黎恩記

营业中

休息中

次次去長洲都會食嘅靚粥，呢碗艇仔粥先$26，又大碗又足料，個粥底好鮮甜，入邊有勁多魷魚，魚片，完全停唔到口😋 面頭仲有啲蔥同埋花生，令到成碗粥嘅口感更加豐富！就咁樣$30都唔夠就已經可以完成一個晚餐，當時知道呢一間粥舖都係因為有個街坊推薦我去試，就知道呢間粥舖唔簡單，去到嘅時候側邊仲有啲粢飯可以買，或者有啲配粥嘅油炸鬼，有機會嘅話去長洲一定會再試，相信鍾意海鮮嘅人一定好鍾意呢一碗粥，而家喺香港真係好難再搵到啲又平又靚嘅粥鋪😋

今日孖老伴往長洲遊，到步往覓食，見到有間粥品店，像兒時的粥品就坐吓落單，極力推薦他們的魚腩粥、艇仔粥及碎牛粥。油炸鬼及鹹占餅亦很出色，鹹占餅有淡淡南乳香味。飽滿的一個簡單午餐。

本來是想食旁邊的大牌檔 沒開門 所以就來食這間腸粉很滑嫩 好吃😋要了一碗艇仔粥和皮蛋肉丸粥配料比粥水還要多 超滿的一碗 現在在香港已經很少會見到這份量了真正大件夾抵食🤭

㊙️ 今日嚟到呢間食店，嗌咗碗艇仔粥，真係有驚喜㊙️！粥底滑溜溜嘅，啲魚片正宗爽滑，魚腩肥美入味，竟然仲有啲碎牛滋味滿分。魷魚同花生嗰陣脆香，撈埋啲粥仔，噢，口感層次分明得嚟好搭，每啖都嘆為觀止，叫人忍唔住keep住食😋。跟住試咗油炸鬼，叫你知道啲乜嘢叫做外酥內軟。喺呢個早晨，心情都跟住咬一啖嘅脆滿足咗起上嚟😌。啲杏仁豆漿同腸粉就相對平平，不過都算順口，真心吾錯。食左呢餐，覺得今日起得咁早嚟食早餐真係值得。要揀我最推介嘅，非粥同油炸鬼莫屬，真係過癮得滯👍！食完呢啖，成個人元氣滿滿，一個字——正！下次仲要試埋其他粥品呀！

好耐好耐之前一直想去長洲粥這間粥店,可惜每次去到太晏已關門. 所以心需要1點前到達(逢星期三休息).今次帶媽媽一起去試下,2人合共$107. 馬上介紹食咗啲乜:1) 生滾及第粥~媽媽的食評:豬雜全熟而且有鮮味煮得剛剛好.材料很多(豬肚/豬肉丸/豬肉片/豬腸).其中豬肚不堅韌,老人家也可食到.2) 皮蛋肉丸粥~粥底味道偏少少鹹,超多皮蛋及有5粒手打肉丸.材料十足.3) 白粥~粥底綿綿帶少少咸(應該幾下火清熱氣🤭)4) 豉油王炒米粉~驟眼看以為是炒麵,其實是炒米粉.用豉油去炒,帶了一份鹹香.都算幾特別.5) 上海粢飯~即叫即到,所以是暖暖的.配上超多肉碎,但是炸菜很少,油炸鬼亦不脆.我覺得麻麻地.有少少失望.6) 陳皮紅豆糕~有驚喜,紅豆味陳皮味都好出香港這些老字號粥店,越來越少,好食又抵食已不多.推薦大家早些入長洲試一試.地址: 長洲碼頭旁的冬菇亭環境: 沒有冷氣只有風扇,大排檔,一路食一路出汗🤣特色: 抵食份量又多人均價格: $40-50

