影片
以上资料只供参考，请与餐厅确认详情
招牌菜
相关文章
今晚做完gym，出面1号风球，横风横雨，都唔知食乜好，最后求其见到间麻辣王就入去开餐。泡椒鸡翼有4只，食到一半先醒起未影相，味道唔错，但又唔会激辣，但鸡翼比较细只。花枝丸面，蒜味几香，但又唔会太over，花枝丸几有花枝味同埋弹性，面粗幼软硬适中，唔错。唯一要弹嘅系座位与座位比较迫。
继续阅读
晚市在即，本想吃酸辣面，但行经此店见冇人，又想静静地，就入咗去开餐。叫了一碗麻辣鸡肶面。32元面层好油呀， 鸡肶味道一般，生面淋淋地，最重要是配麻辣汤底是非常好好味。麻辣同酸辣吾同，吃了麻辣，好似成千支针不停桔紧我舌头，上咀唇，下咀唇，好桔呀，但复完较酸辣快。顶吾顺都要加六元叫罐汽水解辣。
继续阅读
成日经过这店一直因为坐吾到舒服而冇买。今次难得踢英超买野返去睇波，当然专登走去买返包去食。今次买左金菇牛肉加莲藕底和一串鱼蛋和泡椒鸡脚头，一共$80大元。亚姐都叫好好服务冇吹黎吹去。今次食果个鱼蛋直迫长洲鱼蛋咁大粒，以十二蚊有五粒都好抵。辣味好入味，最紧要冇因为咁样鱼蛋变淋冇口感。口感也在而且连入面都有辣的感觉，好明显吾系求其放下又拿出黎买果d...推介！！金菇牛肉加莲藕底返到去食..唉，牛肉硬到咬吾开，仲要吾入味，金菇一扎扎咁，幸好有少少味。莲藕已经系最好味，讲真要成四十几蚊系失望。因为连酱汁油油多过辣，吾知佢地四川去左边。泡椒鸡脚头系正常有辣的泡椒味同大约二十四蚊有十金旧都差不多。食完有泡椒辣加啤酒一流
继续阅读
昨天黄昏和朋友到这间麻辣粉食店，价钱合理，各类粉面和小食介乎20至60元左右。今次试了麻酱捞粉、麻辣肥牛红薯粉、麻辣大肠和麻辣鸡腿。麻酱捞粉：味道很好很清新，有浓郁麻酱味麻辣肥牛红薯粉：粉只有麻辣味，但没了咸味麻辣大肠：味道不错，但咸了一点麻辣鸡腿：很美味，咸和辣洽到好处下次可以再试试其他食物。
继续阅读
同友人做完运动后来此店食埋个晚饭才回家.2个人叫左个鸡丝捞面, 鸡翼及青瓜.特别喜欢佢地既麻辣青瓜, 虽然味道唔算太麻辣, 但青瓜够爽口清甜.鸡翼都算肥大肉嫩同样又系辣味不足.反而鸡丝捞面麻辣味道就够浓食到一半已经觉得有点麻麻地十分刺激, 加上面质煮得岩岩好唔会太淋身
继续阅读