影片
港铁深水埗站 B2 出口, 步行约1分钟
继续阅读
电话号码
36896535
附加资料
坚持新鲜出品 做好自己品质用好的品质回馈各位来宾朋友
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
黎到深水埗呢边行完之后就揾野食下，深水埗都叫多野食既地方行下行下见到呢间食点心地方就试下啦，见到有套餐 汤加菜加饭系70蚊，所以就叫黎试下啦。叫左个凤爪排骨饭加送菜同汤。凤爪排骨饭 ok，上到黎都系热辣辣而排骨虽然系有d肥，食落去口感林林地，系食得入口的，唔系个种肥到食唔到，不过自己始终比较喜欢啲瘦少少。菜就正常味道，没有特别既。汤就有几款口味，呢个鸡脚雪耳无花果炖汤都算足料，味道ok.总结黎讲，呢一餐算ok既味道，未食过所以就试左呢一次。
继续阅读
饮夜茶😂话说由落深水埗唔想食刺激性食物就谂起食点心😌再次帮衬黄金小馆上次唔记得映单今次映埋今次叫个蒸饭套餐有炖汤，油菜同埋蒸饭$68 真心抵到裂开出面一个炖汤都要4x几啦虾饺烧卖就叫硬㗎啦😂今次试埋去个虎皮尖椒鱼肉厚身好食，唔hea仲有我想赞下鸡扎条腐竹好好食茶位$7正常价,但原来佢系冇加一㗎真心抵赞两条友$242已经食到捧住个肚走有机会嘅大家都系试下啦，支持下小店
继续阅读
今早行过北河街，见到有点心小店，于是入去试试，原本只想食点心但见到有几款蒸饭于叫左个豉汁蒸鳝片饭！由于系即叫即蒸所以都要等15分钟左右！ 都有5~6旧鳝片(厚片)，饭蒸得软硬适中啱啱好。 下次会再去加$20叫套餐有炖汤(单叫$50）＋油菜＋白饭送！另叫左个虾多士，厚厚嘅虾肉加上芝麻非常香口！但可能油唔够热面包略吸收过多油份！下次一定要试试立长鸭脾反同票子炆鸭反套餐！
继续阅读
看到Openrice的好评 便来一试今次点了 虾多士/虾饺/烧卖/鲜虾菜苗饺/鸡仔咸水角/鸡扎/春风得意肠虾多士 正常味道虾饺 7款点心中最出色，外包比坊间很多点心铺整得好。烧卖 从来冇食过咁难食既烧卖，没有虾味，而且难咬开。这次我连1粒都冇食完，真的很难食。鲜虾菜苗饺 味道还可，但上菜时已经蒸到过熟，皮都烂了。鸡扎 这款传统点心竟配上粟米芯，更甚的是用上鲜腐皮包著。结果内里腐皮烂到碎，黏在鸡肉上。春得得意肠 很普通的货色鸡仔咸水角一般货色
继续阅读
近排市况好番好多，大家都多咗出嚟活动、行街，虽然，每日新增确诊数字都喺高位横行，但无阻大家消费，小弟都多咗出嚟买吓嘢，无他嘅，要清一清呢消费券嘛！今晚同老友短聚，佢话好耐无食过点心，就平平嚟，嚟到深水埗嘅「黄金小馆」试试，睇佢风评不俗，价位又唔高，位处平民区，我哋两个麻甩佬又食得够自在。装修喺好基本𠮶啲，见到餐厅尾位似喺水吧，所以，有啲茶记格局，只喺墙上贴上大张食物相，但胜在够光猛整洁，而且，地方亦唔细，尤其啲卡位，都好阔落。而帮衬嘅，目测都喺街坊多，同啲阿姐有讲有笑，以及有唔少外卖客，相对，生客就少啲。枱面就摆好晒碗、茶杯，而筷子同匙羹就好似啲茶记咁，放晒晌枱侧嘅柜桶，不过，摆得有啲凌乱，哈哈！而食物嘅选择，唔好谂住好多惊喜嘢，都喺稳打稳扎嘅款式，蒸点、包点、肠粉……等等，不过，亦有啲住家蒸饭、养生炖汤供应，成为唔少街坊嚟食晚饭嘅心水。店内点心，全部都喺即叫即做，茶位收$5一位，无加一！ 酥脆虾多士 $34脆口嘢，个个都钟意架啦，所以，先嚟一客香脆甘香嘅虾多士，件件炸得金黄，沾满芝麻，入口果然脆到不得了，而且，绝无油腻感，充满芝麻香之外，虾胶更喺厚身弹牙，有虾鲜味！XO酱鲜虾菜苗饺 $26 食完个炸嘅，食番啲清嘅，菜苗饺就够健康，一客3只，卖相晶莹，面头仲加咗少少XO酱作点缀，显得更精致。咬落外皮烟韧唔黏牙，虾肉鲜爽弹牙，菜苗刴得幼细又鲜嫩，做到皮薄馅靓。怀旧鹌鹑蛋烧卖 $24 依家真喺好少见鹌鹑蛋烧卖，后生一辈可能唔知有呢款点心，所以，点都要点一客怀旧吓。其实食味唔会有咩大惊喜，都喺稳打嘅猪肉馅，算打得松化，包住一整粒鹌鹑蛋，蛋黄绵香，喺食出一份情怀。香喷喷招牌流沙包 $24 饮茶又点可以少咗包点架，既然叫得招牌，就梗喺要试一试啦，果然做得有一手，拎上手热焫焫，一咬包身非常软熟，而中间嘅流沙馅澎湃咗涌出嚟，做得绵滑、香浓，甚富咸蛋嘅香气，真喺不失招牌之名。原笼椰汁黄金糕 $20 最来嚟一客甜点作结，就选上椰汁黄金糕，原因喺因为唔喺度度都有供应。黄金糕色泽金黄，入口口感烟烟韧韧，好有咬口，渗出清香嘅椰汁味，又无话过甜，食口糕，饮啖茶，几搭配架。虽然小店一间，但点心做得有水准，招呼亦唔错，当然唔好谂有咩优质服务啦，但感觉有啲亲和，最紧要喺价钱相宜，地点又就脚嘛。
继续阅读