麵尊

营业中

休息中

[#sheungwan] [#hforcantonfood] yum and famous cart noodles at Sheung Wan. Very long queue everyday during lunch. Ordered beef brisket, pig intestines and shiitake mushroom with rice vermicelli. Very very generous and big portion of meats as for cart noodles and I love it so muchhhhhh, protein!!!!! Actually not only meats, portion of each topping was big too! Soup base was ok rich but not too rich, but the toppings had fully absorbed the soup. Heard that the spicy sauce is a must-add, that was go

Lunch hour 12點3去到拎位見地方唔大又要等位而且我同朋友3個人要分2人一枱諗諗下就轉左叫網上外賣平台諗著拎個點餐紙睇下門口個呀叔由頭到尾啤啤貢態度好串咁問我哋：叫咗嘢食未呀？咁咪比返佢即刻係apps度叫(後來發現每個拎點餐紙嘅人 佢都會啤 啲紙全部唔拎得！)搭5左右我哋落曬單點知過左3-4分鐘就撳曬我哋啲單 「已取」我哋通知左入面個哥哥 比曬3個餐嘅no.佢佢話：得 等等！點知去到搭9個時都淨係拎到1個餐眼見好多個遲過我哋仲要現場叫外賣嘅都拎得入去再同佢哋講 比埋No.佢哋 指埋比佢睇 個執餐呀姐都好似唔明咁門口態度好差個呀叔又惡住問 ：你哋咩No. 呀 唔俾no.點比你哋呀！我地已經講左好多次 轉個頭都係話我哋冇比No.佢後尾發現原來根本未煮另外個呀叔係分唔清電話No.同網上外賣平台個No.搞左一輪搭11終於拎曬啲外賣🤬足足等左半個幾鐘 到我哋走呀叔仲啤緊仲口up up 話我哋冇比過no.態度勁差番到去開黎睇下，好食既話都冇咁嬲一食落去全部都係疑似味精味 勁咸勁重勁濃味！完全唔明點解有人話好食！伏伏伏！加左水都好咸，最後我朋友頂唔順另外用清水過河😂😂咸到飲左好多水都依然覺

成日午飯時間經過門口總係一大堆人圍住等外賣，今日早左出去食，見無乜人就襯機試試佢。咖哩魷魚+咖喱魚旦+卤水鴨腎+粗麵+麻辣 $47(外賣可以分湯的）咖哩魷魚質地滑軟，但就唔係好夠味，好淡。咖喱魚旦有咖喱味，但粒魚蛋無乜特別，睇相都知質感麻麻，又唔彈牙，麻麻地。卤水鴨腎入味，爽口唔算韌。粗麵同平時食開的粗麵有唔同，呢間既粗麵呢，口感鞋同偏硬，如果時光可以倒流，再食唔會揀。麻辣辣味就比較辣。價錢都算合格，但日日咁多人等就應該只是煮得太慢。其實附近好多野食揀，建議食其他。

好耐無幫襯上環分店, 平時係食開銅鑼灣分店11:45AM打電話嗌外賣, 店員哥哥話12:35PM拎得到步後, 同店員講拎外賣....無人理.....同時有另外幾個客同店員講拎外賣....都係無理過我地...同另1個男店員出到黎, 大家同佢講拎外賣.....男店員"嗯..."結果只有一直等......只能話呢間舖分工好"仔細", 舖裹面嘅店員空閒的話, 都唔會理會門口拎位、拎外賣嘅情況果位男店員, 都不太理會客人, 態度服務方面, 我並不期望幫襯一碗車仔麵會有優質服務, 至少他們服務不會是好吧....另一插曲, 門外應有位送外賣店員，與客生發生口角， 外賣店員粗口大罵....勿論爭議內容誰是誰非，客人已經沒再出聲，外賣店員仍繼續破口大罵.....最後, 我的外賣於13:15PM才出現..... 完全不明白打電話嗌外賣嘅原意...不明白為什麼店員哥哥話12:35PM拎得外賣....身體力行, 沒有下次了

