黑白飲 (已結業)

其實我一直都有幫襯開lei間台式飲品都有兩三年了不過冇寫開食評今日得閒就一定要寫,俾個哈哈笑佢:)自從荃灣開jor黑白飲,我次次想飲野都會好自然諗起佢~佢地用熊貓做logo,而且大杯裝飲品ge杯身都印住隻熊貓咁可愛,好難唔鍾意lei間店不過佢地唔係得個樣,冇內涵ka黑白飲所售賣ge,除jor有到到都買到ge奶茶系列,多多系列,沙冰系列外仲有特調冰茶系列~其不多每個系列我都試過而我最愛的就係香檸西柚即係西柚綠茶+檸檬汁+椰果lei杯飲品好適合夏天飲,檸檬汁酸酸地,好醒胃而且,檸檬汁係店員收到order後,新鮮搾出lei kalei個step我每次都睇住佢地做XD椰果亦加得多,成個杯底都係,飲極都有椰果高纖,食多d都唔怕la!!!隨jor台式飲品,黑白飲都有小食同飯食供應小食仲做緊買一送一tim飯我就未食過la小食之前都買過一次,不過就等得比較耐味道普通另外值得一讚ge係每個店員都好有禮貌每次幫襯都唔會搞到一肚氣而且店員見你唔知飲咩好ge時候都會好熱心介紹佢地ge飲品,又好詳細咁講d飲品有咩配料你又可以不停問佢地野好似d飲品驚甜唔知要邊個甜度好;唔知咩係愛玉佢地都好樂意解答唔似得d大型連鎖式經營,好似x茶,xome xuy等,店員黑起塊面見到都冇mood幫襯la,而且等又要等得耐黑白飲ge舖面大,以白色為主俾人感覺好乾淨而且沖野飲ge時候係可以全程睇到實咁就飲都飲得放心d la:)…查看更多

諗諗下對上一次飲呢啲嘢已經兩年前由兩年前開始食中藥一直好聽話戒口飲食清淡 , 戒辣嘢凍嘢甜嘢兩年黎睇住佢地開鋪到宜家我都冇動搖過但今晚食完飯我破左戒呀.....可能係比佢地隻杯吸引我掛btw .... 飲完後一股內疚感涌上腦雖然真係幾好味, 但為著健康我會堅持持續戒口試左一次我心滿意足架喇唔~~幾好味喎又!! 紅豆用糖水煮得好棉黑糖煮嘅珍珠感覺健康啲但似乎用得重手左啲喎黑糖就已經夠晒甜如果杯嘢仲要落糖咁係咪會太甜呢?對於我咁 , 走糖水就岩岩夠甜事關佢地紅豆用糖水煮過有甜黑糖煮珍珠又係有甜要飲的話我都係見議無糖足料 ! 飲完後仲有2cm高材料喺杯底抺茶味冇乜...奶味就勁佢地係咪都偏奶嘅呢?買一送一又延長到10月15號之前見到佢地去到9月底串燒買一送一 , 仲有埋焗飯同意粉可能係佢地隔離有檔日本嘢一檔街口都聞到嘅燒烤嘢啦唔整多啲 "花臣" 點得呢…查看更多

