影片
以上资料只供参考，请与餐厅确认详情
招牌菜
好多年前一试难忘每次经过都忍唔住要买返屋企食而家搬远左都特登要返去再买来食佢个泡椒真系好味到晕低又够入味又够辣好有层次感其他麻辣以前试过一般般但泡椒不能不吃❤️
继续阅读
钟意食口水鸡，但又好鬼懒。手撕鸡真系啱晒，唔使吐骨。佢地嘅口水汁真系好惹味。麻同辣都好平均。mix了新鲜的蒜蓉，葱段，仲有花生，佢嘅麻唔知边度黎，因为唔见有花椒，亦无花椒香。但都真系好香口。鸡丝亦都好滑。
继续阅读
已经一段时间无食，以前通常都系旺角店买，但已经无咗。今日心血来潮，走去佐敦买，系白加士街，近以前嘉禾戏院，小巴站附近，最后要咗猪耳同鸡翼尖各两份，但个阿姐可能心情唔好，又顾住讲电话，十问九唔应，态度非常差，仲有，餐牌明明29蚊一份，但佢收我$120，算数。因为好想马上返屋企食。点知期望越大，失望越大！味道只有辣，完全无其他味，鸡翼尖更差，无味不特只，仲有好大阵雪味！食咗几旧就全部扔咗！以后都唔会再想食，永别吧！
继续阅读
前日去左呢间麻辣王，专卖啲麻辣小食，夏天黎食食到满头大汗架好耐之前睇已故张一豪先生主持嘅食蒲团介绍，我先知道呢间野，三四年前食过一次，三四年后先黎返位于白加士街，尚算易揾先叫左三只猪手$29 好抵食架，浸到好入味，麻麻香香，愈食啲辣味先涌出黎，但又唔会过辣猪手皮系爽脆架，唔会有异味，亦冇毛，好干净架食完个猪手呢，我叫左猪脚筋，大家系咪好陌生呢，其实我都第一次试口感烟韧又系麻麻香香，呢个辣味会比猪手重啲，呢个热食嘅，但一样好醒胃，愈食愈起劲其实佢仲有其他麻辣小食，主要分冻食都热食，冻食仲有鸡脚、翼尖，仲有鸡脚头总之钟意食辣野嘅朋友，可以一试
继续阅读
麻辣王鱼蛋《$14/5粒》食太饱行行下街个阵见到呢间不起眼既铺头，由于佢实在太香啦！饱到上颈既我地都想一试！！😍😍即叫个老细即时整俾我地，串好鱼蛋，摆入去成盆辣油入面！上面仲铺满晒干辣椒！！🌶🌶睇样就知会辣过谭仔大辣！🌶浸煮10分钟拎出黎，趁佢仲有烟时塞落口，劲好味！鱼蛋虽唔够韧，但够入味，佢只辣真系川味汤底个种！🤯 食完成半个钟，我个口都仲有辣味！佢仲有好多其他选择：肉、蔬菜，见街坊都会买麻辣𩠌返去送饭！🤩
继续阅读