食飯前15分鐘打電話去叫外賣，叫左3餸麵，紫菜紅腸生菜粗麵。最後等左40分鐘先有，拎完返公司食個陣，打開一睇有差唔多尾指咁長既蟲，真係好噁心，成碗掉左冇食，亦唔會再有下次。

麵尊真係一個令我同同事又愛又恨嘅車仔麵店，因為車仔麵來講佢真係好好食，但係又真係等得太耐，例如你打咗電話黎話一點攞，你一點去到，佢先至會入單，所以次次都要等多15至20分鐘先至有得攞。如果你lunch time有時間又真係值得等嘅。我基本上次次都係叫咖喱魷魚，冬菇，雞翼，面就會揀幼麵或者米粉。因為幾樣餸都已經好入味，所以初頭幫襯嘅時候我仲會加腩汁同埋加辣，食食吓就已經覺得清湯都已經好足夠。而佢嘅辣係真係好辣㗎，食得辣嘅應該會好鍾意。麵尊嘅湯底同埋餸都非常之濃味，所以食完記住要飲多啲水啊。

外賣三餸一麵$40的車仔麵，喺上環來講呢個價錢算係不過不失。不過我覺得麵尊嘅優勝之處，係在於1）啲餸幾特別 2）味道真係唔錯先講吓啲餸，大路嘢例如魚蛋腸仔呢啲就唔使多講，比較特別嘅餸包括有鴨腎、羅漢齋，呢啲餸的確唔係周圍都有得食！我今次試咗個鴨腎份量都幾多，幾香滷水味，值得一試！另外我想講吓佢個湯底，我通常都食麻辣汁，佢個麻辣汁係幾香，不過試過唔記得嗌小辣，係辣到成碗都食唔到（因為我唔算好食得辣，如果鍾意食辣嘅朋友一定會超級鍾意）；吸取教訓後，次次我都會叫麻辣小辣，呢個辣度對我來講啱啱好係屬於食完會好回味嗰隻辣

朋友在附近工作，成日都推介我食麵尊🌟，今日咁啱要過來上環，醒起呢間餐廳，一於試試佢~12點幾黎到，時間尚早，所以都唔駛等位，不過餐廳位置不多，唔怪之得成日都要等位啦🤣🤣我今日叫左自選車仔麵，有蘿蔔、豬大腸、魚皮！蘿蔔都好夠味，好甜，好好食🤩豬大腸好入味，不過肥左少少魚皮分開上，唔好浸到好腍，好脆口，份量都多👌麵底就好比較少，男人食嘅話應該就唔夠飽！！推薦加麻辣！！好香好麻，好想買樽返屋企餐廳仲有大尊細尊，包括左多款配菜，啱選擇困難症嘅你✨

今日見到麵尊冇人排隊，就即刻入去啦！食左咁多次都係第一次可以唔洗等位，直接入去🤣🤣🤣今次簡左大尊，好抵食！有成六個餸都係42蚊！豬紅，蘿蔔都好夠味！最重要係個辣！！正正正！！

這次專誠來到上環是一間以車仔麵文明的麵店，就是麵尊。以位置算也比較方便，在上環步行5分鐘就到了，門面正正常常。最低消費$38起計基本上三餸加一面就可以符合最低消費了。這次我們叫了兩碗都是米粉加上腩汁以及麻辣，餸方面有大腸，蘿蔔，魷魚，牛柏葉，貢丸。湯底其實有些少似銅鑼灣的一間出名車仔麵，都是以腩汁為主的香，再加上麻辣以及特制的辣汁令車仔麵更上一層樓。由入座落單起， 5分鐘便可完成而且出場，雖然服務態度不算好，但仍可理解及體諒。強烈推薦他們的蘿蔔是食過的車仔麵中最出色的蘿蔔。

