多人成個場坐到大概一半，但係啲員工就勁慢出嘢食又好慢，吹又唔係唔吹又唔係咁樣兩個人埋單千$2真係搵鬼去，下次都唔會再去警世唔好再去

環境好有昭和時代既感覺，壽司鮮美如果你正在尋找一家能讓你品味到日本真正美味的餐廳，銅鑼灣黑門水產絕對是您的最佳選擇。無論是從裝飾佈置還是用餐環境都能感受到日式之美。餐廳的燈光柔和，給人一種溫馨的感覺。而每一桌都被精心設計，以日本風格的桌巾和餐具來增添整體的雅致。與此同時，牆上懸掛的傳統風格的日本繪畫同清酒也展現出豐富的藝術氣息。當您坐下來準備享受壽司，餐廳的服務員會立刻周到地為您遞上熱茶，並介紹左招牌菜。這家餐廳以新鮮、高品質的食材為主打，他們的壽司都係店內最受歡迎的菜品之一。壽司飯好有驚喜，每一口都讓人陶醉。整體食物質素都好高嘗試到未食過既菜單好有驚喜👍🏻👍🏻

因為老婆太過掛住日本嘅嘢食，今次帶埋佢去銅鑼灣搵吓日本嘅味道。見人哋介紹銅鑼灣fashion walk黑門水產主打日本「浜燒」地道特色小食、時令食材及海鮮，就一於試吓佢。-秋刀魚刺身🐟咁大個仔第一次食秋刀魚刺身，秋天係秋刀魚季。魚肉比其他刺身更加爽口彈牙，除咗日本豉油陪Wasabi之外，亦都可以配薑蓉及蔥花，口味更多變化。食到最尾，店員會提議可以將魚骨炸或煮湯（收費項目），大家可以自行決定。-海膽蟹味噌甲羅燒 🦀（✨黑門水產得意之作）呢個真係好味到炸開😍！師傅將所有野撈埋一齊燒之後，就好似搽牛油咁搽上去塊餅度食，最簡單真接又好味！-黑松露白汁燒帆立貝✨淨係黑松露加埋帆立貝已經冇得輸！加埋小小配料，口水流到停唔到！同甲羅燒一樣，用來做開胃小食一流！-蒲燒鰻魚飯差唔多成塊手板咁大嘅鰻魚飯，鐘意食嘅朋友一定心心眼😍鰻魚入味多汁，蛋絲鋪底紫菜鋪面，足料又好味😋-壽喜燒牛肉鍋🐂🫕好鐘意佢哋牛肉唔會太多肥膏，大大件肉但又唔會嚡十十，食完牛肉個湯底都冇乜油，再加埋粒日本雞蛋做醬，有正在加埋落個湯度煮😍讚👍🏻！記得一定要飲埋個湯底😁-吞拿魚鉄火卷唔係用普通壽司白飯，用有味飯😆好食。Toro都好新鮮無筋

黎到銅鑼灣 都唔駛愁搵唔到野食😋今次黎到Fashion Walk食街 揀咗呢間門面好吸引我既日本野🍤講到黑門呢個名 大家都應該即時諗起大阪個個🫢香港呢個黑門都唔失禮 食物既選擇亦都夠晒豐富未去到日本 就一於試吓呢個小黑門喇🤣 ➷🪐 梭子魚刺身踏入秋天 又到咗食梭子魚既季節🐟梭子魚既油份比較少 油脂大部分都係魚皮度 口感一樣豐富😌炙燒過既魚皮會令到油脂香更加突出👍🏼亦係其中一個賣點§🪐 極上壽司盛合呢個壽司盛所包括既款式較多同埋大路 偏向大眾化啲😋有成12款唔同既壽司 魚生厚身壽司飯size岩岩好食得到魚生既新鮮 要魚味重 要爽口既 都一樣帶到俾你😆§🪐 鱈魚白子對於第一次食鱈魚白子 都幾有新鮮感🫢口感入口即溶輕輕火炙之後 配上柚子汁食 可以減輕當中既膩唔覺唔覺 其實食起上黎都幾佔空間🤣§🪐 赤鬼海老天反卷壽司飯包住好大隻厚肉既海老🦐外層沾滿飛魚籽同場仲有三文魚籽做配搭 增加咗整個反卷既口感醬汁可以建議用另一種 味道似千島醬既醬汁未係最夾🤔️§🪐 黑門令蟹味噌甲羅燒一整個蟹殼內裡都佈滿蟹膏😍岩岩燒起會聞到濃厚香味味噌既加入令到味道豐富起黎 咸香味十足👍🏼將燒好混合後既蟹膏𢳂到滿滿放上梳打餅