24-9-2011(Sat)晚,男友放工,我就拎啲o野過去畀佢,我o地差唔多時間到o左荃灣,佢打畀我話不如去呢o度用埋最後一張以$15買呢o度750ml招牌熊貓飲奶(或其它等價之飲品) + 自選特製小吃一串。(總值達$31) 另額外贈送小吃半價優惠劵,好啦,希望今次有上次買唔到o既檸檬雞翼.我o地大約9:10pm到達,只見束馬尾o既女店員正忙著整飲品,我同男友諗到要咩o野,男女店員咁o岩一齊行出o黎,得就問重有冇檸檬雞翼?個女店員原來只懂國語,但佢仍聽得明我問乜,就問男店員,男店員答有.咁我就落單要$18.00一杯o既草莓冰沙,同一串$12.00o既檸檬雞翼.男友就另外要$16.00o既黑糖抺茶紅豆.由於我未食過花枝丸,就用上次送o既小吃半價優惠劵,以$6.00買一串,另一個女店員問我要唔要辣?我答唔要.咁我o地就等o勒,等o左幾耐吓,兩杯o野飲至整好,我影好相,請佢o地幫我o地用膠袋裝好,因為我o地唔打算o係坐o度食同飲,因為冇晒枱.然後又等好耐,兩個小食至整好,影埋相走人.但如果拎到返去至食,會唔會凍晒唔好食?都係坐o係公園食o左小食同飲男友杯o野先啦.我先食花枝丸,花枝丸被’界’開,咁就快熟啲啦.食落,鹹味適中,外皮都有啲焦香,到男友食,佢話唔辣冇晒癮.然後係檸檬雞翼,外皮一樣係燒到焦香,一咬落去就食到檸檬味,真夠味,內裡雞肉仍嫩,唔乾唔’o鞋’.我o地先飲男友o既黑糖抺茶紅豆,因為呢個啲冰會熔得快啲,唔襟留.飲落,抺茶味好似比較弱,紅豆夠腍同甜,而原來呢個都有黑糖珍珠,依然係煙韌同夠甜.不過呢杯o野飲好似唔夠凍,而男友飲晒抺茶拎返屋企,將紅豆同珍珠倒出o黎畀我食,原來重有好多.然後趁男友食晚飯,我就飲我o既草莓冰沙,呢個果然啲冰係未熔,酸甜味適中唔太甜,但如果撈埋面上o既忌廉就會口渴啲.PS: 由於呢日朝早去到又係摸門釘,於是晏晝我打電話o黎問佢o地每日幾點開門?個女仔答12:00pm.即係Openrice呢o度o既資料係錯啦.…查看更多

之前o係Openrice以$15買呢o度750ml招牌熊貓飲奶(或其它等價之飲品) + 自選特製小吃一串。(總值達$31) 另額外贈送小吃半價優惠劵共三張,就快到期.男友o係14-9-2011(Wed)終於有機會用第一張,佢買熊貓飲奶同花枝丸,佢大讚熊貓飲奶好味,因為珍珠係用黑糖餚製,甜甜地,配合鮮奶幾夾.加埋加o左好多調味料o既花枝丸,食完佢就覺得更加好飲,因為花枝丸令佢好口渴,而熊貓飲奶又大杯又唔甜,可解渴.佢咁滿意,味道分畀5分.而(18-9-2011 Sun)佢放工後o黎我屋企食飯,就順便用第了張o係o度買o左熊貓飲奶同新疆羊肉串.其實佢o黎到時打畀我問我要咩o野,我想要草莓樂園同檸檬雞翼o架,但由於已經係19:45pm,所以冇晒.之後佢o黎到我屋企,突然多o左杯$18.00,叫摩卡巧克力碎片o既o野飲,原來係佢想買另一樣o野.好,先食新疆羊肉串,嘩!好硬呀!我覺得面上o個幾粒芝麻係多餘,都冇味.羊肉係有少少羶味,食唔出有咩o野調味料.味道: 0.2分之後到摩卡巧克力碎片,我最欣賞係面上o既忌廉,唧得幾靚,飲落,咪就係Mocha朱古力咖啡,不過佢係沙冰,好杰,好凍又唔易熔,而碎片就係碎粒,呢個飲好耐都飲唔完.而甜味係適中o既.味道: 4.5分然後又到熊貓飲奶,其實呢個只係鮮奶加珍珠啫,但有甜甜地o既黑糖珍珠,可以令普通o既鮮奶加少少甜味,但大大杯鮮奶又可以中和甜味,所以係唔錯o既配搭.服務:男友話夜晚返工o既竟然係兩個女仔,要佢o地對住啲飛仔客人,真係有啲擔心.但原來,佢o地對啲飛仔客會串串地,對我男友呢啲斯文人就會客客氣氣,哈哈.其他:18-9-2011男友用第二張券買到我屋企時,佢畀o左一張小吃半價優惠劵我,我o衣o家睇返團購優惠詳情,至知寫明送呢張券,但上次男友第一次買時又冇畀到.:(…查看更多