平日食飯時間入 等位好快 大概5分鐘就入得入完惡夢就黎😡廚房係甘做外賣單完全吾理堂食單甘濟幾乎12:45後入嘅所有堂食客都等左半個鐘先到食得車仔面就係想快從來未試過食車仔面要等甘耐追單又無乜反應甘到嘅時間午餐時間都差唔多完到野食方面叫左腩汁加麻辣汁米線餸就叫左魚皮餃 豬頸肉 芝士腸醬汁幾辣 餸都幾好食飲品反而少貴整體而言味道好食但食車仔面吾會預期要等甘耐建議要食一律叫外賣就好堂食超級吾建議 除非午飯時間有兩個鐘😅

平時係中上環食個午餐都起碼60-70蚊，今日帶大家係依頭搵一間40蚊埋到單既車仔麵鋪🤑🤑。由於實在太抵食，所以次次lunch time都要等起碼4個字。但除左平之外，其實質素一d都唔差😍十分推薦上班族有時間黎試一下😛1.大尊油麵加魚皮🍜🍜$52佢地鋪頭既招牌雜錦麵-大尊，話明大尊，咁係真係有好多餸，岩哂選擇困難症既朋友啦。d餸質素正常，最重要係佢地既麻辣汁同咖哩辣汁，真係少少都哂辣，唔夠辣仲可以叫姐姐筆多d俾你都得呀🌶🌶

小編見今日落雨費事出街食，打算過左午飯peak hour至order食物熊貓🐼外送，已經1:45至落order架啦，你知啦外賣咁忙d餐廳大把藉口話因為忙所以水準差d吖又甩漏呀要我地包容架嘛點知，黎到碗外賣已經完全唔想食，d麵係硬既，叫左少麵仍然比多麵你、叫左咖喱大辣但比一小羹咖喱醬。離曬譜呀成碗麵淨係食左好少既送就掉左，真係咩胃口都比佢搞‘彎’曬。打落去投訴，當然又係唔好意思o個d hea野lor，可唔可以遲d🈶️飲食商品說明條例訂明如果商家冇遵照到食客要求可以吿佢呢？曬💰都算，曬我時間又等其他外賣到。呢間野，免費都唔食呀！

心血來潮午餐很想食車仔麵，我同事會到上環的麵尊，止下車仔麵癮。因為我哋12點前已到，所以人未算好多，一入去即刻有位。一如以往，我還是點了最愛的豬紅、豬大腸和魷魚。面底則選了幼麵，因為吸湯能力最強。同事則點了雞翼、蘿蔔、豬紅。可能疫情關係，外賣很多，所以堂食等候時間比以往耐！等了差不多20分鐘，麵才送上台。賣相和以往都差不多，但是湯底卻比以往淡，飲一啖就感覺到，有點失望。不過豬紅、大腸魷魚燈都保持質素。但同事說他的蘿蔔完全唔入味，雞翼都唔入味，所以佢個碗好令人失望。希望只是一時失手，如果水準下降的話，咁真的令人很可惜。還會給它一次機會，希望下次再來，食到昔日的水準。

星期六諗住嚟上環食啲嘢，先去睇場戲，時間關係午餐食個快飯，一於去bookmark咗好耐嘅麵尊試吓。兩點鬆啲嘅時間，門外有四至五人等外賣，堂食可以直接入內。餐廳嘅裝修簡單，開放式廚房，約二十個座位。=========================🍜 咖喱牛柏葉滷水鴨腎時菜 (淨餸) $30🔸 牛柏葉估唔到夠辣！帶微微咖哩香料香味，好惹味🔸 鴨腎滷水調味料入味，爽口唔韌🔸 湯底加埋麻辣醬好濃郁，tick埋多蔥份量果然大方🥤 凍檸檬茶 $17不過不失，車仔麵要配嘢飲解渴～=========================麵尊📍上環蘇杭街22-24號1號舖