麺屋武蔵 (已結業)

反大學交論文出黎搵fd買衫出cwb 皇室堡咁肚餓食啦咁我話有間野唔錯又唔使行到一蘭佢話好黎到呢度都算易行佢叫左個麵最普通 白色 唔辣既我叫左個鰻魚飯本身以為麵屋得麵原來唔係有魚 有飯 有湯係好既美中不足係個湯有d凍同膩不過唔貴80蚊左右飯就有d太軟身 我就鍾意乾d既不過不失為幾好既選擇

今次去食可能因為六點左右，冇乜人所以唔洗等呢間拉面係我食過環境最好，湯底最用心，溏心蛋好正既一間！呢個係黑武骨，講正唔正之前，同大家分享下食拉面既技巧要知道個拉面湯底有冇味精，除左用食完會唔會口渴黎分辨之外仲可以試下個湯係咪會辣口既，因為味精過度加熱會苦而且有致癌物講番個黑武骨，佢個黑蒜油非常足料！好香而且唔覺得肥面質好彈牙，佢唔係好似豚王或者一蘭果隻幼面佢似味千拉面既面不過呢個好食好多，佢吸哂D湯汁，好掛得起個湯味！最正係隻蛋，個溏心蛋冰冰地加上少少熱湯一啖食落去，令我覺得好幸福哈哈呢個係赤武骨，其他野同上但個湯就好唔同，你明知個湯底都係豬骨但就完完全全係兩種味！呢個辣得黎有濃湯既香味我個人認為廚師係會將個湯同醬汁再煮煮先上碗因為我食到個面既心思！另外，$75蚊一個拉面我覺得好抵，相比其他拉面店，呢個價錢真係算平

成日去到皇室堡都見到啲食物好貴, 閒閒地都要70-80蚊一餐又唔係食得好飽, 所以平時睇完戲就即走. 今次同個好鍾意食拉麵的朋友去睇戲, 完場他見到呢間隱世係地庫的拉麵店就提議去食. 外面的佈置幾有風格, 但係明明假日晏晝時間就唔多人. 本身對呢間的食物質素信心不大, 因為好少拉麵店賣~60/碗價錢, 但係一打開menu, 就想把食物都叫下來. 可是, 說到底都是第一次食就叫了黑骨叉燒拉麵, 赤骨叉燒拉麵. 當麵來到的時候已聞到令人垂涎的香味; 看見橙黃色的溏心蛋, 逼不及待將它送入口中...啊!!!!超正!!!隻蛋好入味, 溏心做得剛好, 真係要狂比like 至於個麵, 麵的硬度適中, 麵質同個湯好夾, 麵掛住d湯, 麵味湯味一齊送入口入面, 一流!!!呢到真係拉麵的世外桃源

首先要再次謝謝U Magazine及麺屋武蔵的邀請, 是日能夠來到店方在銅鑼灣皇室堡的新店一試全新二刀流拉麵, 還試了店子的其他幾款小食, 實在是相當高興. 這裡的環境幾舒適, 擺位闊落, 在這裡吃麵, 比在小店吃麵來得更為享受.二刀流拉麵 $80: 8分, 先試的就是這次活動的重頭項目, 全新推出的二刀流拉麵. 先介紹一下甚麼是二刀流吧, 其實宮本武蔵最著名的刀法就是二天一流, 二刀流就是使用雙刀作戰, 達到戰勝對手這一目的. 這客二刀流拉麵, 就使用了兩根烤豚肋排來表達宮本武蔵的兩把刀豪邁的感覺.先試試烤豚肋排, 經過長達18小時低溫70℃慢煮之後, 熱辣辣上檯, 是很有BBQ的風味. 面層部份帶點焦香味, 相當惹味. 平日吃BBQ的時候或許會覺得肉質太乾, 但是日吃到的烤豚肋排就依然能夠保持充足的肉汁. 脂肪跟肉的比例很合宜, 實教人忍不住一口接一口的吃下去. 至於湯底方面是用上了特製雙重湯頭W Soup, 是由豚骨湯以及魚介湯結合而成, 當中豚骨湯的味道是比較濃, 如果魚介湯的鮮味能夠突出一點會更加好. 麵條方面就幾彈牙, 水準依舊. 要注意的是每天只限供應50碗, 有興趣的朋