有朋友從外地回港，因時間的關係，我們未能一起同遊日本，唯有從銅鑼灣找一間日本餐廳，來一趟偽日本之旅。我是第一次到訪這間餐廳，不過之前已經已經從朋友口中聽聞過這間餐廳，說他的食材新鮮，像去了日本一樣。今日我行朋友來了一趟Long brunch，坐咗幾耐，傾咗勁耐計都冇人趕我哋走，正！我哋見main menu & lunch menu 好豐富，有好多嘢食，平心而論，除了set lunch外，都真係有少少貴（但之後我哋去附近一個商場逛街時，發現原來差唔多價錢，以魚生飯為例，食材組合不及這間的好及多選擇）不過，我哋一餐當兩餐食（出乎意外地飽到夜晚😓），所以揀咗啲平時好少係幾多日本餐廳食嘅嘢。其中，我們最欣賞的是：鹽燒香蔥牛舌心酒釀山螢烏賊 （超好味！）炸蓮藕片大阪木津海鮮丼超足料的海膽蟹味噌甲羅燒（必食！）鰻魚壽司 （朋友話澳洲食唔到咁滑，只能返嚟食）其他我哋覺得一般嘅有：鱈魚白子 （最初見到佢係時令限定，又未食過，所以叫你試吓。不過，我哋有啲後悔。）帆立貝伴魚子醬 （我哋覺得性價比唔高）三文魚加州反卷 （雖然比較普通，但個飯好好味）

啱啱喺日本返嚟，但係又好掛住日本嘢，所以就嚟咗呢間，呢道比尖沙咀分店大好多，光猛好多，而且地點仲方便。店舖入面裝修依然係好似日本居酒屋好多清酒樽同埋和風擺設🎏🎎唯一唔同就係啲燒海產枱上面冇爐，而尖沙咀係店員喺你面前用你台上嘅爐燒。好嘅就係唔使傾偈俾店員聽住咁尷尬😂，佢拎入廚房燒其實都好快啫👍🏻我哋嗌咗個甲羅燒同埋蟹味噌帆立貝兩個都燒得勁香，帆立貝非常鮮甜，而甲羅燒配埋梳打餅就冇咁膩👍🏻深海池魚刺身鮮甜爽口黑門時令鰻魚漢堡呢個鰻魚漢堡，真係打卡一流，兩塊厚切鰻魚夾住啲飯，仲有玉子燒，超級豐富，鰻魚表面燒過有微微焦香，煙韌有咬口，唔會一pat野咁鐵板燒海鮮雜菌鮑魚同魷魚都好彈牙，唔會好似擦子膠咁鞋，調味夠晒惹味，送酒一流牛舌、雞腎串燒呢兩個就較為失色，同我喺日本食爭少少，比較乾身壽司盛盒壽司飯唔會太大舊，每片刺身都好新鮮最後仲有個魚子醬脆脆包呢個勁好食，唯一缺點就係太細份，好想encore🤣

北海道秋刀魚，魚皮燒得好脆，魚味好濃郁。帆立貝半魚籽醬，帆立貝好大隻，上面鋪咗啲新鮮魚籽，夾埋紫菜同埋紫蘇葉一齊食，味道清新鮮甜。蟹味噌甲羅燒，侍應即場燒埋，蟹膏味濃郁，配埋蟹肉絲同埋蟹籽，配梳打餅上邊一齊食又香又脆。三文魚加州反卷，呢個必食，壽司飯醃咗，味道非常美味，配埋牛油果、蟹柳、紫菜、三文魚，上面重鋪左沙律醬配魚籽，大口一件，非常滿足。龍蝦湯煮海鮮，海鮮通通好新鮮，有蠔、蝦、螺肉、魔芋絲，配埋龍蝦湯底，非常鮮味。蟹油辣椒炒魷魚，醬汁味道濃郁，配埋洋蔥同魷魚，好啱送飯食。豚肉湯牛肉稻庭烏冬，上枱仲熱呼呼👍🏻，白雪雪豬骨湯濃郁，配大大塊牛肉，牛味鮮，加上彈牙稻庭烏冬岩哂。海鮮茶碗蒸，大大隻鮮鮑魚，配埋新鮮海蜆，下面係蒸滑蛋，味道鮮甜。

