影片
以上资料只供参考，请与餐厅确认详情
招牌菜
呢日因为要出长沙湾拎东东, 所以 lunch time 就搭地铁向目的地进发~拎完之后, 就系医肚时间!!不过, 呢头真系唔知食咩好, 一边行一边望一边谂......叮!!! 比我谂到平时响巴士, 好多时都会路过既一间小店店....于是就快快脚滚过去, 好远呢~热呼呼, 汗流流.....终于到步!!还好啱啱有位, 不过系门口位置, 无计啦, 唔等啦, 仲要返工嘛~呢间一直都无食过, 安全起见都系要最简单, 我又最钟意食既先:麻酸辣 (小辣) + 猪润 "因为天气太热, 又坐响门口位, 都系试左小辣先"呢度落单系自助形式, 自己剔纸仔, 然后再交比侍应....选择都算多, 如果有选择困难症就惨了, 哈哈~落左单之后, 都等左大约 10-15 分钟先有得食.....无计啦, 可能真系人太多, 坐落之余, 走一枱又黎返一枱, 真系好好生意~讲返碗粉, 个碗好得意呀, 系三角形的!!习惯性地先试一啖汤.......................wowowooo!!! 好味㖞!!!!个味道同平时响出面食既好唔同...平时食米线果D, 个汤底既味道一般都系好似汤底还汤底, 然后加D麻辣/酸辣落去, 食得出个味系同汤底分开既~但系呢间既汤底......麻辣/酸辣同汤底个味道好夹好 match, 真系有完全溶入个感觉!!!所以未开始食个米线, 我已经饮左好多啖汤, 哈哈哈~然后, 米线亦煮得啱啱好, 唔太软亦唔太硬, 有咬口!!至于猪润, 呢个反面有D失望, 唔系黄沙之余, 自然无左爽口果种感觉, 而且煮得太熟太老~整体黎讲, 唔计个猪润, 呢碗米线真系好好食...成碗比我清左, 汤都无........lol不过呢, 如果佢可以用埋黄沙猪润, 咁就真系 good fit 啦, 简直就大满足, 哈哈哈~食完就即刻闪人啦, 滚去搭车回归返工, 嘿嘿!!******************************呢次食完之后, 一直都念念不忘, 所以中途有一次走左去总店试....去总店个心态系......既然分店咁好食, 总店应该会更加好味~!?可惜, 期望愈大, 真系失望愈大..............................******************************所以, 再一月之后既呢日, 带左几粒同事仔黎食返呢间分店!!!呼~ 终于都又回味到啦~ 今次忽然想食......呢样!!就一于试下猪润以外既野: 麻酸辣 (小辣) + 墨丸呢日等位等左大约 15-20 分钟, 真系好多人食呢~先拎纸仔自己剔, 一有位就交比侍应, 然后就等........汤底一如之前既美味, 米线软硬度亦保持得好好!!4 大粒白雪雪既墨丸, 好不吸引!!!一啖咬落去, 嗯~ 唔算弹呀, 有香香既墨鱼味, 还可以~另外, 今次仲试左 "烧绍兴酒鸡中翼"一上枱, 烧鸡翼就香气扑鼻, 好有 BBQ 既感觉....食落, 反而酒味全无, 但系鸡中翼腌得入味, 只只烧得外脆内热又, 肉又唔会干身, 唔错!!!有机会, 都会再黎食, 嘿嘿~
继续阅读
麻辣牛腩米线 HK$27- 有充足的及正路的麻辣香味- 汤底够味, 个味夹麻辣味- 米线爽口好赵- 牛腩够林, 但略嫌带多点肥膏- 价钱合理 (学生更有优惠)- 中辣都几辣, 如果唔系好食得辣就叫小辣好了, 因为没有加汤服务.4.5/5 分奇异果汁 HK$10- 用了黄金奇异果, 够甜唔酸 (我饮出来的)- 好像加了蜂蜜, 有小小出位影响主角奇异果味的比重 (所以扣0.5分) (我饮出来的)- 适量加水, 恰到好处- 抵饮, 因为我去超市用HK$11.00买3个奇异果都未整到呢一大杯果汁4.5/5分
