黑布小巷 (葵涌廣場) (已結業)

總分：4/5食物方面，8/10滷肉飯同埋新出嘅蕃茄湯底牛肉麵都好好食，同埋超級足料，滷肉飯喺香港嚟計搵唔到另一間好食過佢。但明顯係比較油膩，個人係好鍾意，因為咁樣先香。蕃茄牛肉麵覺得佢都係抵食嘅，牛肉足料，同埋一睇就知煮咗好耐好耐，但係一樣油膩得滯，覺得面嘅話可以清爽少少比較舒服。冬瓜茶好飲唔算太甜，正常發揮。環境方面，NA外賣店，但係睇落去佢都好整潔。服務方面，不評分，因為外賣服務，正常落單。算係幾快。…查看更多

好好食，好香香！仲會幫手分湯，好愛愛🫰🏻啱啱同frd去九展睇完戲，坐地鐵返葵芳，我特登上三樓買呢個蕃茄牛肉麵返屋企食，一拎到手就已經聞到好香，雖然係第一次買，但我好肯定下次會再嚟買😭🫰🏻真的會愛上蕃茄湯，牛肉同蘿蔔全部都好入味，蘿蔔煮得夠軟爛，冇牙都可以食，蘿蔔愛好者狂喜😍🫶🏻…查看更多

黑布小巷外賣DAY由於唔想煮飯關係一於就叫外賣🥡係葵芳開左近半年都冇點食過今次叫左2碗老肉飯(細)+1碗蕃茄牛肉麵+2杯冬瓜茶蕃茄牛肉麵 🍅🐮🍜：唔記叫分湯但店員會幫手自動分湯 真係好好又唔會額外收外賣費份量超多 多到好似兩碗嘅份量雖然牛肉得三件 但件件都係大大嚿味道好香好濃 油就油左少少每啖麵沾滿湯底 好嘢未可惜 改善：麵質較淋身 搞到冇左口感肉燥飯🥣：睇落細細碗打開係滿滿嘅飯同肉燥肉燥同飯比例 恰到好處 唔多唔少 足夠撈到一碗飯飯粒： 用左珍珠米 但質感剛好 味道：香香的 每一啖飯都食到肉飯味 但唔會過鹹今次係葵芳叫外賣 有些甜品 or 吐司 葵芳冇得叫只有荔枝角分店先有得食！！！！…查看更多

自從喺葵芳返工，就日日去葵廣掃街😋 真喺掃極都唔厭架！黑布小巷都食過幾次，見到新出咗蕃茄紅燒牛肉麵，當然要即刻試下！平時食開手工滷肉飯，根據台式傳統做法，慢煮豬腩肉🐷，肉質好軟稔、脂汁齒頰留香。加上自家製嘅滷水汁，滲透珍珠飯🍚，一啖不漏。最近見到新出咗🍅蕃茄紅燒牛肉麵，叫咗一碗同同事share，真喺好大好大好大碗！湯底用蕃茄熬製而成，滿滿嘅茄肉，好鮮甜。牛肋條非常大嚿，肉質軟稔色香味俱全，好有台灣嘅風味🥰 古早冬瓜茶只需$10就有一杯，台灣空運冬瓜磚，再用自家配方調製，唔太甜剛剛好👌🏻…查看更多

朋友都知道我好中意食黑布小巷💛一知道黑布小巷新出咗牛肉麵就即刻同我講🤪咁我就去葵廣行下街再買外賣返屋企食啦✪ 蕃茄紅燒台式牛肉麵 ⌫ 💲68外賣會分湯，咁就唔會泡到淋哂。倒入湯底時已經見到好多蕃茄蓉係入面，好吸引！牛肉份量亦都好多，擺返同一碗入面，好似座山咁😂真係物超所值😍湯底好香牛肉味亦好香蕃茄味。啲蕃茄蓉會掛係麵條上面，好滋味。✪ 手工滷肉飯 ⌫ 💲28基本上係每次必叫✅ 永遠唔會失望。慢煮豬腩肉肉質軟腍，肥瘦適中。台式自家製滷水汁調味剛好。份量都係好多，食完都好飽。✪ 古早味冬瓜茶 ⌫ 💲10味道好香甜，解渴。【 黑布小巷 】📌葵芳葵富路7號葵涌廣場3樓摩登世界26號舖…查看更多

葵廣出名多嘢食，今次中午時段去到，想搵番間抵食嘅lunch, 就搵到依間C/P值好高嘅台式外賣台《黑布小巷》。蕃茄台式紅燒牛肉麵 $68店員介紹話湯底十分足料，用新鮮蕃茄整成嘅蕃茄蓉，湯底特別鮮紅，飲落去好鮮甜。牛肉就用左牛肋條，但係煮到腍哂，，啖啖肉。特別嘅係面都係台灣直送嘅關廟面，配料仲有豆乾同埋滷蛋，好滿足。古早味手工滷肉飯 $28慢煮嘅半肥瘦豬腩肉製成，加上秘製滷肉汁，配合埋珍珠米，撈飯一流。套餐加$5就可以要冬瓜茶，係由台灣冬瓜茶磚製成，所好清暑解膩。黑布小巷 (葵涌廣場) (葵芳)葵芳葵富路7號葵涌廣場3樓摩登世界26號舖…查看更多

