麵屋丸京

营业中

休息中

黎葵芳除左入葵廣之外，有無諗過附近其實有隱世拉麵食呢？今日我反傳統，為左碗拉麵店而入黎葵芳。香港既二郎系拉麵，除左混亂拉麵之外，呢間就係第二間，好似係頭盔定先。所以就算係毒自一人，都要入黎試佢。一如以往，食開最重口味果隻：濃厚豚骨。先講味精測試，2點幾食完到4點鬆，都仲未覺得口渴，明明葵廣咁多野飲可以買。 而豚骨湯底偏咸，淡口味朋友，包括高登拉麵post都有人話咸得濟。問題來源唔肯定係湯頭(因為醬油原味係另一煲)抑或背脂度。而我個人就覺得頭半段食得好舒服，因為豚骨唔算好濃，未至於杰到唔知點飲 (有d人係唔鐘意bb ramen最濃)。後半段食就加左枱上面支醋，鰹魚乾醋？好似係，中和番後越食越過癮，不妨早d落。而麵質無得揀，用上左幼身麵，但唔太掛到湯。好事既係麵質偏硬，影完相都仲keep到。蛋方面略為遜色，味醂既味太重，重既程度係仲濃過tetsu，當然我接受唔代表大眾接受，而且流心度一定唔係第一檔既蛋。重點黎啦，五定係六大片擺成花狀既叉燒 二郎系拉麵既特點就係大份，兼且重口味 我見到第一時間聯想起一燈既叉燒，當然我未食過一燈我答你唔到個叉別(叉燒既分別)係邊。但呢個睇落唔係太肥既叉燒，食落

上星期同Mr.K去完葵芳上完銀介指工作坊，放學都已經近六點，知道附近有間日本人開的拉麵店，住附近的朋友都一致讚好，說性價比非常高云云，決定去試一試先。店子不大，坐滿也不過十人，星期天加上未到晚餐繁忙時間，沒太多客人等待，不用等位的感覺實在好。店內拉麵有六款選擇，且沒有煎餃子等小食提供，一心做好拉麵的心非常明顯，定價而最平的只是$58起，與平時動輒近百元的拉麵來比，價錢已平了一截。湯底有分清湯豚骨及濃厚豚骨兩款，可以揀走豚背脂，但店員卻不主張走油，說這個是湯底的靈魂也。點了濃厚豚骨W叉燒拉麵 加 半熟蛋 ($73+10)叉燒鋪滿拉麵湯碗足足一圈，加上已開邊的半熟蛋，直覺幾大份量同埋未食已有點膩。叉燒是用慢煮處理，油脂不多加上薄切的關係所以入口不覺得太膩反而覺得幾嫩滑，有入口即溶的感覺，正！半熟蛋味淋味偏重，流心度尚好，個人會期望再流心一點吧。沒有減脂的湯底都幾順喉好飲，質感有點張口，一粒粒的是豚背脂，如果不是夏天，我一定會把湯全乾掉。仲有夠冰凍的水供應，日本人開的店果然不同，讚一個。 

葵芳想找間拉麵店吃拉麵是很困難的，幸好麵屋丸京在葵芳剛開了兩個多月，真是非常難得。麵店只有一款湯頭供應，就是豚骨醬油拉麵，只分濃湯或淡湯，而麵款的分法只是叉燒的多與少，及有無半熟蛋而已。我點了淡味半熟卵豚骨醬酒拉麵，$68一碗，一吃真的很好吃。由於新開加上有日裔師傅坐陣，湯雖然不濃但很好喝，豚骨湯與醬油配合得好，彼此不會掩蓋對方的特性。叉燒大塊又很薄，很有咬口，半熟蛋蛋芯呈啫喱狀，不大不小剛好一口，麵條有麵香爽口。

星期日唱完K Lunch後,專程黎葵芳一試.地點好方便,係葵涌廣場三洋餐廳隔離出口過對面就係.食物整體賣相OK,就算係清湯,但湯底較咸.最好食係隻蛋,半生熟又好有醬油香.值得一試.價錢

在日本各地已吃過無數的拉麵，香港的日本拉麵店質素也很不穩定。所以對香港開的拉麵店也不會有太高期望。但知道葵芳開了一間日式拉麵店，所以特意在午飯時間去試吓。從餐牌看，拉麵只有四款，另兩款為加大份量，也可再追加配料。我點了普通份量的濃豚骨湯粒麵，當呈上後，看到湯是熱的，很濃郁也很香，不像有些拉麵店湯麵來到時湯是溫的。麵質方面也很爽及彈牙。追加紫菜及蔥花後，我竟然把整碗吃掉，湯也差不多喝完！ 這碗麵的質素，以價錢看是我喜出望外的。

