影片
以上资料只供参考，请与餐厅确认详情
佢系鲗鱼涌开业两年，我一家间唔时星期日就去黄金鸡食午饭，黄金鸡固然最出名系佢既鸡啦，但其实佢其他小菜都好味。我一家通常都会叫例牌菜再叫大碗饭share 食。今次叫左咖哩吉列猪，牛柳粒，蜜糖炸鸡扒，猪髀等等，样样都系开胃𩠌，再配白饭又得黄饭又得。仲有外父水饺，多款式，又可以汤饺又可以炸饺！ 黄金鸡价钱又合理！ 最贵一碟例牌都系65蚊。得知佢地最后一日营业，有啲依依不舍，同老板有讲有笑，期望佢之后再黎鲗鱼涌再开分店！
继续阅读
呢间餐厅位于鲗鱼涌一个非常之隐蔽嘅私人屋苑附近 喺foodpanda睇吓有乜嘢外卖自取见到距离屋企唔算远 晚餐用$50嘅价钱买咗一个黄金鸡并泰式猪手饭连鸡汤 鸡肉超嫩滑无骨无异味 超级高质好食过出边买$90𠮶啲 泰式猪手亦都好正常 同一般泰国餐厅差唔多 $50嘅价钱食到咁样嘅双拼性价比超高😂海南鸡嘅酱汁有两种一种系甜豉油一种系辣酱 辣酱系特别既 出边比较少见味道都好 甜豉油系薄身既 质素一般 饭底系黄姜饭 个鸡汤就正正常常 如果喺附近返工同埋附近嘅居民绝对可以多d去 专登要去试菜嘅就应该唔使 因为地点真系好隐蔽😂总括嚟讲都系大推呢间黄金鸡 平民恩物小店 支持！
继续阅读
今晚在上外卖平台见到这间黄金鸡，openrice好多评语都赞，就决定试吓呢间。食后真的没有失望，份量唔少，鸡好滑，牛腩和猪脾入味又够淋，饭又香但唔油，配埋酸萝卜丝更加好味，一句讲晒。。值得推介👍
继续阅读
呢间舖头其实帮衬过好多次 但都冇认真写过食评 今日经过决定又再帮衬下小店 因为佢哋嘅海南鸡饭真系性价比一流。$45 想食好少少既话今时今日你预期有啲咩？佢就包含一大盒黄油饭，滑嘟嘟既鸡，酱汁同埋汤。今次系食过最好食嘅一次！鸡够滑！分量多！饭既味道都啱啱好！而佢嘅酱汁唔系一般喺出面食海南鸡饭杰身既鼓油汁，系比较浠，而另一个酱汁就系酸辣汁几醒胃！ 而汤方面就一般，比较咸！但个饭绝对够一个打工仔食！又好味！最紧要性价比一流！
继续阅读
🥢双拼饭 黄金鸡+猪脾 $52唔好睇佢好似细细盒，其实劲大份！！！鸡肉嫩滑，猪脾煮到好腍，满满既骨胶原☺️腌萝卜酸酸may may几开胃🧡🌶️口水鸡饭 小辣 $48口水鸡个汁好正，小辣岩岩好，拎黎送饭perfect~ 个人钟意口水鸡多D，麻麻辣辣唔会食腻😋CP值好高既餐厅 每盒饭仲跟左一杯鸡汤🍴推荐附近居民或者打工一族可以试下🙆🏻♀️见到佢Menu仲有其他类型既𩠌，下次再去试下🙈餐厅位置比较偏僻，睇完Google Map都唔系太识去😂
继续阅读