星期五，亞女學校假期，打同佢去離島行下食下，見有成三年冇入長洲，之前又見有介紹呢間粥店嘅片，就打算八點一早入來（因為佢收12點），來到十點，見有幾枱客，我當然要點我的例牌：艇仔粥，炸両，亞姐話佢哋冇炸両只有油炸鬼同腸粉，咁我就點了油炸鬼，個女叫肉丸粥，首先來了艇仔，我比亞女食先，佢即話好好味（佢平時唔食粥架，我都好奇怪）然油炸鬼，肉丸粥，都到了，油炸鬼正常啦，因炸起已一段時間，味道唔係特別突出，脆度亦唔覺有，普通啦！肉丸比較實，彈牙嘅，唔似自己打？粥底真係綿同香，有甜味，唔太咸，冇味精，似屋企人用心熬煮比家人食咁，然我女比返碗艇仔粥我，用料新鮮，料份量都多，有魚片絲（呢個原來係艇仔粥𩆜魂）魷魚，豬皮，因為打算響𡷊上再食下其他小食，所以堂食就食住呢啲，見佢切比客人啲鬆糕好鬆軟，我小時候食過印象中有啤酒味，小甜，我唔係咁鐘意，但見到咁靚又想試下，陳皮紅豆糕又似幾特別，就買咗呢兩糕又一件打包走，落船食，鬆糕真係好軟彈，但我真係唔鐘意呢個味道（可能食慣馬拉糕）陳皮紅豆糕，真係好香陳皮，多紅豆，係好味嘅！質地偏實（我唔知紅豆糕係咪要實先好味，定應該似馬豆糕偏軟嘅呢？）

次次嚟長洲都會幫襯黎恩記，不過一定要早到先至有得食。今次12點左右嚟到，好多嘢已經賣晒！佢嘅豬潤粥最出名，成日一早就賣晒。今次食皮蛋咸瘦肉粥，啲咸瘦肉好香，粥底夠綿，好好味。不過我最鍾意都係佢嘅油炸鬼！而家喺香港已經好難食到咁多料咁有口感嘅油炸鬼。真係買少見少。所以食完再 encore! 今次仲試咗佢哋嘅自製杏仁豆漿，又香又濃，清香好味！聽到老闆話，要食就好食啦，遲啲可能冇得食。佢話生意越嚟越難做。希望大家都嚟多啲幫襯啦！如果唔係第日冇得食就太可惜了。

今日staycation 去長洲，一落船就見到呢間黎恩記，就諗著試下，但係見到佢地成8人一台，又冇間板，我地就決定買反去渡假屋食。短短的五分鐘路程，一打開個油炸鬼就變成咁嘅樣又扁又黑又多油，驚到用廚房紙不停去吸佢啲油，都搞唔掂，成張紙巾都係油。心諗可能食落去好味呢，點知食落口林啤啤成口油真係接受唔到到最後放棄咗佢。我哋仲叫咗腸粉，特別叫咗佢多醬，但係佢完全冇多到食落去係冇乜味嘅。牛肉粥都係碎牛去做，裹面有d炸過的米通混合埋碎牛，搞到碗粥都幾油，淡口唔驚油嘅人士可以試吓。我地重叫左肉丸粥，有七粒肉丸，算係呢幾樣野裹面最好，肉丸混入左魚肉有少少刺，食個陣要小心。總括來說冇下次。

在3月某個假日, 全家入長州散散心, 呼吸新鮮空氣. 原本計劃是食海鮮.. 誰知小米不喜歡海鮮! 就在街市附近, 看到一家粥店.... 小米就表示很想食粥.  因為粥跟SHOW ME YOUR LOVE都是同樣口感 ~ 軟綿綿杰撻撻. 小米的口味上, 就是那麼堅定.  餐牌檟格合理, 店鋪也展示多款油器小食, 十分吸引, 而且食粥感覺較健康, 所以全家就在此午餐了! 粥品先上. 滿滿一大碗粥, 足料至滿瀉, 甚至滴在碗邊呢!    及第粥  小米之父點的.   皮蛋肉片粥   小米點的,, 因為有<肉>字. 剛上枱, 即急不及待舀出到小碗裡!!! 假如没有提前取來小碗, 小米肯定想整碗拉到自己面前, 大口大口的享用. 不過小米不吃黑色食物, 碗裡餘下大量皮蛋..  豬紅粥   看到店門有獨立一鍋的豬紅粥, 所以點這款. 粥底顏色較深, 可能是豬紅溶入粥底裡.  豬紅夠補血, 粥底軟綿綿, 無牙阿婆都食到. 這是第一次嚐到豬紅粥呢!    另外也點了几款小食.   油炸鬼  油炸鬼浸在粥底一流   炒麵    香滑齋腸粉 齋腸要齊醬, 再勁加芝麻, 來到最尾, 意猶未盡.