上星期某個晚上，如常的坐上4xx號小巴回家，當車輛停在葵芳街市上落客，眼睛剛好對上窗外一幅醒目的掛布，上面寫着麵屋丸京的店名，當下已經很好奇，不知道新店水準是否可以，於是今日便過來試試。小店的開店時間是12:00~，不過幫襯當日似乎遲了幾分鐘，開門的時候，日本人店主把小黑板放出來，上面寫的一句「本日も暑い中お待たせして、申し訳ございません」還真是貼心，這種人情味大概也只有在個人小店才可體會。小小的店子，內裡提供的位置不多，店內清一色只售拉麵，沒有其他煎餃子等小吃配搭，而且拉麵只有六款，三款是清湯底，另外三款是濃湯底。店內使用的點餐紙均已過了膠，可以重複使用，客人只需在上面用紅筆圈畫便可，濃湯系可以選擇走豚背脂或少豚背脂，蔥荀可以選擇不要，雖然麵的軟硬度無法選擇，但拉麵價錢介乎$58~$73不等，絕對比其他地區便宜得多。我們先點了一枝老牌三箭汽水解渴，男友選了京風豚骨清湯拉麵，每碗$58，雖然只有叉燒、蔥花和竹片，但賣相卻比IFC五行拉麵的更漂亮討好。清湯豚骨湯底雖然清澈，但入口感覺不到是以豚骨為基礎，倒是比較像雞湯，又或是以醬油和味琳撞出來的湯。四月點了濃厚豚骨半熟蛋拉麵，每碗售$68

網上睇倒呢間拉麵店既介紹 係日本京都人開既 就叫男友黎食 因為佢係個拉麵迷😋星期五 七點倒黎到 要排隊 排左半個鐘倒座位有一排對牆既 另外就係方形枱 被安排左要同人對坐 個位比較迫 同埋冇位放袋 都冇平時拉麵店會有既掛勾比人吊住個袋 所以坐得麻麻舒服😅水杯好缺 要等員工洗完杯先有水飲😂 同埋等拉麵都等得有d耐 對面食完先黎覺得冇乜服務態度 日本人開既都咁☹️叫左呢d😁 兩碗都係濃厚 一碗有蛋價錢算偏平 （落order果張膠牌可以拎墨水筆自己寫既）黎左啦～個樣幾吸引 麵係偏硬同粗粗地 係男友最鐘意果隻 糖心蛋都夠半熟 連蛋白都淋 甜度都有少少既 但唔算好甜近d睇個湯～ 有一點點紅點 但飲落唔辣 好清甜 真係有日本拉麵果種味 我都飲左好多湯 但飲飲下覺得有d咸叉燒幾薄 都有少少un 但整體黎講幾好都唔錯 值得一試 雖然我都見唔倒有日本人師傅咁 但拉麵食落幾道地 但短期內都唔會翻撻 因為拉麵香港實在有太多選擇了評分 ❤️ 7 / 10

試食報告20160730，麵屋丸京-濃厚半熟蛋拉麵食物: 都幾有日本拉麵既水準喎，湯夠濃厚， 糖心蛋咸左少少，但都好好味， 略嫌湯底油脂比較多，麵身彈牙爽口環境/舒適度: 目測有一半座位都係面壁既高椅，半企半坐，唔太舒服，普通座位應該會好啲清潔度/服務: 等候期間侍應有不時安撫客人，入座點單查詢時沒有耐性回應，筷子盒無筷子，侍應無補充，只係比2對我，仲有一支係崩咗，台面有啲笠痴痴，冷氣啲塵好厚，有待改善價性比: 食物係唔錯，今時今日68蚊食個有水準既拉麵，都算係咁！

