影片
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
-
网上订座服务暂停
今日我同朋友去品尝美味快乐二人餐，分别是海鲜脆皮烤鱼、青籐椒汤、干锅农家小炒肉、黑椒牛柳串、至尊红柳羊肉串、金银蒜烤生蚝、至尊水果茶、青柠金桔梳打，这间餐厅叫做麻辣年华，是串烧烤鱼专门店，位于荃湾杨屋道73号地舖，港铁荃湾西站D出口，行几分钟就到，餐厅地方宽阔，装修得舒适温馨，枱凳摆放整齐，令人坐得舒服，店员服务态度又好，来这里食真不错。快乐二人餐有四款川菜式，全时段提供，仲午市有免加一，于餐牌内嘅快乐二人餐看起来非常丰富，结合了多种海鲜、肉类和特色饮品，整体风味多层次，我哋选咗海鲜脆皮烤鱼二人餐，海鲜脆皮烤鱼份量不少，仲有小卡装饰在烤鱼上面，令卖相靓，适合打卡。脆皮烤鱼嘅鱼皮经过高温烤炸至酥脆，内里鱼肉保持鲜嫩，口感对比强烈。青藤椒汤底麻香清爽，藤椒的独特香气比普通花椒更带草本风味，麻而不燥，适合搭配海鲜的鲜甜，海鲜配料有鲍鱼、蚬、鱿鱼、鲜虾，鲍鱼弹牙，蚬肉提鲜，鱿鱼嚼劲足，虾肉甜嫩，与青藤椒的麻味相辅相成，汤底越煮越鲜。 干锅农家小炒肉份量亦不少，上枱就闻到香味，五花肉切片煸至出油，搭配蒜苗、辣椒、洋葱、芝麻来爆炒，酱汁浓郁，令小炒肉咸香微辣，带有干锅的焦香气。这道菜的浓味能平衡海鲜的清淡，适合喜欢重口味的食客。黑椒牛柳串嘅牛肉嫩滑，黑胡椒酱汁浓郁有黑椒香气，只带有微辣，食落香口。至尊红柳羊肉串嘅红柳枝烤制会带木质香气，羊肉肥瘦相间，孜然风味突出，略带炭烤焦香。金银蒜烤生蚝是炸蒜与生蒜混合，蒜香浓郁且有层次，生蚝鲜甜多汁，口感滑嫩。 至尊水果茶大大杯，苹果片好味道，酸甜果香，解辣解腻，清新口腔。青柠金桔梳打气泡感足，青柠与金桔的酸爽能中和烤物的油腻感，尤其适合搭配重口味菜肴。
继续阅读
麻辣嘢真系好好食，不过一般喺香港食都比较贵，所以多数都系返到大陆先食~ 无奈近来又冇乜时间北上，但又真系忽然间好想食麻辣嘢，唯有OpenRice望吓有咩唔太贵又好食嘅选择止下瘾啦见到呢间好评都唔少，位置又咁啱方便我哋，可以顺便去街市买埋𩠌就返屋企，一于试试~ 由于我哋好肚饿嘅关系，所以一入到去就叫咗个餐之余仲外加咗啲食物同埋饮品，个烤鱼一上枱都几有惊喜，本身谂住虽然佢叫海鲜烤鱼，但就咁净系一条烤鱼加少少急冻海鲜摆面，冇谂到实际上海鲜数量比想像中多好多，又有蚬又有鲍鱼之余，仲有虾同鱿鱼，其实净系食烤鱼都应该饱好彩我哋好肚饿，所以叫啲串烧同埋炒肉都食得晒，埋单最后虽然都唔算平，不过食咁多嘢我哋觉得都算抵
继续阅读
