影片
港铁元朗站 F 出口, 步行约6分钟
继续阅读
营业时间
星期一
12:00 - 15:00
18:00 - 21:30
星期二
全日休息
星期三至五
12:00 - 15:00
18:00 - 21:30
星期六至日
12:00 - 16:00
18:00 - 21:30
以上资料只供参考，请与餐厅确认详情
良心小店面家山下（元朗店）就结业喇😭紧系要赶尾班车喺朝圣啦！（题外话：排队期间闻到隔离间小店嘅鸡脾好香，下次一定要试下~）拉面DX $80拉面DX拣咗挂汤嘅幼面同香浓嘅黑蒜汤底，配上笋丝、香葱，两只糖心蛋，同四片焦香嘅火炙薄切叉烧，大满足！拉面 $60拉面拣咗弹牙嘅粗面同浓厚嘅味噌汤底，虽然得两片叉烧唔多够喉，但如果系细食嘅女仔，份量就啱啱好喇~章鱼烧 $28可惜我系大食嘅女仔，留肚系为咗食章鱼烧~~章鱼烧外脆内软，多酱多木鱼多紫菜，仲有7粒咁多，一个字，正！Bikkle $22睇落似益力多，饮落就似可尔必思，不错~
继续阅读
元朗一带不嬲都唔少野食但作为对面海嘅朋友 真系太少机会入黎接触今日就黎左 呢间民间推荐嘅日式拉面小店试下😋支持良心小店💪一去到已经有人排紧队 店内位置唔算好多 但都唔驶等太耐拉面黎讲 呢个价钱都几公道~因为食开重口味 所以拣左佢推荐嘅 味噌拣呢只味嘅话 要预左汤底会咸D浓味D拣左粗面 食落口感好D虽然价钱唔贵 但料方面都好多 肉有4大片真系良心价整体个汤底够浓味好食 面质弹牙 价钱合理 日式拉面黎讲性价比都几高😻另外 仲加左个章鱼丸，岩岩炸起个皮好脆，入面章鱼肉粒都大粒。其他配料都好多唔会悭住，都好值得推荐但由于个拉面食得太饱喇😹只好比同行友人食多两粒 最后仲加左杯乳酸饮品 正常乳酸味 我谂加果味应该更好饮 但呢杯都只系加$10整体呢间小店虽小，但绝对系良心价良心材料推荐！！
继续阅读
男人黎讲，应该都会几钟意呢度既DX拉面，因为有两只蛋，又唔贵，平时夜晚一支公唔知食乜既时候，就会行过黎自己食碗拉面。呢度有吧枱有餐枱，舖头细细，主事厨房既系男人，今次楼面多左个细心既小妹妹。今次带埋个frd黎食，一人一碗DX，真系男人的浪漫。我觉得呢度抵食过商场入面间拉面舖，除咗一块块啲叉烧，仲有啲肉碎，荀又有唔少，汤底算ok，面又可以拣粗幼，今次碗面多左紫菜碎，之前好似无？唔知有冇记错呢。中下价拉面黎讲，呢间都算唔错啦，重点系位置系巷仔，通常都唔使点等位。
继续阅读
是日稍凉又可以食返 d 热野😆 系宝屋企附近见到呢间拉面店就去试下~宝要左辣拉面，以我地算食得辣既标准佢系三哥五小辣程度😂 叉烧佢系烧过既，肥瘦比例唔错~ 猪骨汤底佢有盐/面豉同酱油拣，我要左盐同多菜，个汤好醇厚沉实，唔知点解有种家的感觉🏠 我饮哂成碗🙈 不过宝就觉得淡左 d。蛋系一只好出色既有味🥚🤤 要左煎饺子🥟，偏薄，似蒸多过煎，同麻油味比较重左 d，但都ok 既~大阪烧串好好食❤️ 就系将大阪烧缩细左，我平时会觉得食哂成个好漏，呢个串烧 size 岩岩好👍🏻
继续阅读
山下面家认识呢间拉面店系因为几年前系facebook，睇到条片介绍呢间店既老板点样系日本留学定做野，点样聚左个日本人老婆，又点样开始左做拉面。由于我自己十分喜欢有梦想既创业人，亦十分喜欢呢间拉面店背后既故事，所以『山下面家』呢四个字，一直系我脑海中挥之不去。近几个月，新搬左入泥元朗，知道佢有间分店系凤琴街体育馆附近，所以就去试下啦。今次我系叫佢既外卖。佢铺头位唔多，目测应该坐到10至12人左右。我叫左一份盐味汤底叉烧拉面加鸡蛋，盛惠$87蚊。坐低等左5分钟左右就搞掂。佢将汤同面分开装，都几细心。我大概10分钟后翻到屋企，啲汤都仲热。我率先试一啖汤，味道好唔错，加埋蒽花饮仲正。跟住啲叉烧肉都好味，有啲肥肉但食落又唔觉好油，面既质感都不俗。最后，我系食到汤都饮晒！下次要试下酱油味先！
继续阅读