麵屋丸京

营业中

休息中

其實本來係諗住試下最近大熱嘅奇蹟拉麵。點知去到先發現冇開門。咁就試左喺附近嘅麵屋丸京。好食指數：👍🏻👍🏻👍🏻抵食指數：👍🏻👍🏻👍🏻回頭指數：👍🏻👍🏻一坐低，已經見到一壺有冰塊嘅冰水。即刻加左唔少分，至少佢有跟下日本嘅風格同傳統。拉麵嘅選擇不多，只有湯麵，冇沾麵等其他選擇。選舉嘅分別在於有冇蛋，幾多塊叉燒同辣唔辣。麵嘅硬度都冇得揀。濃湯半熟卵叉燒拉麵 $78湯頭不算咸，相信係在地化，就番香港人口味。飲落唔算好味精，有淡淡嘅豬骨味。喜歡重口嘅就可能覺得唔夠喉。拉麵偏硬，係幼身嘅拉麵，都算掛湯。本身我就鐘意食硬身嘅麵，所以覺得幾好。而隻蛋係成碗最好食嘅野，浸到好嫩滑同香，糖心部分剛剛好，真心好食。叉燒就係薄薄一塊。普普通通。有時想食下拉麵又唔想排隊嘅話，可以食下。不過同價錢水平比較嘅話，我會揀市中心嘅大門拉麵。

真叉燒拉麵丸京拉麵一上菜就俾滿滿既慢煮叉燒震攝眼球，碗邊舖滿肉，完全見唔到拉麵。低溫慢煮叉燒係呢間店既招牌，叉燒薄切，肉質粉嫩，口感細緻唔油膩，咸咸地充滿豬肉香，食得出好用心製作。豬骨濃湯味道唔算好濃，但味道同慢煮叉燒配合，略嫌熱度不足，麵條屬於幼身拉麵，唔算非常掛湯。溏心蛋好香，荀絲無出面食既咁大浸味，反而仲好食，整體來講唔錯。一碗拉麵啖啖肉，鍾意肉既朋友食完應該會覺得好滿足。好味：3.5/5環境：3/5客服：3/5

今次想介紹嘅係一間拉麵店，荃灣同深水埗嘅分店好似都算幾出名，而我今次試嘅就係屯門店。舗頭唔算太細，坐得唔算太逼，唯獨係如果要同人搭枱就會窄少少。丸京拉麵 $100佢將D叉燒全部放晒喺面，有真叉燒、叉燒各三塊、蛋、筍，一開始我都唔知咩係真叉燒，後尾店員解釋係慢煮嘅叉燒。最後食落真係好食過普通叉燒好多，佢係都幾粉嫩，加咗少少黑椒，係肉味可以再濃少少。普通叉燒就略嫌太瘦太柴。溏心蛋好食，我揀咗清湯，一開始幾鍾意，但連埋個麵食就發現，咦，點解咁似食緊雲吞麵，因為佢鹼水味好重，所以都幾失望，個濃湯好食d，係豬骨湯，唔會太濃或太鹹。七味炸雞 $35炸雞每一件都好大嚿，不過佢落太多七味粉，所以有D辣，雞肉都算juicy，但炸衣幾厚。總括嚟講，我覺得都值得食嘅，因為個叉燒都幾出色，同埋份量都多，但如果要排好耐就不了。同埋聽講第二間舗有限定嘅蝦湯，我都會想試下。

📍 麵屋丸京呢間分店喺紅橋！食過幾次，質素唔差，諗唔到食咩都會想食下，不過最近呢次店員唔比🐷仔幫我order定，🐷差5分鐘就到餓到傻，不過宜家諗番佢哋係想保持質素，都係好事嘅🥹—————————————————————❣️丸京拉麵 $100打卡💯全部放晒喺面！有真叉燒、叉燒各3枚、蛋、筍，全部叉燒都極薄切，偏瘦冇乜肥，叉燒肉質就實啲，而真叉燒就係半生熟，粉嫩嘅，食落口都幾好，不過略嫌肉味唔算濃！溏心蛋幾香，好彩🐷仔比埋我食先夠喉！揀濃湯果然好濃，唔會太鹹！❣️ 極上拉麵 $93叉燒6枚、蛋、筍，叉燒就係上面嘅一樣，不過呢碗係清湯，🐷仔比較鐘意淡味，所以有得揀係好事！—————————————————————不專業評分👅好味指數:7/10 💰性價比:7/10👍🏻推薦:7/10 —————————————————————🏡地址: 麵屋丸京 (屯門)屯門青菱徑6號富麗大廈地下D1號舖🕑營業時間: 12:00 - 21:30（3-6落場）（星期二休息）👉🏻有幾間分店！荃灣同深水埗嗰間好似幾出名！