黑門水產，位於銅鑼灣Fashion Walk 之內，餐廳佈置充滿日式居酒屋風格，座位舒適，店員服務細心貼心。餐廳食物選擇非常多，以水產燒烤，刺身，燒物為主，食物質素相當有保證。北海道秋刀魚刺身，第一次食秋刀魚刺身，餐廳伴以薑絲蔥絲酸汁，秋刀魚刺身口感結實，魚肉煙韌，配酸汁薑絲味道特別。海膽蟹味噌甲羅燒，真材實料，蟹膏蟹肉海膽蟹子，入口滿滿幸福感覺，鮮甜好食，味道適中。黑松露白汁燒帆立貝，大量黑松露配合忌廉汁，帆立貝更加鮮甜，好好食。

同朋友都好想食下日本嘢，經過銅鑼灣就搵咗呢間評價好好嘅日本餐廳試吓，我哋六點去到就唔使點等位。餐廳裝修好日本風情，入到去真係有一種去咗日本嘅感覺，而且好乾淨企理非常之好。叫咗好多海鮮同刺身，全部都勁新鮮同好好味。秋刀魚刺身：第一次食秋刀魚刺身，感覺好新奇，原條秋刀魚起肉，除咗擺得靚之外，食落口感清甜，少少爽彈口感，睇返條魚隻眼就知道好新鮮，係意外驚喜，未試過嘅可以一試👍🏻海膽蟹味噌甲羅燒﹕味道超正超濃，上次喺日本食過覺得好好味，今次見到必點，好濃厚嘅蟹味，仲要好多，完蟹殼直接燒，兩個人食都夠。黑門令鰻魚漢堡：新式飯團壽司，紫菜脆口，上下兩層鰻魚夾住有鰻魚汁嘅飯，鍾意食鰻魚嘅一定要試吓，上下兩層鰻魚夾一層薄薄既飯，一咬落去滿口都係鰻魚，重點係中間夾咗紫蘇葉，食落去又去油膩嘅作用，帶少少紫蘇葉嘅香味，真係好夾。油甘魚刺身：厚切，新鮮，食到最後個口真係會有回甘嘅味道，呢間啲刺身真係好新鮮同好好味。鐵板燒海鮮雜菌：海鮮份量好足，有鮑魚、蝦、魷魚，唔係得一兩舊係成盤都好多，鐵板上碟有鑊氣，汁濃偏重黑椒味，好嘢味。黑門令龍蝦湯煮海鮮：呢個嘅重點係個湯，一定要先飲吓個湯，從海鮮味都更有蟹味，海鮮基本

唔講都唔知道原來銅鑼灣都有正宗日式磯燒居酒屋 🎌TGIF 辛苦咗成個星期所以今日就同朋友一齊放工後嚟試試 🤤餐廳分別有室內同室外嘅座位 任君選擇☺️未入餐廳已經見到木造嘅外牆 仲掛住充滿日式風情嘅燈籠 完全有種置身喺日本嘅感覺😆 活北寄貝刺身 $288好fresh好爽口 食得出係新鮮嘅刺身 ✨海膽蟹味噌甲羅燒 $128黎到居酒屋就一定要食下甲羅燒 蟹味噌味道濃郁 重口味嘅朋友一定要試試😆店員仲可以幫手燒添🔥 100分嘅服務！黑門令極黑鮑海鮮太卷 $198好多元化嘅海鮮完美嘅結合🤤有三文魚 吞拿魚 魷魚等等 口感十分豐富壽喜牛肉鍋 $288 壽喜鍋好足料 有6-7塊大大片嘅牛肉 👅撈埋蛋黃一齊食又有另一番風味😬雞脾肉大蔥卷 $58/串雞脾肉肉質鮮嫩多汁 同日式燒汁好夾👌🏻

今日去銅鑼灣，食個高級日本料理。逛下逛下見到呢間店裝修好日本風，環境好靚，就入去試試。一行2人order左一件甲羅燒，好多蟹膏，好香好鮮味，加上蟹子一齊燒，mix埋一齊，然後放上餅乾上面食，好惹味，好香。第二味係秋刀魚刺身，細細條魚就切到好多肉出嚟，個魚頭魚骨都放喺碟上面做裝飾，刀法好好，食落去涼涼的，肉質鮮甜結實，唔會覺得有魚腥味，第一次是秋刀魚刺身，覺得好特別，好少地方有得食，因為平時多數都係煮熟食。第三味係壽司卷物，特別嘅地方係佢混合左多種唔同嘅食材，有吞拿魚、劍魚、三文魚、熟蛋、魷魚、甜蝦、三文魚子等等，一次過滿足晒味覺嘅需要。接着叫咗個角切魚生沙律，用咗柚子汁，加上新鮮嘅沙律菜，好多好多粒角切魚生，好開胃，比出邊嘅餐廳用料充足好多。好好味，而且大碟又抵食。之後係海鮮龍蝦湯，用龍蝦湯底造成一個迷你嘅煲仔，入面放咗草菇、大蝦、田螺、蔬菜等等，湯底好特別，唔會太鹹，食完配菜最後連湯都可以飲晒。跟住到一夜干，意想不到嘅係原來好大塊燒魚，佢同其他舖頭食到嘅唔同，佢唔喊，好有魚嘅鮮味，而且唔會笑得太乾身，肉質仍然juicy.飲品方面，叫咗個一杯巨峰生啤，甜甜哋，真係有少少提子味，幾特別。