有團購COUPON就試下佢招捭-熊貓飲奶,我要左走甜同走冰.只剩牛奶同珍珠,飲完真係好飽,500ML 的大杯裝呢.再加個花枝丸,有七味粉0係面,食落好好味.不過呢個唔好配奶,配其他百香果會冇咁漏.…查看更多

呢次係我第一次寫評皆因真係好想黑白飲可以發展得更好因為佢值得!!第一次飲係因為買左團購 飲'熊貓飲奶'好有奶味 後尾見到佢真係用"雀X"牛奶公司既鮮奶整比起坊間果D唔知用咩沖既 真係好有誠意同埋佢D珍珠食得出真係用黑糖整 ~特別得黎又幾好味 佢D沙冰都好好飲 我試晒3款朱古力MOCHA果隻同STARBUCK 有D似 我覺得仲好飲D~D小食都好味!特別係牛肉串同炸蝦~希望佢再有團購啦~到時一定買10張!!…查看更多

之前0係地鐵站附近有到見位男士手扲4杯飲品,而杯子卻是大熊貓的可愛樣子!!!之後由openrice得知呢間飲品店就係黑白飲!平日即使與黑白飲擦身而過也不知道呢間鋪頭原來就0係呢道,事關次次行果條路都唔會刻意留意那邊的商鋪,多數沿馬路邊往荃新天地方向行過去~一行到埋去,就被這杯飲品吸引著我的視線!!!當我見到呢間鋪頭新推出的草莓系列飲品,心郁郁想試~我揀左草莓樂園 ,之後問職員咩size的飲品先用肥0都0都熊貓造型的杯~原來係Large size,所以決定要L size好了~隻杯真的超可愛~飲品要求 走冰,微甜,的確做得到~但係當時客人唔多,等候需7min左右…較為耐..幸好慢工出細貨,每啖的草莓樂園飲品的草莓味唔係藥水味!!!有鮮草莓味,飲料中發現好多鮮甜的鮮草莓粒呢!!! 飲品的配料仲有超多的愛玉,寒天,椰果!!!職員的廣東話不太純正,事後睇此店的卡片才知道原來開設「黑白飲」的是來自台灣的人~ 所以首次試飲呢款飲品,味道真的很棒呢!!…查看更多

I walked by this shop and surprisingly want to have a tryMost probably because of the cutie panda logo The signature drink of this shop is called “Panda Drinks Milk”What a funny name! And I found it is actually made of full cream Fresh Milk (dairy farm)With jelly pearl cooked by black sugar.It is really refreshing and outstanding from the others. Feeling much healthier by drinking the real fresh milk and the taste of black sugar was also very impressive. You can even choose the sweetness & no. of ice (100%, 80%, 50%, 30% & 0%) of the drinks.Very considerate to the customers.Is it expensive?Not at all, only HKD16 for medium and HKD18 for Large sized.Lets have milk for this summer time!…查看更多

今天行經荃灣,原本打算到出名的幾間台灣飲品飲珍珠奶茶.但無意中發現這間比較特別的黑白飲.杯不同一般的珍珠奶茶,挺有特色牙很難得.要了一杯珍珠奶茶半糖,味道不錯,比得上有名氣的珍珠奶茶連鎖店.且職員的服務親切有禮,確實值得一讚!!下次會繼續捧場!!3時前,大杯的珍珠奶茶還減2元..只是$11...超值了..…查看更多