今天是星期日要去皇室堡工作, 未開工前要先醫肚, 見到有日本拉麵, 名字有"武骨"這兩字, 令我聯想起豬骨湯底, 莫非這店出名濃郁既豬骨湯底??? 大約2pm去到都有8成滿座, 我們只是2人所以坐了bar枱前. 打開menu分了幾種湯底, "黑武骨(黑蒜豬骨)" / "白武骨(豬骨)" / "赤武骨(辣油豬骨)" / "咖哩" / "沾汁" / "蕃茄".... 餸菜全是豬肉, "豚角" / "豚肉片" / "义燒" (想食其他肉類既朋友就唔多適合去了) 見到相片每個湯底都好吸引, 尤其那塊大紫菜 (I LIKE), 好難決擇地揀了"黑武骨豚角" & "赤武骨义燒", 還有"炸日本甘薯條".  嘩, 實物同相片一樣好吸引, 先試朋友既"黑武骨豚角", 豚角好大舊好似扣肉, 湯底好黑好似好濃, 糖芯蛋好橙色好吸引, 好多大蔥 & 類似菠菜莖既菜...............第一時間試湯底..........蒜味唔強烈, 口感好油, 感覺係用好肥美既豬骨好煉製, (可能我expect黑蒜好似平時食蒜蓉咁強烈味, 所以這個對我來講唔夠蒜味, 或者黑蒜就是味偏淡?) 麵質係ok煙un既, 但真

一個人食飯, 真係唔知食咩好, 無奈我份工作, 偏偏大多數係自己一個人食Lunch. 所以食日本拉麵絶對係首選, 因為佢地有一個人空間既吧枱位, 一個人食飯, 都唔覺得有咩問題, 重要好多一個人陪你!呢間武藏麵屋, 其實我都食過好幾次, 真係幾好食, 所以值得推介一下. 雖然環境幾open, 唔似出面餐廳咁, 有大玻璃隔住出面, 但可能係商場下層, 所以感覺都幾好, 唔太迫, 內部裝修都幾靚, 好有日本武士感覺. 同我留意到, 呢個餐廳, 侍應, 廚師.. 大多員工都係男來的, 通常都係女侍應多, 但我感覺都唔錯, 比較健談同親切.我每次黎, 我都會叫先前未食過, 今次我叫佢門口餐牌上拉麵, <神山沾汁麵>, 眼睇以為唔係好多, 但食落一個人食, 真係好足夠. 呢間武藏既拉麵, 比其他拉麵店, 彈牙有口感一些, 上網睇過, 應該係他們自己師傅手打的, 所以食落分外有煙韌. <神山沾汁麵>個豚肉都幾大塊, 望落有少少燶, 但入口, 好軟, 咬幾啖就溶化了, 望見分明一層層, 但食落又唔肥膩, 真係好好食!個湯汁好濃郁豬骨湯味, 好好味, 不自覺麵都未食完,

來到皇室堡午餐，選了這間新開既拉麵店。一進店內，師傅製作過程清淅可見，態度看得岀來十分認真一坐下看見餐派上唯一的沾麵，就二話不說點了。本人自日本沖繩回來後對沾麵情有獨鐘，因此今次亦對沾麵抱有不少期望。神山沾汁麵Marks: 9.5/10食法是要把麵放進湯內, 沾湯汁食, 煙靭彈牙的拉麵配上香濃的沾汁真是一流！這樣的食法好處是，不會怕拉麵放得太奈，變得太淋沒口感，反之，每一啖我們都能沾一沾汁來吃，真是別有一番吃拉麵的風味和特色還配有一塊厚厚的豚角,起初還以為會是挺硬的，但一咬落口， 軟口鬆化，加上用上了袐製的醬汁，很入味。最後再用清湯混合剩下來濃濃的沾汁，不用浪費這用心研製的湯底，同時亦增加了飽肚感，很滿足很飽的一餐啊

近排食拉麵食到上癮, 約左老婆係銅鑼灣睇戲, 但又未夠鐘, 一條冷周圍行, 行到皇室堡, 差唔多下午茶時間,個肚又怪叫, 見到電梯個廣告牌, 指住地庫果層, 有間武骨外傳拉麵就入左去.一個人, 我自己揀左bar枱坐, 叫左一個黑外伝豚角麵, 同埋一個極上野菜沙律, 個麵比較特別, 黑麻麻既湯底, 賣相唔算太吸引, 但食落好香黑之麻味, 再加上豬骨湯既味道, 呢個配搭幾得意, 同一時間有兩種口感.個助肉好淋, 有少少入口會溶既感覺, 但肥肉比較多, 如果怕肥膩既就唔好成日食, 麵底都唔錯, 軟硬適中, 有咬口.極上野菜沙律係個醬汁帶酸, 炸過既蓮藕, 搭新鮮蔬菜, 感覺好清新, 又開胃, 最緊要食落肚有種健康既感覺.其實個麵底一個人都幾夠食, 不過坐下, 等下, 唔覺唔覺, 又清哂…

週末和朋友看戲前的午餐, 朋友選了到這兒來吃。在街上搭乘扶手電梯到地庫時, 已看見大大的招牌; 走入地庫後很快便找到, 十分方便。我們到埗時不用排隊, 真是走運! 二人都點了黑外伝豚角拉麵, 另追加义燒及野菜沙律分享。店內都是以武士為主題的裝飾頗有特色。野菜沙律是小人和朋友的大愛!! Y v Y 大量的沙律菜配以炸蓮藕片, 還綴以士多啤梨, 十分開胃, 二人不消一刻便吃光!主打的拉麵雖然湯味較淡; 反而麵質有咬口、豚角豐腴、加上辣蔥和紫菜也算不俗, 而义燒是腍而不散的, 看到店子門口有介紹此店的拉麵是朝日電視台總選第三名, 而沾麵是第一名的。下次必會試其沾麵呢!

