影片
以上资料只供参考，请与餐厅确认详情
🎈黑山咖哩汤乌冬 $68呢个餐入面好多配料🍜，当中有黑山玉子烧最为有特色🥚，颜色上面同出面玉子烧唔同，名副其实黑山系黑色既玉子烧，味道上无咁甜。 咖哩汤乌冬不咸不淡 ，份量啱啱好够哂我食。有溏心蛋、煮萝白、松叶蟹棒、煮东菇、味付油扬、叉烧片，好多都已经煮得入哂味，非常近似关东煮🤪。溏心蛋同叉烧片为咖哩乌冬增添色彩，价钱唔贵，值得一试😎。✦✦✦✦✦✦✦✦✦✦✦✦✦✦🎈冷沌白桃乌龙茶 $6咁大支乌龙茶仲有自己冲出黎都系6蚊，一啲都唔贵🥤。 冰泡慢慢用时间浸出味道，有心机。
继续阅读
平日夜晚同朋友晏咗食晚饭，系网上揾屯门咩好食，见到有两个网站都介绍呢间餐厅，咁就去试吓啦～ 晚上9点15分去到，一个人都无，唔需要等位。餐厅内外装修偏向日式家庭风，墙上餐牌系店主写上黑板既粉笔字，几有心机～咖喱吉列猪柳饭 $55 咖喱吉列海虾饭 $51咖哩好失望。。。谂住佢地主打咖哩，一定会好食🥹 点知。。咖哩个味道同超市自己买嘅日式咖喱砖返屋企煮嘅味道系一样，仲煮得好稀😔。。。完全冇特别。炸物脆身，还好拉丝芝士玉子烧 $27同平时食嘅玉子嘅质地好唔同，呢度嘅玉子烧系好薄嘅蛋皮卷埋一齐，冇乜质感。冇蛋香味冇芝士味😢巨峰提子梳打 $8呢个几好饮。好失望既一餐。
继续阅读
附近想食既无开，见门面MENU似乎OK 就入去试，点知中伏，而且系伏到我要上水留言提醒一下大家叫左似系招牌既咖喱汤乌冬, 六十几蚊 唔包嘢饮，咖哩汤底系超级市场买到嘅平价咖哩砖嘅味道，唔浓郁乌冬亦唔挂汁，水水地又有几粒细细粒既红萝卜浮面咁，成碗乌冬得一块叉烧，好细块而且保证薄过刺身鱼生片，除此之外仲要有酸味，完全谂唔明… ，然后果粒冬菇，得一粒仲要细过个五蚊，味道当然无乜，而所谓既松叶蟹柳亦都系又薄又细条，仲要个芯系冻嘅… 半粒温泉蛋基本上系冇乜味嘅，而且唔知点解唔系平时见到啲日本蛋嘅橙色而系黄色作为一间餐厅黎讲系完全唔合格，希望大家睇左小心唔好中伏
继续阅读
今日同朋友星期五lunch时间黎到，餐厅入坐率满9成，好热闹🤩亦见到有好多学生黎食😍我地今次order左一个午市套餐：滑蛋吉列猪柳饭 +玉子烧+冻白桃乌龙茶 （$54），吉列猪柳好香又好脆，配埋滑蛋简直一流，令到我地都好想食多碗饭😍，玉子烧细细件，有蛋味🥚白桃乌龙茶好fresh，一开就可以闻到好香白桃味🍑 另外我地重散叫左一个蒲烧鳗鱼蛋包饭🍳（$78），鳗鱼汁味道刚刚好，唔会太咸👍👍午市定食套餐好抵，唔怪得吸引到咁多学生黎食lunch🍽
继续阅读
上次lunch揾吓附近有咩好食 见依间舖头冇咩人就入咗去啦睇睇个餐牌，价钱系偏贵嘅，例如蛋包饭要$50左右，又唔包嘢饮。 相比起附近嘅餐厅，呢个价钱系会包埋嘢饮。另外，嘢食嘅款式比较普通。虽然睇落个餐牌好似好多嘢拣，但其实主要都系乌冬, 咖喱同埋蛋包饭，如果唔食呢啲野真系冇嘢好择，小食亦都偏贵。食落个蛋包饭都整得几好食嘅，有水准，但附近有其他更好嘅选择。近排经过佢舖头好似有返啲特价，平咗少少，希望会有更加多嘅款式，如果唔系得返蛋包饭咖喱𠮶啲嘢又唔系几想食
继续阅读