影片
港铁长沙湾站 A2 出口, 步行约6分钟
继续阅读
附加资料
自家制麻辣鸡扒汉堡、小麻堡、手打安格斯牛肉汉堡、芫荽安格斯牛肉汉堡、沙嗲安格斯牛肉汉堡，经典墨西哥菜及美式菜
营业时间
*逢星期三休息，如遇公众假期则照常营业，休息日则会提早至星期二。
星期一至二
12:30 - 22:30
星期三
全日休息
星期四至日
12:30 - 22:30
以上资料只供参考，请与餐厅确认详情
相关文章
麻堡简直系我一生中最爱🥹🍔因为自己本身唔食牛肉嘅关系所以平时出去食汉堡都好少选择，本身都对麻辣嘅嘢冇乜特别好感。但系当我第一次试咗呢度嘅麻辣鸡堡之后就从此爱上。每次都会嗌多麻辣，佢本身用咗麻辣酱汁腌制鸡扒令到好入味。仲要咁大块鸡扒咁大个包先至卖$38，加多$10又有嘢饮又有薯条。佢个薯条超级好食，上面有啲调味粉粉，炸得非常香脆同出边一般嘅薯条完全冇得比。虽然我自己都好钟意成日周围去揾新嘢食，但系麻堡嘅吸引力令我一个月点都会食两次。除此之外佢哋仲有其他套餐$68就有burger，几款小食同埋嘢饮。后期先知道佢哋嘅鸡翼同样都好出色，外皮非常之香脆入面嫩滑到不得了。图中嘅系柠檬胡椒鸡翼，表皮有啲洒上调味粉，有淡淡的柠檬香同埋酸酸地可以中和炸嘢嘅油腻感。不过麻堡六月就唔再做了，以后都唔知去边度揾返啲咁好食嘅麻辣汉堡。希望之后佢哋会开返做堂食，一定会大大力支持！
继续阅读
同朋友行经青山道，见呢间汉堡包外卖店好多人帮衬，埋去睇menu有芫茜安格斯&和风酱烧鸡扒，未试过就各点一份食和风酱烧鸡扒汉堡>汉堡包成11cm直径几大个，包系先烘后再煎做到外脆内松软嘅效果；包体质感非常扎实带点咸香，包面洒满芝麻几唔错。鸡扒大件又厚肉份量十足，调味唔错煎得颇香惹味，和风酱带甜味，配料有生红洋葱和新鲜生菜和大片番茄芫荽安格斯牛肉汉堡>佢哋个芫荽酱做得几清新，芫荽味出得嚟唔会太抢，可以中和肉食嘅油腻感又能衬托出牛肉味。牛肉有少少膻味、口感𡁻落有啲韧汉堡套餐跟薯条加入美式香辣粉，辣辣地几过瘾嘅特饮我拣咗红菜头乳酸特饮，酸酸甜甜几好饮
继续阅读
之前同事提过想试下食麻堡，因为佢地有生酮汉堡，今日食晏就决定左食佢。去到舖头细细间，只做外卖，不设堂食。门口标示每日新鲜制造，听落都好吸引！而且佢地有好多唔同款式嘅创意汉堡，倒如小龙虾芝士汉堡，芫荽安格斯牛肉汉堡...佢每个汉堡都可以加钱跟餐，跟餐就有薯条同汽水，仲可以另外加加十蚊要佢地嘅特调饮品/冷泡茶，选择都好多。我地叫左蘑菇安格斯牛汉堡，墨西哥玛雅猪肉汉堡同生酮安格斯牛汉堡。比个建议大家可以先打电话去叫左先再自取，因为老板系即制，所以等嘅时间都会耐少少，如果唔想系咁热嘅天气系街等就可以咁做啦🤣蘑菇安格斯牛汉堡个牛肉食得出系手工制，因为旧肉好实吾似机整出黎会好散，牛嘅味道都重（我分开左咬旧肉），但调味方面可以稍为多小小，咁就会更好，因为佢地系会配茄膏，如果牛肉调味唔系好够就会比蕃茄味抢左，不过成个包好足料，食落都好满足！生酮面包口感好有趣，系用椰子粉杏仁粉代替，食埋口会有淡淡嘅椰子味。生酮面包虽然比较贵都比较细个，但食得健康啲都系值嘅。最后墨西哥玛雅猪肉汉堡，听个名以为会有墨西哥嘅野火味道，但同事就话有小头失望，因为无咩特别。
继续阅读
同女朋友下午茶谂住买个burger食 系门口睇紧个menu个时 个老板娘推介呢样个样 禁就听佢讲嗌左个小麻堡同手工安格斯burger !到俾钱个时 个老板娘就问要唔要转另外两个burger (因为个两个系贵d)我地话唔洗 然后就问不如加餐 好啦 听佢讲加左一个餐 然后又再问要唔要加个鸡粒小食 已经开始觉得烦 买个汉堡都左sell右sell！外卖黎讲 等得有啲耐 应该10-15分钟先讲个小麻堡 佢系又唔麻 又唔辣 (听个老板娘讲话食得麻辣既话可以嗌呢个 因为自家制) 系失望既 因为连谭仔10少辣都不如 再讲两个汉堡既牛 真系出事 无牛味都算 口感弹牙过鱼蛋唔讲都唔记得自己食紧牛堡🥲🥲 食左一半已经唔想食唯一赞既就系个包够脆口同大块 完！🥲
继续阅读
其实依间餐厅就系我公司附近，其实都睇过几次，但睇过啲食评又唔系好敢试，今日我男朋友竟然买咗，佢今日叫咗一个芝士牛肉汉堡，牛肉汉堡系手工打造嘅，不过佢嘅口感系偏向比较多肥肉，同埋中间有啲生，由于我男朋友唔食肥肉嘅关系，佢系食都反左胃嘅咁佢就拎返去间舖头度同佢讲啦，舖头就话重新整一份俾佢，但男朋友惊依然都系咁多肥肉所以转咗做鸡扒汉堡，一食竟然有惊喜，好食过牛肉，而且酱汁嘅味道都几丰富，份量亦都好大，比其他汉堡包系抵食嘅加咗$10要买炸薯条同埋可乐，个炸薯条简直就系出色啊，有啲类近麦当劳嘅扭扭薯条🍟，所以如果大家去食𠮶阵记得加$10要埋炸薯条，真系好鬼正
继续阅读