影片
招牌菜
2月27日, 呀菲由大陆返嚟, 我地夜晚就去咗一平安食个半宵夜~ 嚟到都已经9点, 都仲有几多人, 不过应该人手唔够, 个侍应系都要我地坐喺客人集中嘅地方, 其他位置都冇人坐… 加上呢个area冷气不足, 左右2枱又好嘈, 感觉有D差…::: 前菜 ::: $10 x 2先奉上前菜, 估唔到埋单先知道原来系收钱嘅, 早知就认真品尝… 似系牛膀沙律之类, 虽然系有酸酸地开胃效果, 不过只有沙律酱味嘅沙律, 加上d料都好淋冇口感, 竟然都要收$10一碟, 驶唔驶咁计较…::: 铁板炒面 ::: $62卖相唔靓, d面同肉都走晒出个铁板, 好le hea咁… 配料系猪肉片、芽菜同椰菜, 加上酸姜丝. 估唔到成个炒面都好淡, 好似落唔够酱油炒, 椰菜芽菜已经系淡味菜, 猪肉都系冇味, 加上用咗比较瘦嘅肉, 唔够香又唔肥腻… 最估唔到最有味系𠮶d酸姜, 唯有食呢d半辣半酸嘅去吊味~ 拉面质地烟韧, 份量足够, 只系可惜味道九流…::: 盐胡椒烧葱花牛脷 ::: $58牛脷都算唔错, 唔系厚切𠮶只, 但系薄薄地几爽口, 肉味丰富, 配上葱花更添香味~ 仲可以淋上柠檬汁, 少少酸咁亦都十分开胃, 唔错~::: 一平安炸鸡 ::: $62反观呢个就十分普通, 炸鸡份量唔多, 粒粒都好细粒, 好干瘦咁, 炸到过晒火位… 肉质普通, 腌料味唔特出, 以致成个炸鸡都偏淡… 唯有点一点沙律酱吊下味, 总括系唔好食, 麻麻地…上次食过长崎拉面, 感觉系几好食, 所以今次嚟食其他野反而有好大对比, 加上坐得唔舒服, 侍应服务麻麻, 真系要再认真谂下有冇下次…
继续阅读
剪完头发有人话好肚饿，所以求其黎左呢度食一坐低就迫我地一人一碟前菜收我$10 eachT.T不过碟mini芽菜都几好食ge叫左两样野share食，叫左拉面同饭~咁我因为都见10点咁夜，我都唔食得几多野，所以个饭要个细饭算，个size系比正常饭碗大d ge，$4x，价钱好相宜个拉面我冇乜点食，又唔系我拣，所以真系唔记得叫咩名，大家看图啦去到menu都有好多图食左少少面，我唔系好识拉面点先叫好，但佢唔太"林"我已经觉得okay，个汤底唔算好出色，因为唔算好浓，不过清淡d都好ge冇咁肥，而且系够味ge个饭都唔记得叫咩喇，好似叫唔知咩猪腩饭都..根本就系梅菜扣肉饭 lol个蛋好味，橙色而且蛋味浓，日本蛋真系好食d，屋企都系烚开日本蛋食个饭好食，但捞左好多油，虽然唔大碗但绝对系肥仔饭但其实出街食叫亲腩肉呀都预左系肥，所以唔紧要啦好食就okd肉都好食好香，唔会硬（梗系啦肥丫嘛），d梅菜都唔错饭粒软硬适中，overall真系唔错的
继续阅读
再战铜锣湾区嘅拉面，贪呢度够方便，又唔洗等位。一个人食，店员安排咗吧枱位置。呢度装修富日式风格，亦设有卡位，适合同朋友聚会。望望menu，再睇睇店内嘅食客，其实大部分人都系帮衬料理食品，虽然店名为面屋一平安，其实拉面选择并唔多。每人会有一碟前菜，收费$10。辣猪骨拉面制作需时，期间睇到其他烹调好嘅食品，卖相都好似唔错。终于等到拉面上枱，即时闻到好浓嘅蒜味（但我真系好怕蒜味）。有两块叉烧，味道一般，我较喜欢稍为烧过嘅叉烧，会更香口。其他配料并唔多，只有少许葱、紫菜。面上有特制辣酱，但只有少许辣度。汤浓而稠；面条软硬适中，沾上汤吃也不错。食食吓店员话有得抽奖，食品可即时或日后先redeem。抽到炸鸡，谂住份量唔太多，所以即日食埋。都等咗几耐，不过炸鸡系full portion，有8件，哗，真系抵哂。大大件，亦炸得皮脆肉嫩，够惹味！可惜一个人食实在太多，食唔哂。埋单计埋加一$80几蚊，都算ok。
继续阅读
星期5的晚上,来到各拉面英雄聚集的铜锣湾,因为很多拉面店都需要等位,所以选了楼上舖,不用等位嘛!由于不是太饿,所以叫了招牌长崎拉面,另加串烧拼盘跟鸡皮~长崎拉面很快速地, 15分钟就有得吃了有吃拉面的朋友知道,第一口通常先呷汤,一喝下去,心感不妙,怎么那么"好味"?跟味噌差了那么一个字的味精,真是令拉面差天共地呢...另外,这面的材料是海鲜,可惜虾没虾味, 鱿鱼没鱿鱼味, 而且好像用开水煮的一样,一点调味也没有,面这就是所谓招牌拉面...至于串烧拼盘,吃完整碗面,催了又催,最后等了几乎1小时才有,期待是没有什么期待,但吃下去,全部都是柴皮,即是爆得太过火,很干很干,干得连食物本身的味道也没有,只得盐味...
继续阅读
是日HMY参予Soda Original Rewards举办的活动，地点在面屋一平安举行的日式甜品制作班，有得玩有得食当然要来凑凑热闹，在此谢谢有关方面的邀请及安排。完成日式甜品白玉，店方特意送上每人一碗迷你版的猪骨汤拉面或酱油拉面，让大家也试一试出品的拉面！猪骨汤拉面:我和CEO也选了猪骨汤底，猪骨味香浓，汤底不会太稠或太咸，半肥瘦的叉烧肉质嫩滑松化，面条方面，面质是几弹牙！ 酱油拉面:而Yan就点了酱油拉面！
继续阅读