影片
营业时间
今日营业
11:30 - 23:00
星期一至五
11:30 - 23:00
星期六至日
12:00 - 23:00
公众假期
11:30 - 23:00
公众假期前夕
11:30 - 23:00
以上资料只供参考，请与餐厅确认详情
呢排心血来潮去咗面馆皇试吓佢嘅刀削面，一入到去已经闻到阵阵药膳香，真系好开胃！首先讲讲佢嘅皇牌「成年人不作选择刀削面」，个名都几搞笑，不过食落真系几过瘾！个药膳汤底熬得好有深度，唔会死咸，有阵阵当归同杞子嘅香，好香醇。个汤饮落去暖笠笠，啲配料都系重量级，三款肉类全部都煮到入味，尤其系个猪软骨，质地烂溶溶又唔会太面，咬落去仲有胶质，好正！至于只鸡肉同牛肩脊都系火候适中，软嫩多汁。最重要系个刀削面，啲面条厚薄啱啱好，韧度十足，好有嚼劲。另外仲试咗个麻辣牛展芫荽刀削面，辣度适中，麻香味够晒，配埋啲牛展同芫荽，香辣味层次丰富。牛展片薄身嫩滑，唔会太韧，好易食。啲面条吸晒啲汤汁，食落去层次感好丰富。最后讲吓佢嘅宫廷煎韭菜云吞，真系一绝！外皮煎到金黄香脆，里面嘅馅料系韭菜同猪肉，味道层次丰富，肉嫩多汁，韭菜清香够晒味，仲要唔会太韧。个煎法好专业，外脆内软，蘸埋啲特制豉油面馆皇啲嘢食份量十足，价钱合理，最重要系啲嘢食够水准，个个都系有诚意之作，绝对值得再去！
继续阅读
今日黎到铜锣湾 去咗登龙街揾嘢食 见到呢间 面馆皇 门口睇到餐牌见到口水鸡好吸引🤩 即刻决定要入去食～ 入去坐低睇睇餐牌 见到有期间限定嘅夏日之拌面 即刻要捉紧夏天嘅尾巴😗 决定叫一个嚟试吓😬 四大名醋之镇江骨镇江骨劲香醋味 啲肉煮得好腍 劲易起骨😍 酸酸甜甜劲开胃👍🏻 藤椒麻酱拌面主角黎啦😍 一上枱时超香藤椒同埋麻酱味！面底拣咗拉面 煮得啱啱好 烟靭有咬口 酱料劲足够 捞晒成个面 好夹好好食 大推👍🏻 温馨提示：辣度好足够🌶️ 怕辣可以试小辣先🤣 秘制麻辣口水鸡 口水鸡劲大份 仲要系鸡髀位 超吸引😍 味道好足 鸡肉滑 必点！拣左手擀面 条条形状都唔同 薄薄一片 吸埋啲汤汁 仲要用砂锅上 食到最后啲汤仲系热辣辣😋 香酥炸小云吞跟餐加咗个小食～ 超迷你嘅云吞仔😬 食落香脆唔油腻 不错😌 葱油饼大推！呢个葱油饼劲出色🤤 建议一定要加鸡蛋！煎得金黄香脆 加埋蛋香 一定要衬热食！ 整体嚟讲 呢间 面馆皇 食物质素不错 店员服务态度好 一定会再嚟食佢嘅葱油饼同埋拌面😋
继续阅读
成9点半，要食野当然要去返小店。过返嚟地铁站附近近Times Square嘅登龙街揾吓有咩食。嚟咗呢间食面嘅，入边有人食应该OK啩。点知… 呢间既汤，味精有点重，食完过左一阵要饮可乐。豆腐话系手打，texture 系比出面杰，但系无豆味，又好似有少少将咁，唔似成杯都系用黄豆做咁。野食好hae，个鱼就咁淋汁，其实唔系要啲咩好贵贵嘢，但好似乱整咁；个糖醋排骨，系猪软骨嘅味道同质感。另外加咗小食系北京饺子，味道几好，不过个皮就非常厚🫣。
继续阅读
#20250314 🤍📍 #面馆皇 铜锣湾登龙街32号地舖 🍽️新蒲岗爵禄街39-41号地下B1号舖➖➖➖➖➖➖➖➖➖➖➖➖➖➖➖➖➖#成年人不作选择 $80 🥢 #芫荽刀削面 +$5💭 会尼呢度绝对系比ig啲成锅芫荽既相吸引左🤩所以上到枱发现无芫荽系有啲失望，唔知要加钱定点先有🤔不过个芫荽刀削面食落的确系重荽味，芫荽控不得不试🌿𩠌有齐晒鸡、牛、猪，最正系个牛颈脊，薄身但极重牛味，食唔到咁多就咁叫一个𩠌都一定要叫牛🐮汤底都唔多推荐，虽然话系药膳但比啲鸡油遮盖晒，如果为汤底食就唔建议～. #药膳灌汤面 #花雕醉鸡 #年糕 $69💭 要试汤底又想鸡可以试呢个醉鸡，汤底既药材味好浓郁，饮两三啖已经feel到个身系由入面暖出尼🍲亦都系第一次食呢啲面可以拣年糕，京式味好重，虽然睇好似唔系好多，但其实十分之饱😮💨醉鸡啲肉质系结实，不过略嫌唔够入味，要一路食一路点啲汁先得，入味啲应该会好味啲🐔. 🥢 #蒸鲜肉北京水饺 #两粒 +$12 💭 只饺系好典型京式锅贴果只款，个馅都系纯肉无菜，咬开无话爆晒汁咁但都有啲汤汁，味道正正常常啦，佢厚皮而且大粒其实都几容易填饱个肚，想留肚试多款野就可以skip左佢啦🥟.#冻即磨豆浆 $9💭 呢个系名符其实既豆「浆」，个质地系可以用杰身尼形容，同平时饮到果啲水状既好唔同，系略嫌有啲过甜，饮唔到豆香浪费左🥛
继续阅读
登龙街呢间刀削面已经喺度多年，都屹立不倒！以前喺铜锣湾返工嘅时候好钟意黎呢度食嘢，不过已经好耐冇嚟过，但系食物嘅水准依然高质，而且价钱好实惠咖喱猪扒肉线刀削面 $67咖喱猪扒嘅味道头刀削面嘅味道一样都好浓，所以佢分开咗上药膳刀削面嘅味道好浓，而且石锅上，冬天真系好需要食番煲暖粒粒嘅野！ 猪扒嘅份量都几多，而且肉质弹牙！特级手切牛颈脊太子汤拉面 $76太子汤有少少似麻辣汤底，而且带有少少蒜香同好轻微嘅药材味，钟意食麻辣又有少少怕药膳𠮶种味道嘅朋友可以试吓呢个汤底！牛颈脊片嘅数量都几多，有少少打边炉嘅感觉但系牛味好浓，虽然太子汤底嘅味道都浓，但系又唔会盖过咗牛嘅味道太子鸡翼五只 $36一开头我以为太子鸡极都会系麻辣味道嘅，但系佢唔系嘅，佢系外皮超脆嘅炸鸡翼。鸡翼好入味，而且咬落仲有好多鸡汁流出嚟！另外仲叫咗嘢饮，个豆浆几特别，比平时出边饮到𠮶啲杰身少少，而且仲好浓豆味！
继续阅读