🌶️麻辣年华🌶️推出咗超抵食嘅二人餐😍$498就有劲多嘢食 捧住个肚走 召集所有钟意食辣嘅朋友‼️‼️🌶️滕椒汤底脆皮烤鱼烤鱼经过煎炸个皮超级脆卜卜 吸埋啲藤椒味嘅汤汁 个味真系正到😍重点系佢哋嘅光团鱼好嫩滑‼️直程系入口即溶 超级好食‼️而且份量一啲都唔惹少 食极都好似食唔晒咁 建议约多啲朋友一齐食另外加$18可以升级海鲜烤鱼 表面铺满咗唔同种类嘅海鲜 包括有劲大只弹牙鲍鱼 鲜海虾 鱿鱼 以及蚬类♥️超级满足🌶️至尊红柳羊肉串 x 2串羊肉非常饱满大嚿 而且烧得啱啱好 完全唔会干 朋友大赞👍🏻🌶️黑椒牛柳串 x 2串牛柳串牛味好足 而且肉质软腍 笑得啱啱好 仲保留咗好多肉汁🤤🌶️金银蒜烤生蚝 x 2烤生蚝肉质超肥美 鲜甜 加上自家制海量蒜蓉超级惹味👍🏻🌶️至尊水果茶 (二人套餐加半价享用)超级大杯嘅水果茶 份量系平时出街食嘢嘅嘢饮两至三倍😍而且入边有大量水果 唔会太甜啱啱好👍🏻🌶️青柠金桔苏打(二人套餐加半价享用)清新嘅青柠配上酸甜嘅柠檬同柑桔 口感好清新 酸酸甜甜，非常开胃👍🏻🌶️干锅农家小炒肉 农家小炒肉有好多唔同种类嘅辣椒仔 炒埋肥美嘅猪肉 超级有镬气 而且佢哋仲有个位下面暖住啲肉 任何时候食都系热辣辣👍🏻🌶️鲜炸小酥肉 $48超级酥脆嘅小苏肉 啖啖肉 而且炸得好酥脆 份量又超级多 本人超喜欢👍🏻-推荐指数: 🌕🌕🌕🌕🌕性价比指数: 🌕🌕🌕🌕🌘-麻辣年华 (杨屋道) (荃湾)荃湾杨屋道73号地舖
继续阅读
中意食海鲜同烤鱼一定唔可以错过，坐得舒服、服务又友善，味道又一流!!🥢脆肉烤鱼二人餐超抵食之选，二人食用够晒饱!可以一次食晒招牌菜式🥢海鲜脆皮烤鱼 – 青籐椒汤-有鲍鱼、蚬、鱿鱼、虾外脆内嫩，入口即化，散发著淡淡的炭烤香气，鱼肉鲜嫩多汁，搭配丰富海鲜，包括鲍鱼、蚬、鱿鱼、虾，味道鲜甜。汤底清甜辣香，青籐椒提味鲜美，清甜辣香，椒味浓厚却不过分，为整体增添了层次感🥢干锅农家小炒肉小炒肉香气扑鼻，肉质鲜嫩多汁，酱汁入味，带有微微的甜辣味，配上丰富的蔬菜炒匀，鲜味十足， 🥢黑椒牛肉串牛肉串烤至嫩滑多汁，黑椒调味恰到好处，带有微辣、浓厚的黑椒香气🥢羊肉串羊肉串烤至嫩滑，带有独特的羊肉香气，肉质细嫩🥢金银蒜烤生蚝生蚝烤至金黄，蒜香浓厚，肉质十分肥味，生蚝的鲜甜与蒜味相得益彰，清新而不油腻🥢至尊水果茶超大份量!!!有大量新鲜水果，水果的甜味与茶香交融，清新爽口，解腻一流🥢西瓜啵啵冰 (西瓜+益力多)西瓜的清甜与益力多的酸爽结合，清凉解渴🥢香酥白玉菇白玉菇外脆内嫩，炸至金黄酥脆，油炸后保持清香不油腻，点上酱汁，十分开胃
继续阅读
平时见到依间麻辣年华好旺，今日终于有机会黎试下。见到佢嘅套餐又平又丰富，二话不说就叫咗黎食。脆皮烤鱼，升级咗加海鲜。烤鱼好大条，外皮焦脆，鱼肉滑嫩，叫咗唔辣所以系蕃茄汤底，鱼肉吸哂蕃茄汤嘅精华。海鲜亦都好丰富，有鲍鱼仔、鲜虾、蚬，份量非常多。金银蒜烤生蚝，生蚝胀卜卜兼爆汁，上面铺咗满满嘅蒜粒，非常惹味。串烧，有牛肉同埋羊肉，烤得非常香口，调味十足。干锅系西兰花炒腊肠，炒得好有镬气。估唔到饮品都好特别，水果茶用料丰富，有百香果、橙、苹果、提子等等，而青柠柑桔梳打爽口鲜甜。
继续阅读