今日入去長洲玩，仲要倒塔咁早，因為想食「黎恩記粥店」，80多年嘅老店，現在由第3代主理。上次食唔到，因為嚟到已經關了門。呢度環境好正，望住個海🌊，吹下微微嘅海風。我哋兩個人點咗：馳名肉丸粥 $24個粥真係好棉好滑，有米香，肉丸彈牙好味，應該係自家製嘅。油炸鬼 $10好耐好耐冇食油炸鬼啦，新鮮熱辣辣炸起嘅油炸鬼，配以肉丸粥，簡單好味，滿足。香滑腸粉 $13滑滑嘅腸粉，配以甜醬及麻醬，是我兒時的味道。上海姿飯 $18個粢飯，我覺得飯厚咗啲，如果飯薄啲，料多啲會更好。

長洲黎恩記粥店之前睇過一個網上節目介紹此粥店，一直想找機會入才一試。上次入來碰釘了，店已關，今日一起身就趕緊早上11前到，可品賞一下此店粥品有幾好吃。來到此店看見有客人站在食物車前點菜，但湊巧碰上老闆，老闆友善地叫我先坐下，睇下餐牌再點。我就乖乖地坐下。粥品價格不算貴，廿來塊錢就可以了。油器選擇不多，好好一雙油條已令食客食完又食已是成功產了。點了：夾底粥、油炸鬼、蘿蔔糕和鬆糕。蘿蔔糕不錯，咬落有嚼口，又有蘿蔔味。不像有些酒樓所賣的「粉多過蘿蔔」那總感覺。油炸鬼簡直無得頂，好耐未食過咁爽脆的了。鬆糕也不差。最好要讚賞的就是粥底。粥煮得好棉，有米粒和米味。粥的粘度剛好。本人認為粥店重點是粥底，粥底不好，放任何食物在粥內，只有像吃「粥邊爐」，像飲湯。粥，是要人食下有飽肚。如消化不良或有疾病的病人可以食之充飢。今日慶幸有幾一賞此粥店，相信會推給客人來食。

武漢肺炎疫情嚴重，決定同屋企人去行下山🏔，呼吸👃新鮮空氣，今次簡左長洲既小長城，總長三小時。出發之前嘆番碗靚粥，簡左呢間老字號「黎恩記」，望望菜單，價位平均20-30元，油器都係十蚊件，實惠公道。皮蛋咸瘦肉粥🥣：熱辣辣，綿滑靚粥，米粒開花，皮蛋鹼味吾重，有時好怕食到好鹼味，份量好足，好多皮蛋同瘦肉，瘦肉一點肥膏都無，咸度適中。😍牛脷酥：外皮酥脆、內裡鬆軟，非常好味😋甜甜地因為用上糖餡，熱辣辣香噴噴，油鍋中反覆炸至金黃,出爐之際,更見香甜酥脆。油炸鬼：外脆內軟不在話下，金黃色又不油膩，佐粥一流。總結：價錢好實惠 足料又美味推薦大家到長洲吾好食大魚蛋試下 牛脷酥

今日同父母老婆仔女一家人去食早餐,啲粥真係好好食又大碗,叫咗夾第粥，艇仔粥等，又叫了啲即炸起嘅油炸鬼同牛脷酥，我啲細路食到唔停口，服務員又有禮貌。喺嗰度食好似搵返以前食傳統粥麵店個種感覺。推薦大家試吓陳皮紅豆糕，陳皮好香好多紅豆。呢間我一定會一去再去。

偷得浮生半日閒遠離塵囂去一下離島避世渡假一天。退房前去吃個早餐享受一下慢生活非常欣賞杏汁豆漿比一般坊間的豆漿特別除了濃濃的豆味還加了杏仁香老闆見我們很喜歡就再免費幫我們添飲😻說難得遇到知音人還說他們家做豆漿的份量是以做豆花的份量來做除了豆漿還點了皮蛋咸瘦肉粥和腸粉粥底很綿腸粉就普通

一直都好想黎試下呢間食店既早餐 因為好多人推介但每次入到長洲都係下晝 今次放假特登早啲入嚟-見到個個都食粥 就係豬潤粥 魚腩粥 艇仔粥之中三揀一1️⃣2️⃣3️⃣最後被朋友說服 嗌左艇仔粥講真啦 一直以來我都冇特別好中意呢隻粥因為食親又覺得味道一般 成日好似同碎牛粥差唔多 只係多左魷魚同花生🥜今次呢一碗真係非同小可材料如下：- 魚片- 魚腩- 魷魚- 碎牛- 魚肚- 花生*有魚腩真係好誇張另外仲食左油炸鬼個油炸鬼真係新鮮炸出嚟完全做到外脆內軟 一個人可以食晒成條都冇難度杏仁豆漿同混醬腸粉相對之下就唔算特別粥同油炸鬼真係必食！！！💯