影片
营业时间
今日营业
12:00 - 23:00
星期一至日
12:00 - 23:00
以上资料只供参考，请与餐厅确认详情
-
网上订座服务暂停
最近觉得天气冻咗，就约咗朋友去麻辣年华食个暖笠笠嘅鸡煲。今次拣咗佢哋嘅滋味鸡煲2人餐，真系一啱打边炉嘅天气！一嚟到就率先上咗海鲜拼盘同椰子鸡，首先会煲滚咗个椰子汤先，仲会有个闹钟，响咗之后就放啲椰子鸡落去。个椰子鸡啱啱好嘅嫩滑程度，加上椰子香气扑鼻，好鲜甜!海鲜盘都几足料，尤其系只大虾，肉质弹牙，配埋店家特制嘅酱汁，相当唔错串烧嚟讲，至尊红柳羊肉串绝对系我嘅心头好。啲羊肉腌得入味，香料味香劲，但又唔会盖过羊肉本身嘅鲜味。最紧要系冇膻味，就算平时唔食羊嘅都一定啱食。黑椒牛柳串就啱啱好咁嫩，黑椒香气十足，酱汁都入味，牛肉咬落去仲会爆汁。讲到金银蒜烤生蚝上面铺满金银蒜碎，个蒜香同蚝口感丰富，蒜蓉酥脆，蚝肉鲜嫩多汁，绝对可以再叫饮品方面，至尊水果茶啱啱好解腻，啲水果好新鲜，冇咁甜腻。青柠金桔苏打就清新提神，个酸香味够晒开胃，饮完完全清走个口甜。个餐性价比高，份量够晒两个人食，啲嘢又新鲜够味，最紧要系啲服务员态度好好，仲会不时过嚟睇吓个火，令成个食饭过程都好舒服。
继续阅读
溢左个一人套餐干锅小炒肉，里面有猪肉、青椒、紫洋葱，明明系同一锅嘢，但系只有肉系有味既，其他两样野淡茂茂。俾配菜拉低了整体的味道，好失望，原本食一啖肉既时候觉得唔错，结果食多啖青椒既时候完全无味。
继续阅读
朋友带我黎第一次试呢间餐厅当时已经系夜晚9点 店员态度好好 安排我哋三人坐张阔落啲嘅枱☺️平时好少食串烧 因为觉得要食好多先饱我地3个人叫咗个🔹串烧组合套餐🔹包括劲爆干锅、串烧组合、开胃小食各一款我哋拣咗京葱爆肥牛、串烧45串同红糖糍粑😋另外仲叫咗烧茄子、烤年糕、烤秋刀鱼✨—————————————————————-🔹京葱爆肥牛微辣唔会好辣 几有镬气同惹味🔹45串串烧包括有鱼蛋、粟米、猪颈肉、鸡软骨、滋滋肠等🔹串串锅拣咗蕃茄汤，味道几好，唔会太浓🔹红糖糍粑热辣辣，好似麻薯咁几烟韧
继续阅读
今日过嚟荃湾做猫奴，买猫粮猫砂😮💨咁啱见到隔离川菜店嘅烤鱼好吸引🤩 食埋晚餐走都系唔错选择佢哋有烤鱼、鸡煲、串烧仲有啲镬气干锅，见到个二人烤鱼餐都几抵食就试吓🤥脆皮烤鱼二人餐$498有番茄浓汤、金汤酸菜、青藤椒汤、牛油麻辣，我哋拣咗青藤椒汤，同加咗$18海鲜烤鱼。海鲜分别有鲍鱼、蚬、海虾 呢个价钱比嘅份量几多吓。 青藤椒汤麻麻痺痺，几好食。江团鱼大大条，肉质嫩滑肥美😛干锅农家小炒肉，好多青色尖椒，质感爽脆，带少少辣再配猪颈肉一齐炒，好好食。整体调味啱啱好，又够镬气👍🏻至尊红柳羊肉串 羊肉重孜然香味，令羊膻味无咁强烈。黑椒牛柳串 浓郁黑椒香，牛柳烧得有啲干身，整体都正常金银蒜烤生蚝 生蚝大大只，蚝肚够晒肥美 再配埋大量金银蒜，重口味之一🫶🏻百香果多多+ $18百香果加益力多，酸酸甜甜，夏天开胃饮品。至尊水果茶+$24呢杯真系好大杯，有800ml而且水果都足料，有西瓜、橙、苹果、百香果、提子🍇食完辣嘢再饮返啖果茶，简直快活过人 又解辣👍🏻👍🏻
继续阅读
麻辣年华今次系我第二次回访呢间四川菜餐厅，餐厅叫「麻辣年华」，记得上年离开呢间餐厅时，差少少向前轮椅翻转，就算有阴影都要入去食，实在辣得太过瘾！呢间四川菜餐厅门口系有一级，比平常一级高少少，轮椅人士入去除咗要自备斜板之外，仲要马力开足前进，前进前进前进进，咁先可以进入到餐厅入面，今次离开餐厅记得向后倒车，惊险场面唔会再出现！1.孜然牛柳炒饭$69（10/10）呢碟孜然牛柳炒饭份量都几多，牛柳炒得啱啱好，我以为会好硬，点知牛柳咬落非常淋，牛柳大约最少有15块，炒饭竟然系扬州炒饭，最衰无得走青豆，我基本上咩都食，唯一最讨厌系食青豆，扬州炒饭炒得好有镬气，饭炒到粒粒分明，最后仲跟埋沙律菜，正爆满分！2.京葱爆肥牛 配饭$68（10/10）呢碟京葱爆肥牛叫咗大辣，辣得好过瘾，肥牛份量都算多，大约有10片肥牛，仲有个炉点著火令京葱肥牛保温住，最后呢个餐仲配埋饭，正！3.至尊水果茶（800ml）$24（10/10）呢杯至尊水果茶上次叫咗3L，真系多人食野先好叫3L水果茶，水果茶入面有西瓜、提子、橙、青柠同苹果等，跟套餐叫水果茶就有半价，呢杯800ml大约可以分到四小杯，二人份量都好足够饮，原价要$48一杯有800ml，如果想叫3L嘅话，原价就要$1382人总共价钱$156个人口味总评分：10/10 @spicyyears 地址：荃湾大坝街53号地舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#麻辣年华 #荃湾 #荃湾美食 #荃湾好去处 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读