麵飽王快餐餅店

营业中

休息中

從美孚去荔枝角公園行經小店，早餐時間冷氣適中店舖清潔，有電視睇，還有近排大熱大光麵！D餐沙嗲牛麵家常煮法，不是太濃烈一種，可以飲少少湯，味道幾好。下次可以試午餐炒粉麵飯！

好耐無寫過「我的星期六美孚早餐」系列，都應該隔咗大半年有多，皆因寫得八八九九，無試新店就費事寫。有朝幫襯居所附近嘅「麵飽王快餐餅店」，心血來潮又想寫吓，翻睇記錄，原來對上一次個食評已經喺3年前嘅事 。環境上，全無任何改變，一樣嘅枱，一樣嘅櫈，只喺牆上嘅「菜牌」底紙，由螢光黃變成螢光橙。幾塊掛晌牆上70、80年代嘅Vita贊助白膠板，仍然擔起佢哋嘅歷史任務 。當出面成日講點樣競爭大，要不斷求變，晌依度喺不變應萬變，3年前嘅早餐ABCD，3年後嘅早餐一樣都喺嗰4款ABCD 。 早餐A $25睇啲款式就知，佢哋嘅早餐喺好大路、好傳統嘅組合，我嘅早餐A，火腿通粉、西煎雙蛋，配熱奶茶，清淡嘅火腿通粉，煎過籠嘅西煎雙蛋，不過不失嘅熱奶茶，食嘅只喺一份懷舊嘅「味道」。老婆一向講健康多過我，但今次佢竟然揀公仔麵餐，認真少有，其實，公仔麵餐（$28）比早餐（$25）仲要貴。 五香肉丁蛋麵餐 $28正想搵吓啲五香肉丁喺邊，阿姐一句話晌晒下底，唔知喺恍然大悟，抑或喺估佢唔到嘅感覺。個公仔麵同樣普普通通，三幾粒五香肉丁跟一隻煎蛋，只喺喜歡佢加咗啲菜心而已。對照兩次嘅食評，「麵飽王」真喺絕對無變過，環

雖然家住附近，但就麻麻哋鍾意幫襯依間「麵飽王」，住咁耐都只係幫襯過兩次，因為佢雖身為茶餐廳，但食物得好少選擇，主要只做屋苑內街坊生意，極少街外客，而且一早收鋪唔做晚市，真係做夠就算嗰款。除咗少選擇之餘，質素亦普普通通，太太話試過一次返工前幫襯佢買個菠蘿包，跟住無下次喇！今次晨朝早走去幫襯，就係第二次喇，事緣依朝出發去旅行，就晌「麵飽王」搞掂就算，無謂晌屋企嘥時間整。因為都仲好早，茶客唔多，個個客各自坐一張枱，佢哋一係刨報紙，一係睇電視播新聞，好寧靜嘅茶餐廳，最有人聲應該係我哋兩公婆喇！早餐只有4款，款款$20，全部配茶啡：A：火腿通粉、西煎雙蛋B：雪菜肉絲米、火腿三文治C：牛油多士、火腿腸仔雙蛋D：沙爹牛肉麵、火腿煎蛋4款西式早餐都係傳統至極嘅組合，絕無花巧嘢，相信佢哋十年都無變呀！Vita贊助嘅掛牆白膠板、全綠色嘅膠碟、厚身闊口茶杯……仲係有種80年代嘅感覺。餐廳黐住隔離個屋苑仲係第一代居屋嚟添，樓齡都過晒三十，相信依個麵飽王都晌度打躉咗唔少年。我哋兩個都係揀早餐D，因為比較鍾意食沙爹牛肉，亦都係轉食通粉，貪佢可以連湯汁吮埋入口，不過我要奶茶，太太要檸水。人客少，自然話咁快整好有得食

前排上落醫院先路經此地, 見到有間茶餐廳, 有次就特登行上去食早餐, 想試試佢柸奶茶得唔得, 感覺茶味淡一些但都可接受的~ 十蚊一柸算低啦~ 菠蘿包/包類都是外面來貨的 .... 菠蘿包$4 ... 雖然外皮唔係脆 , 但整個包味道&質感都ok播~ 另外佢個麵餐$23/ea, 餐牛麵, 幾好食~ 有家庭 feel 的茶餐廳! 吸引我有時間會行上去幫襯~

發現清麗苑有一間咁神秘的街坊店後, 早起床的今天, 當行晨運, 走來看個究竟.簡單的小店, 只能服務清麗苑, 這個商場實在太"山卡拉" 了. 基本上, 只有清麗苑居民或我呢D無聊過客, 才會就此用餐. 不過, 這是通往西鐵站的必經之路, 早上6、7、8點, 必定stop到不少返工人士, 買早餐. 畢竟從這裡行出美孚也要一段路.簡單的快餐廳Feel, 旱餐叫了一個火腿通粉, 煎雙蛋. 雙蛋內心半熔, 加點豉油, 份外美味. 腿通, 雞精湯底盡顯快餐店風格.美味求於野, 在這樣的偏遠孤島式商場, 能夠只靠一個小居屋屋苑維生, 實有其生存方式, 當然, 要令人日日都要食, 雖然是獨市生意, 但感覺絕不馬虎.