今晚嚟到Fashion Walk 覓食開心呢度冇銅鑼灣中心咁多人✨裝修都好似日本居酒屋🏮誠意滿分我哋坐近爐邊，可以好近咁睇到職員燒海鮮首先叫咗個牛肉烏冬烏冬湯底有好重麻油味份量適中 牛肉五片到熱騰騰✅✅跟住叫咗三文魚卷，坦白講三文魚嘅色水睇落唔靚但食落都新鮮好味跟住一連叫咗幾樣串燒雞軟骨、雞心，仲有上圖既雞提燈雞軟骨雞心都好味！另外第一次食雞提燈，燒得幾香跟住就叫咗燒帶子，職員會先俾你影相同望吓之後先攞去燒準備燒啦！隔離燒緊隻大魷魚🦑燒完變咗咁個人來講可能對呢個太高期望但食落較一般，酒未完全入哂落帶子度食落好似帶子浸咗落酒裡面咁餐廳整體唔錯，好多嘢食都好味餐廳員工都服務好☺️👍🏻

黑門水產位於銅鑼灣加寧街5-7號Fashion Walk地下C及D號舖講起食日本菜，有人會諗起串燒，刺身，壽司，烏冬，冷麵，飯團等等呢間餐廳有齊晒，真係多元化餐廳亦有一樣主打就係磯燒磯燒是日本人吃海鮮的方式「磯」指岩岸，「浜」指海岸在岸邊搭起爐，即燒最新鮮的味道。甲羅燒將蟹蓋作燒皿，放了葱，松葉蟹膏，蟹籽和蟹肉用一隻隻生鵪鶉蛋拌勻再抹上餅乾上食非常美味😋極上貝燒❤️非常足料有蠔，有蝦，有海膽，有三文魚子，大大隻帆立貝帆立貝非常大隻店員燒的時候要剪開燒後有少少湯汁，非常清甜蝦非常新鮮蠔非常彈牙磯燒鮑魚❤️原隻鮑魚非常鮮甜有咬口火炙帶子配海膽魚子醬❤️😋👍帶子燒得好香海膽入口即溶魚子醬極品鹹香吞拿魚脆脆包😋❤️👍脆脆法包上面一層吞拿魚蓉再上層有蝦，海膽，魚子醬非常豪華非常滿足👍餐廳包羅萬有滿足到我的胃口😋

專程去到銅鑼灣，想試下呢間日本餐廳門面都已經幾吸引👍🏻🐠叫左個店員推介既北海道飛魚💲338擺盤好吸引，成條魚連頭上，每個刺身部位分開，非常鮮味，食唔停口。原來個魚頭連骨仲可以再加工，+💲60可以煲兩碗湯（但個人覺得即煲即飲都唔方太入味），就選擇左+💲38拎去炸。係幾香既！做飯後小食就唔錯。🍱極上壽司盛合💲498件件都係靚海鮮，物有所值😊🦀海膽蟹味噌甲羅燒🐚極上大魚貝燒呢兩味都會上左檯，再係你面前燒，都幾得意👍🏻店員都好有經驗，燒得剛剛好，咬落蝦同帶子都係爽口彈牙既！叫左兩串燒牛舌心及燒雞腎～都係好好咬口既肉質，冇失望👍🏻整體食物質素都高，座位空間亦寬落，係幾好既👍🏻

北海道刺身魚新鮮美味，每一口都充滿了海洋的鮮味，而且刀工細膩，刺身片的大小均勻一致。除了以上點的刺身、甲羅燒和牛舌。我還點了三個午餐定食。烏冬麵滑嫩，壽司上的海膽鮮甜濃郁，兩者搭配起來非常美味。無論三文魚還是Toro都非常新鮮，其他的午餐也都很豐盛，食材新鮮，讓我吃得非常滿足。無論是刺身魚、格羅燒還是牛舌，都展示了食材的鮮美和廚師的精湛技藝。而午餐定食非常豐富，價錢實惠，讓我享受到了日本料理的精髓。