麵麵店 (太古城中心) (已結業)

面面店，太古城的唯一车仔面店。坐落太古城美食中心内，自助形式点餐。每一次都拣大杂烩面，贪方便唔洗谂，有麻辣莲藕，咖哩鱼蛋，猪红，猪皮，猪耳，牛腩，萝卜，卤水鸡中翼。味道算不过不失。…查看更多

食物唔得，员工态度极差。下午茶时段去都冇客，完全冇招呼，所有嘢都叫我自己拎我叫三份蔬菜，佢就好嚣张㖞你食斋嘅，我心谂关佢咩事，非常态度恶劣，唔识尊重人，永远唔会再帮衬。…查看更多

香港人日常午餐少不免会谂起车仔面，呢日行到嚟太古见到入边有个food Court，门面就见到有小仪招牌嘅舖头一睇就知系佢间面面店一系唔食一食就梗系试佢个招牌杂烩面。进店范围后用自动购票机落单，凭飞仔过去面档拎野食。⚑⚐゛招牌杂烩面 $63麻辣莲藕、咖哩鱼蛋、猪红、猪耳、猪皮、牛腩、萝卜、卤水鸡中翼，一共有八个𩠌。食得出鸡翼系预先有腌过嘅卤水汁，几入味。其他食材则不过不失，而萝卜亦煮得够淋。汤底本身比较辣，再配合麻辣莲藕越食越滋味，但同时都越食越辣。⚑⚐゛冻紫贝天葵 +$7反而想讲紫贝天葵唔错，饮得出好真材实料，虽然系冻饮但无另外加冰，味道好浓郁 ，亦唔会太甜 。…查看更多

第一次帮衬，买咗飞行埋去，我同个男员工讲要猪皮萝白鱼蛋。「叫咗面先，好冇呀？」佢咁样讲。很冇礼貌。我嗌嘢唔该前唔该后，只系平时少食车仔面，又第一次帮衬呢间，唔知要嗌面先，洗唔洗咁串，我即刻黑晒面挖住佢、咩心情都冇晒。虽然好少事，但买个车仔面食，为咩要受气，好似我做咗咩为难佢咁。所以以后不会帮衬，而且都会叫朋友唔好帮衬，免得受气。食物质素都不好，萝白假甜，鱼蛋猪皮普通，汤底太咸，不过四五十蚊可以接受。只系态度太差，当时个员工如果讲多一句冇礼貌嘅嘢，就即刻会走。唔想无端受气嘅话，不要帮衬！…查看更多

我嗌左三𩠌。个店员无乜礼貌都算喇⋯⋯汤底咸，所有𩠌都得咸味，萝卜假甜，丸都可以唔好食，真系无办法唯一可以开心入口嘅只系冻乌龙茶⋯⋯因为饮完可以好好冲淡口中嘅咸味⋯⋯…查看更多