麵麵店 (已結業)

單看門面，還以為是korean style的麵店，lahris就一直想着炸醬麵，如果有的話，也會一試，但這裡就只有車仔麵 撈麵和特色飯晚上七點半，入座率大約八成，我們三人一坐就三小時了這裡的配料一律以8蚊一款，由於選擇太多，我們三個女仔也花了10分鐘才疊埋心水揀四餸麵配以豆漿，哈哈，揀了四餸麵，又要再揀四款配料（總共七七四十九個選擇，也太巧了吧）好不容易我選了這個酸齋沙葛餃豬爽肉墨魚卷，湯底選了較特別的薑酒味，配讚岐烏冬一流，酸齋是必試，介乎脆身和煙韌之間，如果帶老人家來試，可能要特別要求煮稔一點豬爽肉算是爽口，連住厚厚的豬皮，食落的感覺就好似o趙橡皮糖一樣，只為豐富的骨膠原，同樣推介墨魚卷，和一般魚肉春卷不一樣，這裡的墨魚肉香好多，而且實好多，墨魚碎粒好彈牙，外面的腐皮新鮮炸過，正! 最後就是我第一次食的沙葛餃，沙葛超清甜，lahris也只愛沙葛，不愛粉葛，這餃子size也挺大，有3隻，我讚餃子好味，店員呀姨一臉自信，說廚房調味，而她就負責包餃，每日包2轉，每次120隻，大約需時一小時，材料極新鮮，有豬肉和冬菇粒另外，薑酒湯底薑味好香，唔辣，若然酒味可以再多一點就完美啦!熱豆漿豆味濃

構思「為阿b寫夠100篇」食評時，心入面有一堆食肆係決定一定要包括在內的，小儀有份既「麵麵店」就係其中一間。趁平日覆完診..同阿B行完海運睇BB野之後..就行過廟街「麵麵店」順便當散下步..平日關係..所以人不算多..入內裝修感覺有點台灣feel..坐下叫了四餸一麵套餐..送一杯豆漿或山渣冰..我大肚唔食得山渣呀..那就揀豆漿啦..之前係小儀'肥卜'經常見到佢推薦'麻辣蓮藕'和'酸齋'..當然一定要試試啦..另外我點了'鳳爪'和'豬爽肉'..配米線..嘩..一上檯第一反應..好大碗而且好多餸..一向車仔麵感覺..餸都是比較孤寒..我都是第一次嫌餸多^^酸齋4件..我第一次吃車仔麵加酸齋，想不到出奇地夾，就咁夾起有點硬，一定要浸進湯內才吃，味道是完全沒想過的吸引。麻辣蓮藕真的很好味，可能因我喜歡麻辣的香，而且蓮藕帶爽，完全是我杯茶，有點後悔應該叫多份嘛。鳳爪完全想不到一份竟然有三隻之多，醃得入味又夠淋，好味。豬爽肉本身我根本就不知豬爽肉是什麼，不過吃進口就是又爽又入味囉^^膚淺的我覺得好味和份量都不少呀。基本上今次試的四款餸都值得再叫，而且每樣份量真的不少，如果是大人帶小朋友去，真的一碗

一直知道小儀做事一絲不苟，對食物有要求，相信佢打理的車仔麵店會食得很放心。今次到來要了三碗包括粗麵、油麵及河粉。而餸方面就選豬心、豬腸、牛腩、蘿蔔、酸齋、沙葛餃、鹵水蛋、腩肉片、時菜。好耐冇食過豬心，爽口入味冇得彈，酸齋新鮮酸度剛好，沙葛餃爽甜，牛腩腩肉片夠肥夠腍，其他亦做好本份。值得一提係薑酒湯底好特別，食落好舒服，友人飲晒成碗湯也沒有口乾。最可惜我不懂辣，相信佢嘅麻辣蓮藕會更精彩。姍姍來遲的炸鯪魚球配上蜆介醬，落單才新鮮炸起，鹹香脆口。$40 一碗四餸車仔麵，足料又美味，今時今日香港地，去邊度搵？