趁住週末來葵涌廣場行吓街，原來黑布小巷有分店喺呢度款式唔需要多，最緊要食物嘅味道有質數✨蕃茄紅燒台式牛肉麵應該係食過咁多牛肉麵，最好食嘅一間。<果然係CP極超高>加入鮮蕃茄．蘿蔔．牛肉來熬製，令湯底超濃郁，忍唔住要飲多幾啖湯。牛肉炆得夠腍，大大碗好足料店員好貼心將湯底同麵分開，免得麵會浸腍✨古早味手工滷肉飯打開滷肉飯已經香噴噴，原來係用慢煮嘅豬腩肉熬製，再配合埋自家製滷肉汁令每粒軟綿綿嘅珍珠米，都充滿滷肉汁嘅味道。✨古早味冬瓜茶台灣必飲嘅冬瓜茶，係由當地引入嘅冬瓜磚煲製，味道唔會太甜，跟飯+$5/杯 …查看更多

呢度最出名一定係佢嘅流心蛋台式吐司🍞上次就嗌咗個台式肉蛋吐司嚟試吓😋麵包烘到好香脆 再加埋兩塊豬扒同流心雞蛋🥚🐷口感非常之豐富！！配埋特製嘅台式醬汁 真係好好食😋…查看更多

去台灣餐廳食飯 最鍾意就係食佢哋嘅爆餡台式吐司🍞上次就試左個慢烤雞腿芝士蛋吐司～雞髀肉好厚身又夠嫩滑多汁🍗中間仲夾住半熟流心蛋同大量嘅芝士🧀配埋個醬汁同薄脆嘅多士 口感味道都非常之豐富！…查看更多

📍手工滷肉飯未嚟之前以為有吐司食，點知原來而家呢間分店主要賣滷肉飯同飲料，所以最後就叫左個滷肉飯🫣🤣🤣個滷肉飯真係勁大碗，足以喂飽我同我個fd🐷😋😋上面嘅豬肉都幾多，不過略微多咗少少肥肉，如果可以肥瘦均勻d就更好👌個飯粒粒分明，滷肉汁都係好夠味😋😋，最後如果覺得太肥膩，可以食埋2舊酸蘿蔔解膩。值得一讚嘅係個飯真係好夠熱，我地晾左個飯勁耐，食到最後都仲係keep到個溫度👍👍👍👍…查看更多

係香港如果要搵一個點最似台灣夜市既，我一定會揀葵廣！ 食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)黑布小卷，真係好細既一間舖，賣既野都超少而咁啱行黎行去台灣野唔多，滷肉飯更少(定係其實得依間) 好想試下一打開既賣相精緻，香氣撲鼻，係肉香同古早味，豬肉聲稱係慢煮豬腩肉，肉腍味美，好香好好味，配埋珍珠米真心正食落滑又好味，而且唔肥，質素都幾高份量都好足，相當唔錯千祈唔好睇少細舖，都好正驚喜，唯一係葵廣掃街食一大個飯會好飽讚讚讚，而發現好似葵廣得依個滷肉飯(歡迎介紹話我知唔係)#驚喜而原來無乜台灣野#滷肉飯夜市點可以無…查看更多

通常掃街都係食下小食 但偶爾都會心郁郁想食啲細份正餐 初頭見佢係小店就諗住支持下點知！！！🤤🤤🤤自家製手工滷肉飯啲滷肉煮得好淋好入味 直頭係入口即溶 啲飯又夠熱 撈埋一齊勁正 食到半路有啲肥膩又可以咬啖醃蘿蔔 而且只賣$28一碗 份量適中 女仔當正餐食都夠飽台灣空運冬瓜磚製作而成嘅冬瓜茶就正正常常 佢本身就凍 店家唔會加冰 飲到最後都唔會變淡 $9一杯間舖位於3樓較入位置 次次經過都冇咩人 幫襯左半年 水準依舊😋😋😋…查看更多

以前仲做緊吐司既時候食過覺得幾好食，今次經過見到野食方面轉哂所以試一試三色圓糖水味道淡冇味道 非常普通 熱的糖水見到只係用微波爐整熱 三色圓沙茶飯配料用水恰熟再加上沙茶醬 味道普通 食到最後沙茶醬唔太足夠 最後淨係食白飯 白飯十分乾身 唔知係咪擺左好耐滷肉飯 張相十分吸引 頭一兩啖都幾好食 但食食下覺得非常之咸 同時十分油 食食下都走左去買枝野飲滷肉較少 瘦肉同肥肉既比例差好多 瘦肉偏多 肥肉偏少脂肪既部分會有豬腥味唔會再幫襯 葵涌有更多選擇…查看更多

繼續掃街之旅，時間尚早，唔少心儀嘅店舖都未開門，經過三樓見到上星期旺角分店才剛結業嘅黑布小巷分店，之前一直無機會試，頓時雙眼發光冒出心心！台式芝士肉蛋吐司 $53多士兩面搽咗牛油，烘得香脆；入面夾有豬扒、流心蛋同芝士，加埋秘製醬汁，成個配搭好豐富，個芝士尤其香濃出色，食得滿足。唔知係咪地方太細又製作需時，小店暫時唔再賣依款食物，有啲可惜，不過亦期待佢將加入嘅新作。臨走再見到佢有賣自家製芋圓，有機會嚟試吓。…查看更多

《 葵廣的滄海遺珠 》疫情之下，香港人對美食嘅熱情不減，近日到訪葵廣依然人山人海。係美食雲集嘅三樓，有一間相對無乜人排隊但味道唔錯嘅滄海遺珠值得被關注。🥪台式肉蛋芝士吐司 $53多士厚薄度剛好，唔會太厚好難咬，不會太薄無口感，同時烤得恰到好處。煎蛋係帶少許燶邊嘅半熟蛋，蛋汁流出黎既美觀又好味。豬扒香嫩多汁又夠厚切，入口爽脆口感好好。惟獨芝士略微偏淡，若能加多啲芝士，味道將提升更高。                                                                                                                                                                             …查看更多