近期葵芳興起不同特式的商場小吃，例如大大件壽司卷、豆腐花、手㧓餅等,住葵芳既我都自覺大飽口福😆但經常食都會厭倦，所以今次出商場圍外覓食，從商場橋上望下去眼見一間格格不入既日式店，但就係因為禁特別，所以區使左我入去食😁門口已見一手日本既字眼，應該係講師傅來自日本京都😆唔識日文既我只是亂估！入到去用膠既點餐牌圈餐點，非常環保，值得一讚👍🏻今次試左個豬骨半熟蛋拉麵，跟2件叉燒，$68非常便宜（等同在日本食拉麵既價格）湯底濃郁，半熟溫泉蛋都非常流心，叉燒肥瘦均勻，麵身都唔會過軟，夠彈牙美味！呢個店鋪位置已經轉了幾次手，呢間拉麵都高質素，希望可以長做😖

近排係網上討論區見到呢間野嘅介紹，即刻黎實地試食下。間鋪幾當眼，好易揾到。因為一支公食，一去到就有位。如果係幾個朋友一齊食嘅話，就要等齊人先入得，不過佢門口都擺左幾張櫈，俾顧客坐住等。鋪面唔算大，座位大概有十零廿個。一坐低，店員就遞上張過左膠嘅點餐紙，食客用水筆劃完單，可以循環再用，呢點幾環保。麵款有六個，主要分清湯同豬骨湯。今次試左豬骨半熟蛋拉麵，落完單等一陣就上麵，幾好。一上枱就見到滿滿嘅背脂湯底。豬骨湯要咁樣先似樣架嘛，先試左啖湯，唔係死咸，脂肪味啱啱好再食埋個麵，麵身係偏硬款，配埋一齊食，真係唔錯。不得不讚下隻蛋，半熟之餘，又滷得入味，好食而啲叉燒除左薄左啲之外係唔錯的。正如網友話齋，咁嘅價錢，食到嘅質素，的確抵食。不過仍有地方要改善，就係清潔度了，呢個水壼由坐低就「流汗」，流到食完都未停。流到成枱都係，雖然天氣熱會出現倒汗水係無可厚非，但揾野塾下好啲的了。之後係隻杯了，仲有成粒檸檬肉痴住係上面，呢樣真係大打折扣。啲麵幾好食都要扣分如果佢地改善到呢啲問題，絕對值得再黎幫襯

午飯時間,見到一間門口好唔顯眼的拉麵店，就入去試試佢嘅拉麵先，款式不多，只有6款。主要分清湯同濃湯，叫咗玩濃湯溫泉蛋叉燒拉麵，佢個濃湯好濃郁 ，豬骨湯好似㷛左好耐嘅老火湯咁好香，加上隻溫泉蛋同叉燒分量，雖然不多但係啱啱好。

今晚我和乖仔己經第二次來幫襯呢間新開既拉麫店，我依舊點了濃湯叉燒半熟蛋拉麫加紫菜。上次吃完令我很難忘今晚專程再來幫襯，師傅製作拉麫很認真，叉燒很淋，麫質軟硬度適中，估吾到葵芳區都開了一間咁好味既拉麫店。

呢間絕對係葵芳最抵食既拉麵假如要捱新都會既雪國不如行2步過嚟一坐底已經見到相當少見既超多冰冰水(正式拉麵店必定有)叫咗個53蚊既濃湯拉麵朋友就叫咗隻有蛋既湯底濃而不膩麵底偏冧，但相當掛湯叉燒薄但肥瘦均勻荀都ok蛋就幾入味但偏生咗少少整體嚟講就係用50蚊去食銅鑼灣堆80蚊既拉麵抵到爛

剛去完日本回港，太回味日本拉麵。剛好葵芳新開左一間正宗日本師傅打理。由於日本師傅有少許執著，怕影響質數，所以如果未人齊，係唔可以入坐，即係唔可以邊食邊等。由於日本師傅唔識中文，所以每人需要獨立點餐，有點唔環保。點餐後好快就有。叉燒味道好濃！ 仲可選擇少肥。麵個人比較硬，本人較喜歡淋身。湯底十分濃郁，好重豬骨。枱上仲有4款醬料任加必定再來！

聽朋友講葵芳街市開咗間京風拉麵店, 趁住放假特登嚟試下!!!我食朋友推介的清湯半熟蛋拉麵, 由於係走京都風味路線, 有別於平時食開嘅拉麵, 冇咁油膩, 感覺好fresh!!! 麵質係我最喜愛的偏硬而有口感, 半熟蛋不過不失, 不過叉燒就一般食物OK, 服務同環境都唔錯, 但音響真係好差, 個喇叭好拆, 仲要開到大大聲咁播歌... 其實我想靜靜地enjoy 碗拉麵...