继续阅读
今日比系一d唔上唔落既时间叫去荔枝角开会, 回程时见到"麻辣"两字既小店舖, 小的忍唔住就入左去食返个. 横定就快到食饭时间, 就当我仲开紧会啦!佢系长沙环邮局则面既一间小店, 门面很小, 但是装修还不错. 吸引我停下脚步既系门口贴住既报纸, 令我突然好想食麻辣米线店子真的很小, 但是在工业村位置多小不要紧, 因为多数都系外卖(这就不知生意好不好了, 我不是本地人) , 而在吃完准备走时正好是中学放学时间, 很多学生冲入来, 看来在繁忙时间要来食野大家要有心理准备要等位....叫左个酸菜米线 (另一个配料忘记了....) , 另外外加了腐皮同杂菌 , 份量够 (谜之音: 加咁多野唔够就奇啦!!) ......我好钟意佢既汤低 , 我叫左小小辣, 佢既汤底饮起来其实就唔辣 , 似酸辣多d , 好o岩一d食唔落辣野既人, 好醒胃. 米线就同多数米线店既一样, 不过不失但又揾唔到d咩可以嘈既地方, 配料上, 腐竹很爽口, 唔系煮太耐林滋滋既野, 杂菌就配上酸菜一齐食, 味道很夹.佢出来既野食唔会令人失望, 价钱也不贵, 可是位置在两地铁站之间, 交通上就不是很方便了!
继续阅读
最遗憾的事系无带相机, 但一定会再去, 仲会带朋友去! 目的系多order唔同菜式!是晚, 我同先生俩人按侍应的推介拣选了麻辣鸡窝, 实际上系火锅, 大大煲仲好快上台!附送的唐HO菜非常新鲜, 干净, 最难得系洗得干身之余系完整的一棵棵, 并不似时下火锅店的湿水版, 散成一块块菜叶状的. 成棵的一兜菜份量多好多, 也都不容易系煮到烂融融, 捞唔到.你明唔明呢种用心, 火锅汤底最忌浊, 而麻辣火锅的菜, 烙太短时间就只有辣味没有鲜味, 太长时间又怕烂晒!我比第一个感动!!(半只鸡$88, 送大大兜菜, 好抵, 不可不试)我同先生系不折不扣川菜迷, 食川菜唔可能避得过令你痛爱的花椒,呢间不起眼的小店使用的花椒, 色泽新鲜, 天然的香气令你嚼落不感痛苦, 香气在口腔环绕之余, 麻辣才不慌不忙地占据你的味蕾.我的第二个感动, 做人不可做俗人, 煮食最忌FLAT, 只有拣o岩香料调味, 送菜先会有深度, 有层次!我地试的系小小辣, 建议选择中辣or小辣, 汤底的平衡最出色, 不油腻.鸡窝里面的鸡, 建议大家最后食, 因为我发觉一个钟头后, D鸡竟然越煮越滑, 好入味.放心喇, 呢个锅, 唔会香料多过鸡, 好清好容易打捞, 哈哈!我地另外order左$58的姜葱广岛蚝, 不算大只, 但很鲜甜, 大约8只左右, 超值!重庆来的薯粉烟韧棉柔, 吸收汤底精华后味道更加吸引.$18冻豆腐好似都系好平, 但好多块, 食得我地非常开心.生力啤酒做特价, 大大支$16.捧肚价买单$213
继续阅读
之前食过呢间野~觉得几好食~~所以今日由太古特登去荔枝角食~~呢碗就系我叫既猪肠大辣米线+肉酱..佢d辣真系好好食...我最喜爱食辣~~但系佢d肉酱好难食...又唔知加左d咩..又油淋淋..结左食左一小口..成碗都唔要....呢碗就系我男朋友叫既猪腩肉+累墨鱼太小辣米线~冇咩点食..但系男朋友都话好好味~因为仲有学生证~所以+$1有一杯豆浆~抵呀~~不过唔知系咪辣得济..我食完全日个胃都痛痛地....下次都系唔好叫咁辣~hahaa
继续阅读