午餐因為吃得比較奢侈，晚上便打算來個平民化的晚餐來平衡一下荷包。因為要去上海街找一些日式餐具，順道又逛了一下果欄，入貨完畢後，想起了小儀的車仔麵店就在佐敦附近，便從油麻地慢慢散步過去。接近19:00來到，雖然門外沒有出現人龍，但店內已經接近滿座。我們坐在近門口的長餐桌位置，放下行李，此時才有空慢慢打量店內的裝潢。該店走型格路線，門面一身的黑，店內也是黑白和木製餐桌為主。抬頭望見天花的吊燈和一排排的鐵罩燈泡，牆上只有用黑色框表起的食物相，沒有其他多餘的裝飾。比較有趣的，是在入口處牆角上的閉路電視旁發現了一隻黑色的大烏鴉擺飾，就像監守着每個客人都不准走數一樣，非常搞鬼。此店開業大約兩年，但見店外玻璃窗卻寫着「創於壹玖玖捌年」，不禁有點好奇。後來才知道「麵麵店」其實是老店，本身位於佐敦白加士街附近，後來因為租金壓力而面對經營困難，聽說身為該店熟客的小儀得知此事後，便向老闆提議與朋友入股，將舊店搬遷翻新，促成了現時全新的「麵麵店」。新店除了沿用原來的店名，其他包括裝修、菜式種類、湯底等方面都加入了許多新元素，裡裡外外將傳統又沈悶的車仔麵店打造成潮店，令人耳目一新。店內餐牌選擇頗多，除了自選車仔

平日經過這店, 由於看見價錢很貴, 所以從沒有幚襯過.由於看到小儀介紹, 便初作嘗試.一進去, 如一般麵店, 坐位頗迫, 好像有小許裝修.看看餐牌, $10個麵, $8個餸, 不便宜. 心想, 出名好食也算可以.  點了個2餸麵(牛腩及菜).  等了一陣, 見到待應拿來一個不大的碗, 一看之下怎麼來一碗"湯", 我沒有叫湯呀!再用筷子"了""了", 有數條粉, 有些小菜和肉. 菜的分量比伴碟的還小, 菜是黃的, 應該是一早"陸"定, 連一般麵檔也不如. 至於牛腩, 有3件, 2件SIZE約一粒骰子大, 其中一件超過一半是肥榚, 至於還有一件, SIZE大小小, 但是是血管來, 不是肉, 不能吃的. 同友人分享下, 只有半粒骰子的"面青青"的牛腩, 實在食不出什麼味道來!至於粉, 是可以. 湯是沙嗲湯, 只有辣味, 附近有很多平很多, 又好味的店舖!吃完後仍感到很肚餓, 於是同友人馬上找麥記食了個餐!

做完一星期一次既瑜珈之後 麻甩佬同我去食晚飯 近近地 所以去食小儀間麵麵店 做完運動食飯 一定會好肥由於已經9點 店內已經唔係好多人 可能做完運動唔係好肚餓 所以我叫車仔麵 而麻甩佬就叫晚餐 車仔麵餸有好多選擇 除左大路既魚旦豬皮蘿蔔 有d出面會較為少 鴨腎 沙葛餃 魚肉春卷 我地仲叫左店內熱賣-瑞士汁雞鎚4餸車仔麵餐-我㨂咗酸齋鴨腎豬耳蘿蔔油麵清湯底 湯底話就話清湯 但好咸 好濃 食食下已經覺得好口乾 應該有唔少味精 酸齋好硬 好似未發得好 鴨腎同蘿蔔 呢兩款就普通 冇咩特別 起碼蘿蔔係冇渣 不過整體較為失望 晚餐雞排餐- 因為冇哂薑蔥 店員幫我地轉左做豉油汁 雞排就唔錯 都好乾身同脆邊 札肉都好爽 跟餐既沙律就冇咩特驚喜 有蘋果蛋黃 豆腐一飲就知道係自家整 冇豆味 唔知係現醒豆漿定開粉雞鎚-店員話要即整 所以要需時 雞鎚都好上色 聞到好香瑞士汁味 不過入面就唔入味 冇咩味道整體真係失望 同我第一次初初開張時好大分別 水準大降 希望小儀會巡下鋪 令食物水準質素提升 \