喺屯門已經食夜晚食都唔知食咩好見到網上面介紹呢間拉麵店就嚟試試叫咗個半熟卵拉麵同極上叉燒拉麵欣賞佢嘅湯底可以選擇清淡湯或者濃湯，對於而家減肥中嘅朋友多一個選擇。 不過當然味道上冇濃湯咁正啦。叉燒偏瘦，我自己幾鍾意，不過我覺得唔係大多數人鍾意。朋友嗰個拉麵上漏咗叉燒，我哋自己都唔覺好彩去補返俾我哋。其實佢嘅擊傷叉燒，係多咗一種煙熏味，聽店員講好似係煙燻煮熟嘅，識落偏鹹，有少少食緊火腿嘅感覺。

店舖用木色桌椅配上黑灰色的地板和牆色舒服的配色平日的人流沒有多到要排很長隊伍真叉燒拉麵清湯湯底是豚骨去做配上適當的醬油去搭配互相配合下　油脂強度不高雞蛋還保留到流心狀態麵條質感普通　沒有特別驚艷地方叉燒份量很多　慢煮的方式呈現粉紅色的肉體　嫩口質地　肥瘦程度剛好不會膩到吃不下

住附近平時都好少食呢間拉麵店，一來唔平，二來選擇少。今次因為落大雨，見舖就入。兩個人叫咗兩個拉麵+一份餃子餃子正常水平，$30/5隻，中上價位。拉麵選擇真心唔多，都係揀湯底同叉燒數量。味道都係正正常常，地獄湯都算有辣，但未到地獄，不過辣好個人，要小心選擇。一個最普通拉麵都要7～80蚊，一加餸/野飲就過百，我覺得呢個質素有點小貴。

聞說日本計劃6月開放外國觀光客入境（旅行團限定），大家都準備好衝去日本吃拉麵了嗎？對小妹來說，回港後要隔離，不了。幸好香港都有不少拉麵店，所以一不小心想吃拉麵的時候都可以幫忙止止癢。那天來到麵屋丸京點1碗極上拉麵（濃湯）。店員很快就送上餐點，相機必須要食先。先吃一片頗乾柴而薄薄的叉燒，再呷一口豬骨湯湯。可能是叉燒完美蓋住整碗湯麵吧，所以湯底都算夠熱，可惜味道不算濃，亦沒有黏口的感覺。溏心蛋的味道香濃軟彈，值得加分，可惜幼直的麵條帶有頗濃烈鹼水味，又扣點分。最後1點，喝完整碗湯都不會口渴得要死，足以挽回一點分數吧！

老婆拉麵癮起，見紅橋有間新開既拉麵店，決定去試一試！食物如圖，惡夢的開始.....先講自家製餃子 30蚊5隻睇個樣以為幾好食，以為個底係脆既點知一咬入口，個皮係淋既再講個餡料，豬肉同菜少得可憐！6蚊一舊餃子，唔值！灣仔碼頭好過佢多多聲兩支飲品，20蚊一支，都唔錯！但如果再比我選擇，我會寧願飲台面上免費既凍水！兩碗拉麵....完全唔熱，隻蛋仲要凍冰冰！由於唔熱關係，叉燒咬入口好似食梗凍肉咁...如果呢一碗係凍麵，我會比100分！但係我想食既係熱辣辣拉麵，成舊水一碗你比碗咁既野我？ 係咪岩岩開舖冇耐？食材未準備好？我真係接受唔到 約3百蚊食兩碗拉麵連最基本既熱都做唔到...有冇搞錯！我諗呢一碗係成世人食過最差既拉麵真係陰工...貼錢買難受！

今日幾了家組，去佢家附近的拉麵店，去到唔使排隊，店內坐四人枱，店家裝修有點現代日本feel，座位唔迫，樓底高無壓迫感，牆上日本畫搶眼，落餐紙麵食選擇簡單，落好單食物好快到清湯半熟卵拉麵（$78）加紫菜（$10）賣相不錯，紫菜爽脆，沾湯好味，半熟蛋好正，是我喜歡的蛋黃狀態，流心漿口又唔會太生，蛋白彈牙，荀條有咬口，叉燒片好食，半肥瘦肉味夠又唔嚡口，幼麵掛湯不錯，湯底清澈鹹香清爽夠味，整體好味，價錢合理自家製餃子（$30）有點黏皮，皮有彈性不錯，餃子底煎的夠脆皮，肉餡唔會乾，幾好丸京拉麵（$78）家姐食，試左一啖湯，湯底有漿口感，濃味香口店員勤快斯文，不多說話！廁所要去對面商場，比較遠及難搵值得encore