時代.同潮流變得最快.是事實...時常聽到一些後生仔.女.同老人家講時代變.你個套唔啱!!的確人如果不接受時代會變.一定失敗...記得年幾前珍珠奶茶大受歡迎.一條街.有5至6間都試過...今時今日客人熱情減退.取以代之係乳洛店..台茶要生存...有一些要賣小食.有一些要賣乳洛...我見到台茶興盛時.排大長龍的店...都執左...講開台茶...我都好耐無做台茶店食評啦!!行過荃灣俾呢個大杯吸引左我........呢間店做到有台灣的影子.店員的化妝似.同埋會用國語...我就叫左一杯中杯的熊貓飲奶16元......呢種飲品的特色..無茶的成份.全部係奶...值得一讚呢種奶都幾滑身..又無騒味..而珍珠有咬口..又不會太甜..至少呢間店呢種飲品.創新...有風格.而味道又唔錯......店內環境又開揚...又衛生..全部製作都見到...飲得放心....值得推介…查看更多

早前睇過食評, 其實是被杯子先吸引着:) 剛好今天到荃灣去, 醒起這間台式飲品店, 逐前往品嚐。這店自稱台灣人的店, 台灣新風味(採用美國愛惠浦濾心及最新菜外線殺菌濾水器, 及所有食材均從台灣直接入口)大熊貓與小熊貓:)「熊貓飲奶」....... 最初我以為是鮮奶加些珍珠而己, 可是喝一口, 超suprise耶~ 一陣黑糖擁上口裏, 後來才是純純的奶, 奶味有點淡, 珍珠也是黑糖煮過, 有咬口和超濃甜呢:)這杯是750cc(大)的size, 我見還有1000cc的XXL size, 不過沒有說明要加多少錢。「一家人來自台灣, 深諳台飲文化, 加上對台灣原味的執著, 決意將最台, 最道地的台式飲品重新介紹給香港人。」------ 黑白飲的自述…查看更多

最近去荃灣行街發現一家台式飲品店黑白飲，logo是個熊貓圖案，有點好奇就去試一試，店員是台灣人還熱情的推薦獨家產品，後來我買了店員推介的招牌熊貓飲奶，店員說是用黑糖煮出來的珍珠加上純鮮奶^^~回家喝了後，覺得整杯味道很濃郁，珍珠咬下去瞬間有黑糖香且鮮奶也有黑糖的味道。都幾特別! 我喜歡^^下次去荃灣要再去買之後又去杯杯都好喝…查看更多

有時行街經過都冇幫襯到,但今日再次經過就買嚟試下我同朋友夾埋叫左兩杯珍奶,我覺得唯獨是甜左d,同冇乜茶味希望下次再次幫襯時會有所改善另外要讚一下,熊貓招牌幾吸引…查看更多

我好喜歡飲3Q百香果,所以每日都會去大型台式飲品店買一杯有次經過黑白飲 見佢新開同見佢個杯好大好特別,所以我就係個到買左杯夏日百香Q,覺得好好飲+珍珠又好口感+服務又好,所以之後連續幾個星期我都係黑白飲到野飲:)之後飲返大型台式飲品店既百香果先試得出黑白飲既夏日百香Q真係好味好多大型台式飲品店既珍珠口感好似隔晚咁,又愈來愈甜叫佢多椰果,佢就多椰果少珍珠其實望返好多大型台式飲品店, 佢地既服務同衛生真係愈來愈差可惜都係咁多人幫襯就係因為呢個原因先在此寫食評, 推介一下黑白飲…查看更多

自從荃灣開始開左好多大大小小既台式飲品台, 呢間算係我近來最喜愛既店, 因為我飲過佢地幾種飲品, 隻隻都好足料, 以下係我試過既飲品..珍珠奶茶有茶味唔會太甜, 珍珠亦好煙韌, 唔似有D舖倒出黎唔夠就狂加冰攪到淡晒味, 呢間會加返少少茶, 唔會整淡茶味..梅子多多, 即係梅味既YOGURT, 唔太酸, 好易入口, 仲有1粒原粒梅子檸檬愛玉, 差不多3分1愛玉, 微酸, 夏天飲好涼快高山清茶, 淡淡既茶味, 唔澀口..龍眼花蜜, 起碼比左4湯匙既龍眼蜜, 好夠味比起某大台式飲品店(C字頭), 見D STAFF唔係狂加冰就狂加水, 完全飲唔到飲品本身既味道, 呢間係比較均真既舖頭...…查看更多