麻辣娘子 (形薈) (已結業)

第一次买小龙虾，试下，外卖返屋企食，比想像中大份兼惹味，正！得闲再买过👍👍👍👍👍👍👍👍👍👍👍👍👍👍👍👍👍👍👍👍👍👍👍…查看更多

📍#麻辣娘子#MFJ筲箕湾 #MFJ中菜 人均消费: HKD79一直想试，食个午餐总算✅ 地方就普通，但感觉舒适嘅！午市食物选择还可以，有平有贵！⭐️川汁皮蛋🥚$18四川黄金皮蛋，金金黄黄就几靓，但可惜蛋黄太熟，无咗皮蛋软稔稔嘅口感！不过佢个辣汁好正，最正系佢嘅青瓜丝，咸咸地劲爽脆！⭐️系比青瓜丝嘅😂⭐️正宗四川冒菜粉🍜$52唔知点解叫冒菜粉，我哋拣咗四川香辣汤，配红薯粉，𩠌要另外加钱再叫，其实好似车仔面咁！汤底同红薯粉都好好味，我哋就加咗肥肠同红烧肉，每款$12！肥肠都几爽口，红烧肉好好味，但份量少到阿妈都唔认得！肥肠得两旧系完整见到样，红烧肉就细细粒，食完都唔够摄牙罅😅⭐️酸菜鱼🍲$66午市套餐，酸菜鱼加个白饭$66 ，都几抵食！试咗一啖酸菜鱼个汤底，酸酸辣辣， 十分惹味开胃！鱼肉好滑，鱼香唔错！配料吸晒鱼汤精华，都好好味！最唔满意就系酸菜，我系揾唔到一条完整酸菜！大佬呀！食酸菜鱼，酸菜先系主角呀！😂😂😂🆗奶盖芝士炭烧乌龙茶🥤+$12奶盖芝士有淡淡香味，不过乌龙茶味道比较淡🆗黑糖珍珠奶茶🧋+$12珍珠奶茶就普普通通，规规矩矩如果按食物质素嚟计，味道系真系几唔错！但感觉有啲偷工减料，除咗粉之外，其他肉类等等份量都非常之少！+$24要红烧肉同肥肠，你expect系会起码够摄牙罅… 可以有良心少少🤏🏻服务方面呢，就真系冇乜喇…啲人好似未瞓醒咁😅价钱好抵，午市堂食有88折，人均$80左右，希望用料同服务可以改善一下😅😅#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相机食先 #美食推介 #筲箕湾美食 #中菜 #chinesecuisine #chinesefood…查看更多

好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗今日要去筲箕湾做D 嘢，见到呢一间食麻辣嘢嘅午市套餐都唔系好贵，时间尚早唔太多人就入去试下！🍴正宗四川冒菜粉($28) + 鸭血($12)我叫咗四川香辣汤中辣配红薯粉，佢嘅配料都几多，有芽菜、酸菜粒、葱粒、菜脯粒、芫荽、韭菜、豆皮，汤底够香辣，红薯粉系圆条型好似乌冬咁嘅 size，够烟韧，加埋香辣汤食好正，反而鸭血一般，可能唔系麻辣鸭血（佢又真系冇讲有味嘅）嘅关系，味道上系淡咗D，但口感系唔错嘅～ 整体上成个粉系好味嘅！🍴川汁皮蛋($18)皮蛋系金黄皮蛋（金牛鸭皮蛋），外皮金黄色，蛋黄依然系黄色，呢种系四川嘅制法，蛋黄少咗阿蒙尼亚味仲有少少蛋香味，配埋青瓜丝同辣汁食真系好好味，午市加$18 就食到真系好抵食！🍴芝士奶盖炭烧乌龙茶($12)叫咗半甜微冰，杯茶嚟到时系平常$3x嘅size，有惊喜！芝士奶盖唔算好厚，咸香味够浓郁，炭烧乌龙茶好香够滑，呢个又系好抵加！呢度系用手机落单，上菜都够快，装修都有少少心思，座位都几阔落坐得舒服，午餐嚟讲都算几抵食够大碗！…查看更多

行完大潭水塘落到黎揾好野食上次经过已经好想试既麻辣娘子点左麻辣干锅（牛肉）酸菜鱼少辣川汁皮蛋酸梅汤同奶盖茶第一次食黄金皮蛋，好惊喜同埋都好多配菜好正好惹味饮品唔会太甜又好味！整体都好好食过返寻味值得再试！…查看更多

坚慢!！坚慢!！坚慢!！经常性order外卖，净系order一个素食香锅等要等40分钟或以上。响冇等位，不满客嘅情况下，12 点23分order完出左单，攞到已经1点03分。又有试过11:30一开铺就order，都要等30分钟。但receiption 嘅态度好好！见我等左咁耐都冇，就主动帮手行入厨房追左两三次，但都系话整紧，所以话，佢地整香锅真系精益求精！想order外卖嘅朋友，又想食好味嘅香锅就要学识时间管理啦。…查看更多