麵麵店, 成為最近一去再去的車仔麵店好像很久沒試過點食物可以點得那樣安心因為每樣食物都好食, 甚至有驚喜第一次點的魯肉飯已經覺得相當足料隨餐送的豆漿又夠大杯更勝一籌是車仔麵多選擇, 又把傳統的餸做得好新創的又別具心思, 如麻辣系列幾款湯底都要試, 配粉絲更是妙絕記得加枱上免費提供的菜甫香辣令湯底更出色還有要試煎釀三寶試過點尖椒辣到流眼淚!這裡經常擠滿人, 絕對是有原因的

同事們想叫下午茶, 想起呢間麵麵店既碗仔翅, 上次食過都幾好味,佢分幾種, 其中一個係足料碗仔翅, 入面真係足料d, 唔會淨係得水. 所以今次想返頭. 由於上次唔係我落單, 所以同事話聽電話個阿姐無禮貌, 我都不以為然.... 今次我終於深深的感受到了!!!我喺落單時間順便問埋總數, 好讓預備零錢, 誰知阿姐話: 我依家計唔到架喎, 你咁想知就轉頭打黎囉!10分鐘後我打去, 阿姐同頭先一樣咁唔好態度, 講左個價錢3xx; 其實態度唔好我都唔係好理, 但個總數同我自己計到既差幾十蚊, 所以我就問吓佢, 誰知佢勁大聲話: 你有無個價錢表架??唔知頭唔知路! 我答: 我手上係2014價目表喎. 然後佢話, 我d單入左, 睇唔到對唔到喎, 你咁想知就轉頭打黎啦!如是者, 我又過一陣打比佢, 同佢每個項目對, 原來佢落錯單, (或者我照住讀都讀錯啦), ANYWAY, 佢叫我轉頭打去, 話我搞到佢要計多次囉!!!一陣之後佢打比我, 佢講個數又錯!!! 唉, 想點呀?? 佢仲要態度好惡劣, 好似我唔啱咁, 我幫襯你, 仲要我受氣? 哈! 真係好笑!!!!!!!! 最後終於計啱, 我想講,

行開佐敦買野，路過廟街，見到噫！呢間咪小儀介紹個間車仔麵，二話不說就入左去啦！入到去，發覺原來唔係淨係得車仔麵賣，不過第一次黎到緊係食招牌中既招牌先啦！叫左四個餸，分別係咖哩魚蛋、牛腩、牛膀同豬爽肉配河粉加一杯豆漿。原本想叫韮菜餃，但冇。見到有牛肺同牛膀叫，但我分唔清邊隻打邊隻，所以叫左牛膀。咖哩魚蛋唔係彈牙個種，咬落魚蛋味濃，唔錯！牛腩又多又腍又入味，都相當唔錯！叫錯叫左牛膀，本身唔太鐘意食，但食得出呢度既牛膀確係唔錯，有咬口洗得又乾淨！豬爽肉即係豬頭肉，呢度竟然都有得叫，未必個個鐘意，但岩晒我！河粉係半透明個種，硬身少少(只係少少)，好過純白色個俊既！本身湯底已經好夠味，落埋沙嗲汁同辣椒油，又香又辣，正！豆漿就唔太凍涼涼地，正正常常咁啦！至於小儀推介既勁辣菜甫，唔算勁辣，但勁香勁好味囉！再加上佢既裝修，乾淨又坐得舒服，實在值得一黎再黎！可惜相影得太少，只能齋吹！