麵屋武藏武骨外伝在開業前於Facebook有遊戲，每天頭五十名答中問題的參加者可獲贈拉麵一碗，近日沉迷抽獎的我當然把握機會，成功贏得兩碗拉麵，真幸運！ 但免費拉麵要求在指定日期、時間享用，能否試吃都得看緣份喇！十二時半到達，門外已有排隊的人龍，無論是免費吃的，還是真正光顧的都要等候，事關店內座無虛席喇！我們本來被安排坐在近入口處，旁邊就是等候的人龍，想到別人可以全程看着我們吃拉麵，私隱度欠奉，便要求坐在吧枱；店員有求必應，更換位置後，我們得以從透明度極高的開放式廚房飽覽整個拉麵製作的過程。原來一碗拉麵需要三至四位師傅分工處理，先由最左面的師傅負責煮麵，再由中間的師傅放配料，最右的師傅則負責湯底。每一回可以完成八碗，以當日全場滿座來說，速度不算高，我用餐期間更有食客追問拉麵何時來。當日第一天開業，我看到一位貌似大師傅的日本人在拉麵被端出時檢查每碗麵的質素，而我更有幸吃到一碗由他親自端給我的拉麵，真榮幸。整個拉麵製作十分認真，值得一讚。朋友吃了黑武骨叉燒拉麵，黑色的湯底很濃郁，最值得欣賞的是那片嫩嫩的叉燒，入味又好味。至於主角拉麵，朋友認為質感煙韌，不是他喜歡的感覺。我吃了赤武骨豚角拉麵

今日又三口子去銅鑼灣行街, 途中見有人派傳單, 原來有新店開, 傳單上還有優惠劵, 所以就入去一試.因為有小朋友, 我們慣常6點半就食晚夜, 可能太早, 所以店舖唔太多人. 入去到見到個餐牌, 覺得跟LCX 虎洞有點相似, 一問之下, 原來銅鑼灣是新分店來的, 真的太好了, 對我黎講, 銅鑼灣比尖沙咀來得方便多.知道是同一間後, 我和老公決定叫未試過食物. 我地今次叫了”神山沾汁麵”, “黑外伝豚角”, “極上野菜沙津”, “子持白魚天婦羅”, “白桃紅柚特飲”, “黑糖炭燒咖啡”.“神山沾汁麵”, 係要將個麵放入個湯, 沾湯汁食, 並不是平時湯跟麵一齊上. 我覺得對我黎講, 呢個沾汁麵真的幾好, 因為唔怕放得太耐, 而令到個麵底浸到又淋又糊. 就算放涼了, 還可以保留麵本身煙靭彈牙口感. 沾汁湯帶有好濃好香豬骨湯味, 跟個麵一起食, 真係好夾. 還有佢個勁厚豚角,見佢邊有點黑黑,以為會好硬, 但食落口, 軟口鬆化的, 真係好好味. 因為我要照顧小朋友, 所以個麵食得比較耐, 侍應重主動幫我換碗熱湯給我, 真的很好.我老公就叫了黑外伝豚角, 碗麵一來到, 我地反應都係, 咁黑既, 我第

米妮之前係某社交網站玩遊戲中獎，於是就同米奇一齊去食呢個新開張的麺屋武蔵！其實中獎的人都有500個，但實際出席的人應該遠少於中獎人數，因為米妮望下個list有好多人都冇到！店內坐位不多，環境較為開揚。值得一提係別出心裁的menu，因為皇室堡呢間的"主題"係武骨外伝，所以封面用左日本武士作為主題，除此以外，D拉麵湯底都係用"外伝"為題。米妮揀左豚角黑外伝，豚角超級肥，望落去肥油的份量仲多過肉！食落D肥油又無想像中咁嘔心，雖然個樣有D似東坡肉，但豚角的肥油反而有D彈牙，同埋好入味香口，但係米妮都實在唔敢食咁多！個黑蒜油湯底聞落幾香，但對米妮呢個"蒜痴"係有少少失望，因為食落個蒜味唔算好突出。同埋個湯底真係偏油左少少。拉麵彈牙，值得一贊！糖心蛋有經過鹵水，好入味，個蛋黃米妮一望見就流晒口水米奇果碗係叉燒白外伝，叉燒望落清淡，食落都清淡。反而個湯底唔錯，因為湯底偏濃味，浸下個叉燒就好好食！另外，值得一贊的是店員及店長的服務態度，佢地絕無因為米妮同米奇係免費黎食就敷衍我地！Good！