紅橋井財街一帶是本人在屯門覓食之蒲點。趁着平日，人流疏落，又趕在下午6點前可自製提早食個晚市，吃碗熱騰騰日式湯麵不為過。款式不絢爛，主餸就豚肉，點了半熟卵、地獄各一。豚肉極薄切，比豬腰稍大般三大片，接近入口即化，肉味不算濃；溏心蛋挺香，吃罷兩邊半顆還是不夠足口慾之感，選了濃湯果然很濃稠，似沾麵湯底，鹹淡適中。地獄拉麵豚肉件數類近，鋪了點似藏紅花在麵面，看小了其辣度，實則接近中辣，邊吃邊停了數次，侍應姐姐主動給碗清湯用來過麵，否則未必能完全吃畢。推介那樽富士山柚子梳打，清甜清新沒柚子澀味，配湯麵必備。在售賣高級日本食材店也見之，價錢相若。

丸京拉麵一早已經去試咗，但係真係太忙，依家先得閒寫返食評門面光鮮，入內坐低環境乾淨整齊。係間舖比較細位唔多。我點咗個清湯叉燒拉麵加紫菜，個人非常喜歡食紫菜哇！好多叉燒！見到都開心其實各樣都ok嘅，服務員都ok，可能全部都ok嘅關係，個拉麵都只不過係ok。。。。拉麵做得唔夠彈牙，有少少偏淋咗，叉燒好夠多，但係味道好一般。呢個價錢加呢個質素，唔會話好有衝動再唻食，但係又唔係唔好食。只係我個人覺得好普通而已。

💋 真 · 叉燒拉麵 ($108) 作為食肉獸，小編好多時食拉麵都會覺得叉燒太少，但係又唔捨得俾幾十蚊額外加多份叉燒 🤣🤣 今次搵到呢間拉麵舖，大大塊既慢煮叉燒舖滿晒成個碗，好滿足 😍 真·叉燒因為係慢煮既，所以顏色偏粉紅，食落口好嫰滑，邊邊有少少炙燒味，不過肉味就唔係好濃，而且偏薄，唔適合d鐘意有口感既叉燒既人 🍖🍖 湯底有清湯、濃湯或者地獄湯，小編今次就試咗濃湯，唔算太特別，係平時食開嗰d醬油豬骨湯味 ☺（📈推薦程度：7/10）💋 餃子 ($30) 餃子一份有5粒，同平時其他拉麵舖會食到既日式煎餃子差唔多，個底煎得都夠燶，而且熱辣辣上，點埋餃子醋食都幾好味 🤤🤤 不過食完個碟都有唔少油，整體偏油膩一d 🥺 （📈推薦程度：6.5/10）結論：食肉獸必黎！🥩

屯門新開左一間拉麵店諗住去試下，估唔到竟然出現左一間好好食，又經濟實惠既拉麵！又有水準，而且有質素！依間就係麵屋丸京了！環境方面，雖然環境唔大，入面就好似平時去咗日本拉麵店，開放式廚房，可以坐bar怡食，亦都有少量坐枱可以揀。不過食物質素就十分好！食物方面，佢可以先揀不同湯底，有濃湯、清湯同埋辛辣湯揀，至於拉麵有7款可以選擇，好似有半熟卵拉麵、叉燒拉麵同埋豚骨醬油拉麵。我地揀左丸京拉麵同真.叉燒拉麵。兩碗都係成個麵都比叉燒鋪滿，好夠份量！而且都分了真叉燒同埋叉燒兩種，真叉燒真係好好味，入口即溶！仲有配上好好味既流心蛋同埋筍，整個拉麵既配搭非常好味！而且餐廳仲提供冷水，配埋拉麵真係一流！如果都唔夠，仲可以叫小食tim! 好似餃子同炸雞咁💕

✨丸京拉麵$98（真叉燒各&普通叉燒各5-6塊）成碗拉麵用叉燒覆蓋，好多肉肉，好幸福啊🤩由於叉燒量爆多，決定同鄧先生唔再叫第二碗，而係選擇再加麵底$15。 同另一半咁樣分享，真係又滿足又抵。真叉燒同普通叉燒兩者分別係：真叉燒慢煮製作，肉質粉嫩，口感淋滑。普通叉燒口感相對較柴，但入味D。🤗各有千秋，但我地都比較鍾意食慢煮嘅真叉燒。拉麵質地只有指定一種，店家會煮口感較硬的麵，就算泡湯一段時間，也不會太軟身👍🏼#✨七味 唐揚炸雞 $35/5件當咬落脆卜卜嘅炸雞，會見到麵衣下有一層紅紅地、微辣又惹味既肉汁💦，睇黎店家醃雞時先灑上七味粉再炸，並不是一般的唐揚炸雞，加分！#✨環境都係一般拉麵店格局，細細地，但乾淨企理，冷氣好足，食得舒服。仲睇得出店主一定好鍾意日本動畫文化，係同年代同喜好嘅人呀😂😂#回頭率：⭐️⭐️⭐️.5 /5