今日行開尖咀，咁就順便行過一個站黎到小儀開嘅呢間車仔面啦，不過七點幾坐到八點幾都未full.叫四個餸有豆漿送，不過唔想飲，所以叫左三個餸。豬紅正常味道，腩肉都好食，不過如果肥小小就更好，墨魚卷都彈牙，出面好少食到呢樣餸。叫左檬粉，車仔面有檬粉，係我太out定佢太in?不過好好食呀，清湯個湯底原來係雞湯，好好味，不過食左辣菜蒲就冇雞湯味了，菜蒲冇想像中咁辣，不過好惹味。值得一落。總括黎講都好食，不過朋友話，車仔面冇可能整得難食喎，係咩，哈哈

本來外賣（已付款），後想更改堂食，所以查問可否轉堂食。收銀員態度已很不友善去查看，本人則等侯回覆。怎知道那人就竟破口責怪我不找位子座令到她寫不到枱號，她都沒有回覆我，我何來找位置？還繼續和其他客戶説我擾亂了她的單？這樣的服務態度是現今我們要面對的嗎？既不只這樣，湯底的味道非常淡。我記得以往在舊店食也不是這樣，菜圃也是必選, 但現在連菜圃的味道也只有辣。

晚餐想食餐簡簡單單的麵食，諗起左小儀的車仔麵店，就去試下啦 ，地方細細，都坐滿人，好彩我地1900倒到，唔使等位 ，我叫左個撈面套餐，老公叫左四餸車仔面套餐，腩肉有別於一般制作，大大塊都幾好味，豬大腸亦軟硬適中，有咬口，整體上車仔麵看起來比傳統的乾淨同整齊，不過對於我地嗜辣一族，就略嫌唔夠辣，好彩有樽美味的辣菜脯，咁就可以鍾意食幾辣有幾辣啦 。反而對佢的麻辣豬排撈麵印象深刻，是同車仔麵一樣可以簡麵底的，我地今次簡左幼麵 HK$40套餐價連豆漿 （下次會試下酸梅湯）四餸車仔麵套餐則HK$42連飲品，令外見餐牌上仲有台式飯，以食物的質素同配搭心思，平均價40幾蚊一個套餐來講，真係幾抵，呢到已列入我飯堂之一了

 這間就是 903 DJ 阮小儀有份開的: 麵麵店 內在的環境不錯, 地方尚算接受,我去的時候是下午,有提供午餐系列, 或車仔麵 以及其他小食等等,我點了一個自選四餸的車仔麵,有: 魚皮餃, 枝竹, 豬紅, 鹵水蛋味道真的不錯, 足料: 魚皮餃 好好食, 好多枝竹, 有豬紅 x 7, 鹵水蛋原整一隻配一杯豆漿 :-)但我叫的米粉卻來了米線, 以及 店員期間要求我和我的一位朋友調位( 因繁忙時段, 我們兩人要轉檯 給即將進來的四位客人 )但店員的語氣差劣, 並帶點呼喝, 叫我們: 坐過另外一邊啦 !我與朋友二人立刻呆了,心情真的有一點受影響 ...但整體來說, 味道 環境不錯 價錢大眾化加上個人而言, 不算太難去到, 值得出去

我承認最初有興趣來試試全因為那可愛的 DJ 小儀有份開這店不過從第二次開始到很久之後的現在已變成因這兒的食物美味從而久不久便吸我過來* 不過也要看彩數看看當晚會否被分配一些邊位仍帶點脆身的, 如果有就完美了

麵麵店聞說了這小小店子的車仔麵是由誰誰開設的, 直覺教我想試試“為食” 的我自然會好奇來試一試, 剛巧這晚在附近找小吃店子小小的, 枱槕都是木製的, 進入一看感覺簡潔蘿蔔蝦丸米線車仔麵吧, 沒有什麼特別烹飪過的食材, 勝在人流幫助了食材保持新鮮豆漿在吃車仔麵時總會聯想到豆漿就是最匹配的飲品, 可能晚了, 沒有熱的只有凍豆漿味道是可以的但不夠濃豆味, 算吧, 這不是專做豆漿的店舖青菜滷蛋腐竹米線每款配料都不錯, 不過不失不過就是不會令人再回味的一般食材吧店子內座位小小, 是有點擠迫感所以宜快吃完就走了